ಬೆಳ್ತಂಗಡಿ ತಾಲೂಕಿನಲ್ಲಿ ಉತ್ತಮ ಮಳೆಯಿಂದ ಹೆಚ್ಚಿದ ನೀರಿನ ಸೆಲೆೆ
Team Udayavani, May 26, 2018, 4:10 AM IST
ಬೆಳ್ತಂಗಡಿ: ತಾಲೂಕಿನಲ್ಲಿ ಸುಮಾರು ಒಂದು ವಾರದಿಂದ ಉತ್ತಮ ಮಳೆಯಾಗುತ್ತಿದ್ದು, ಬಹುತೇಕ ಕಡೆಗಳಲ್ಲಿ ನೀರಿನ ಹರಿವು ಹೆಚ್ಚಾಗಿದೆ. ಮೇ ಕೊನೆಯ ವಾರದಲ್ಲಿ ಮಳೆಯಾಗುತ್ತದೆ ಎಂದು ತಿಳಿಸಲಾಗಿತ್ತು, ಆದರೆ ವಾರಕ್ಕೂ ಮೊದಲೇ ಮಳೆ ಬರುತ್ತಿರುವುದರಿಂದ ತಾಲೂಕಿನ ವಿವಿಧೆಡೆ ನೀರಿನ ಹರಿವಿನ ಪ್ರಮಾಣ ಹೆಚ್ಚಾಗುತ್ತಿದೆ. ಮುಖ್ಯವಾಗಿ ರಾತ್ರಿ ಮಳೆ ಆಗಮಿಸುತ್ತಿದ್ದು, ಜನರಿಗೆ ಹೆಚ್ಚಿನ ಸಮಸ್ಯೆ ಉಂಟಾಗಿಲ್ಲ.
ಮರ ಬಿದ್ದು ಹಾನಿ
ಸಂತೆಕಟ್ಟೆ ಕುತ್ಯಾರು ದೇವಸ್ಥಾನದ ಬಳಿ ಗುರುವಾರ ರಾತ್ರಿ ಮರವೊಂದು ಮನೆ ಮೇಲೆ ಬಿದ್ದ ಪರಿಣಾಮ ಪ್ರಶಾಂತ್ಅವರ ಮನೆಗೆ ಹಾನಿ ಉಂಟಾಗಿದೆ.
ಉತ್ತಮ ಮಳೆ
ತಾಲೂಕಿನ ಚಾರ್ಮಾಡಿ, ಕಕ್ಕಿಂಜೆ, ಉಜಿರೆ, ಧರ್ಮಸ್ಥಳ, ಬೆಳ್ತಂಗಡಿ, ಆಳದಂಗಡಪಿ, ಕೊಯ್ಯುರು,ಬೆಳಾಲು, ಕನ್ಯಾಡಿ, ಗೇರುಕಟ್ಟೆ, ಕಣಿಯೂರು ಮೊದಲಾದೆಡೆ ಉತ್ತಮ ಮಳೆಯಾಗುತ್ತಿದೆ.
ಕೃಷಿಕರಿಗೂ ಖುಷಿ
ನೀರು ಕಡಿಮೆಯಾಗುತ್ತಿದ್ದ ಸಂದರ್ಭ ಮಳೆ ಸುರಿದಿರುವುದರಿಂದ ಕೃಷಿಕರೂ ಖುಷಿ ಪಡುವಂತಾಗಿದೆ. ಇಲ್ಲವಾದಲ್ಲಿ ನೀರು ಕಡಿಮೆಯಾಗಿ ಅಡಿಕೆ ಮೊದಲಾದ ಬೆಳೆಗಳಿಗೆ ಹೆಚ್ಚಿನ ಸಮಸ್ಯೆ ಉಂಟಾಗುವ ಸಾಧ್ಯತೆಯಿತ್ತು. ನಿರಂತರ ಮಳೆ ಸುರಿಯುತ್ತಿ ರುವುದರಿಂದ ಹೆಚ್ಚಿನ ಸಮಸ್ಯೆಯಾಗಿಲ್ಲ.
ಕಾಮಗಾರಿ ಸ್ಥಗಿತ
ಉಜಿರೆಯ ನಿಡಿಗಲ್ ಬಳಿ ಫೆಬ್ರವರಿಯಿಂದ ಸೇತುವೆಗೆ ಪಿಲ್ಲರ್ ನಿರ್ಮಾಣ ಕಾರ್ಯ ಭರದಿಂದ ಸಾಗಿತ್ತು. ಆಂದಾಜಿನಂತೆ ಕಾಮಗಾರಿ ಸಾಗುತ್ತಿದ್ದು, ಮಳೆ ಕಾರಣದಿಂದ 10 ದಿನಕ್ಕೂ ಮೊದಲೇ ಕಾಮಗಾರಿಯನ್ನು ಸ್ಥಗಿತಗೊಳಿಸಲಾಗುತ್ತಿದೆ ಎಂದು ಅಭಿಯಂತರು ತಿಳಿಸಿದ್ದಾರೆ. ಪಿಲ್ಲರ್ ನಿರ್ಮಾಣಕ್ಕೆ ಬೃಹತ್ ಹೊಂಡಗಳನ್ನು ತೋಡಲಾಗಿದ್ದು, ಈ ಹೊಂಡಗಳಲ್ಲಿ ನೀರು ನಿಲ್ಲುತ್ತಿದೆ. ಪ್ರತಿದಿನ ಮಳೆ ಸುರಿಯುತ್ತಿರುವುದರಿಂದ ಕಾಮಗಾರಿ ನಡೆಸಲು ಪ್ರಯಾಸ ಪಡುವಂತಾಗಿದೆ.
10 ದಿನ ಮೊಟಕು
ಸೇತುವೆ ಕಾಮಗಾರಿ ನಿರೀಕ್ಷೆಯಂತೆ ಉತ್ತಮವಾಗಿ ನಡೆಯುತ್ತಿದೆ. ಮೊದಲ ಹಂತದ ಕಾಮಗಾರಿ ಬಳಿಕ 6 ತಿಂಗಳ ವಿರಾಮ ನೀಡಿ ಮತ್ತೆ ಕಾಮಗಾರಿ ನಡೆಸಲಾಗುತ್ತದೆ. ಮಳೆ ನಿರೀಕ್ಷೆಗಿಂತಲೂ ಮೊದಲೇ ಸುರಿಯುತ್ತಿರುವುದರಿಂದ ಕಾಮಗಾರಿ ಅವಧಿಯಲ್ಲಿ 10 ದಿನಗಳ ಕಾಲ ಮೊಟಕುಗೊಳಿಸಲಾಗುತ್ತಿದೆ. ಈಗ ಬೀಳುತ್ತಿರುವ ಮಳೆಯಿಂದ ಕಾಮಗಾರಿಗೆ ಅಡ್ಡಿಯಾಗಿಲ್ಲ.
– ಯಶವಂತ್, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಸಹಾಯಕ ಕಾರ್ಯಪಾಲಕ ಅಭಿಯಂತರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Aranthodu: ಜೀಪ್-ಬೈಕ್ ಅಪಘಾತ; ಗಂಭೀರ ಗಾಯಗೊಂಡಿದ್ದ ಬೈಕ್ ಸವಾರ ಸಾವು
LS Polls: ಬೆಳ್ತಂಗಡಿ ತಾಲೂಕಿನ ಉಜಿರೆಯ ಮಸ್ಟರಿಂಗ್ ಕೇಂದ್ರಕ್ಕೆ ದ.ಕ. ಜಿಲ್ಲಾಧಿಕಾರಿ ಭೇಟಿ
Bantwala: ಬಾಲಕಿಯೊಂದಿಗೆ ಅನುಚಿತ ವರ್ತನೆ; ಆರೋಪಿ ವಿರುದ್ಧ ಪ್ರಕರಣ ದಾಖಲು
Uppinangady ಬಸ್ಸಿನಲ್ಲಿ ಲೈಂಗಿಕ ಕಿರುಕುಳ: ಪ್ರತಿರೋಧಿಸಿದ ವಿದ್ಯಾರ್ಥಿನಿಯ ನಡೆಗೆ ಶ್ಲಾಘನೆ
ಕೆಂಪಡಿಕೆ ಧಾರಣೆ ಏರಿಕೆ; ಚಾಲಿ ಅಡಿಕೆಗೂ ಬೇಡಿಕೆ: ಚುನಾವಣೆ ಬಳಿಕ ಮತ್ತಷ್ಟು ಹೆಚ್ಚಳ ಸಾಧ್ಯತೆ