ಪಿಯು ಪರೀಕ್ಷೆ: ಔಷಧ ಸಿಂಪಡಣೆ

Team Udayavani, Jun 16, 2020, 5:23 AM IST

ಯಳಂದೂರು: ಪಟ್ಟಣದಲ್ಲಿ ದ್ವಿತೀಯ ಪಿಯುಸಿ ಪರೀಕ್ಷೆ ನಡೆಯುವ 2 ಕೇಂದ್ರಗಳ ಕೊಠಡಿಗಳಿಗೆ ಸಿಂಪಡಿಸಲಾಯಿತು. ಜೂ.18ಕ್ಕೆ ನಡೆಯಲಿರುವ ಇಂಗ್ಲಿಷ್‌ ಪರೀಕ್ಷೆ ನಡೆಯಲಿರುವ ಸರ್ಕಾರಿ ಪಿಯು ಕಾಲೇಜು ಹಾಗೂ ಜೆಎಸ್‌ಎಸ್‌ ಮಹಿಳಾ ಪಿಯು ಕಾಲೇಜುಗಳಲ್ಲಿ ತಲಾ 13ರಂತೆ 26 ಕೊಠಡಿಗಳಲ್ಲಿ ಪರೀಕ್ಷೆ ನಡೆಯಲಿದೆ.

ಇದರಲ್ಲಿ ಪ್ರತಿ ಕಟ್ಟಡದಲ್ಲೂ 2 ಕೊಠಡಿಗಳನ್ನು ಜ್ವರ, ಕೆಮ್ಮು, ನೆಗಡಿ ಸೇರಿದಂತೆ ಇತರೆ ಸೋಂಕು ಕಾಣಿಸಿಕೊಳ್ಳುವ ವಿದ್ಯಾರ್ಥಿಗಳಿಗೆ  ಮೀಸಲಿಟ್ಟಿದೆ. ಒಟ್ಟು 538 ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಪರೀಕ್ಷಾ ಸಮಯದ ಅವಧಿಗಿಂತ ಒಂದು ಗಂಟೆ ಮುಂಚಿತವಾಗಿ ವಿದ್ಯಾರ್ಥಿಗಳು ಕೇಂದ್ರಕ್ಕೆ ಹಾಜರಾಗುವಂತೆ ಸೂಚಿಸಲಾಗಿದೆ ಎಂದು ಕ್ಷೇತ್ರ ಶಿಕ್ಷಣಾಧಿಕಾರಿ  ತಿರುಮಲಾಚಾರಿ ಮಾಹಿತಿ ನೀಡಿದರು.

ಆರೋಗ್ಯಾಧಿಕಾರಿ ಮಹೇಶ್‌ಕುಮಾರ್‌, ಉಪನ್ಯಾಸಕಿ ಬಿಂದು, ಅಕ್ಷರ ದಾಸೋಹದ ಚಂದ್ರಶೇಖರ್‌, ಪಪಂನ ಮಲ್ಲಿಕಾರ್ಜುನ, ರಘು, ರಾಜು, ಬಿಳಿಗಿರಿ ಇತರರಿದ್ದರು.