Udayavni Special

ಸಾವಯವ ಕೃಷಿಕರಿಂದ ಕೊಬ್ಬರಿ ಎಣ್ಣೆ- ಸೋಪು ತಯಾರಿಕೆ


Team Udayavani, Dec 14, 2019, 3:00 AM IST

savayava

ಚಾಮರಾಜನಗರ: ರೈತರು ಸಾಂಪ್ರದಾಯಿಕ ವಿಧಾನದ ಕೃಷಿಗೇ ಅವಲಂಬಿತರಾಗದೇ, ಆಧುನಿಕ ಅನ್ವೇಷಣೆಗೆ, ಕೃಷಿ ಆಧಾರಿತ ಉಪ ಕಸುಬಿಗೆ ತೆರೆದುಕೊಂಡರೆ ಕೃಷಿಯನ್ನು ಲಾಭದಾಯಕವನ್ನಾಗಿಸಬಹುದು ಎಂಬುದಕ್ಕೆ ಇದೊಂದು ಉತ್ತಮ ನಿದರ್ಶನ. ಜಿಲ್ಲೆಯ ಹೊನ್ನೂರು ಗ್ರಾಮದ ಸಾವಯವ ಕೃಷಿಕರು ಕೊಬ್ಬರಿ ಎಣ್ಣೆ ಹಾಗೂ ನಾಡ ಹಸುವಿನ ಹಾಲು ಬಳಸಿ ಸಾಬೂನು ತಯಾರಿಸಿ ಯಶಸ್ಸು ಕಂಡಿದ್ದಾರೆ.

ಸಾವಯವ ಕೃಷಿಕರ ಸಂಘ ಸ್ಥಾಪನೆ: ಜಿಲ್ಲೆಯ ಯಳಂದೂರು ತಾಲೂಕಿನ ಹೊನ್ನೂರು ಗ್ರಾಮದಲ್ಲಿ ಮೈಸೂರಿನ ನಿಸರ್ಗ ಟ್ರಸ್ಟ್‌ ಸಹಯೋಗದೊಂದಿಗೆ ನೈಸರ್ಗಿಕ ಸಾವಯವ ಕೃಷಿಕರ ಸಂಘವನ್ನು ಸ್ಥಾಪಿಸಲಾಗಿದೆ. ಈ ಸಂಘದಡಿಯಲ್ಲಿ ಹಲವು ರೈತ ಕುಟುಂಬಗಳು ಒಡಗೂಡಿ ಸಾಮೂಹಿಕ ಬೇಸಾಯ ಪದ್ಧತಿ ಅಳವಡಿಸಿಕೊಂಡಿವೆ. ಇದರಲ್ಲಿ ಈಗಾಗಲೇ ಅನೇಕ ಬೆಳೆಗಳನ್ನು ಸಾವಯವ ಪದ್ಧತಿಯ ಮೂಲಕ ಸಾಮೂಹಿಕವಾಗಿ ಬೇಸಾಯ ಮಾಡಲಾಗಿದೆ. ಈ ಪದ್ಧತಿಯಲ್ಲಿ ಸಿರಿಧಾನ್ಯಗಳನ್ನು ಬೆಳೆದು, ಗ್ರಾಹಕರಿಗೆ ನೇರ ಮಾರುಕಟ್ಟೆಯಲ್ಲಿ ಮಾರಾಟವನ್ನೂ ಮಾಡಲಾಗುತ್ತಿದೆ. ಅಲ್ಲದೇ ಸಾಮೂಹಿಕ ಹೈನುಗಾರಿಕೆಯನ್ನೂ ನಡೆಸುತ್ತಿದೆ.

ಶೀಘ್ರದಲ್ಲೇ ಮೈಸೂರಿನ ನಿಸರ್ಗ ಟ್ರಸ್ಟ್‌ನಲ್ಲಿ ಮಾರಾಟ: ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ನೈಸರ್ಗಿಕ ಸಾವಯವ ಕೃಷಿಕರ ಸಂಘ, ಇದೀಗ ಕೊಬ್ಬರಿ ಎಣ್ಣೆ ಹಾಗೂ ನಾಡಹಸುವಿನ ಹಾಲು ಬಳಸಿ ಸ್ನಾನದ ಸಾಬೂನು ತಯಾರಿಕೆ ಆರಂಭಿಸಿದೆ. ಅಲ್ಲದೇ ಅಲೊವೆರಾ, ಅರಿಶಿನ, ಕ್ಯಾರೆಟ್‌, ಬೀಟ್‌ರೂಟ್‌, ಬೇವು, ಗೋ ಮೂತ್ರವನ್ನು ಇದಕ್ಕೆ ಬೆರೆಸಿ ಸೋಪುಗಳನ್ನು ತಯಾರಿಸಲಾಗುತ್ತಿದೆ. ಈ ಸ್ನಾನದ ಸೋಪುಗಳನ್ನು ಮೈಸೂರಿನ ನಿಸರ್ಗ ಟ್ರಸ್ಟ್‌ನಲ್ಲಿ ಸದ್ಯವೇ ಮಾರಾಟ ಮಾಡಲಾಗುತ್ತದೆ.

ಸೋಪಿನ ತಯಾರಿಕೆ ಹೇಗೆ: ಸ್ವಲ್ಪ ಪ್ರಮಾಣದ ಕಾಸ್ಟಿಕ್‌ ಸೋಡಾ, ಶೇ.75ರಷ್ಟು ಕೊಬ್ಬರಿ ಎಣ್ಣೆ, ಶೇ.25 ರಷ್ಟು ಹಸುವಿನ ಹಾಲು ಬಳಸಿ ಸೋಪನ್ನು ತಯಾರಿಸಲಾಗುತ್ತದೆ. ಕಾಸ್ಟಿಕ್‌ ಸೋಡಾ ಬಿಟ್ಟರೆ ಇನ್ನಾವುದೇ ರಾಸಾಯನಿಕ ವಸ್ತು ಬಳಸುವುದಿಲ್ಲ. ಹೀಗೆ ತಯಾರಿಸಿದ ಸೋಪನ್ನು 30 ದಿನಗಳ ಕಾಲ ಒಣಗಿಸಬೇಕು. ಯಾವುದೇ ಯಂತ್ರ ಬಳಕೆ ಇಲ್ಲದೇ ಕೈನಿಂದ ತಯಾರಿಸಿದ ಸೋಪುಗಳಿವು. ಮಾರುಕಟೆಯಲ್ಲಿ ದೊರಕುವ ಕೈನಿಂದ ತಯಾರಿಸಿದ (ಹ್ಯಾಂಡ್‌ಮೇಡ್‌) ಬ್ಯಾಂಡೆಡ್‌ ಸೋಪುಗಳಿಗೆ ಬಹಳ ಬೇಡಿಕೆಯಿದೆ. ಇಷ್ಟೇ ಅಲ್ಲ, ಫೇಸ್‌ ವಾಶ್‌ ಅನ್ನೂ ತಯಾರಿಸಲು ಉದ್ದೇಶಿಸಲಾಗಿದೆ. ಹಾಲು , ಜೇನುತುಪ್ಪ, ಅರಿಶಿನಪುಡಿ ಹಾಗೂ ಹುಣಸೆಹಣ್ಣು ಬಳಸಿ ಫೇಸ್‌ ವಾಶ್‌ ಅನ್ನು ತಯಾರಿಸಲು ಉದ್ದೇಶಿಸಲಾಗಿದೆ.

ನಾವೇ ದರ ನಿಗದಿ ಮಾಡ್ತೇವೆ: ಈ ನೈಸರ್ಗಿಕ ಸಾವಯವ ಕೃಷಿಕರ ಸಂಘವು ತನ್ನದೇ ಉತ್ಪನ್ನಗಳನ್ನು ತಯಾರಿಸುವ ಸಾಹಸಕ್ಕೆ ಕೈ ಹಾಕಿದೆ. ತಾವು ಬೆಳೆದ ಪದಾರ್ಥಗಳನ್ನು ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿದರೆ ಖರೀದಿ ಮಾಡುವವ ಕೊಡುವ ದರವನ್ನೇ ಪಡೆಯಬೇಕು. ಆದರೆ, ನಾವು ಬೆಳೆದ ಉತ್ಪನ್ನಗಳನ್ನು ಮೌಲ್ಯವರ್ಧಿತಗೊಳಿಸಿ, ಪ್ಯಾಕ್‌ ಮಾಡಿ ಮಾರಾಟ ಮಾಡಿದರೆ ನಾವೇ ದರ ನಿಗದಿ ಮಾಡಬಹುದು. ಆ ಕೆಲಸಕ್ಕೆ ನಮ್ಮ ಬಳಗ ಇದೀಗ ಮುಂದಾಗಿದೆ ಎಂದು ನೈಸರ್ಗಿಕ ಸಾವಯವ ಕೃಷಿಕರ ಸಂಘದ ಸ್ಥಾಪಕ ಹಾಗೂ ಜಿಲ್ಲಾ ರೈತ ಸಂಘದ ಅಧ್ಯಕ್ಷರೂ ಆಗಿರುವ ಹೊನ್ನೂರು ಪ್ರಕಾಶ್‌ ತಿಳಿಸಿದರು.

ನಮ್ಮ ಸಂಘ ಇದೀಗ ತಾನೇ ಅಸ್ತಿತ್ವಕ್ಕೆ ಬಂದಿದ್ದು ಒಂದೇ ಕಡೆ ನಾನಾ ಉತ್ಪನ್ನಗಳನ್ನು ಸಾವಯವ ಪದ್ಧತಿಯಲ್ಲಿ ಬೆಳೆದು, ಆ ಉತ್ಪನ್ನಗಳನ್ನು ಮೌಲ್ಯವರ್ಧಿತಗೊಳಿಸಿ ನಾವೇ ದರ ನಿಗದಿ ಮಾಡಿ ಮಾರಾಟ ಮಾಡುವುದು ನಮ್ಮ ಉದ್ದೇಶ. ಆ ನಿಟ್ಟಿನಲ್ಲಿ ಇದೀಗ ನಾವು ದಾಪುಗಾಲು ಹಾಕಿದ್ದೇವೆ. ಇದಕ್ಕೆ ಮೈಸೂರಿನ ನಿಸರ್ಗ ಟ್ರಸ್ಟ್‌ ಬೆನ್ನೆಲುಬಾಗಿ ನಿಂತಿದೆ ಎಂದು ಮಾಹಿತಿ ನೀಡಿದರು.

ಸಾಮೂಹಿಕ ಬೇಸಾಯ ಪದ್ಧತಿಯ ವಿಶೇಷ: ಹೊನ್ನೂರು ಗ್ರಾಮದಲ್ಲಿ ರಚಿಸಿಕೊಂಡಿರುವ ಸಾಮೂಹಿಕ ಬೇಸಾಯ ಬಳಗದ ಪರಿಕಲ್ಪನೆ ವಿಶಿಷ್ಟವಾದದು. ಈ ಹಿಂದಿನ ಅವಿಭಕ್ತ ಕುಟುಂಬಗಳು ಸೇರಿ ಮಾಡುತ್ತಿದ್ದ ಸಾಮೂಹಿಕ ಪದ್ಧತಿಯ ಪ್ರತಿರೂಪ ಇದು. ಹೊನ್ನೂರಿನಲ್ಲಿ ಸದ್ಯ 15 ಕುಟುಂಬಗಳು ಸೇರಿ ಸಾಮೂಹಿಕ ಪದ್ಧತಿಯಡಿ ಸಾವಯವ ಕೃಷಿಯನ್ನು ಶುರು ಮಾಡಿವೆ. 5 ಎಕರೆ ಭೂಮಿಯಲ್ಲಿ ಎಲ್ಲರೂ ಸೇರಿ ಕೃಷಿ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿದ್ದಾರೆ.

ಇಲ್ಲಿ ಸಿರಿಧಾನ್ಯ ಸೇರಿದಂತೆ ನಾನಾ ಬೆಳೆಗಳನ್ನು ಸಾವಯವ ಪದ್ಧತಿಯಲ್ಲಿ ಬೆಳೆಯಲಾಗುತ್ತಿದೆ. ಈ ಉತ್ಪನ್ನಗಳನ್ನು ಶುದ್ಧೀಕರಿಸಿ, ಪ್ಯಾಕಿಂಗ್‌ ಮಾಡಿ, ಮಾರಾಟ ಮಾಡಲಾಗುತ್ತದೆ. ಈ ಪ್ರಯತ್ನ ಇದೀಗ ಸಣ್ಣದಾಗಿ ಶುರುವಾಗಿದೆ. ಈ ಸಾವಯವ ಕೃಷಿಕರ ಸಂಘವು ಇದೀಗ ಬ್ಯಾಂಕ್‌ ಮೂಲಕ 5 ಲಕ್ಷ ರೂ . ಸಾಲ ಪಡೆದು ತನ್ನ ಸಾಹಸಕ್ಕೆ ಕೈ ಹಾಕಿದೆ. ಮುಂದೆ ಇನ್ನು ಐದು ಲಕ್ಷ ರೂ. ಸಾಲ ಬರಲಿದ್ದು ಸೋಪು, ಫೇಸ್‌ವಾಶ್‌ ಅಲ್ಲದೇ ಎಣ್ಣೆ ತಯಾರಿ, ಅರಿಶಿನ ಪುಡಿ ಸೇರಿದಂತೆ ನಾನಾ ತಯಾರಿಕಾ ಘಟಕಗಳನ್ನು ಸ್ಥಾಪನೆ ಮಾಡುವ ಉದ್ದೇಶವನ್ನು ಹೊಂದಿದೆ.

* ಕೆ.ಎಸ್‌. ಬನಶಂಕರ ಆರಾಧ್ಯ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಪೆರೋಲ್ ಮೇಲೆ‌ ತೆರಳಿದ್ದ 10 ಕೈದಿಗಳಿಗೆ ಕೋವಿಡ್ ಸೋಂಕು ಪತ್ತೆ!

ಪೆರೋಲ್ ಮೇಲೆ‌ ತೆರಳಿದ್ದ 10 ಕೈದಿಗಳಿಗೆ ಕೋವಿಡ್ ಸೋಂಕು ಪತ್ತೆ!

ಕಾರವಾರದಲ್ಲಿ ಕೋವಿಡ್ ಗೆ ಮತ್ತೊಂದು ಬಲಿ

ಕಾರವಾರದಲ್ಲಿ ಕೋವಿಡ್ ಗೆ ಮತ್ತೊಂದು ಬಲಿ

ಮೈಸೂರು : ಆತ್ಮಹತ್ಯೆಗೆ ಯತ್ನಿಸಿದ ಪ್ರೇಮಿಗಳನ್ನು ರಕ್ಷಿಸಿದ ಪೊಲೀಸರು!

ಮೈಸೂರು : ಆತ್ಮಹತ್ಯೆಗೆ ಯತ್ನಿಸಿದ ಪ್ರೇಮಿಗಳನ್ನು ರಕ್ಷಿಸಿದ ಪೊಲೀಸರು!

ಹೆಚ್ಚುತ್ತಿರುವ ಕೋವಿಡ್ ಸೋಂಕು ಪ್ರಕರಣ : ನಾಗರಹೊಳೆ ರಾಷ್ಟ್ರಿಯ ಉದ್ಯಾನವನ ಬಂದ್

ಹೆಚ್ಚುತ್ತಿರುವ ಕೋವಿಡ್ ಸೋಂಕು ಪ್ರಕರಣ : ನಾಗರಹೊಳೆ ರಾಷ್ಟ್ರಿಯ ಉದ್ಯಾನವನ ಬಂದ್

ಹೃದಯಾಘಾತದಿಂದ ಬಿಳಿಕೆರೆ ಠಾಣೆಯ ಎಎಸ್ಐ ಕೃಷ್ಣೇಗೌಡ ಸಾವು!

ಹೃದಯಾಘಾತದಿಂದ ಬಿಳಿಕೆರೆ ಠಾಣೆಯ ಎಎಸ್ಐ ಕೃಷ್ಣೇಗೌಡ ಸಾವು!

ನನಗೆ ಅಮೆರಿಕಕ್ಕೆ ವಾಪಸ್ಸಾಗಲು ಇಷ್ಟವಿಲ್ಲ; ಅಮೆರಿಕ ಪ್ರಜೆ

ನನಗೆ ಅಮೆರಿಕಕ್ಕೆ ವಾಪಸ್ಸಾಗಲು ಇಷ್ಟವಿಲ್ಲ; ಅಮೆರಿಕ ಪ್ರಜೆ

SSLC ಉತ್ತರ ಪತ್ರಿಕೆ ಮೌಲ್ಯಮಾಪನ ಮಾಡುತ್ತಿದ್ದ ಶಿಕ್ಷಕ ಹೃದಯಾಘತದಿಂದ ಸಾವು

SSLC ಉತ್ತರ ಪತ್ರಿಕೆ ಮೌಲ್ಯಮಾಪನ ಮಾಡುತ್ತಿದ್ದ ಶಿಕ್ಷಕ ಹೃದಯಾಘಾತದಿಂದ ಸಾವು





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಚಾ.ನಗರ ಜಿಲ್ಲೆಯಲ್ಲಿ ಮತ್ತೊಬ್ಬ ಲ್ಯಾಬ್ ಟೆಕ್ನಿಷಿಯನ್ ಸೇರಿ 12 ಮಂದಿಗೆ ಸೋಂಕು

ಚಾ.ನಗರ ಜಿಲ್ಲೆಯಲ್ಲಿ ಮತ್ತೊಬ್ಬ ಲ್ಯಾಬ್ ಟೆಕ್ನಿಷಿಯನ್ ಸೇರಿ 12 ಮಂದಿಗೆ ಸೋಂಕು

sonku-anukula

ಸೋಂಕು ಬೇಗ ಪತ್ತೆ ಹಚ್ಚಿದರೆ ತಡೆಗೆ ಅನುಕೂಲ

elasuru

ಕೆಲಸೂರು ಸೀಲ್‌ಡೌನ್‌: ಶಾಸಕರ ಭೇಟಿ

kai-badavane

ಕೈತೊಳೆದರೇನೆ ಬಡಾವಣೆಗೆ ಪ್ರವೇಶ

ಹೈಟೆನ್ಷನ್ ವಿದ್ಯುತ್‌ ತಂತಿ ತುಂಡಾಗಿ ಬಿದ್ದು ಬಾಲಕ ಸಾವು

ಹೈಟೆನ್ಷನ್ ವಿದ್ಯುತ್‌ ತಂತಿ ತುಂಡಾಗಿ ಬಿದ್ದು ಬಾಲಕ ಸಾವು

MUST WATCH

udayavani youtube

ಗಾಲ್ವಾನ್ ಕಣಿವೆ: ಚೀನಾದ ಉದ್ಧಟತನಕ್ಕೆ ಏನು ಕಾರಣ? | Udayavani Straight Talk

udayavani youtube

ಮಡಹಾಗಲ ಕಾಯಿ – Spiny gourd ಬೆಳೆದು ಯಶಸ್ವಿಯಾದ ರೈತ | Successful Farmer Vegetable

udayavani youtube

ಮಧ್ಯಕರ್ನಾಟಕದ ಆಶಾಕಿರಣ | SS Hospital Davangere

udayavani youtube

ಮಡಹಾಗಲ ಕಾಯಿ ಬೆಳೆಯುವ ಸೂಕ್ತ ವಿಧಾನ | How to grow Spiny gourd in your Home

udayavani youtube

Uday Innaje : Success story of Sugarcane Farmer | Udayavani



ಹೊಸ ಸೇರ್ಪಡೆ

ಪೆರೋಲ್ ಮೇಲೆ‌ ತೆರಳಿದ್ದ 10 ಕೈದಿಗಳಿಗೆ ಕೋವಿಡ್ ಸೋಂಕು ಪತ್ತೆ!

ಪೆರೋಲ್ ಮೇಲೆ‌ ತೆರಳಿದ್ದ 10 ಕೈದಿಗಳಿಗೆ ಕೋವಿಡ್ ಸೋಂಕು ಪತ್ತೆ!

ಕಾರವಾರದಲ್ಲಿ ಕೋವಿಡ್ ಗೆ ಮತ್ತೊಂದು ಬಲಿ

ಕಾರವಾರದಲ್ಲಿ ಕೋವಿಡ್ ಗೆ ಮತ್ತೊಂದು ಬಲಿ

ಮೈಸೂರು : ಆತ್ಮಹತ್ಯೆಗೆ ಯತ್ನಿಸಿದ ಪ್ರೇಮಿಗಳನ್ನು ರಕ್ಷಿಸಿದ ಪೊಲೀಸರು!

ಮೈಸೂರು : ಆತ್ಮಹತ್ಯೆಗೆ ಯತ್ನಿಸಿದ ಪ್ರೇಮಿಗಳನ್ನು ರಕ್ಷಿಸಿದ ಪೊಲೀಸರು!

ಹೆಚ್ಚುತ್ತಿರುವ ಕೋವಿಡ್ ಸೋಂಕು ಪ್ರಕರಣ : ನಾಗರಹೊಳೆ ರಾಷ್ಟ್ರಿಯ ಉದ್ಯಾನವನ ಬಂದ್

ಹೆಚ್ಚುತ್ತಿರುವ ಕೋವಿಡ್ ಸೋಂಕು ಪ್ರಕರಣ : ನಾಗರಹೊಳೆ ರಾಷ್ಟ್ರಿಯ ಉದ್ಯಾನವನ ಬಂದ್

ಹೃದಯಾಘಾತದಿಂದ ಬಿಳಿಕೆರೆ ಠಾಣೆಯ ಎಎಸ್ಐ ಕೃಷ್ಣೇಗೌಡ ಸಾವು!

ಹೃದಯಾಘಾತದಿಂದ ಬಿಳಿಕೆರೆ ಠಾಣೆಯ ಎಎಸ್ಐ ಕೃಷ್ಣೇಗೌಡ ಸಾವು!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.