ತಿರುವಿನಲ್ಲಿ ಬೈಕ್ ವಾಲಿದಂತೆ ಆಗುತ್ತೆ ಯಾಕೆ?
Team Udayavani, May 11, 2018, 3:21 PM IST
ದೊಡ್ಡ ತಿರುವಿನಲ್ಲಿ ಬೈಕ್ ಓಡಿಸುತ್ತಿದ್ದರೆ, ಒಂದು ಬದಿಗೆ ಎಳೆದಂತೆ ಆಗುತ್ತೆ.. ಸಾವರಿಸಿಕೊಂಡು ಬ್ಯಾಲೆನ್ಸ್ ಮಾಡ್ಬೇಕಾಯ್ತು.. ಏನು ಪ್ರಾಬ್ಲಿಂ ಅಂತ ಗೊತ್ತಾಗ್ತಿಲ್ಲ! ಅಂದಿದ್ದರೆ ಅದಕ್ಕೆ ಕಾರಣವಿದೆ. ಮುಖ್ಯವಾಗಿ ನಿಮ್ಮ ಬೈಕ್ ಸರಿಯಾಗಿ ಸರ್ವೀಸ್ ಆಗಿಲ್ಲ ಎಂದೇ ಅರ್ಥ. ಬೈಕ್ ಚಾಲನೆ ಮುನ್ನ ಈ ವಿಚಾರಗಳ ಬಗ್ಗೆ ತಿಳಿದುಕೊಳ್ಳುವುದು ಉತ್ತಮ.
ಕಾರಣ 1: ಸ್ಟೀರಿಂಗ್ ಹೆಡ್ ಬೇರಿಂಗ್ ಸಮಸ್ಯೆ ಇರಬಹುದು. ಬೈಕ್ ಹ್ಯಾಂಡಲ್ ಕೆಳಭಾಗದಲ್ಲಿ ಎರಡು ಸ್ಟೀರಿಂಗ್ ಹೆಡ್ ಬೇರಿಂಗ್ಗಳಿವೆ. ಈ ಬೇರಿಂಗ್ಗಳಲ್ಲಿ ಯಾವುದಾದರೂ ಒಂದು ಬೇರಿಂಗ್ನ ಬಾಲ್ಗಳು ಸವೆದರೆ, ಅಥವಾ ಇಡೀ ಬೇರಿಂಗ್ ಗೆ ಹಾನಿಯಾದರೂ ಬೈಕ್ ಒಂದು ಕಡೆ ವಾಲಿದಂತಾಗುತ್ತದೆ. ಇದಕ್ಕಾಗಿ ಬೇರಿಂಗ್ ಬದಲಿಸುವುದೇ ಒಳ್ಳೆದು. ಸಾಮಾನ್ಯವಾಗಿ ಬೇರಿಂಗ್ಗಳು 20 ಸಾವಿರ ಕಿ.ಮೀ. ವರೆಗೂ ಬಾಳಿಕೆ ಬರುತ್ತವೆ. ಆದರೆ ಕೆಟ್ಟ ರಸ್ತೆ, ಹಳ್ಳದಿಣ್ಣೆಗಳಲ್ಲಿ ಚಾಲನೆ, ವೇಗದ ಚಾಲನೆ ಇತ್ಯಾದಿ ಕಾರಣಗಳಿಂದ ಬೇರಿಂಗ್ ಬೇಗನೆ ಸವೆಯಬಹುದು. ಇದಕ್ಕಾಗಿ ಎರಡೂ ಬೇರಿಂಗ್ಗಳನ್ನು ಸರ್ವೀಸ್ನಲ್ಲಿ ಬದಲಿಸುವುದು ಒಳ್ಳೆಯದು.
ಕಾರಣ 2: ಚಾಸಿ/ಫ್ರಂಟ್ ಶಾಕ್ಸ್ ಬೆಂಡ್ ಬಂದಿರಬಹುದು. ಬೈಕ್ ಎಲ್ಲಾದರೂ ಬಿದ್ದಿದ್ದರೆ ಬೈಕ್ ಚಾಸಿಗೆ, ಶಾಕ್ಸ್ಗೆ ಹಾನಿಯಾಗಿರುವ/ ಬೆಂಡ್ ಬಂದಿರುವ ಸಾಧ್ಯತೆ ಇರುತ್ತದೆ. ಇದರಿಂದಲೂ ಒಂದೇ ಕಡೆಗೆ ವಾಲಿದಂತಾಗುತ್ತದೆ. ಇಂತಹ ಸಮಸ್ಯೆ ಇದ್ದರೆ ಬೆಂಡ್ ತೆಗೆಸಬಹುದು. ಸರಿಯಾಗಿಲ್ಲ ಎಂದರೆ ಆ ಭಾಗವನ್ನೇ ಬದಲಾಯಿಸಬೇಕಾಗುತ್ತದೆ.
ಕಾರಣ 3: ವೀಲ್ ಬೇರಿಂಗ್ ಸಮಸ್ಯೆಯಿಂದಲೂ ಬೈಕ್ ಓಲಾಡಿದಂತೆ ಭಾಸವಾಗುತ್ತದೆ. ಹೆಚ್ಚಾಗಿ ಇಂತಹ ಸಮಸ್ಯೆ ಅತಿ ಭಾರದ ಬೈಕ್ಗಳಲ್ಲಿ (ಎನ್ಫೀಲ್ಡ್ ಇತ್ಯಾದಿ)ಗಳಲ್ಲಿ ಸಾಮಾನ್ಯ. ಬೈಕ್ ಚಕ್ರದ ತೂತಿನಲ್ಲಿ ಎರಡು ಬೇರಿಂಗ್ಗಳಿವೆ. ಈ ಬೇರಿಂಗ್ಗಳೂ ಹಾನಿಗೊಳಗಾದರೆ, ಅಥವಾ ಸವೆದರೆ ವೀಲ್ಗೆ ಗ್ರಿಪ್ ಇರುವುದಿಲ್ಲ. ಇದರಿಂದ ವೀಲ್ ಓಲಾಡಿದಂತೆ ಭಾಸವಾಗುತ್ತದೆ. ಇದಕ್ಕಾಗಿ ಸವೆದ ವೀಲ್ ಬೇರಿಂಗ್ಗಳನ್ನು ಬದಲಿಸುವುದೇ ಉತ್ತಮ.
ಈಶ