ಕರಾವಳಿಯ ವಿವಿಧೆಡೆ ಉತ್ತಮ ಮಳೆ
Team Udayavani, Apr 19, 2020, 10:50 AM IST
ಮಂಗಳೂರು/ಉಡುಪಿ: ಕರಾವಳಿಯ ವಿವಿಧೆಡೆ ಶನಿವಾರ ಮಳೆಯಾಗಿದೆ. ಸುಳ್ಯ ಮತ್ತು ಕಾರ್ಕಳ ತಾಲೂಕಿನ ಕೆಲವು ಭಾಗಗಳಲ್ಲಿ ಉತ್ತಮ ಮಳೆಯಾಯಿತು.
ಬಂಟ್ವಾಳ ತಾಲೂಕಿನ ವಿವಿಧೆಡೆ ಶನಿವಾರ ಮುಂಜಾನೆ ಸಿಡಿಲು ಸಹಿತ ಉತ್ತಮ ಮಳೆಯಾಗಿದೆ.
ಬೆಳ್ತಂಗಡಿ ತಾಲೂಕಿನ ಮುಂಡಾಜೆ, ಕಲ್ಮಂಜ, ನೆರಿಯ, ಕನ್ಯಾಡಿ-1 ಮೊದಲಾದ ಗ್ರಾಮಗಳ ಕೆಲವು ಪ್ರದೇಶಗಳಲ್ಲಿ ಶನಿವಾರ ಮುಂಜಾನೆ ಉತ್ತಮ ಮಳೆಯಾಗಿದೆ. ಜತೆಗೆ ಸಿಡಿಲಿನ ಅಬ್ಬರವೂ ಇದ್ದು, ಹಲವರ ಪಂಪ್ಸೆಟ್, ಇನ್ವರ್ಟರ್ ಮೊದಲಾದ ವಿದ್ಯುತ್ ಉಪಕರಣಗಳು ಹಾನಿಗೀಡಾಗಿವೆ. ಕೃಷಿಗೆ ನೀರಿನ ತಾಪತ್ರಯ ಎದು ರಿಸುತ್ತಿದ್ದ ಈ ಭಾಗದ ಜನರು ಮಳೆಯಿಂದ ಒಂದಿಷ್ಟು ನಿರಾಳರಾಗಿದ್ದಾರೆ.
ಶುಕ್ರವಾರ ಕೊಲ್ಲಮೊಗ್ರದಲ್ಲಿ 35 ಮಿ.ಮೀ. ಮಳೆ ಯಾದರೆ, ಗುತ್ತಿಗಾರಿನಲ್ಲಿ 20 ಮಿ.ಮೀ., ಕಲ್ಲಾಜೆಯಲ್ಲಿ 53 ಮಿ.ಮೀ ಮಳೆಯಾಗಿತ್ತು. ಬೆಳ್ಳಾರೆ, ಐವರ್ನಾಡು ಸೇರಿದಂತೆ ಹಲವೆಡೆ ಮಳೆಯಾಗಿತ್ತು.