ಕುಡುಪು: ಮನೆಯಿಂದ ಹಾಡಹಗಲೇ ಕಳವು
Team Udayavani, Jun 16, 2018, 11:32 AM IST
ಮಂಗಳೂರು: ಕುಡುಪು ಸಮೀಪದ ಪಂಜಿರೇಲು ನಿವಾಸಿ ಮಹಿಳೆ ಮ್ಯಾಗ್ಲಿನ್ ಡಿ’ಸಿಲ್ವಾ (78) ಅವರ ಮನೆಯಿಂದ ಶುಕ್ರವಾರ ಹಾಡ ಹಗಲೇ ಕಳ್ಳರು ಸುಮಾರು 10 ಪವನ್ ತೂಕದ ಚಿನ್ನಾಭರಣ ಮತ್ತು ನಗದು 1,500 ರೂ.ನಗದು ಸಹಿತ ಒಟ್ಟು 2,01500 ರೂ. ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿದ್ದಾರೆ.
ಮ್ಯಾಗ್ಲಿನ್ ಅವರು ಮನೆಯಲ್ಲಿ ಒಂಟಿಯಾಗಿ ವಾಸಿಸುತ್ತಿದ್ದು, ಪ್ರತಿನಿತ್ಯ ಮನೆಗೆ ಬೀಗ ಹಾಕಿ ತೋಟಕ್ಕೆ ಹೋಗುತ್ತಿದ್ದರು. ಶುಕ್ರವಾರ ಕೂಡ ಬೆಳಗ್ಗೆ ಮನೆಗೆ ಬೀಗ ಹಾಕಿ ಕಪಾಟು ಮತ್ತು ಮನೆಯ ಕೀಯನ್ನು ಮನೆಯ ಎದುರಿನಲ್ಲೇ ನೇತು ಹಾಕಿ ಹೊರಟು ಹೋಗಿದ್ದರು. ಇದರ ಬಗ್ಗೆ ಅರಿವಿದ್ದ ಕಳ್ಳರು ಮನೆಯ ಬೀಗ ತೆಗೆದು ಒಳಪ್ರವೇಶಿಸಿ ಗೋದ್ರೆಜ್ನಲ್ಲಿದ್ದ 10 ಪವನ್ ಚಿನ್ನಾಭರಣ ಮತ್ತು ನಗದು ಕಳವು ಮಾಡಿದ್ದಾರೆ. ಬಳಿಕ ಯಥಾಸ್ಥಿತಿಯಲ್ಲಿರುವಂತೆ ಕಪಾಟು ಮತ್ತು ಮನೆಯ ಬೀಗ ಹಾಕಿ ಅದರ ಕೀಯನ್ನು ಮತ್ತೆ ಮನೆಯ ಎದುರಲ್ಲೇ ನೇತು ಹಾಕಿ ಪರಾರಿಯಾಗಿದ್ದಾರೆ.
ಸಂಜೆ 4 ಗಂಟೆಗೆ ಮ್ಯಾಗ್ಲಿನ್ ಮನೆಗೆ ಬಂದು ಕಾರ್ಮಿಕರಿಗೆ ಸಂಬಳ ಕೊಡಲು ಗೋದ್ರೆಜ್ ಕಪಾಟಿನ ನ ಬಾಗಿಲು ತೆರೆದಾಗ ಚಿನ್ನಾಭರಣ ಮತ್ತು ನಗದು ಕಳವಾಗಿರುವುದು ಬೆಳಕಿಗೆ ಬಂದಿದೆ.
3 ಪವನು ತೂಕದ ಚಿನ್ನದ ಬಳೆ, ಎರಡು ಪವನು ತೂಕದ ಎರಡು ಬಳೆಗಳು, 4 ಪವನು ತೂಕದ ಸರ, ಅರ್ಧ ಪವನು ತೂಕದ ಉಂಗುರ ಕಳವಾಗಿದೆ. ಮಂಗಳೂರು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
RBI: ಏಪ್ರಿಲ್ 1 ರಂದು 2,000 ರೂ ಆರ್ ಬಿಐನಲ್ಲಿ ನೋಟುಗಳ ವಿನಿಮಯ/ಠೇವಣಿ ಸಾಧ್ಯವಿಲ್ಲ
Delhi CM Arvind Kejriwalಗೆ ಮತ್ತೆ 4 ದಿನ ಇ.ಡಿ. ಕಸ್ಟಡಿ
Belagavi: ಕಣಕುಂಬಿ ಚೆಕ್ ಪೋಸ್ಟ್’ನಲ್ಲಿ ದಾಖಲೆಯಿಲ್ಲದ 7.98 ಲಕ್ಷ ರೂ ವಶಕ್ಕೆ
Inspiration: ಸ್ವಾಮಿ ಸ್ಮರಣಾನಂದ ಸೇವೆ ಎಲ್ಲರಿಗೂ ಸ್ಫೂರ್ತಿದಾಯಕ
Sandalwood: ಸ್ಟಾರ್ ಸಿನ್ಮಾಗಳ ರಿಲೀಸ್ ಟೆನ್ಶನ್: ಬಿಡುಗಡೆ ದಿನಾಂಕ ಘೋಷಣೆಗೂ ಮೀನಮೇಷ