Udayavni Special

ಶಿರಾಡಿ-ಅಡ್ಡಹೊಳೆ: ಎಎನ್‌ಎಫ್ ನಿಂದ ಶೋಧ


Team Udayavani, Jan 17, 2018, 11:08 AM IST

17-19.jpg

ನೆಲ್ಯಾಡಿ: ಶಿರಾಡಿ ಗ್ರಾಮದ ಅಡ್ಡಹೊಳೆ ಸಮೀಪದ ಮಿತ್ತಮಜಲಿನ ದಲಿತ ಮನೆಗಳಿಗೆ ನಕ್ಸಲರು ಭೇಟಿ ನೀಡಿದ ಹಿನ್ನೆಲೆಯಲ್ಲಿ ಮಂಗಳವಾರ ಮಧ್ಯಾಹ್ನ ನಕ್ಸಲ್‌ ನಿಗ್ರಹ ದಳದ ಪಡೆ ಸ್ಥಳಕ್ಕೆ ಆಗಮಿಸಿದ್ದು, ಶಿರಾಡಿ ಹಾಗೂ ಶಿಶಿಲ ರಕ್ಷಿತಾರಣ್ಯದಲ್ಲಿ ಶೋಧ ಕಾರ್ಯ ಆರಂಭಿಸಿದೆ.

ಹೆಬ್ರಿ ನಕ್ಸಲ್‌ ನಿಗ್ರಹ ದಳದ ಇನ್ಸ್‌ಪೆಕ್ಟರ್‌ ತಿಮ್ಮಪ್ಪ ನಾಯ್ಕ ಹಾಗೂ ಕಿಗ್ಗ ನಕ್ಸಲ್‌ ನಿಗ್ರಹ ದಳದ ಸಬ್‌ ಇನ್ಸ್‌ಪೆಕ್ಟರ್‌ ಅಮರೇಶ್‌ ನೇತೃತ್ವದ ಒಟ್ಟು 24 ಸಿಬಂದಿಯನ್ನೊಳಗೊಂಡ ಎರಡು ಪ್ರತ್ಯೇಕ ಸಶಸ್ತ್ರ ತಂಡಗಳು ಮಧ್ಯಾಹ್ನದ ವೇಳೆಗೆ ಮಿತ್ತಮಜಲಿಗೆ ಆಗಮಿಸಿ, ಡಿವೈಎಸ್ಪಿ ಶ್ರೀನಿವಾಸ್‌ ಅವರಿಂದ ಮಾಹಿತಿ ಪಡೆದುಕೊಂಡಿವೆ. ಬಳಿಕ  ಇನ್ಸ್‌ಪೆಕ್ಟರ್‌ ತಿಮ್ಮಪ್ಪ ನಾಯ್ಕ ನೇತೃತ್ವದ ತಂಡ ಶಿಶಿಲ ಅರಣ್ಯ ಪ್ರದೇಶ ದತ್ತ ನುಗ್ಗಿದರೆ, ಇನ್ಸ್‌ಪೆಕ್ಟರ್‌ ಅಮರೇಶ್‌ ನೇತೃತ್ವದ ತಂಡ ಕಬ್ಬಿನಾಲೆ ಅರಣ್ಯ ಪ್ರದೇಶದಲ್ಲಿ ನಕ್ಸಲರ ಬೇಟೆ ಪ್ರಾರಂಭಿಸಿದೆ.

ಡಿವೈಎಸ್ಪಿ ಶ್ರೀನಿವಾಸ್‌, ಪುತ್ತೂರು ಗ್ರಾಮಾಂ ತರ ವೃತ್ತ ನಿರೀಕ್ಷಕ ಗೋಪಾಲ ನಾಯ್ಕ, ಉಪ್ಪಿ ನಂಗಡಿ ಪೊಲೀಸ್‌ ಠಾಣೆಯ ಉಪನಿರೀಕ್ಷಕ ನಂದ ಕುಮಾರ್‌ ಸೇರಿದಂತೆ ಉಪ್ಪಿನಂಗಡಿ ಹಾಗೂ ನೆಲ್ಯಾಡಿ ಠಾಣಾ ಪೊಲೀಸರು ಮಿತ್ತಮಜಲಿ ನಲ್ಲಿಯೇ ಬೀಡು ಬಿಟ್ಟಿದ್ದು, ನಕ್ಸಲರು ಭೇಟಿ ನೀಡಿದ ಮನೆ ಯವರಿಂದ ಹಾಗೂ ಪರಿಸರದ ಮನೆ  ಯವ ರಿಂದ ವಿಸ್ತೃತ ಮಾಹಿತಿ ಪಡೆದಿದ್ದಾರೆ.

ಪ್ರಕರಣ ದಾಖಲು
ನಕ್ಸಲರು ಭೇಟಿ ನೀಡಿರುವ ಮನೆಗಳಿಗೆ ಡಿವೈಎಸ್ಪಿ ಶ್ರೀನಿವಾಸ್‌, ಗ್ರಾಮಾಂತರ ಪೊಲೀಸ್‌ ಇನ್ಸ್‌ಪೆಕ್ಟರ್‌ ಗೋಪಾಲ ನಾಯ್ಕ, ಉಪ್ಪಿನಂಗಡಿ ಸಬ್‌ ಇನ್ಸ್‌ಪೆಕ್ಟರ್‌ ನಂದಕುಮಾರ್‌ ಭೇಟಿ ನೀಡಿದ್ದು, ಮೂರು ಮಂದಿಯಿಂದ ಪ್ರತ್ಯೇಕ ಹೇಳಿಕೆ ಪಡೆದುಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಗಾಬರಿಯಿಂದ ಓಡಿ ಹೋದೆ: ನವನೀತ
ನಕ್ಸಲರು ಪ್ರಥಮವಾಗಿ ಭೇಟಿ ಆಗಿದ್ದು ನನ್ನನ್ನು. ನನಗೆ ಹೆದರಿಕೆ ಆಯಿತು, ನಾನು ಓಡಿ ಹೋದೆ ಎಂದು ಎಂ.ಕೆ. ಮೋಹನ್‌ ಅವರ ಪುತ್ರ ನವನೀತ್‌ ತಿಳಿಸಿದ್ದಾರೆ. ಮನೆ ಯಲ್ಲಿ ನಾನೊಬ್ಬನೇ ಇದ್ದೆ. ನಾಯಿ ಬೊಗಳುತ್ತಿದ್ದುದನ್ನು ನೋಡಿ ಮನೆಯಿಂದ ಹೊರಗೆ ಬರುತ್ತಿದ್ದಂತೆ ಕೋವಿ ಹಿಡಿದಿದ್ದ 3 ಮಂದಿ ನೇರವಾಗಿ ಅಂಗಳಕ್ಕೆ ಬಂದು “ನಾವು ನಕ್ಸಲರು’ ಎಂದರು. ಗಾಬರಿಗೊಂಡ ನಾನು ನೇರವಾಗಿ ಚಿಕ್ಕಪ್ಪ ಸುರೇಶ್‌ ಅವರ ಮನೆಗೆ ಓಡಿ ಹೋದೆ ಎಂದು ನವನೀತ್‌ ತಿಳಿಸಿದ್ದಾರೆ.

ಶ್ರೀಮಂತರ ಮನೆ ವಿಚಾರಿಸಿದರು: ಲೀಲಾ
ಬಳಿಕ ನಕ್ಸಲರು ಪಕ್ಕದ ಲೀಲಾ ಅವರ ಮನೆಗೆ ತೆರಳಿದ್ದಾರೆ. “ನಾವು ನಕ್ಸಲರು, ಹೆದರಬೇಡಿ, ನಾವು ನಿಮಗೆ ತೊಂದರೆ ಮಾಡುವುದಿಲ್ಲ, ಇಲ್ಲಿ ಶ್ರೀಮಂತರ ಮನೆ ಇದೆಯಾ?’ ಎಂದು ಮಾತು ಆರಂಭಿಸಿದ್ದಾರೆ; ನಮ್ಮನ್ನು ಹೆದರಿಸಿಲ್ಲ ಎಂದು ನಕ್ಸಲ್‌ ತಂಡ ಭೇಟಿ ನೀಡಿದ ಮನೆಯ ಲೀಲಾ ಪ್ರತಿಕ್ರಿಯಿಸಿದ್ದಾರೆ. ರವಿವಾರ ಸಂಜೆ 7.30ರ ಸುಮಾರಿಗೆ ಇಬ್ಬರು ಪುರುಷರು, ಒಬ್ಟಾಕೆ ಮಹಿಳೆ ಇದ್ದ ತಂಡ ಮನೆಯೊಳಗೆ ಪ್ರವೇಶಿಸಿತು. ಆಗ ನಾನು, ಅಮ್ಮ, ತಮ್ಮನ ಮಗಳು ಮನೆಯಲ್ಲಿ ಇದ್ದೆವು. ಅವರು ಬಂದವರೇ ಅಕ್ಕಿ, ಸಾಮಗ್ರಿ ಕೊಡಿ ಎಂದು ಕೇಳಿದರು. ನಾನು “ನಮ್ಮಲ್ಲಿ ಇಲ್ಲ’ ಎಂದು ಹೇಳಿದೆ, ಚಹಾ ಮಾಡಿದ್ದು ಇದೆ, ದೋಸೆ ಇದೆ, ಅದನ್ನು ಕೊಡುತ್ತೇನೆ ಎಂದೆ. ಆದರೆ ಅದು ಬೇಡ ಎಂದು ಅವರು ಮಾತು ಮುಂದುವರಿಸಿದರು.

ನಾವು ನಿಮಗೆ ಏನೂ ಮಾಡುವುದಿಲ್ಲ, ನಾವು ನಕ್ಸಲರು; ಪುರುಷೋತ್ತಮ, ರಾಜೇಶ್‌, ಲತಾ ಎಂದು ಪರಿಚಯಿಸಿಕೊಂಡರು. ರಾಜೇಶ್‌, ತಾನು ಶೃಂಗೇರಿಯವನು ಎಂದು ಹೇಳಿಕೊಂಡಿದ್ದಾನೆ. ಇಲ್ಲಿ ಶ್ರೀಮಂತರು ಯಾರಿದ್ದಾರೆ, ಅಂತಹವರು ಇದ್ದರೆ ತಿಳಿಸಿ ಎಂದರು. ಆಗ ನನ್ನ ತಮ್ಮ ಸುರೇಶ್‌ ಬಂದಿದ್ದಾನೆ. ರಾಜೇಶ್‌ ಎಂದು ಪರಿಚಯಿಸಿ ಕೊಂಡ ವ್ಯಕ್ತಿ ಸುರೇಶ್‌ ಜತೆಗೆ ಅವರ ಮನೆಗೆ ಹೋಗಿದ್ದಾರೆ. ನಮ್ಮ ಮನೆಯಲ್ಲಿ ಅವರು ಒಟ್ಟು 10 ನಿಮಿಷ ಮಾತ್ರ ಇದ್ದರು. ಮೂವರೂ ಹಸಿರು ಬಣ್ಣದ ಪ್ಯಾಂಟ್‌ ಶರ್ಟ್‌ ಧರಿಸಿದ್ದರು ಎಂದರು.

ಅಡುಗೆ ಸಾಮಗ್ರಿ ಪಡೆದರು: ಸುರೇಶ್‌
ನವನೀತ್‌ ಮಾಹಿತಿ ನೀಡಿದ ಕೂಡಲೇ ನಾನು ಅಕ್ಕನ ಮನೆಗೆ ತೆರಳಿದೆ. ರಾಜೇಶ್‌ ಎಂದು ಪರಿಚಯಿಸಿಕೊಂಡ ವ್ಯಕ್ತಿ ನಮಗೆ 10 ಕೆ.ಜಿ. ಅಕ್ಕಿ ಮತ್ತು ಸಾಮಗ್ರಿ ತಂದುಕೊಡಿ ಎಂದು ಕೇಳಿದ. ಬಳಿಕ ನನ್ನ ಮನೆಗೆ ತೆರಳಿದೆವು. ಮನೆಯಲ್ಲಿ ಇದ್ದ 3 ಕೆ.ಜಿ.ಯಷ್ಟು ಕುಚ್ಚಲಕ್ಕಿ, 8 ಕೆ.ಜಿ.ಯಷ್ಟು ಬೆಳ್ತಿಗೆ, ಟೊಮೆಟೋ, ಬಟಾಟೆ, ಎಣ್ಣೆ ತೆಗೆದುಕೊಂಡರು ಎಂದು ಸುರೇಶ್‌ ಪ್ರತಿಕ್ರಿಯೆ ನೀಡಿದ್ದಾರೆ.

ರಿಜುವನ್ನು  ಕೇಳಿದರು
ಅಕ್ಕಿ ಕೇಳುವ ಜತೆಗೆ ಅವರು ಇಲ್ಲಿನ ರಿಜು ಎಂಬವನ ಬಗ್ಗೆ ವಿಚಾರಿಸಿದ್ದಾರೆ. “ಅವನು ಕಳೆದ ಬಾರಿ ನಾವು ಸುಬ್ರಹ್ಮಣ್ಯಕ್ಕೆ ಬಂದ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದ, ಹೀಗಾಗಿ ನಮ್ಮ ಜತೆಗಾರ ಎಲ್ಲಪ್ಪ ಸಾಯುವಂತಾಯಿತು’ ಎಂದು ಹೇಳಿದ್ದಾರೆ ಎಂದು ಸುರೇಶ್‌ ತಿಳಿಸಿದ್ದಾರೆ.

2 ತಂಡದಿಂದ ಶೋಧ: ಡಿವೈಎಸ್‌ಪಿ ಶ್ರೀನಿವಾಸ್‌
ಶಿರಾಡಿ ಗ್ರಾಮದ ಅಡ್ಡಹೊಳೆ ಸಮೀಪದ ಮಿತ್ತ ಮಜಲು ಎಂಬಲ್ಲಿಗೆ 3 ಮಂದಿ ನಕ್ಸಲರು ಬಂದಿರುವು ದನ್ನು ದೃಢಪಡಿಸಲಾಗಿದೆ. ಈ ನಿಟ್ಟಿನಲ್ಲಿ ನಕ್ಸಲ್‌ ನಿಗ್ರಹ ಪಡೆಯ 2 ತಂಡ ಕಾಡಿನಲ್ಲಿ ಶೋಧ ಆರಂಭಿಸಿದೆ ಎಂದು ಪುತ್ತೂರು ಉಪ ವಿಭಾಗದ ಡಿವೈಎಸ್ಪಿ ಶ್ರೀನಿವಾಸ್‌ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸುತ್ತ ತಿಳಿಸಿದ್ದಾರೆ. ನಕ್ಸಲ್‌ ನಿಗ್ರಹ ಪಡೆಯ ಕಾರ್ಕಳ ವಿಭಾಗದ ಇನ್ಸ್‌ಪೆಕ್ಟರ್‌ ತಿಮ್ಮಪ್ಪ ನಾಯ್ಕ ಮತ್ತು ಹೆಬ್ರಿ ಘಟಕದ ಸಬ್‌ ಇನ್ಸ್‌ಪೆಕ್ಟರ್‌ ಅಮರೇಶ್‌ ನೇತೃತ್ವದ 2 ಪ್ರತ್ಯೇಕ ತಂಡ ಕಾರ್ಯಾಚರಣೆ ನಡೆಸುತ್ತಿದ್ದು, 2 ತಂಡಗಳಲ್ಲಿ  ಒಟ್ಟು  26 ಮಂದಿ ಇದ್ದಾರೆ.

ತಂಡದಲ್ಲಿದ್ದ  ಮಹಿಳೆ ಮುಂಡಗಾರು ಲತಾ?
ಪೊಲೀಸರು ನಕ್ಸಲರ ಫೊಟೋಗಳನ್ನು ಮನೆಯವರಿಗೆ ತೋರಿಸಿದ್ದು, ಈ ಪೈಕಿ ರಾಜೇಶ್‌ ಹಾಗೂ ಲತಾ ಎಂದು ಹೆಸರು ಹೇಳಿಕೊಂಡು ಬಂದಿದ್ದ ಇಬ್ಬರನ್ನು ಮನೆ ಯವರು ಗುರುತಿಸಿರುವುದರಿಂದ ಬಂದವರು ನಕ್ಸಲರೇ ಅನ್ನುವುದು ದೃಢವಾಗಿದೆ. ಈ ಪೈಕಿ ಲತಾ ಎಂದು ಹೇಳಿಕೊಂಡ ಮಹಿಳೆ ಮುಂಡಗಾರು ಲತಾ ಎಂದು ಹೇಳಲಾಗುತ್ತಿದೆ.

ಚಿಕ್ಕಮಗಳೂರು ಜಿಲ್ಲೆಯಲ್ಲೂ  ಶೋಧ
ಶಿರಾಡಿ ಘಾಟಿ ಸಮೀಪದ ಕೆಲವು ಮನೆಗಳಿಗೆ ರವಿವಾರ ನಕ್ಸಲರ ಗುಂಪೊಂದು ಭೇಟಿ ನೀಡಿರುವ ಹಿನ್ನೆಲೆಯಲ್ಲಿ ಚಿಕ್ಕಮಗಳೂರು ಜಿಲ್ಲೆಯ ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲೂ ನಕ್ಸಲ್‌ ನಿಗ್ರಹದಳ ಶೋಧ ಚುರುಕುಗೊಳಿಸಿದೆ. ನಿಗ್ರಹದಳದ ಒಟ್ಟು 5 ತಂಡಗಳು ನಕ್ಸಲ್‌ ಪ್ರಭಾವಿತ ಪ್ರದೇಶಗಳಲ್ಲಿ ಕಾರ್ಯಾಚರಣೆ ಆರಂಭಿಸಿವೆ. ಶೃಂಗೇರಿಯ ಕೆರೆಕಟ್ಟೆ, ತನಿಕೋಡು, ಮೆಣಸಿನಹಾಡ್ಯ ಸೇರಿದಂತೆ ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿ ಶೋಧ ಕಾರ್ಯಾಚರಣೆ ಚುರುಕುಗೊಳಿಸಲಾಗಿದೆ ಎಂದು ತಿಳಿದು ಬಂದಿದೆ. ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕೆ. ಅಣ್ಣಾಮಲೈ ಅಧಿಕಾರಿಗಳೊಂದಿಗೆ ಈ ಬಗ್ಗೆ ಸಭೆ ನಡೆಸಿದ್ದಾರೆ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಲಡಾಖ್, ಎಲ್ ಎಸಿ ಬಳಿ ಸೇನೆ ಜಮಾವಣೆ; ಯುದ್ಧ ಸನ್ನದ್ಧರಾಗಿ ಎಂದು ಕರೆ ಕೊಟ್ಟ ಚೀನಾ

ಲಡಾಖ್, ಎಲ್ ಎಸಿ ಬಳಿ ಸೇನೆ ಜಮಾವಣೆ; ಯುದ್ಧ ಸನ್ನದ್ಧರಾಗಿ ಎಂದು ಕರೆ ಕೊಟ್ಟ ಚೀನಾ

coviod19

ವಿಶ್ವದಾದ್ಯಂತ ಒಂದೇ ದಿನ 1 ಲಕ್ಷ ಜನರಿಗೆ ಸೋಂಕು: ಅಮೆರಿಕದಲ್ಲಿ 1ಲಕ್ಷ ದಾಟಿದ ಮೃತರ ಪ್ರಮಾಣ

‘ಜೈವಿಕ ಸುರಕ್ಷಾ ಕ್ರಿಕೆಟ್‌’ ಅವಾಸ್ತವಿಕ: ರಾಹುಲ್‌ ದ್ರಾವಿಡ್‌

‘ಜೈವಿಕ ಸುರಕ್ಷಾ ಕ್ರಿಕೆಟ್‌’ ಅವಾಸ್ತವಿಕ: ರಾಹುಲ್‌ ದ್ರಾವಿಡ್‌

ಕೇಂದ್ರ ಅಧ್ಯಾದೇಶವೇ ಅಂತಿಮ; ರಾಜ್ಯದ್ದಲ್ಲ

ಕೇಂದ್ರ ಅಧ್ಯಾದೇಶವೇ ಅಂತಿಮ; ರಾಜ್ಯದ್ದಲ್ಲ

ಜುಲೈಯಲ್ಲಿ ಪ್ರೌಢ, ಸೆಪ್ಟಂಬರ್‌ ಬಳಿಕ ಪ್ರಾಥಮಿಕ ಶಾಲೆ ಆರಂಭ?

ಜುಲೈಯಲ್ಲಿ ಪ್ರೌಢ, ಸೆಪ್ಟಂಬರ್‌ ಬಳಿಕ ಪ್ರಾಥಮಿಕ ಶಾಲೆ ಆರಂಭ?

ಕಾಳಿಂಗ ನಾವಡರು ಇಂದಿಗೂ ಯಕ್ಷ ಮಾಣಿಕ್ಯ

ಕಾಳಿಂಗ ನಾವಡರು ಇಂದಿಗೂ ಯಕ್ಷ ಮಾಣಿಕ್ಯ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಚೆಕ್‌ ಪೋಸ್ಟ್‌ನಲ್ಲಿ ಕಾರ್ಯ: ಪುತ್ತೂರು ಪೊಲೀಸ್‌ ಠಾಣೆಯ 8 ಮಂದಿಗೆ ಹೋಂ ಕ್ವಾರಂಟೈನ್‌

ಚೆಕ್‌ ಪೋಸ್ಟ್‌ನಲ್ಲಿ ಕಾರ್ಯ: ಪುತ್ತೂರು ಪೊಲೀಸ್‌ ಠಾಣೆಯ 8 ಮಂದಿಗೆ ಹೋಂ ಕ್ವಾರಂಟೈನ್‌

ಹಳ್ಳಿಗಳಲ್ಲಿ ಎಟುಕದ ಇಂಟರ್ನೆಟ್‌ ಸಂಪರ್ಕ

ಹಳ್ಳಿಗಳಲ್ಲಿ ಎಟುಕದ ಇಂಟರ್ನೆಟ್‌ ಸಂಪರ್ಕ

ಪೊಲೀಸ್‌ ಠಾಣೆಗಳ ಹೊರಭಾಗದಲ್ಲೇ ಸೇವೆ

ಪೊಲೀಸ್‌ ಠಾಣೆಗಳ ಹೊರಭಾಗದಲ್ಲೇ ಸೇವೆ

ಪುತ್ತೂರು: ಸಂತೆ ಇಲ್ಲದಿದ್ದರೂ ಜನ ಸಂಚಾರ ಅಧಿಕ

ಪುತ್ತೂರು: ಸಂತೆ ಇಲ್ಲದಿದ್ದರೂ ಜನ ಸಂಚಾರ ಅಧಿಕ

ಪ್ರಸ್ತಾವನೆಯಲ್ಲೇ ಬಾಕಿಯಾದ ಮಿಂಚುಬಂಧಕ ಟವರ್‌  

ಪ್ರಸ್ತಾವನೆಯಲ್ಲೇ ಬಾಕಿಯಾದ ಮಿಂಚುಬಂಧಕ ಟವರ್‌  

MUST WATCH

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

udayavani youtube

MOTHERSDAY ಪ್ರಯುಕ್ತ ನಾಡಿನ ಎಲ್ಲಾ ಅಮ್ಮಂದಿರಿಗೆ ಶುಭಾಶಯವನ್ನು ಕೋರಿದ SHINE SHETTY

ಹೊಸ ಸೇರ್ಪಡೆ

ಕಾರ್ಮಿಕರ ಕೆಲಸದ ಅವಧಿ ಹೆಚ್ಚಳಕ್ಕೆ ವಿರೋಧ

ಕಾರ್ಮಿಕರ ಕೆಲಸದ ಅವಧಿ ಹೆಚ್ಚಳಕ್ಕೆ ವಿರೋಧ

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಬಾಳೆಗೂ ಬಂತು ಬನಾನಾ ಕೋವಿಡ್‌ ; ಉತ್ತರ ಪ್ರದೇಶ, ಬಿಹಾರವೇ ಪ್ರಧಾನ ಹಾಟ್‌ಸ್ಪಾಟ್‌

ಸೋಂಕಿತರ ಆರೈಕೆಯಲ್ಲಿದ್ದ ನರ್ಸ್‌ಗೂ ಕೋವಿಡ್ ದೃಢ

ಸೋಂಕಿತರ ಆರೈಕೆಯಲ್ಲಿದ್ದ ನರ್ಸ್‌ಗೂ ಕೋವಿಡ್ ದೃಢ

ಆಂಧ್ರ, ತ.ನಾಡಲ್ಲೂ ಫ್ಲೈಟ್‌ ಹಾರಾಟ ಶುರು ; ಬೆಂಗಳೂರಿನಿಂದ ವಿಜಯವಾಡ ತಲುಪಿದ ಮೊದಲ ವಿಮಾನ

ಆಂಧ್ರ, ತ.ನಾಡಲ್ಲೂ ಫ್ಲೈಟ್‌ ಹಾರಾಟ ಶುರು ; ಬೆಂಗಳೂರಿನಿಂದ ವಿಜಯವಾಡ ತಲುಪಿದ ಮೊದಲ ವಿಮಾನ

ಸಬೂಬು ಹೇಳದೆ ಕೆಲಸ ಮುಗಿಸಲು ಸಚಿವರ ತಾಕೀತು

ಸಬೂಬು ಹೇಳದೆ ಕೆಲಸ ಮುಗಿಸಲು ಸಚಿವರ ತಾಕೀತು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.