ವಿಜಯಪುರ: ಮತ್ತೆ ಐವರು ಸೋಂಕಿತರು ಗುಣಮುಖರಾಗಿ ಮನೆಗೆ

Team Udayavani, Apr 27, 2020, 3:38 PM IST

ವಿಜಯಪುರ: ವಿಜಯಪುರ ನಗರದಲ್ಲಿ ಕೊವಿಡ್-19 ಸೋಂಕಿನಿಂದ ಮುಕ್ತರಾದ ಮತ್ತೆ ಐವರು ಕೋವಿಡ್ ಆಸ್ಪತ್ರೆಯಿಂದ ಸೋಮವಾರ ಬಿಡುಗಡೆಯಾಗಿದ್ದಾರೆ. ಇದರೊಂದಿಗೆ ಜಿಲ್ಲಾಡಳಿತದ ಸೋಂಕು ಮುಕ್ತರಾಗಿ ಮನೆಗೆ ತೆರಳಿದವರ ಸಂಖ್ಯೆ 6 ಕ್ಕೆ ಏರಿದೆ.

ಏ12 ರಂದು ಸೋಂಕಿತ ಸಂಖ್ಯೆ 221 ಸೋಂಕಿತೆ ಪತ್ತೆಯಾದ ಬೆನ್ನಲ್ಲೇ 14 ರಂದು 13 ವರ್ಷದ ಪಿ-228 ಬಾಲಕ ಸೇರಿ 6 ಜನರಲ್ಲಿ ಸೋಂಕು ದೃಢಪಟ್ಟಿತ್ತು.

ಏ.26 ರಂದು ಸೋಂಕಿತೆ ಪಿ-221 ಕೋವಿಡ್ ಆಸ್ಪತ್ರೆಯಿಂದ ಬಿಡುಗಡೆ ಆಗಿದ್ದು, ಏ.27 ರಂದು ಸೋಂಕುಮುಕ್ತರಾಗಿ ಪಿ-228, ಪಿ-229, ಪಿ-230, ಪಿ-231 ಹಾಗೂ ಪಿ-232 ಸೋಂಕಿತರು ಸಂಪೂರ್ಣ ಸೋಂಕು ಮುಕ್ತರಾಗಿದ್ದರಿಂದ ಸೋಮವಾರ ಮಧ್ಯಾಹ್ನ ಆಸ್ಪತ್ರೆಯಿಂದ ಮನೆಗೆ ಬೀಳ್ಕೊಡಲಾಯಿತು.

ಸರ್ಕಾರಿ ಜಿಲ್ಲಾ ಆಸ್ಪತ್ರೆಯ ಸರ್ಜನ್ ಡಾ.ಶರಣಪ್ಪ ಕಟ್ಟಿ, ಡಾ.ಮಲ್ಲನಗೌಡ ಬಿರಾದಾರ ಇತರರು ಉಪಸ್ಥಿತರಿದ್ದರು