ಹೈಟೆನ್ಷನ್‌ ವಿದ್ಯುತ್‌ ಗೋಪುರಕ್ಕೆ ಗುದ್ದಿದ ಲಾರಿ

Team Udayavani, Nov 23, 2018, 1:07 PM IST

ದಾವಣಗೆರೆ: ರಾಷ್ಟ್ರೀಯ ಹೆದ್ದಾರಿ ನಾಲ್ಕರಲ್ಲಿ ಲಾರಿಗಳ ಮಧ್ಯೆ ಡಿಕ್ಕಿಯಿಂದಾಗಿ ಒಂದು ಲಾರಿ ಹೈಟೆನ್ಷನ್‌ ವಿದ್ಯುತ್‌ ಟವರ್‌ಗೆ ಗುದ್ದಿದ ಘಟನೆ ಬುಧವಾರ ರಾತ್ರಿ ಸಂಭವಿಸಿದೆ. ನಗರದ ಹೊರಹೊಲಯದ ಮಾಡ್ರನ್‌ ಸ್ಕೂಲ್‌ ಬಳಿ ಈ ಘಟನೆ ಸಂಭವಿಸಿದೆ. ಕಬ್ಬು ತುಂಬಿದ ಲಾರಿಗೆ ಹರಿಹರ ಕಡೆಯಿಂದ ಬಂದ ಲಾರಿ ಡಿಕ್ಕಿ ಹೊಡೆದಿದೆ. ಆಗ ಕಬ್ಬಿನ ಲಾರಿ ವಿದ್ಯುತ್‌ ಟವರ್‌ ಗೆ ಗುದ್ದಿದೆ. ಘಟನೆಯಲ್ಲಿ ಚಾಲಕ ಗಾಯಗೊಂಡಿದ್ದಾನೆ.

ಕಬ್ಬಿನ ಲಾರಿ ಸರ್ವಿಸ್‌ ರಸ್ತೆಯ ಬದಿಯಲ್ಲಿದ್ದ 66 ಕೆ.ವಿಯ ದಾವಣಗೆರೆ-ಹರಿಹರ-ಹೊಸಪೇಟೆ ಮತ್ತು ದಾವಣಗೆರೆ ಗುತ್ತೂರು ಇಂಡಸ್ಟ್ರೀಯಲ್‌ ಪ್ರಸರಣ ಮಾರ್ಗದ ಗೋಪುರಕ್ಕೆ ಗುದ್ದಿದ ಪರಿಣಾಮ ಗೋಪುರ ಹಾನಿಗೊಳಗಾಗಿದೆ ಎಂದು ದೂರು ನೀಡಲಾಗಿದೆ.

ನಾಲ್ಕು ಬಂಗಾರ ಬಳೆ ಕಳ್ಳತನ
ದಾವಣಗೆರೆ: ಮನೆಯ ಹೆಂಚು ತೆಗೆದು ಒಳಗೆ ನುಗ್ಗಿರುವ ಕಳ್ಳರು, ಬೀರುವಿನಲ್ಲಿದ್ದ 2 ಲಕ್ಷ ರೂ. ಮೌಲ್ಯದ 80 ಗ್ರಾಂ 4 ಬಳೆಗಳನ್ನು ದೋಚಿರುವ ಘಟನೆ ಕೆಟಿಜೆ ನಗರದ 6 ನೇ ಕ್ರಾಸ್‌ನಲ್ಲಿ ಬುಧವಾರ ನಡೆದಿದೆ. ಮನೆ ಕೆಲಸದಿಂದ ಜೀವನ ಸಾಗಿಸುತ್ತಿರುವ ಹಾಲಮ್ಮ, ತನ್ನ ಅಕ್ಕ ಕೊಟ್ಟು ಹೋಗಿದ್ದ ಚಿನ್ನದ 4 ಬಳೆಗಳನ್ನು ಬೀರುವಿನಲ್ಲಿ ಇಟ್ಟು ಯಲ್ಲಮ್ಮನಗುಡ್ಡಕ್ಕೆ ಮಂಗಳವಾರ ಹೋಗಿದ್ದಾರೆ. ಅಲ್ಲಿಂದ ಬಂದು ನೋಡಿದಾಗ ಮನೆಯ ಮೇಲಿನ ಹೆಂಚು ತೆಗೆದು ಕಳ್ಳರು ಒಳಪ್ರವೇಶಿಸಿ, ಬೀರುವಿನ ಬಾಗಿಲು ಮುರಿದು, ಬಳೆ ದೋಚಿರುವುದು ಕಂಡು ಬಂದಿದೆ. ಪ್ರಕರಣ ಕೆಟಿಜೆ ನಗರ ಠಾಣೆಯಲ್ಲಿ ದಾಖಲಾಗಿದೆ.