ಸಾಲ ಕೊಡದ ಬ್ಯಾಂಕ್ ಮ್ಯಾನೇಜರ್ – ರೈತನಿಂದ ಹಲ್ಲೆ

Team Udayavani, Aug 25, 2019, 11:47 AM IST

ವಿಜಯಪುರ :ತನಗೆ ಸಾಲ ನೀಡದ ಬ್ಯಾಂಕ್ ಮ್ಯಾನೇಜರ್ ಗೆ ರೈತನೊಬ್ಬ ಹತಾಶನಾಗಿ ಕಪಾಳಮೋಕ್ಷ ಮಾಡಿದ ಘಟನೆ ಇಂಡಿ ತಾಲೂಕಿನ ಭತಗುಣಕಿ ಗ್ರಾಮದಲ್ಲಿ ಜರುಗಿದೆ.

ಎರಡು ದಿನದ ಹಿಂದೆ ನಡೆದ ಘಟನೆ ಈಗ ಬೆಳಕಿಗೆ ಬಂದಿದೆ.

ಭತಗುಣಕಿ ಗ್ರಾಮದ ರೈತ ಶರಣು ಮಾಮನೆ ಎಂಬ ರೈತ ಸಾಲಕ್ಕಾಗಿ ಬ್ಯಾಂಕ್ ಗೆ ಹೋಗಿದ್ದ. ಭತಗುಣಕಿ ಶಾಖೆಯ ಬ್ಯಾಂಕ್ ಮ್ಯಾನೇಜರ್ ಬಿ.ವಿ. ಕುಲಕರ್ಣಿ ಸಾಲ ನೀಡುವ ವಿಷಯದಲ್ಲಿ ಹಲವು ದಿನಗಳಿಂದ ಅಲೆಸುತ್ತಿದ್ದರು ಎನ್ನಲಾಗಿದೆ.

ಸಾಲಕ್ಕಾಗಿ ಬ್ಯಾಂಕ್ ಗೆ ಅಲೆದಾಡಿ ರೋಸಿಹೋಗಿದ್ದ ಶರಣು ಶುಕ್ರವಾರ ಬ್ಯಾಂಕ್ ಗೆ ಆಗಮಿಸಿ‌ ಮತ್ತೆ ಸಾಲ‌ ಕೇಳಿದ್ದು, ಸಾಲ ನೀಡಿಕೆ ಕುರಿತು ಅಧಿಕಾರಿ ಸ್ಪಷ್ಟವಾಗಿ ಹೇಳದೆ ಮತ್ತೆ ಸಾಗಹಾಕಲು ಮುಂದಾಗಿದ್ದಾರೆ. ಇದರಿಂದ ಕೆರಳಿದ ಶರಣು ಮಾಮನೆ ಬ್ಯಾಂಕ್ ಕೌಂಟರ್ ಮೇಲೆ ಬಾಗಿ ಮ್ಯಾನೇಜರ್ ಕುಲಕರ್ಣಿ ಅವರ ಕೆನ್ನೆಗೆ ಬಾರಿಸಿದ್ದಾನೆ. ಸದರಿ ಹಲ್ಲೆಯ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ. ಘಟನೆಯ ಕುರಿತು ಮ್ಯಾನೇಜರ್ ಕುಲಕರ್ಣಿ ಇಂಡಿ ಗ್ರಾಮೀಣ ಪೊಲೀಸರಿಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ಶರಣು ಬಂಧನಕ್ಕೆ ಮುಂದಾಗಿದ್ದಾರೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ