Udayavni Special

ತೆನೆ ಕಟ್ಟಿದ ಬೆಳೆ ಇಲ್ಲದೆ ಕಳೆ ಕಟ್ಟದ ಮೇಳ


Team Udayavani, Jan 21, 2020, 10:07 AM IST

huballi-tdy-1

ಧಾರವಾಡ: ತೆನೆ ಕಟ್ಟಿದ ಜೋಳವಿರಲಿಲ್ಲ, ಗೊನೆ ಹೊತ್ತ ಬಾಳೆಹಣ್ಣಿನ ಗಿಡಗಳೂ ಇರಲಿಲ್ಲ, ಮೈದುಂಬಿಕೊಂಡ ಫಲಗಳು ಸಿಗಲಿಲ್ಲ, ಸುವಾಸನೆ ಬೀರುವ ಪುಷ್ಪಗಳು ಇರಲಿಲ್ಲ, ಒಟ್ಟಿನಲ್ಲಿ ಕೃಷಿ ಮೇಳದ ಖದರ್‌ ಹಿಂದಿನ ವರ್ಷಗಳಂತೆ ಇರಲಿಲ್ಲ. ಕೃಷಿ ಮೇಳ-2019ರಲ್ಲಿ ಪಾಲ್ಗೊಂಡ ರೈತರು ಮತ್ತು ರೈತ ಮಹಿಳೆಯರು ಈ ವರ್ಷದ ಧಾರವಾಡ ಕೃಷಿ ಮೇಳ ಸಪ್ಪೆಯಾಗಿತ್ತು ಎನ್ನುವುದನ್ನು ಖಡಾಖಂಡಿತವಾಗಿ ತಮ್ಮ ಮಾತುಗಳಲ್ಲಿ ಹೇಳಿದ ಪರಿಯಿದು.

ಧಾರವಾಡ ಕೃಷಿ ವಿವಿ ದೇಶದ ವಿವಿಗಳ ಪಟ್ಟಿಯಲ್ಲಿ 7ನೇ ಶ್ರೇಯಾಂಕದಲ್ಲಿದೆ. ಇಲ್ಲಿನ ಸಂಶೋಧನೆಗಳು, ತಳಿ ಸುಧಾರಣೆಗಳು, ಆಧುನಿಕ ಕೃಷಿ ತಂತ್ರಜ್ಞಾನಗಳ ಅನ್ವೇಷಣೆಗಳು ವಿಶ್ವದಾದ್ಯಂತ ಹೆಸರು ಮಾಡಿದ್ದು ಸುಳ್ಳಲ್ಲ. ಆದರೆ ಈ ವರ್ಷದ ಕೃಷಿ ಮೇಳ ವಿಳಂಬವಾಗಿ ಆಗಿದ್ದರಿಂದ ಕೃಷಿಗೆ ಸಂಬಂಧಿಸಿದ ತಾಕುಗಳು, ಪ್ರಾತ್ಯಕ್ಷಿಕೆಗಳು ಮತ್ತು ವಿನೂತನ ತಂತ್ರಜ್ಞಾನದಕೃಷಿ ವಿಚಾರಗಳನ್ನು ಪಸರಿಸುವ ಕಾರ್ಯ ಅಷ್ಟಾಗಿ ನಡೆಯಲಿಲ್ಲ.

ಕೃಷಿಮೇಳ ರೈತರಿಗೆ ಸುಧಾರಿತ ತಂತ್ರಜ್ಞಾನ ಮತ್ತು ಉತ್ತಮ ತಳಿಗಳನ್ನು ಹೇಗೆ ಬೆಳೆಸುವುದು, ಅವುಗಳಿಂದ ಆಗುವಲಾಭಗಳೇನು? ಎಂಬುದನ್ನು ಮನದಟ್ಟು ಮಾಡುವುದಕ್ಕೂ ವೇದಿಕೆಯಾಗಬೇಕಿತ್ತು. ಆದರೆ ವರ್ಷದಿಂದ ವರ್ಷಕ್ಕೆ ಅಂಗಡಿಗಳ ಸಾಲು ಹೆಚ್ಚಾಗುತ್ತಿವೆ. ಆದರೆ ಬಡ ರೈತರಿಗೆ ಉಚಿತವಾಗಿ ಮಳಿಗೆ ಸಿಕ್ಕುವುದು ಅಸಾಧ್ಯ. ಪ್ರತಿ ಮಳಿಗೆಗೂ ಸಾವಿರಗಟ್ಟಲೇ ಹಣ ನೀಡಿದವರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗುತ್ತಿದೆ. ನಾಲ್ಕು ದಿನಕ್ಕೆ 35 ಸಾವಿರಗಟ್ಟಲೇ ಹಣಕೊಟ್ಟು ಮಳಿಗೆ ಕೊಳ್ಳಲಾಗದ ಎಷ್ಟೋ ಸಣ್ಣ ಗೃಹೋದ್ಯಮಗಳು, ಸಹಕಾರ ಸಂಘಗಳು ಈ ವರ್ಷ ಮೇಳದತ್ತ ಸುಳಿಯುವ ಸಾಹಸ ಕೈ ಬಿಟ್ಟಿವೆ.

ರೈತ ಪ್ರಾಧಾನ್ಯತೆ ಸಿಗಲಿಲ್ಲ: ಕೃಷಿ ಮೇಳದಲ್ಲಿ ಅದರಲ್ಲೂ ಅಲ್ಲಿನ ಪ್ರದರ್ಶನ ಮಳಿಗೆಗಳಲ್ಲಿ ರೈತರಿಗೆ ಶೇ.50 ಪ್ರಾಧ್ಯಾನ್ಯತೆ ಸಿಗಬೇಕು. ಅಲ್ಲಿ ರೈತರೇ ಸಂಶೋಧನೆ ಮಾಡಿದ ಹೊಸ ತಂತ್ರಜ್ಞಾನಗಳನ್ನು ಹುಡುಕಿ ಪ್ರದರ್ಶಿಸುವುದಕ್ಕೆ ಕೃಷಿ ವಿವಿ ವ್ಯವಸ್ಥೆ ಮಾಡಬೇಕು. ಬೀಜ ಸಂರಕ್ಷಣೆ, ಕೃಷಿಯಲ್ಲಿನ ಹೊಸ ಆವಿಷ್ಕಾರಗಳನ್ನು ನೇರವಾಗಿ ರೈತರಿಗೆ ತಲುಪಿಸುವುದಕ್ಕೆ ಇನ್ನಷ್ಟು ಹೊಸ ಆಯಾಮಗಳನ್ನು ಶೋಧಿಸಬೇಕು. ಬೀದರ್‌ನಿಂದ ಹಿಡಿದು ದಾವಣಗೆರೆ ವರೆಗೂ ಎಲ್ಲ ಜಿಲ್ಲೆಗಳ ರೈತರೂ ಮೇಳಕ್ಕೆ ಭೇಟಿ ಕೊಟ್ಟಿದ್ದರು. ಅವರಲ್ಲಿ ಅನೇಕರನ್ನು “ಉದಯವಾಣಿ’ ಮಾತನಾಡಿಸಿದಾಗ, ಕೃಷಿ ಮೇಳದ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದು, ಈ ಕೃಷಿಮೇಳ ನಿಜವಾಗಿಯೂ ರೈತರಿಗೆ ಶ್ರದ್ಧಾ ಭಕ್ತಿಯ ಜಾತ್ರೆಯಾಗಬೇಕೆ ಹೊರತು, ಬರೀ ರಕು ಸಾಮಾನು ಮಾರಾಟ ಮಾಡುವ ಮಾರುಕಟ್ಟೆಯಾಗಬಾರದು. ಈ ಕುರಿತು ಕೃಷಿ ವಿವಿ ಮುಂದಿನ ವರ್ಷವಾದರೂ ಗಮನ ಹರಿಸಬೇಕು ಎಂದು ಸಲಹೆ ನೀಡಿದರು.

ಕಳೆಗುಂದಿದ ವ್ಯಾಪಾರ: ನಾಲ್ಕು ದಿನಗಳಿಗೆ ಬದಲಾಗಿ ಮೂರು ದಿನ ಮಾತ್ರ ಮೇಳ ನಡೆಯಿತು. ಅಲ್ಲದೇ ಸಮಯ ಮೀರಿ ಕೃಷಿ ಮೇಳ ನಡೆಸಿದ್ದರಿಂದ ಶೇ.60 ಜನರು ಅಂದರೆ 10 ಲಕ್ಷ ದಷ್ಟು ಜನರ ಕೊರತೆ ಕೃಷಿ ಮೇಳಕ್ಕೆ ಆಯಿತು. ಹೀಗಾಗಿ ವ್ಯಾಪಾರ ವಹಿವಾಟು ನೆಚ್ಚಿಕೊಂಡು ಅಂಗಡಿ ಸಾಲು ಹಾಕಿದ್ದ ಮಳಿಗೆ ವ್ಯಾಪಾರಿಗಳಿಗೂ ಬರೋಬ್ಬರಿ ಹೊಡೆತ ಬಿದ್ದಿದೆ. ಟ್ರ್ಯಾಕ್ಟರ್‌, ಜೆಸಿಬಿ, ಟೈರ್‌ ಸೇರಿದಂತೆ ಕೃಷಿ ಯಂತ್ರೋಪಕರಣಗಳ ಖರೀದಿಯೂ ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ.60 ಕುಸಿತಗೊಂಡಿದೆ. ಪ್ರತಿದಿನ 4 ಟ್ರ್ಯಾಕ್ಟರ್‌ಗಳ ಪೂಜೆಗೆ ಪಟಾಕಿ ಹೊಡೆಯುತ್ತಿದ್ದ ರೈತರಿಂದ ಕಳೆಕಟ್ಟುತ್ತಿದ್ದ ಕೃಷಿ ಮೇಳದಲ್ಲಿ ಈ ವರ್ಷ ಕೊನೆಯ ದಿನ ಮಾತ್ರ ಎರಡು ಟ್ರ್ಯಾಕ್ಟರ್‌ಗಳು ಮಾರಾಟವಾಗಿದ್ದು ಕಂಡು ಬಂತು.

ಇಷ್ಟೊದೊಡ್ಡ ಮೇಳದಲ್ಲಿ ವಾಣಿಜ್ಯ ಮತ್ತು ವ್ಯಾಪಾರಕ್ಕೆ ಹೆಚ್ಚಿನ ಪ್ರಾಶಸ್ತÂ ಕಂಡು ಬಂದಿತು. ವರ್ಷದಿಂದ ವರ್ಷಕ್ಕೆ ವ್ಯಾಪಾರ ವಹಿವಾಟು ಹೆಚ್ಚಾಗುತ್ತಿದೆಯೇ ಹೊರತು ನೈಜ ಕೃಷಿಗೆ ಮತ್ತು ಸಣ್ಣ ರೈತನಿಗೆ ಬೇಕಾಗುವ ಕೃಷಿ ವಿಧಾನಗಳು, ಸಲಕರಣೆಗಳು ಮತ್ತು ತಂತ್ರಜ್ಞಾನ ಅಷ್ಟಾಗಿ ಸಿಕ್ಕುತ್ತಿಲ್ಲ. ಹೀಗಾಗಿ ಮುಂದಿನ ವರ್ಷವಾದರೂ ರೈತರಿಗೆ ಹೆಚ್ಚು ಅನುಕೂಲವಾಗುವ ರೀತಿಯಲ್ಲಿ ಮೇಳ ಸಂಘಟನೆಯಾಗಲಿ ಎಂದು ಕೆಲವು ರೈತರು ಸಂಘಟಕರಿಗೆ ಹೇಳಿದ್ದು ವಿಶೇಷವಾಗಿತ್ತು.

5 ಲಕ್ಷಕ್ಕಿಳಿದ ಜನರ ಭೇಟಿ :  ಪ್ರತಿವರ್ಷ 12-16 ಲಕ್ಷ ಜನರು ಸೇರುತ್ತಿದ್ದ ಮೇಳಕ್ಕೆ ಈ ವರ್ಷ ಬರೀ 5 ಲಕ್ಷ ಜನರು ಸೇರಿದ್ದಾರೆ. ಹೀಗಾಗಿ ಕೃಷಿ ಮೇಳದ ಕಳೆಯೇ ಹೋಗಿತ್ತು. ಇನ್ನು ರಾಜ್ಯದ ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಆದಿಯಾಗಿ ರೈತ ಮುಖಂಡರು ಕೂಡ ಅಷ್ಟಾಗಿ ಕೃಷಿ ಮೇಳದತ್ತ ಸುಳಿಯಲ್ಲಿಲ್ಲ. ಉದ್ಘಾಟನೆ ಕಾರ್ಯಕ್ರಮವೇ ಕಳೆಗುಂದಿತ್ತು. ಮೊದಲ ದಿನ ಜನರ ಕೊರತೆ ಎದುರಿಸಿದ್ದ ಕೃಷಿ ಮೇಳ ರವಿವಾರ ಮಾತ್ರ ಕೊಂಚ ನಗರವಾಸಿಗಳ ಖರೀದಿ ಭರಾಟೆ ಮತ್ತುಕುಟುಂಬ ಸಮೇತ ಸುತ್ತಾಟದಿಂದ ಕಳೆಕಟ್ಟಿತ್ತು. ಕೊನೆಯ ದಿನ ರೈತರು ಕಡಿಮೆ ಸಂಖ್ಯೆಯಲ್ಲಿ ಬಂದಿದ್ದರಿಂದ ಕೃಷಿ ಮೇಳ ಕಳೆ ಕಟ್ಟಲಿಲ್ಲ

ಸಲಹೆ ಪಡೆದ ರೈತರು :  ಕೃಷಿ ವಿವಿಯ ಪ್ರಾಧ್ಯಾಪಕರು ಮತ್ತು ಕೃಷಿ ವಿಜ್ಞಾನಿಗಳು ತಳಿ ಸಂರಕ್ಷಣೆ, ಮಳೆ ಕೊಯ್ಲು, ಬೀಜೋತ್ಪಾದನೆ, ಪೌಷ್ಟಿಕ ಧಾನ್ಯ ಬೆಳೆಯುವುದು, ಹನಿ ನೀರಾವರಿ, ಸಾವಯವ ಕೃಷಿ, ಸಾವಯವ ಕ್ರಿಮಿನಾಶಕಗಳು, ಗೊಬ್ಬರದ ಬಳಕೆ, ಕಡಿಮೆ ವೆಚ್ಚದ ಕೃಷಿ, ಯಂತ್ರೋಪಕರಣ ಬಳಕೆ, ಬೀಜ ವಿತರಣೆ ಸೇರಿದಂತೆ ಅನೇಕ ವಿಷಯಗಳ ಕುರಿತು ಸಲಹೆಗಳನ್ನು ರೈತರಿಗೆ ನೀಡಿದರು. ಸೈನಿಕ ಹುಳು ನಿಯಂತ್ರಣ, ಸಾವಯವ ಕೃಷಿ ಮತ್ತು ಬೀಜೋತ್ಪಾದನೆ ಕುರಿತು ಹೆಚ್ಚು ರೈತರು ಸಲಹೆ ಪಡೆದುಕೊಂಡಿದ್ದು ವಿಶೇಷ. ಇಸ್ರೇಲ್‌ ಮಾದರಿ ಕೃಷಿ, ನಗರ ಕೃಷಿಯ ಬಗ್ಗೆ ಇಟ್ಟಿದ್ದ ಪ್ರಾತ್ಯಕ್ಷಿಕೆಗಳು ಈ ವರ್ಷದ ಕೃಷಿ ಮೇಳದಲ್ಲಿ ನಗರವಾಸಿಗಳನ್ನು ಸೆಳೆದಿದ್ದು ಸತ್ಯ.

ಅರ್ಥಪೂರ್ಣ ಕೃಷಿ ಮೇಳಕ್ಕೆ ಆಗ್ರಹ :  ರೈತರಿಂದ ರೈತರಿಗಾಗಿ ರೈತರಿಗೋಸ್ಕರ ನಡೆಯುವ ಧಾರವಾಡ ಕೃಷಿಮೇಳ ಇಂದು ದೇಶದ ಅಗ್ರಗಣ್ಯ ಮೇಳಗಳಲ್ಲಿ ಸ್ಥಾನ ಪಡೆದುಕೊಂಡಿದ್ದು ಹೆಮ್ಮೆಯ ವಿಚಾರ. ಆದರೆ ಕೃಷಿ ಮೇಳವೇ ವಾಣಿಜ್ಯೀಕರಣಗೊಂಡಿದ್ದು, ಇಡೀ ಕೃಷಿ ಮೇಳದಲ್ಲಿ ಬರೀ ವಸ್ತುಗಳ ಮಾರಾಟದ ಅಂಗಡಿಗಳುಸೇರಿಕೊಂಡಿವೆ. ಖರೀದಿ, ತಿರುಗಣಿಯಲ್ಲಿ ಕುಳಿತು ಖುಷಿ ಪಡುವುದು, ಮಕ್ಕಳಿಗೆ ಆಟಿಕೆ ಕೊಡಿಸುವುದನ್ನು ನೋಡಿದರೆ ಕೃಷಿಮೇಳ ಎಂದರೆ ದೊಡ್ಡ ಜಾತ್ರೆಯಂತೆ ಭಾಸವಾಗುತ್ತಿದೆ. ಕೃಷಿ ವಿವಿ ವ್ಯಾಪ್ತಿಗೆ ಬರುವ ಏಳು ಜಿಲ್ಲೆಯಲ್ಲೂ ವಿಭಿನ್ನ ಹವಾಗುಣ,ಬೆಳೆ ವೈವಿದ್ಯತೆಗಳಿದ್ದು, ಆಯಾ ಪ್ರದೇಶದಲ್ಲಿನ ವಿನೂತನ ಪ್ರಯೋಗ ಮಾಡಿ ಯಶಸ್ಸು ಸಾಧಿಸಿದ ರೈತರನ್ನು ಕೃಷಿ ವಿವಿ ಗುರುತಿಸಿ, ಅವರಿಗೆ ಕೃಷಿಮೇಳದಲ್ಲಿ ಭಾಗಿಯಾಗಲು ಅವಕಾಶ ನೀಡಬೇಕು. ಇದುಜಾರಿಯಾದರೆ ಕೃಷಿಮೇಳ ನಿಜಕ್ಕೂ ಅರ್ಥಪೂರ್ಣಗೊಳ್ಳುತ್ತದೆ ಎನ್ನುತ್ತಾರೆ ಪ್ರಗತಿಪರ ಕೃಷಿಕರು.

 

-ಬಸವರಾಜ ಹೊಂಗಲ್‌

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ರಾಜ್ಯದಲ್ಲಿ ಮತ್ತೆ 75 ಹೊಸ ಸೋಂಕಿತರು: 2493ಕ್ಕೇರಿದ ಸೋಂಕಿತರ ಸಂಖ್ಯೆ

ರಾಜ್ಯದಲ್ಲಿ ಮತ್ತೆ 75 ಹೊಸ ಸೋಂಕಿತರು: 2493ಕ್ಕೇರಿದ ಸೋಂಕಿತರ ಸಂಖ್ಯೆ

ಉಡುಪಿಯಲ್ಲಿ ಮತ್ತೆ ಹೊಸ ಕೋವಿಡ್-19 ಸೋಂಕು ಪತ್ತೆ

ಉಡುಪಿಯಲ್ಲಿ ಮತ್ತೆ 27 ಹೊಸ ಕೋವಿಡ್-19 ಸೋಂಕು ಪ್ರಕರಣಗಳು ಪತ್ತೆ

ಬಲ್ಗೇರಿಯಾದಲ್ಲಿ ಜೂ. 1ರಿಂದ ರೆಸ್ಟೋರೆಂಟ್‌ ಸೇವೆ

ಬಲ್ಗೇರಿಯಾದಲ್ಲಿ ಜೂ. 1ರಿಂದ ರೆಸ್ಟೋರೆಂಟ್‌ ಸೇವೆ

ಲಕ್ಷದ್ವೀಪದಲ್ಲಿ ಸಿಲುಕಿದ್ದ ಕಾರ್ಮಿಕರು ಹಡಗಿನ ಮೂಲಕ ಮರಳಿ ಮಂಗಳೂರಿಗೆ

ಲಕ್ಷದ್ವೀಪದಲ್ಲಿ ಸಿಲುಕಿದ್ದ ಕಾರ್ಮಿಕರು ಹಡಗಿನ ಮೂಲಕ ಮರಳಿ ಮಂಗಳೂರಿಗೆ

ವಿಧಾನಸಭೆ ಸಮಿತಿಗಳ ಅಧ್ಯಯನ ಪ್ರವಾಸಕ್ಕೆ ಬ್ರೇಕ್: ಹೆಚ್ ಕೆ ಪಾಟೀಲ್ ತೀವ್ರ ವಿರೋಧ

ವಿಧಾನಸಭೆ ಸಮಿತಿಗಳ ಅಧ್ಯಯನ ಪ್ರವಾಸಕ್ಕೆ ಬ್ರೇಕ್: ಹೆಚ್ ಕೆ ಪಾಟೀಲ್ ತೀವ್ರ ವಿರೋಧ

ಆಸೀಸ್ ಸರಣಿಯ ಮೊದಲ ಪಂದ್ಯವನ್ನು ಬ್ರಿಸ್ಬೇನ್ ನಲ್ಲಿ ಆಡಲಿದೆ ಟೀಂ ಇಂಡಿಯಾ

ಆಸೀಸ್ ಸರಣಿಯ ಮೊದಲ ಪಂದ್ಯವನ್ನು ಬ್ರಿಸ್ಬೇನ್ ನಲ್ಲಿ ಆಡಲಿದೆ ಟೀಂ ಇಂಡಿಯಾ

ಸಿಂಗಾಪುರ ಉದ್ಯಾನವನದಲ್ಲಿದೆ ಹೈಟೆಕ್‌ ರೋಬೋಟ್‌ ನಾಯಿ

ಸಿಂಗಾಪುರ ಉದ್ಯಾನವನದಲ್ಲಿದೆ ಹೈಟೆಕ್‌ ರೋಬೋಟ್‌ ನಾಯಿ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಕೂಲಿ ಪಾವತಿಸುವ ಕಾರ್ಯ ತ್ವರಿತಗೊಳಿಸಿ : ಶೆಟ್ಟರ

ಕೂಲಿ ಪಾವತಿಸುವ ಕಾರ್ಯ ತ್ವರಿತಗೊಳಿಸಿ : ಶೆಟ್ಟರ

ಮಾವು ಬೆಳೆಗಾರರು-ಮಾರಾಟಗಾರರಿಗೆ ಕೋವಿಡ್ ಕಹಿ

ಮಾವು ಬೆಳೆಗಾರರು-ಮಾರಾಟಗಾರರಿಗೆ ಕೋವಿಡ್ ಕಹಿ

ಸ್ವಸಹಾಯ ಸಂಘಗಳು, ಬ್ಯಾಂಕಿನವರು ಸಾಲ ಕಟ್ಟುವಂತೆ ಪೀಡಿಸುವಂತಿಲ್ಲ: ಸಚಿವ ಶೆಟ್ಟರ್

ಸಾಲಗಾರರಿಗೆ ಸ್ವಸಹಾಯ ಸಂಘಗಳು, ಬ್ಯಾಂಕಿನವರು ಸಾಲ ಕಟ್ಟುವಂತೆ ಪೀಡಿಸುವಂತಿಲ್ಲ

ಶ್ರಮಿಕ ರೈಲುಗಳಲ್ಲಿ 2.33 ಲಕ್ಷ ಕಾರ್ಮಿಕರು ಪ್ರಯಾಣ

ಶ್ರಮಿಕ ರೈಲುಗಳಲ್ಲಿ 2.33 ಲಕ್ಷ ಕಾರ್ಮಿಕರು ಪ್ರಯಾಣ

bG-TDY-2

ಸಾರಿಗೆ ಸಿಬ್ಬಂದಿಗೆ ಕೋವಿಡ್‌-19 ವಿಮೆ ವಿಸ್ತರಿಸಿ

MUST WATCH

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

ಹೊಸ ಸೇರ್ಪಡೆ

ಯಾದಗಿರಿಯಲ್ಲಿ ಮತ್ತೆ ಏಳು ಜನರಲ್ಲಿ ಕೋವಿಡ್ ಸೋಂಕು ದೃಡ

ಯಾದಗಿರಿಯಲ್ಲಿ ಮತ್ತೆ ಏಳು ಜನರಲ್ಲಿ ಕೋವಿಡ್ ಸೋಂಕು ದೃಡ

28-May-10

ಹೋಂ ಕ್ವಾರಂಟೈನ್‌ ಮೇಲೆ ನಿಗಾ ವಹಿಸಿ

ರಾಜ್ಯದಲ್ಲಿ ಮತ್ತೆ 75 ಹೊಸ ಸೋಂಕಿತರು: 2493ಕ್ಕೇರಿದ ಸೋಂಕಿತರ ಸಂಖ್ಯೆ

ರಾಜ್ಯದಲ್ಲಿ ಮತ್ತೆ 75 ಹೊಸ ಸೋಂಕಿತರು: 2493ಕ್ಕೇರಿದ ಸೋಂಕಿತರ ಸಂಖ್ಯೆ

28-May-09

ಸಮರ್ಪಕ ಬಿತ್ತನೆ ಬೀಜ ಒದಗಿಸಿ

ಉಡುಪಿಯಲ್ಲಿ ಮತ್ತೆ ಹೊಸ ಕೋವಿಡ್-19 ಸೋಂಕು ಪತ್ತೆ

ಉಡುಪಿಯಲ್ಲಿ ಮತ್ತೆ 27 ಹೊಸ ಕೋವಿಡ್-19 ಸೋಂಕು ಪ್ರಕರಣಗಳು ಪತ್ತೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.