Udayavni Special

ಪಾಂಡೇಶ್ವರ ಸುತ್ತ-ಮುತ್ತ ಮಳೆ ಅವಾಂತರ; ಜನರಿಗೆ ನಿದ್ದೆಯಿಲ್ಲ


Team Udayavani, May 31, 2018, 11:14 AM IST

31-may-4.jpg

ಮಹಾನಗರ: ಮಹಿಳೆಯೊಬ್ಬರು ಅಳುತ್ತಿರುವ ಮಗುವನ್ನು ಕಂಕುಳಲ್ಲಿರಿಸಿಕೊಂಡು ತೊಯ್ದು ತೊಪ್ಪೆಯಾದ ಬಟ್ಟೆ ಬರೆಗಳನ್ನು ಆಯ್ದು ಒಣಗಲು ಹಾಕುತ್ತಿದ್ದರು. ಮನೆಯೊಳಗೆ ನೀರು ನುಗ್ಗಿದ್ದಕ್ಕೆ ಸಾಕ್ಷಿ ಎಂಬಂತೆ ಮನೆಯೊಳಗಿದ್ದ ಪಾತ್ರೆ-ಪಗಡಿಗಳೆಲ್ಲ ಒಂದೆಡೆ ರಾಶಿ ಬಿದ್ದಿದ್ದವು. ಇಲ್ಲಿ ಹೆಚ್ಚಿನ ಮನೆಗಳಿಗೂ ಚರಂಡಿ ನೀರು ನುಗ್ಗಿದ್ದುದರಿಂದ ಮೂಗು ಮುಚ್ಚುವಷ್ಟು ದುರ್ನಾತ.

ಇದು ಮಂಗಳವಾರ ಇಡೀದಿನ ಸುರಿದ ಮಳೆಗೆ ನೀರು ನುಗ್ಗಿ ಹೆಚ್ಚಿನ ತೊಂದರೆಗೆ ಒಳಗಾದ ಪ್ರದೇಶಗಳ ಪೈಕಿ ಪಾಂಡೇಶ್ವರ, ಹೊಯಿಗೆ ಬಜಾರ್‌, ಜಪ್ಪಿನಮೊಗರು ಹಾಗೂ ಸುತ್ತಮುತ್ತಲು ಅತ್ಯಧಿಕ ನಷ್ಟ-ಹಾನಿ ಸಂಭವಿಸಿದೆ. ‘ಸುದಿನ’ ಬುಧವಾರ ಈ ಭಾಗದಲ್ಲಿರುವ ಜನರ ಜೀವನ ಸಹಜ ಸ್ಥಿತಿಗೆ ಅರಿ ಯಲು ಹೋದಾಗ ಅಲ್ಲಿ ಕಂಡುಬಂದ ಮುಖ್ಯ ಸಮಸ್ಯೆಗಳಿವು.

ಬೆಳಗ್ಗೆ ಸುಮಾರು 10.30ರ ಸುಮಾರಿಗೆ ಪಾಂಡೇಶ್ವರ ಶಿವನಗರ ರೈಲ್ವೇ ಗೇಟು ಬಳಿ ಹೋದಾಗ ಆ ಪ್ರದೇಶದ ಬಹುತೇಕ ಎಲ್ಲ ನಿವಾಸಿಗಳು ನೀರು ನುಗ್ಗಿದ ತಮ್ಮ ಮನೆಯನ್ನು ಗುಡಿಸಿ ಸ್ವಚ್ಛಗೊಳಿಸುತ್ತಿದ್ದರು. ಸಂಕಷ್ಟಗಳ ಬಗ್ಗೆ ಕೇಳುವ ಮೊದಲೇ ಯಾರೋ ಮಹಾನಗರ ಪಾಲಿಕೆ ಕಡೆಯಿಂದ ಬಂದವರಾಗಿರಬೇಕೆಂದುಕೊಂಡು ಪಾಲಿಕೆಯ ಬೇಜವಾಬ್ದಾರಿ ಬಗ್ಗೆ ಆಕ್ರೋಶ ಹೊರಹಾಕಿದರು.

 ‘ನೀರು ನಿಲ್ಲುವ ಜಾಗವನ್ನೆಲ್ಲ ಮಣ್ಣುಹಾಕಿ ತುಂಬಿಸಿ ಅಲ್ಲಿ ಕಟ್ಟಡ ಕಟ್ಟಲು ಅನಮತಿ ಕೇಳುತ್ತಾರೆ. ಮುಂದಾಲೋಚನೆ ಇಲ್ಲದೆ ಅಕ್ರಮ ಕಟ್ಟಡಗಳಿಗೂ ಅಧಿಕಾರಿಗಳು ಅನುಮತಿ ನೀಡುತ್ತಾರೆ. ಹೀಗಾಗಿ ಮಳೆ ನೀರೆಲ್ಲ ಮನೆಗಳಿಗೆ ನುಗ್ಗುತ್ತದೆ. ಯಾರೋ ಮಾಡಿದ ಪಾಪಕ್ಕೆ ನಾವಿಲ್ಲಿ ಬಲಿಪಶುಗಳು’ ಹೀಗೆಂದು ತಮಗೆ ಅಸಹಾಯಕತೆ ವ್ಯಕ್ತಪಡಿಸಿದವರು ಶಿವನಗರದ ನಿವಾಸಿ ರೋಹಿತ್‌.

32 ವರ್ಷಗಳ ಹಿಂದೆ ಇಂತಹದ್ದೇ ಮಳೆ, ನೆನಪು!
ಮಂಗಳವಾರ ರಾತ್ರಿ ಆ ವಠಾರದ ಯಾರೂ ಕೂಡ ನಿದ್ದೆ ಮಾಡಿರಲಿಲ್ಲವೆಂದು ಅವರನ್ನು ನೋಡುವಾಗಲೇ ಗೊತ್ತಾಗುತ್ತಿತ್ತು. ಪ್ರತಿಯೊಬ್ಬರೂ ಬೆಲೆ ಬಾಳುವ ವಸ್ತುಗಳು ಕೆಟ್ಟು ಹೋದ ಬಗ್ಗೆಯೇ ಪರಸ್ಪರ ನೋವು ತೋಡಿಕೊಳ್ಳುತ್ತಿದ್ದರು. ಅದೇ ಪರಿಸರದ ಸುಮಾರು 65ರ ಹರೆಯದ ವೃದ್ಧೆ ಸುಮತಿ ಪ್ರಕಾರ, ‘ಸುಮಾರು 32 ವರ್ಷಗಳ ಹಿಂದೊಮ್ಮೆ ಹೀಗೆಯೇ ಮಳೆಯಾಗಿದ್ದ ನೆನಪು. ಆಗ ನಮ್ಮ ಮನೆ ಇನ್ನಷ್ಟು ತಗ್ಗಿನಲ್ಲಿದ್ದುದರಿಂದ ಮನೆಯೊಳಗೆಲ್ಲ ನೀರು ಬಂದಿತ್ತು. ಆದರೆ ಅದು ಮಳೆಗಾಲವಾಗಿತ್ತು. ಮಳೆಗಾಲ ಶುರುವಾಗುವುದಕ್ಕೆ ಮೊದಲೇ ಇಷ್ಟೊಂದು ಹಾನಿಯಾಗಿರುವುದು ನಾನು ನೋಡಿದ ಹಾಗೆ ಇದೇ ಮೊದಲು’ ಎಂದರು.

ಪಕ್ಕದಲ್ಲಿದ್ದ ನೆಫೀಸಾ ಅವರಲ್ಲಿ ನಿನ್ನೆ ಮಳೆ ಯಿಂದ ತೊಂದರೆಯಾಗಿತ್ತೇ ಎಂದು ಕೇಳಿದಾಗ ‘ಅಯ್ಯೋ, ಅದನ್ನೇನು ಕೇಳುತ್ತೀರಿ? ರಾತ್ರಿ ಇಡೀ ನಿದ್ದೆಯೇ ಇಲ್ಲ. ನಿದ್ದೆ ಮಾಡಿದರೆ ಎಲ್ಲಿ ನೀರೆಲ್ಲ ಒಳ ಬರುತ್ತದೆಯೋ ಎಂಬ ಭಯದಲ್ಲೇ ಕುಳಿತು ದಿನ ಬೆಳಗು ಮಾಡುವ ಸ್ಥಿತಿ ಬಂತು’ ಎಂದರು. ಅಲ್ಲೇ ಇದ್ದ ಸೆಲಿಕಾ ಅವರು, ತಮ್ಮ ಮನೆ ಕಾಂಪೌಂಡ್‌ ಬಳಿ ಇರುವ ಗಜ ಗಾತ್ರದ ಮರವೊಂದು ತನ್ನ ಮನೆಯತ್ತ ಬಾಗಿದ್ದು, ‘ಈ ಅಪಾಯಕಾರಿ ಮರ ಕಡಿಯಬೇಕೆಂದು ಹಲವಾರು ಬಾರಿ ಅರಣ್ಯ ಇಲಾಖೆ ಅಧಿಕಾರಿಗಳಿಗೆ ದೂರಿತ್ತೆವು. ಆದರೆ, ಅದು ನಮಗೆ ಸೇರಿದ ಜಾಗವಲ್ಲ; ರೈಲ್ವೇಯವರದ್ದು ಎಂದು ಹೇಳಿ ಕೈತೊಳೆದುಕೊಂಡಿದ್ದಾರೆ’ ಎನ್ನುತ್ತಾರೆ. 

ಕೆಲಸ ಇಲ್ಲ,ನಿದ್ದೆ ಇಲ್ಲ
ಉತ್ತರ ಪ್ರದೇಶದಿಂದ ಬಂದು ನಗರದಲ್ಲಿ ಪಾನಿಪುರಿ ಅಂಗಡಿ ಇರಿಸಿ ಜೀವನ ನಡೆಸು ತ್ತಿದ್ದ ಸುನೀಲ್‌ ಚೌಹಾನ್‌, ಗೋಪಾಲ್‌ ಮೊದಲಾದವರು ಪಾನಿಪುರಿ ಮಾಡಲು ಬೇಕಾದ ವಸ್ತುಗಳನ್ನೆಲ್ಲ ಎತ್ತಿಡುತ್ತಿದ್ದರು. ಮೊಣಕಾಲಿನವರೆಗೆ ನೀರು ನಿಂತಿದ್ದರಿಂದ ನಿನ್ನೆ ನಿದ್ದೆಯೇ ಮಾಡಲಾಗಲಿಲ್ಲ. ಇವತ್ತು ಹೇಗೋ ಗೊತ್ತಿಲ್ಲ. ಹೀಗಾದರೆ ಜೀವನ ನಡೆಸುವುದಾದರೂ ಹೇಗೆ? ಎಂದು ಪ್ರಶ್ನಿಸಿದರು.

ನೀತಿ ಸಂಹಿತೆ ತೊಡಕಾಗಿತ್ತು
ಪಾಲಿಕೆಯವರು ಚರಂಡಿ ಶುಚಿಗೊಳಿಸುತ್ತಿರುವುದು ಕಂಡುಬಂತು. ಸ್ಥಳೀಯ ಪಾಲಿಕೆ ಸದಸ್ಯೆ ಕವಿತಾ ವಾಸು ಸ್ಥಳದಲ್ಲೇ ಇದ್ದರು. ‘ಚುನಾವಣ ನೀತಿ ಸಂಹಿತೆ ಇದ್ದ ಕಾರಣ ಈ ಬಾರಿ ರಸ್ತೆ ಕೆಲಸವಾಗಲಿ, ಚರಂಡಿ ಕೆಲಸವಾಗಲಿ ಮಾಡಲಾಗಲಿಲ್ಲ. ಮಳೆ ಪ್ರಾರಂಭಗೊಂಡ ಮೇಲೆ ‘ಗ್ಯಾಂಗ್‌ಮ್ಯಾನ್‌’ ಎಂದು ಐದು ಜನ ಕೆಲಸಗಾರರನ್ನು ಪಾಲಿಕೆ ವತಿಯಿಂದ ನೀಡುತ್ತಾರೆ. ಮಳೆ ಬರುವ ಮೊದಲೇ ಕೊಟ್ಟಿದ್ದರೆ ಅನುಕೂಲವಾಗುತ್ತಿತ್ತು’ ಎನ್ನುವುದು ಅವರ ವಾದವಾಗಿತ್ತು .

‌ಗಣೇಶ್‌ ಮಾವಂಜಿ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

news-tdy-01

ಕೆ.ಎಲ್.ರಾಹುಲ್ ಭವಿಷ್ಯದಲ್ಲಿ ಭಾರತ ತಂಡದ ಕ್ಯಾಪ್ಟನ್ ಆಗಬಹುದು : ಗಾವಸ್ಕರ್

ಸ್ಯಾಂಡಲ್ ವುಡ್ ಡ್ರಗ್ಸ್ ದಂಧೆ: ಇಬ್ಬರು ‘ಸ್ಟಾರ್’ ನಟರ ಮಾಹಿತಿ ಕೊಡುತ್ತೇನೆ ಎಂದು ಸಂಬರಗಿ

ಸ್ಯಾಂಡಲ್ ವುಡ್ ಡ್ರಗ್ಸ್ ದಂಧೆ: ಇಬ್ಬರು ‘ಸ್ಟಾರ್’ ನಟರ ಮಾಹಿತಿ ಕೊಡುತ್ತೇನೆ ಎಂದು ಸಂಬರಗಿ

ಮಲಪ್ರಭಾ, ಘಟಪ್ರಭಾ, ಬಳ್ಳಾರಿ ನಾಲಾ, ಹಿರಣ್ಯಕೇಶಿ ನದಿಪಾತ್ರ ಒತ್ತುವರಿ ಸಮೀಕ್ಷೆ: ಜಾರಕಿಹೊಳಿ

ಮಲಪ್ರಭಾ, ಘಟಪ್ರಭಾ, ಬಳ್ಳಾರಿ ನಾಲಾ, ಹಿರಣ್ಯಕೇಶಿ ನದಿಪಾತ್ರ ಒತ್ತುವರಿ ಸಮೀಕ್ಷೆ: ಜಾರಕಿಹೊಳಿ

ಕುಖ್ಯಾತ ರೌಡಿ ಸುಭಾಶ್ ಯಾದವ್ ಮನೆ ಮೇಲೆ ಪೊಲೀಸ್ ದಾಳಿ; ಕೋಟ್ಯಂತರ ರೂ. ಆಸ್ತಿ ಜಪ್ತಿ

ಕುಖ್ಯಾತ ರೌಡಿ ಸುಭಾಶ್ ಯಾದವ್ ಮನೆ ಮೇಲೆ ಪೊಲೀಸ್ ದಾಳಿ; ಕೋಟ್ಯಂತರ ರೂ. ಆಸ್ತಿ ಜಪ್ತಿ

ಮೈಸೂರು: ಸಚಿವ ಎಸ್.ಟಿ. ಸೋಮಶೇಖರ್ ಗೆ ರೈತರಿಂದ ಘೇರಾವ್!

ಮೈಸೂರು: ಸಚಿವ ಎಸ್.ಟಿ. ಸೋಮಶೇಖರ್ ಗೆ ರೈತರಿಂದ ಘೇರಾವ್!

ಕೂಳೂರು ತಡೆಗೋಡೆ ಕುಸಿದು ಓರ್ವ ಕಾರ್ಮಿಕ ಸಾವು , ಇಬ್ಬರು ಅಪಾಯದಿಂದ ಪಾರು

ಕೂಳೂರು: ತಡೆಗೋಡೆ ಕುಸಿದು ಓರ್ವ ಕಾರ್ಮಿಕ ಸಾವು , ಇಬ್ಬರು ಅಪಾಯದಿಂದ ಪಾರು

ಹಳ್ಳಿ ರೈತನ ಮಗಳಿಗೆ ಏಳು ಸರಕಾರಿ ಹುದ್ದೆಗಳ ಅವಕಾಶ!

ಹಳ್ಳಿ ರೈತನ ಮಗಳಿಗೆ ಏಳು ಸರಕಾರಿ ಹುದ್ದೆಗಳ ಅವಕಾಶ!






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಬೋಂಡಾ, ಬನ್ಸ್ ಮತ್ತು ಕೇಕ್‌

ಬೋಂಡಾ, ಬನ್ಸ್ ಮತ್ತು ಕೇಕ್‌

breadfruit

ದೀವಿ ಹಲಸು ಆದಾಯಕ್ಕೂ ಲೇಸು

promegrnate

ಉಪಬೆಳೆಯಾಗಿ ದಾಳಿಂಬೆ

ಕೂಲ್‌ ಕೂಲ್‌ ಬೇಸಗೆಯಲ್ಲಿ ಜಾನುವಾರುಗಳ ಆರೈಕೆ ಹೀಗಿರಲಿ

ಕೂಲ್‌ ಕೂಲ್‌ ಬೇಸಗೆಯಲ್ಲಿ ಜಾನುವಾರುಗಳ ಆರೈಕೆ ಹೀಗಿರಲಿ

go-green

ಮನೆಯಲ್ಲೇ ಹಸಿರು ಕ್ರಾಂತಿಯಾಗಲಿ…

MUST WATCH

udayavani youtube

ಕುತಂತ್ರಿ ಚೀನಾವನ್ನು ಕಟ್ಟಿ ಹಾಕುವುದು ಹೇಗೆ?

udayavani youtube

ಭಾಗಶಃ ಕುಸಿದ ಉಡುಪಿಯ ಹಳೆಯ ಕಟ್ಟಡ: ಓರ್ವ ಮಹಿಳೆಗೆ ಗಾಯ | Udayavani

udayavani youtube

ಹಂಪನಕಟ್ಟೆಯಲ್ಲಿ ಪತ್ತೆಯಾದ ಶತಮಾನದ ಹಿಂದಿನ ಬಾವಿ!

udayavani youtube

ಭತ್ತದ ಕೃಷಿಯ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ

udayavani youtube

COVID-19 ಸಮಯದಲ್ಲಿ ಜೀವನಕ್ಕೆ ಆಧಾರವಾದ ಹೈನುಗಾರಿಕೆ



ಹೊಸ ಸೇರ್ಪಡೆ

ಹುನಗುಂದ: ಕಳೆದ ಎರಡು ವರ್ಷಗಳಿಂದ ಪುರಸಭೆ ಸದಸ್ಯರಿಗೆ ದೊರೆಯದ ಅಧಿಕಾರ ಭಾಗ್ಯ

ಹುನಗುಂದ: ಕಳೆದ ಎರಡು ವರ್ಷಗಳಿಂದ ಪುರಸಭೆ ಸದಸ್ಯರಿಗೆ ದೊರೆಯದ ಅಧಿಕಾರ ಭಾಗ್ಯ

news-tdy-01

ಕೆ.ಎಲ್.ರಾಹುಲ್ ಭವಿಷ್ಯದಲ್ಲಿ ಭಾರತ ತಂಡದ ಕ್ಯಾಪ್ಟನ್ ಆಗಬಹುದು : ಗಾವಸ್ಕರ್

ಸ್ಯಾಂಡಲ್ ವುಡ್ ಡ್ರಗ್ಸ್ ದಂಧೆ: ಇಬ್ಬರು ‘ಸ್ಟಾರ್’ ನಟರ ಮಾಹಿತಿ ಕೊಡುತ್ತೇನೆ ಎಂದು ಸಂಬರಗಿ

ಸ್ಯಾಂಡಲ್ ವುಡ್ ಡ್ರಗ್ಸ್ ದಂಧೆ: ಇಬ್ಬರು ‘ಸ್ಟಾರ್’ ನಟರ ಮಾಹಿತಿ ಕೊಡುತ್ತೇನೆ ಎಂದು ಸಂಬರಗಿ

ಎನ್‌.ಎಚ್‌.ವ್ಯಾಲಿ ನೀರು ಹರಿಸಲು ಆಗ್ರಹ

ಎನ್‌.ಎಚ್‌.ವ್ಯಾಲಿ ನೀರು ಹರಿಸಲು ಆಗ್ರಹ

ಅಮೀನಗಡ ಸರ್ಕಾರಿ ಆಸ್ಪತ್ರೆಗಿಲ್ಲ ಖಾಯಂ ವೈದ್ಯರು! ಇಲ್ಲಿಗೆ ಬಂದರೆ ನೀಡುತ್ತಾರೆ ಬರಿ ಮಾತ್ರೆ

ಅಮೀನಗಡ ಸರ್ಕಾರಿ ಆಸ್ಪತ್ರೆಗಿಲ್ಲ ಖಾಯಂ ವೈದ್ಯರು! ಇಲ್ಲಿಗೆ ಬಂದರೆ ನೀಡುತ್ತಾರೆ ಬರಿ ಮಾತ್ರೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.