ಪರಿಸರ ಪ್ರೇಮಿಗಳನ್ನು ಆಕರ್ಷಿಸುತ್ತಿದೆ ವನ್ಯಧಾಮ


Team Udayavani, Jun 5, 2019, 3:00 AM IST

parisara

ಸಂತೆಮರಹಳ್ಳಿ: ಹಸಿರು ಹೊದ್ದು ಮಲಗಿರುವ ಗಿರಿಸಾಲುಗಳು, ಮೈಚಳಿಯನ್ನು ಬಿಟ್ಟು ನೀರಿನಲ್ಲಿ ಆಟವಾಡುವ ಆನೆಗಳ ಹಿಂಡು, ಭೂ ಮೇಲೆ ಹಾಸಿರುವ ಹಸಿರಿನ ಭೋಜನವನ್ನು ಮೆಲ್ಲುತ್ತಿರುವ ಕಾಡೆಮ್ಮೆಗಳ ಹಿಂಡು, ಎಲ್ಲಕ್ಕಿಂತ ಮಿಗಿಲಾಗಿ ತೊರೆ, ಕೆರೆಗಳ ಅಕ್ಕಪಕ್ಕ ಪಟಪಟ ರೆಕ್ಕೆ ಬಡಿಯುತ ಹಾರುವ ಬಣ್ಣಬಣ್ಣದ ಪಾತರಗಿತ್ತಿಗಳ ಗುಂಪು..

ಇವು ಎಲ್ಲೋ ಸಿನಿಮಾದಲ್ಲಿ ತೋರುವ ಗ್ರಾಫಿಕ್‌ ಅಥವಾ ಪುಸಕ್ತದಲ್ಲಿ ವರ್ಣನೆಯಾಗುವ ಚಿತ್ರಣವಲ್ಲ. ಬದಲಿಗಿ ಚಾಮರಾಜನಗರ ಜಿಲ್ಲೆಯ ಪ್ರಸಿದ್ಧ ವನ್ಯಧಾಮವಾಗಿರುವ ಬಿಳಿಗಿರಿರಂಗನಾಥಸ್ವಾಮಿ ವನ್ಯಧಾಮ (ಬಿಆರ್‌ಟಿ) ಮಳೆ ಬಂದ ಮೇಲೆ ವನಸಿರಿ ಪರಿಸರ ಪ್ರಿಯರಿಗೆ ಉಣಬಡಿಸುತ್ತಿರುವ ಪ್ರಾಕೃತಿಕ ಸೊಬಗು. ಜೂನ್‌ 5 ವಿಶ್ವ ಪರಿಸರ ದಿನ ನಮ್ಮ ಪರಿಸರ ಹೇಗಿದೆ ಎಂಬ ಸೊಬಗನ್ನು ನೋಡಬೇಕಾದರೆ ಬಿಆರ್‌ಟಿಗೆ ಬನ್ನಿ.

ಪ್ರಾಕೃತಿಕ ವೈಭವ: ಯಳಂದೂರು ತಾಲೂಕಿನ ಬಿಆರ್‌ಟಿ ಹುಲಿಧಾಮದ ಈಗ ಪ್ರಕೃತಿಗೆ ಸೀರೆ ಉಟ್ಟ ಸಂಭ್ರಮವನ್ನು ಅನುಭವಿಸುತ್ತಿದೆ. ಹಸಿರು ಹೊದ್ದ ಬೆಟ್ಟ ಸಾಲಿನಲ್ಲಿ ಸಾಗುವುದೇ ಒಂದು ಚೆಂದದ ಅನುಭವ. ಪೂರ್ವ, ಪಶ್ಚಿಮ ಘಟ್ಟಗಳನ್ನು ಸಂಧಿಸುವ ಬಿಳಿಗಿರಿ ವನ್ಯಧಾಮ ಅಪರೂಪದ ವೃಕ್ಷ ಹಾಗೂ ಪ್ರಾಣಿ ಸಂಪತ್ತನ್ನು ತನ್ನ ತೆಕ್ಕೆಯಲ್ಲಿಟ್ಟುಕೊಂಡಿದೆ. ನಿತ್ಯಹರಿದ್ವರ್ಣ, ಅರೆನಿತ್ಯ ಹರಿದ್ವರ್ಣ, ಶೋಲಾ, ಎಲೆಉದುರುವ, ಕುರುಚಲು ಕಾಡು ಹೀಗೆ ಹೆಜ್ಜೆ ಹೆಜ್ಜೆಗೂ ಇಲ್ಲಿನ ವಿಭಿನ್ನತೆ ಭಾಸವಾಗುತ್ತದೆ. ಪೂರ್ವ ಮುಂಗಾರು ಮಳೆಯಿಂದ ಕಾಡಿಗೆ ಜೀವಕಳೆ ಬಂದಿದೆ. ಕೆರೆ ಕಟ್ಟೆಗಳು, ತೊರೆಗಳು ತುಂಬಿವೆ.

ಚಿಟ್ಟೆಗಳ ಚೈತ್ರಯಾತ್ರೆ: ಜೂನ್‌ ತಿಂಗಳು ಚಿಟ್ಟೆಗಳಿಗೆ ಚೈತ್ರಕಾಲ. ಆದರೆ, ಬಿಳಿಗಿರಿ ಬನದಲ್ಲಿ ಹಿಂಡು ಹಿಂಡಾಗಿ ಕಾಣಿಸಿಕೊಳ್ಳುವ ಚಿಟ್ಟೆಗಳ ವರ್ಣನೆ ಅವಾರ್ಣಾತೀತ. ಗುಂಪು ಗುಂಪಾಗಿ ಕಾಣಿಸಿಕೊಳ್ಳುವ ಪಾತರಗಿತ್ತಿಗಳು ಹಸಿರೆಲೆಗಳಂತೆ ಗೋಚರಿಸಿ, ಕ್ಷಣಕಾಲ ಬೆರಗು ಮೂಡಿಸುತ್ತದೆ. ಇದರ ನಡುವೆ, ಕಡುನೀಲಿ, ತಿಳಿಬಿಳಿ ಬಣ್ಣದ ಚಿಟ್ಟೆಗಳು ಹಾರಾಡುವುದನ್ನು ಕಣ್ತುಂಬಿಕೊಳ್ಳುವ ಸೊಬಗೇ ಬೇರೆ.

ನೀರಾಟವಾಡುವ ಆನೆಗಳು: ಮಳೆಯಿಂದ ಬೆಟ್ಟದಲ್ಲಿನ ಬಹುತೇಕ ಕೆರೆಗಳಲ್ಲಿ ನೀರು ಸಮೃದ್ಧವಾಗಿದೆ. ನೀರಿನಲ್ಲಿ ಮಿಂದೇಳುವ ಆನೆಗಳು, ಇಲ್ಲೇ ಹಲವು ಗಂಟೆಗಳು ಬೀಡು ಬಿಟ್ಟು ತನ್ನ ಬಳಗದೊಡನೆ ಚಿಣ್ಣಾಟವಾಡುವ ದೃಶ್ಯ ಪ್ರಕೃತಿ ಪ್ರಿಯರನ್ನು ತುದಿಗಾಲಲ್ಲಿ ನಿಲ್ಲಿಸುತ್ತದೆ. ಆದರೆ, ಇಂತಹ ದೃಶ್ಯಗಳನ್ನು ರಸ್ತೆ ಬದಿಯಲ್ಲಿ ಕಂಡುಕೊಳ್ಳಲು ಅದೃಷ್ಟವೂ ಬೇಕು. ಇದರೊಂದಿಗೆ ಅರಣ್ಯ ಇಲಾಖೆಯ ನಿಯಮಗಳನ್ನು ಮೀರಬಾರದೆಂಬ ಷರತ್ತನ್ನು ಪ್ರವಾಸಿಗ ಹೊತ್ತಯ್ಯಯಬೇಕು.

ಹಸಿರು ಮೆಲ್ಲುವ ವನ್ಯ ಪರಿವಾರ: ಮಳೆಯಿಂದ ಕಾಡೆಲ್ಲಾ ಹಸಿರುಮಯವಾಗಿದೆ. ರಸ್ತೆ ಬದಿಯಲ್ಲೇ ಕಾಡುಕೋಣ, ಎಮ್ಮೆ, ಚಿಗರೆಗಳ ಹಿಂಡು, ಕಾಡುಕುರಿ, ಆನೆಗಳು ತಮಗೆ ಭೂರಮೆ ಬಡಿಸಿರುವ ಹಸಿರನ್ನು ಮೆಲ್ಲುವ ದೃಶ್ಯ. ಇದರ ನಡುವೆಯೇ, ಕೀಟ ಅರಸಿ ಬರುವ ನವಿಲುಗಳ ಹಿಂಡು, ಕಾಡು ಕೋಳಿಗಳು, ವಿವಿಧ ಜಾತಿಯ ಹಕ್ಕಿ ಪಕ್ಷಿಗಳು ಹೊರಡಿಸುವ ನಿನಾದ ಇಡೀ ಕಾಡನ್ನೇ ಆವರಿಸಿ ಸಂಗೀತದ ರಸದೌತಣ ಉಣಬಿಡುಸುತ್ತಿದೆ.

ಅಪಾಯವೂ ಇದೆ: ಬಿಆರ್‌ಟಿ ಹುಲಿಧಾಮವಾದ ಮೇಲೆ ಇಲ್ಲಿ ಅರಣ್ಯ ಇಲಾಖೆಯ ನಿಯಮಗಳು ಕಠಿಣವಾಗಿವೆ. ಇದನ್ನು ಪ್ಲಾಸ್ಟಿಕ್‌ ಮುಕ್ತ ಪ್ರದೇಶ ಎಂದು ಘೋಷಿಸಿದ ಮೇಲೂ ಸಂಪೂರ್ಣವಾಗಿ ನಿಷೇಧಿಸುವಲ್ಲಿ ಇಲಾಖೆ ವಿಫ‌ಲವಾಗಿದೆ. ಬೆಟ್ಟದಲ್ಲಿ ಅವ್ಯಾಹತವಾಗಿ ಪ್ಲಾಸ್ಟಿಕ್‌ ಮಾರಾಟ ನಡೆಯುತ್ತಿದೆ. ಬರುವ ಪ್ರವಾಸಿಗರು ನೀರಿನ ಬಾಟಲಿಗಳು, ಕವರ್‌ಗಳನ್ನು ಇಲ್ಲೇ ಬೀಸಾಡುವುದರಿಂದ ಮಳೆ ಬಂದರೆ ಇದು ಕಾಡು ಪ್ರಾಣಿಗಳ ಹೊಟ್ಟೆಯೊಳಗೆ ಹೊಕ್ಕುವ ಸಾಧ್ಯತೆಗಳೂ ಇವೆ. ಈ ಬಗ್ಗೆ ಇಲಾಖೆ ಹಾಗೂ ಸ್ಥಳೀಯ ಆಡಳಿತ ಕ್ರಮ ವಹಿಸಬೇಕಿದೆ ಎನ್ನುತ್ತಾರೆ ಪರಿಸರ ಪ್ರೇಮಿ ಮನು ಹಾಗೂ ಮಹೇಶ್‌.

* ಪೈರೋಜ್‌ ಖಾನ್‌

ಟಾಪ್ ನ್ಯೂಸ್

congress

ವೀಕೆಂಡ್ ಕರ್ಫ್ಯೂ ವಾಪಸ್ : ಟ್ವೀಟ್ ಮೂಲಕ ಕಾಂಗ್ರೆಸ್ ಆಕ್ರೋಶ

nirani

ಹೌದು,ನಾನು ಸೂಟ್ ಹೊಲಿಸಿಕೊಂಡಿದ್ದೇನೆ:ಯತ್ನಾಳ್ ಗೆ ನಿರಾಣಿ ತಿರುಗೇಟು

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 427 ಅಂಕ ಇಳಿಕೆ; ನಿಫ್ಟಿ 17,600 ಅಂಕಗಳ ಮಟ್ಟಕ್ಕೆ

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 427 ಅಂಕ ಇಳಿಕೆ; ನಿಫ್ಟಿ 17,600 ಅಂಕಗಳ ಮಟ್ಟಕ್ಕೆ

virat kohli

ಶೂನ್ಯಕ್ಕೆ ಔಟಾಗಿ ಮತ್ತೊಂದು ದಾಖಲೆ ಪಟ್ಟಿಗೆ ಸೇರಿದ ವಿರಾಟ್ ಕೊಹ್ಲಿ

yatnal

ನಮಗೆ ದಿಲ್ಲಿಗೆ ಹೋಗುವ ಚಟ ಇದೆ;ಯುಗಾದಿ ಹೊತ್ತಿಗೆ ಬದಲಾವಣೆ: ಯತ್ನಾಳ್

ಕೋವಿಡ್ 19: ಶಾಲೆಗಳಿಗೆ ನಿಯಮ ಪ್ರಕಟಿಸಿದ ರಾಜ್ಯ ಸರ್ಕಾರ

ಕೋವಿಡ್ 19: ಶಾಲೆಗಳಿಗೆ ನಿಯಮ ಪ್ರಕಟಿಸಿದ ರಾಜ್ಯ ಸರ್ಕಾರ

ನಿಮಗೆ ಬೇರೆ ಮುಖ ಕಾಣಿಸುತ್ತಿದೆಯೇ..ಉತ್ತರಪ್ರದೇಶದಲ್ಲಿ ನಾನೇ ಸಿಎಂ ಅಭ್ಯರ್ಥಿ: ಪ್ರಿಯಾಂಕಾ

ನಿಮಗೆ ಬೇರೆ ಮುಖ ಕಾಣಿಸುತ್ತಿದೆಯೇ..ಉತ್ತರಪ್ರದೇಶದಲ್ಲಿ ನಾನೇ ಸಿಎಂ ಅಭ್ಯರ್ಥಿ: ಪ್ರಿಯಾಂಕಾ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಹೊಲದಲ್ಲೇ ಬೆಲೆ ಸಿಗುವಾಗ, ಖರೀದಿ ಕೇಂದ್ರ ಏಕೆ ?

ಹೊಲದಲ್ಲೇ ಬೆಲೆ ಸಿಗುವಾಗ, ಖರೀದಿ ಕೇಂದ್ರ ಏಕೆ ?

ಜಿಲ್ಲೆಯಲ್ಲಿ ಹೆಚ್ಚುತ್ತಿರುವ ಕೋವಿಡ್‌ ಪ್ರಕರಣ :  ಶಾಲೆಗೆ ರಜೆ ಘೋಷಿಸಲು ಪೋಷಕರ ಒತ್ತಾಯ

ಜಿಲ್ಲೆಯಲ್ಲಿ ಹೆಚ್ಚುತ್ತಿರುವ ಕೋವಿಡ್‌ ಪ್ರಕರಣ :  ಶಾಲೆಗೆ ರಜೆ ಘೋಷಿಸಲು ಪೋಷಕರ ಒತ್ತಾಯ

drowned

ಚಾಮರಾಜನಗರ: ಜಲಾಶಯದಲ್ಲಿ ಮುಳುಗಿ ಎಸೆಸೆಲ್ಸಿ ವಿದ್ಯಾರ್ಥಿನಿ ಸಾವು

ಹಗಲು ವೇಳೆ ಸಮರ್ಪಕ ತ್ರಿಫೇಸ್‌ ವಿದ್ಯುತ್‌ ನೀಡಿ

ಹಗಲು ವೇಳೆ ಸಮರ್ಪಕ ತ್ರಿಫೇಸ್‌ ವಿದ್ಯುತ್‌ ನೀಡಿ

ಡೀಸಿ ಗೈರು, 2 ಗಂಟೆಗೆ ಸೀಮಿತ ಗ್ರಾಮ ವಾಸ್ತವ್ಯ

ಡೀಸಿ ಗೈರು, 2 ಗಂಟೆಗೆ ಸೀಮಿತ ಗ್ರಾಮ ವಾಸ್ತವ್ಯ

MUST WATCH

udayavani youtube

ತ್ಯಾಜ್ಯದಿಂದ ಗೊಬ್ಬರ ಹಲವು ಲಾಭ

udayavani youtube

ವಿದ್ಯುತ್ ದರ ಏರಿಕೆ ಅನಿವಾರ್ಯ: ಇಂಧನ ಸಚಿವ ಸುನಿಲ್ ಕುಮಾರ್

udayavani youtube

ಸಿಮೆಂಟ್ ರಿಂಗ್ ಬಳಸಿ ಯಶಸ್ವಿ ದಾಳಿಂಬೆ ಕೃಷಿ

udayavani youtube

‘ಅಮರ್ ಜವಾನ್ ಜ್ಯೋತಿ’ ರಾಷ್ಟ್ರೀಯ ಯುದ್ಧ ಸ್ಮಾರಕ ಜ್ವಾಲೆಯೊಂದಿಗೆ ವಿಲೀನಗೊಳ್ಳಲಿದೆ|

udayavani youtube

ನಿಯಮ ಉಲ್ಲಂಘಿಸಿದ ಬಿಜೆಪಿ ವಿರುದ್ಧವೂ ಪ್ರಕರಣ ದಾಖಲಾಗಬೇಕು: ಡಿಕೆಶಿ ಎಚ್ಚರಿಕೆ

ಹೊಸ ಸೇರ್ಪಡೆ

ದ್ವೇಷ-ಅಸೂಯೆಯಿಂದ ಸಾಧನೆ ಅಸಾಧ್ಯ

ದ್ವೇಷ-ಅಸೂಯೆಯಿಂದ ಸಾಧನೆ ಅಸಾಧ್ಯ

ಪಾಠ-ಪಠ್ಯಕ್ರಮದೊಂದಿಗೆ ಸಂಶೋಧನೆಗೂ ಮಹತ್ವ ನೀಡಿ

ಪಾಠ-ಪಠ್ಯಕ್ರಮದೊಂದಿಗೆ ಸಂಶೋಧನೆಗೂ ಮಹತ್ವ ನೀಡಿ

ವೈದ್ಯರು-ಶುಶ್ರೂಷಾ ಸಿಬ್ಬಂದಿಗೆ ಐಸಿಯು ತರಬೇತಿ

ವೈದ್ಯರು-ಶುಶ್ರೂಷಾ ಸಿಬ್ಬಂದಿಗೆ ಐಸಿಯು ತರಬೇತಿ

1-ddsad

ಉಡುಪಿ:ಹಿಜಾಬ್ ವಿವಾದ; ಪ್ರಾಂಶುಪಾಲರ ವಿರುದ್ದ ಕಾನೂನು ಹೋರಾಟದ ಎಚ್ಚರಿಕೆ

ಗುಳೇದಗುಡ್ಡ ಖಣಕ್ಕೆ ಬೇಕು ಮಾರುಕಟ್ಟೆ ಸೌಲಭ್ಯ

ಗುಳೇದಗುಡ್ಡ ಖಣಕ್ಕೆ ಬೇಕು ಮಾರುಕಟ್ಟೆ ಸೌಲಭ್ಯ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.