ಪಣಂಬೂರು ವೃತ್ತಕ್ಕೆ ಸಿಗ್ನಲ್‌ ಲೈಟ್‌

Team Udayavani, Aug 18, 2017, 8:25 AM IST

ಪಣಂಬೂರು: ವಾಹನ ದಟ್ಟಣೆ ಹೆಚ್ಚಿರುವ ಪಣಂಬೂರು ಹೆದ್ದಾರಿ ನಡುವಣ ವೃತ್ತಕ್ಕೆ ಕೊನೆಗೂ ಸಿಗ್ನಲ್‌ ಲೈಟ್‌ ಅಳವಡಿಕೆಯಾಗಿದೆ.

ಬುಧವಾರದಿಂದ ಟ್ರಾಫಿಕ್‌ ನಿಯಂತ್ರಿಸುವ ಕಾರ್ಯ ಆರಂಭವಾಗಿದೆ. ನವಮಂಗಳೂರು ಬಂದರು ಆಡಳಿತ ಕಚೇರಿ, ಅ ಬಕಾರಿ ಸಿಬಂದಿ ಕ್ವಾರ್ಟಸ್‌, ಎನ್‌ಎಂಪಿಟಿ ಶಾಲೆ ಮತ್ತಿತರ ಸಂಸ್ಥೆಗಳು ಇಲ್ಲಿರುವುದರಿಂದ ಹೆಚ್ಚಿನ ಜನಸಂಚಾರವಿದೆ. ಹೆದ್ದಾರಿಯಲ್ಲಿ ಅತೀ ವೇಗದಿಂದ ವಾಹನಗಳು ಬರುವ ಕಾರಣದಿಂದ ರಸ್ತೆ ದಾಟಲು ಪಾದಾಚಾರಿಗಳು ಪರದಾಡುವಂತೆ ಆಗಿತ್ತು. ಬಳಿಕ ಗೃಹ ರಕ್ಷಕ ಸಿಬಂದಿಯನ್ನು ನೇಮಿಸಿ ಸುರಕ್ಷತೆಯ ಕಾರ್ಯಕ್ಕೆ ಒತ್ತು ನೀಡಲಾಯಿತು. ಈ ಹಿಂದೆ ಅಪಘಾತದಲ್ಲಿ ಮೂರು ಮಂದಿಯ ಪ್ರಾಣಹಾನಿಯಾಗಿರುವುದರಿಂದ ಸಿಗ್ನಲ್‌ ಲೈಟ್‌ ಅಳವಡಿಕೆಗೆ ಸಂಚಾರ ಠಾಣೆಯ ಅ ಕಾರಿಗಳು ಮನವಿ ಸಲ್ಲಿಸಿದ್ದರು.

ಗುರುವಾರದಿಂದ ವೃತ್ತ ಬಳಿಯೇ ಖಾಸಗಿ ಬಸ್‌ಗಳನ್ನು ನಿಲ್ಲಿಸಿ ಜನರನ್ನು ಇಳಿಸುವ, ಹತ್ತಿಸುವ ಕಾಯಕಕ್ಕೆ ಮಂಗಳೂರು ಉತ್ತರ ಸಂಚಾರ ಠಾಣಾ ಪೊಲೀಸರು ಬ್ರೇಕ್‌ ಹಾಕಿದ್ದಾರೆ. ವಾರದಲ್ಲೆ ಪಣಂಬೂರಿನಲ್ಲಿ ಬಸ್‌ ಬೇ ನಿರ್ಮಿಸಲು ಹೆದ್ದಾರಿ ಇಲಾಖೆಗೆ ಮನವಿ ಸಲ್ಲಿಸಲಾಗಿತ್ತು. ಅ ಕಾರಿಗಳು ಪೂರಕವಾಗಿ ಸ್ಪಂದಿಸಿದ್ದು, ಸುರಕ್ಷೆಯ ಸಂಚಾರಕ್ಕೆ ಅನುವು ಮಾಡಿಕೊಡಲಾಗುವುದು ಎಂದು ಸಂಚಾರ ಠಾಣಾ ಇನ್ಸ್‌ಪೆಕ್ಟರ್‌ ಮಂಜುನಾಥ್‌ ಹೇಳಿದರು.