ಗುಂಡಿಗಳನ್ನು ತುಂಬಿಸಿ ವಾಹನ ಚಾಲಕರ ಜೀವ ಉಳಿಸಿ
Team Udayavani, May 6, 2018, 3:45 PM IST
ನಗರದೊಳಗೆ ಕಾಂಕ್ರೀಟ್ ರಸ್ತೆಗಳನ್ನು ನಿರ್ಮಿಸಿದರೂ ಸಹ ಕೆಲವು ರಸ್ತೆ ಮಧ್ಯ ಭಾಗದಲ್ಲಿ, ಬದಿಗಳಲ್ಲಿ ಚೌಕಾಕಾರದ ಹಲವು ಗುಂಡಿಗಳಿದ್ದು, ಇವು ದ್ವಿಚಕ್ರ ವಾಹನ ಸವಾರರ ಜೀವಕ್ಕೆ ಸಂಚಕಾರ ತರುವುದಂತೂ ಖಂಡಿತ. ಇಂಥಹ ಗುಂಡಿಗಳು ಮಾರ್ನಮಿಕಟ್ಟೆ ವೃತ್ತ ಪಕ್ಕ, ಕಂಕನಾಡಿ ವೃತ್ತ
ಬದಿಯಲ್ಲಿ, ಅವೆರಿ ಜಂಕ್ಷನ್ನಲ್ಲಿ, ರೈಲ್ವೇ ಸ್ಟೇಶನ್ ಹೋಗುವ ರಸ್ತೆ ಜಂಕ್ಷನ್, ಮಿಲಾಗ್ರಿಸ್, ಎಲ್ ಐಸಿ ಕಚೇರಿ ರಸ್ತೆ ಬದಿ ಹಾಗೂ ಇನ್ನಿತರ ಕಡೆಗಳಲ್ಲಿ ಕಾಣಲು ಸಿಗುತ್ತವೆ.
ಇಲ್ಲಿನ ರಸ್ತೆಗಳಿಗೆ ಕಾಂಕ್ರೀಟ್ ಹಾಕಿ ಹಲವು ವರ್ಷಗಳಾದರೂ ಇಂಥಹ ಜೀವಕ್ಕೆ ಕುತ್ತು ತರುವ ಗುಂಡಿಗಳನ್ನು ಮುಚ್ಚದೆ ಹಾಗೇ ಬಿಡಲು ಕಾರಣವೇನು? ಅವುಗಳನ್ನು ಮುಚ್ಚಲು ಏನಾದರೂ ಸಮಸ್ಯೆಗಳಿವೆಯೇ? ಮನಪಾ ಸಿಬಂದಿ ನಗರದೊಳಗಿನ ರಸ್ತೆಗಳನ್ನು ಪರ್ಯಟನ ಮಾಡಿ ಎಲ್ಲೆಲ್ಲಿ ಏನೆಲ್ಲ ಸಮಸ್ಯೆಗಳಿವೆಯೋ ಅವನ್ನೆಲ್ಲ ಸರಿಪಡಿಸುವತ್ತ ಯಾಕೆ ಗಮನಹರಿಸಬಹುದು.
ಜೆ.ಎಫ್.ಡಿ’ಸೋಜಾ,
ಅತ್ತಾವರ