Udayavni Special

ಅಮೆಜಾನ್‌ನಲ್ಲಿ ಹುಬ್ಬಳ್ಳಿ ಅವಲಕ್ಕಿ ಟ್ರೆಂಡ್‌


Team Udayavani, Sep 18, 2020, 6:09 PM IST

Avalanche

ಹುಬ್ಬಳ್ಳಿ: ಆನ್‌ಲೈನ್‌ ವಹಿವಾಟಿನ ಜಾಗತಿಕ ದೈತ್ಯ ಕಂಪೆನಿ ಅಮೆಜಾನ್‌ ನಲ್ಲಿ “ಹುಬ್ಬಳ್ಳಿ ಅವಲಕ್ಕಿ’ ಸದ್ದು ಮಾಡತೊಡಗಿದೆ. ದೇಶದ ವಿವಿಧ ರಾಜ್ಯಗಳಿಗೆ ಹುಬ್ಬಳ್ಳಿ ಬ್ರ್ಯಾಂಡ್‌ನ‌ ಅವಲಕ್ಕಿ ತಲುಪುತ್ತಿದೆ. ಅಮೇಜಾನ್‌ನಲ್ಲಿ ಕರ್ನಾಟಕ ಪೋಹಾ(ಅವಲಕ್ಕಿ) ಎಂದು ನಮೂದಿಸಿದರೆ “ಹುಬ್ಬಳ್ಳಿ ಅವಲಕ್ಕಿ’ಯೇ ಮೊದಲ ಸ್ಥಾನದಲ್ಲಿ ಕಾಣುವಷ್ಟರ ಮಟ್ಟಿಗೆ ಖ್ಯಾತಿ ಪಡೆದಿದೆ.

ಮಧ್ಯಪ್ರದೇಶ, ಗುಜರಾತ್‌ ರಾಜ್ಯಗಳ ಅವಲಕ್ಕಿ ಅಬ್ಬರದ ನಡುವೆಯೂ ಜಾಗತಿಕ ಮಟ್ಟದ ಆನ್‌ಲೈನ್‌ ಕಂಪೆನಿಯಲ್ಲಿ ಹುಬ್ಬಳ್ಳಿ ಅವಲಕ್ಕಿ ಮಹತ್ವದ ಸ್ಥಾನ ಪಡೆದುಕೊಂಡಿದೆ. ಕಳೆದ ಐದು ದಶಕಗಳಿಂದ ಅವಲಕ್ಕಿ ತಯಾರಿಕೆಯನ್ನೇ ಪ್ರಮುಖ ವೃತ್ತಿಯಾಗಿಸಿಕೊಂಡಿರುವ ವಿ.ಪಿ. ಮೂರಶಿಳ್ಳಿ ಆ್ಯಂಡ್‌ ಕಂಪೆನಿ ಹೇಳಿಕೊಳ್ಳುವುದಕ್ಕೆ ದೊಡ್ಡ ಫ್ಯಾಕ್ಟರಿ ಏನು ಅಲ್ಲ. ಆದರೆ, ಗುಣಮಟ್ಟದ ಅವಲಕ್ಕಿ ತಯಾರಿಕೆ ಮೂಲಕ ದೇಶದ ವಿವಿಧ ರಾಜ್ಯಗಳಲ್ಲಿ ತನ್ನ ರುಚಿಯ ಅಚ್ಚೊತ್ತತೊಡಗಿದೆ. ವಿದೇಶದಿಂದ ಬೇಡಿಕೆ ಪಡೆದಿದೆ.

ರಾಸಾಯನಿಕ ಮುಕ್ತ: ವಿ.ಪಿ. ಮೂರಶಿಳ್ಳಿ ಆ್ಯಂಡ್‌ ಕಂಪೆನಿ ಕಳೆದ 50 ವರ್ಷಗಳಿಂದ ಅವಲಕ್ಕಿ ತಯಾರಿಕೆಯಲ್ಲಿ ತೊಡಗಿದೆ. ರಾಸಾಯನಿಕ ಮುಕ್ತ ಹಾಗೂ ಯಾವುದೇಬಣ್ಣ ಬೆರೆಸದೆ ನೈಸರ್ಗಿಕವಾಗಿ ಅವಲಕ್ಕಿ ತಯಾರಿಸಲಾಗುತ್ತದೆ. ದಪ್ಪ ಅವಲಕ್ಕಿ, ಮೀಡಿಯಂ ಅವಲಕ್ಕಿ ಹಾಗೂ ಪೇಪರ್‌ ಅವಲಕ್ಕಿಯನ್ನು ತಯಾರಿಸಲಾಗುತ್ತದೆ.ಒಂದು ಕೆಜಿ ಹಾಗೂ ಐದು ಕೆಜಿ ಪಾಕೇಟ್‌ ಗಳಲ್ಲಿ ಅವಲಕ್ಕಿ ದೊರೆಯುತ್ತಿದ್ದು, ಸಗಟುರೂಪದಲ್ಲಿ 30 ಹಾಗೂ 40 ಕೆಜಿ ತೂಕದ ಚೀಲದಲ್ಲಿಯೂ ದೊರೆಯುತ್ತಿದೆ.

ಉತ್ತಮ ಗುಣಮಟ್ಟದ ಆಯ್ದ ಅಕ್ಕಿಯನ್ನು ರೈತರು, ಇನ್ನಿತರ ಕಡೆಗಳಿಂದ ಖರೀದಿ ಮಾಡಲಾಗುತ್ತಿದ್ದು, ಅಕ್ಕಿ ಸಂಸ್ಕರಿಸುವ ಮೂಲಕ ಅದಕ್ಕೆ ಯಾವುದೇ ಕೃತಕ ಬಣ್ಣ ಬೆರೆಸದೆ ನೈಸರ್ಗಿಕವಾಗಿಯೇ ತಯಾರಿಸಲಾಗುತ್ತದೆ. ಇತರೆ ಅವಲಕ್ಕಿಗೆ ಹೋಲಿಸಿದರೆ ಇದು ಆಫ್ ವೈಟ್‌ ಅವಲಕ್ಕಿಯಾಗಿದೆ. ಮೂರು ತಲೆಮಾರುಗಳಿಂದ ಅದೇ ಗುಣಮಟ್ಟ ಕಾಯ್ದುಕೊಂಡು ಬಂದಿರುವ ಮೂರಶಿಳ್ಳಿ ಕಂಪೆನಿ ಇಂದಿಗೂ ಹೆಚ್ಚಿನ ಉತ್ಪಾದನೆಗೆ ಒತ್ತು ನೀಡದೆ, ಗುಣಮಟ್ಟಕ್ಕೆ ಒತ್ತು ನೀಡುವುದರೊಂದಿಗೆ ಸೀಮಿತಪ್ರಮಾಣದ ಉತ್ಪಾದನೆಯಲ್ಲಿ ತೊಡಗಿಕೊಂಡಿದೆ. ಯಾರು ಏನೇ ಪೈಪೋಟಿಗಿಳಿಯಲಿ, ಕಡಿಮೆ ದರಕ್ಕೆ ನೀಡಲಿ ನಾವು ಮಾತ್ರ ನಮ್ಮ ಗುಣಮಟ್ಟಕ್ಕೆ ಬದ್ಧರಾಗಿದ್ದೇವೆ ಎಂಬುದು ಕಂಪೆನಿಯವರ ಅನಿಸಿಕೆ.

ವಹಿವಾಟು ಒಪ್ಪಂದ :  ವಿ.ಪಿ. ಮೂರಶಿಳ್ಳಿ ಆ್ಯಂಡ್‌ ಕಂಪೆನಿ ಆನ್‌ಲೈನ್‌ ಮೂಲಕ ಗ್ರಾಹಕರನ್ನು ತಲುಪಲು ಅಮೆಜಾನ್‌ ಹಾಗೂ ಫ್ಲಿಪ್‌ ಕಾರ್ಟ್‌ನೊಂದಿಗೆ ವಹಿವಾಟು ಒಪ್ಪಂದ ಮಾಡಿಕೊಂಡಿದೆ. ಅಮೇಜಾನ್‌ ಮೂಲಕ ಹುಬ್ಬಳ್ಳಿ ಅವಲಕ್ಕಿ ಜಮ್ಮು-ಕಾಶ್ಮೀರ, ಮಹಾರಾಷ್ಟ್ರ, ಗೋವಾ, ಹರ್ಯಾಣ, ಉತ್ತರಖಂಡ, ಗೋವಾ, ಪಶ್ಚಿಮ ಬಂಗಾಲ, ಆಂಧ್ರಪ್ರದೇಶ, ತಮಿಳುನಾಡು, ರಾಜಸ್ಥಾನ, ದಿಲ್ಲಿ ಸೇರಿದಂತೆ ದೇಶದ ವಿವಿಧ ರಾಜ್ಯಗಳ ಅನೇಕ ಗ್ರಾಹಕರನ್ನು ತಲುಪಿದೆ. ಜತೆಗೆ ಮಲೇಷ್ಯಾದಿಂದಲೂ ಹುಬ್ಬಳ್ಳಿ ಅವಲಕ್ಕಿಗೆ ಬೇಡಿಕೆ ಬಂದಿದೆಯಂತೆ. ಅಮೆಜಾನ್‌ನಲ್ಲಿ ಹುಬ್ಬಳ್ಳಿ ಅವಲಕ್ಕಿ ಖರೀದಿಸಿದ ದೇಶದ ವಿವಿಧ ರಾಜ್ಯಗಳ ಗ್ರಾಹಕರು ಅತ್ಯುತ್ತಮ ರೇಟಿಂಗ್‌ ನೀಡಿರುವುದು, ಗುಣಮಟ್ಟದ ಬಗ್ಗೆ ಮೆಚ್ಚುಗೆ ಸೂಚಿಸಿರುವುದು ಸಹಜವಾಗಿಯೇ ಕಂಪೆನಿಯವರಿಗೆ ಸಂತಸ ಮೂಡಿಸಿದೆ. ಯೂಟ್ಯೂಬ್‌ನಲ್ಲಿಯೂ ಹುಬ್ಬಳ್ಳಿ ಅವಲಕ್ಕಿ ಮಾಹಿತಿ ಲಭ್ಯವಿದೆ.

ರಫ್ತು ವಹಿವಾಟಿನತ್ತ.. ಉತ್ಪಾದನೆ ಹೆಚ್ಚಳ ಚಿತ್ತ :  ಅವಲಕ್ಕಿ ರಫ್ತು ವಹಿವಾಟಿಗೂ ಹುಬ್ಬಳ್ಳಿ ಅವಲಕ್ಕಿ ಸ್ಥಾನ ಪಡೆಯುವ ಯತ್ನಗಳು ಸಾಗಿದ್ದು, ಎಲ್ಲವೂ ಅಂದಕೊಂಡಂತೆ ನಡೆದರೆ ಚೆನ್ನೈ ಮೂಲಕ ವಿವಿಧ ದೇಶಗಳಿಗೂ ಇದು ರಫ್ತು ಆಗಲಿದೆ. ಅಮೆಜಾನ್‌ ಮೂಲಕ ನಿತ್ಯವೂ ಬೇಡಿಕೆ ಹೆಚ್ಚತೊಡಗಿದ್ದು, ಲಾಕ್‌ಡೌನ್‌ ಸಂದರ್ಭದಲ್ಲಿ ಸಾಮಾನ್ಯಕ್ಕಿಂತಲೂ ಹೆಚ್ಚಿನ ಬೇಡಿಕೆ ಬಂದಿತ್ತಂತೆ. ರಾಜ್ಯದ ವಿವಿಧ ಜಿಲ್ಲೆಗಳಿಗೂ ಹುಬ್ಬಳ್ಳಿ ಅವಲಕ್ಕಿ ಸರಬರಾಜು ಆಗುತ್ತಿದೆ. ಪ್ರಸ್ತುತ ಸೀಮಿತ ರೀತಿಯಲ್ಲಿ ಉತ್ಪಾದನೆ ಕೈಗೊಳ್ಳುತ್ತಿರುವ ಕಂಪೆನಿ ಮುಂದಿನ ದಿನಗಳಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದ ಯಂತ್ರೋಪಕರಣಗಳೊಂದಿಗೆ ಹೊಸ ಘಟಕ ಸ್ಥಾಪನೆ ಹಾಗೂ ಉತ್ಪಾದನೆ ಹೆಚ್ಚಳದ ಯೋಜನೆ ಹೊಂದಿದೆ.

ಉತ್ಪಾದನೆ ಹೆಚ್ಚಳಕ್ಕಿಂತ ಇರುವ ಉತ್ಪಾದನೆಯೊಂದಿಗೆ ಪರಿಶುದ್ಧ-ಗುಣಮಟ್ಟದ ಅವಲಕ್ಕಿ ಗ್ರಾಹಕರಿಗೆ ತಲುಪಬೇಕು. ನಮ್ಮ ಅವಲಕ್ಕಿ ಬಳಕೆ ಮಾಡಿದವರು ತೃಪ್ತಿಯೊಂದಿಗೆ ಮತ್ತೂಮ್ಮೆ ಖರೀದಿಗೆ ಮುಂದಾಗಬೇಕೆಂಬುದು ನಮ್ಮ ಬಯಕೆ. ತಾತನ ಕಾಲದಿಂದ ಆರಂಭವಾದ ಈ ಉದ್ಯಮವನ್ನು ತಂದೆಯವರು ಸಂಕಷ್ಟದ ಸ್ಥಿತಿಯಲ್ಲೂ ಗುಣಮಟ್ಟದಲ್ಲಿ ರಾಜಿಯಾಗದೆಮುನ್ನಡೆಸಿಕೊಂಡು ಬಂದಿದ್ದಾರೆ. ಇದೀಗ ನಾವು ತಂದೆಯವರ ಮಾರ್ಗದರ್ಶನದಲ್ಲಿ ಅದೇ ಗುಣಮಟ್ಟದೊಂದಿಗೆ ಆನ್‌ಲೈನ್‌ ವಹಿವಾಟು ಬಳಕೆ ಮೂಲಕ ಹುಬ್ಬಳ್ಳಿ ಅವಲಕ್ಕಿ ಬ್ರಾÂಂಡ್‌ ಅನ್ನು ದೇಶ-ವಿದೇಶಗಳಲ್ಲಿ ವೃದ್ಧಿಸುವ ಯತ್ನದಲ್ಲಿ ತೊಡಗಿದ್ದೇವೆ. – ಅಕ್ಷಯ ಮತ್ತು ಶಿವರಾಜ ಮೂರಶಿಳ್ಳಿ, ವಿ.ಪಿ. ಮೂರಶಿಳ್ಳಿ ಆ್ಯಂಡ್‌ ಕಂಪೆನಿ

 

­ಅಮರೇಗೌಡ ಗೋನವಾರ

ಉದಯವಾಣಿ ಸುದ್ದಿ ಈಗ ಟೆಲಿಗ್ರಾಂನಲ್ಲೂ ಲಭ್ಯ; ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಪಾಕ್‌ನ ಮೊಬೈಲ್‌ ಟವರ್‌ ಕುತಂತ್ರ:  ಜಮ್ಮು ಕಾಶ್ಮೀರಕ್ಕೂ ಸಿಗ್ನಲ್‌ ಕಳುಹಿಸಲು ಯೋಜನೆ!

ಪಾಕ್‌ನ ಮೊಬೈಲ್‌ ಟವರ್‌ ಕುತಂತ್ರ: ಜಮ್ಮು ಕಾಶ್ಮೀರಕ್ಕೂ ಸಿಗ್ನಲ್‌ ಕಳುಹಿಸಲು ಯೋಜನೆ!

ಐಪಿಎಲ್‌ನಲ್ಲಿ ದಾಖಲಾದ 2ನೇ “ಸೂಪರ್‌ ಓವರ್‌ ಟೈ: ಸೂಪರ್‌ ಓವರ್‌ ಟೈ ಆಗುತ್ತ ಹೋದರೆ?

ಐಪಿಎಲ್‌ನಲ್ಲಿ ದಾಖಲಾದ 2ನೇ “ಸೂಪರ್‌ ಓವರ್‌ ಟೈ: ಸೂಪರ್‌ ಓವರ್‌ ಟೈ ಆಗುತ್ತ ಹೋದರೆ?

ನಟಿಯರಿಗೆ ಜಾಮೀನು ಕೊಡದಿದ್ದರೆ ಸ್ಫೋಟ, ಕೊಲೆ!; ನ್ಯಾಯಾಧೀಶರಿಗೇ ಡಿಟೋನೇಟರ್‌ ಇರಿಸಿ ಪತ್ರ

ನಟಿಯರಿಗೆ ಜಾಮೀನು ಕೊಡದಿದ್ದರೆ ಸ್ಫೋಟ, ಕೊಲೆ!; ನ್ಯಾಯಾಧೀಶರಿಗೇ ಡಿಟೋನೇಟರ್‌ ಇರಿಸಿ ಪತ್ರ

ಪಂಚೇದ್ರಿಯಗಳ ಆಚೆಗೆ ಅರಿವನ್ನು ವಿಸ್ತರಿಸಿಕೊಳ್ಳುವುದು

ಪಂಚೇದ್ರಿಯಗಳ ಆಚೆಗೆ ಅರಿವನ್ನು ವಿಸ್ತರಿಸಿಕೊಳ್ಳುವುದು

ಬದಲಾವಣೆ: ಕೋವಿಡ್‌ ಕಾರ್ಮೋಡಕ್ಕೆ ಬೆಳ್ಳಿಯಂಚು!

ಬದಲಾವಣೆ: ಕೋವಿಡ್‌ ಕಾರ್ಮೋಡಕ್ಕೆ ಬೆಳ್ಳಿಯಂಚು!

ದೇಶ ಉನ್ನತ ಶಿಕ್ಷಣದ ಗ್ಲೋಬಲ್‌ ಹಬ್‌ ಆಗಲಿ

ದೇಶ ಉನ್ನತ ಶಿಕ್ಷಣದ ಗ್ಲೋಬಲ್‌ ಹಬ್‌ ಆಗಲಿ

ಕಟ್ಟಡ ಕಾರ್ಮಿಕರ ನೋಂದಣಿ ಸ್ಥಗಿತ; ನಕಲಿ ನೋಂದಣಿ ಶಂಕೆ

ಕಟ್ಟಡ ಕಾರ್ಮಿಕರ ನೋಂದಣಿ ಸ್ಥಗಿತ; ನಕಲಿ ನೋಂದಣಿ ಶಂಕೆ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಮುಂದಿನ ನಾಲ್ಕು ವರ್ಷದಲ್ಲಿ ಎಲ್ಲ ಮಾರ್ಗದಲ್ಲಿ ವಿದ್ಯುತ್‌ ರೈಲು!

ನೈಋತ್ಯ ರೈಲ್ವೆ : ಮುಂದಿನ ನಾಲ್ಕು ವರ್ಷದಲ್ಲಿ ಎಲ್ಲಾ ಮಾರ್ಗದಲ್ಲಿ ವಿದ್ಯುತ್‌ ರೈಲು!

ಉತ್ತರ ಕರ್ನಾಟಕ ಭಾಗದ 13 ಜಿಲ್ಲೆಗಳಲ್ಲಿ ಮತ್ತೆ ಮೂರು ದಿನ ಮಳೆಯ ಮುನ್ಸೂಚನೆ

ಉತ್ತರ ಕರ್ನಾಟಕ ಭಾಗದ 13 ಜಿಲ್ಲೆಗಳಲ್ಲಿ ಮತ್ತೆ ಮೂರು ದಿನ ಮಳೆಯ ಮುನ್ಸೂಚನೆ

huballi-tdy-3

ಸೋಂಕು ತಡೆಗೆ ಮುಂಜಾಗ್ರತಾ ಕ್ರಮ ವಹಿಸಿ

Huballi-tdy2

ಹೆಸ್ಕಾಂ ವಿದ್ಯುತ್‌ ಗುತ್ತಿಗೆದಾರರಿಂದ ಪ್ರತಿಭಟನೆ

ಪದವೀಧರ ಚುನಾವಣೆ ಗಂಭೀರ ಪರಿಗಣಿಸಿ

ಪದವೀಧರ ಚುನಾವಣೆ ಗಂಭೀರ ಪರಿಗಣಿಸಿ

MUST WATCH

udayavani youtube

Mudipu‌ illegal quarrying allegations ವಿಚಾರ; ನನಗೆ ಯಾವುದೇ ಸಂಬಂದ ಇಲ್ಲ:Rajesh Naik

udayavani youtube

ಹಡಿಲು ಗದ್ದೆಯಲ್ಲಿ ಭತ್ತ ಬೆಳೆದು ಯಶಸ್ವಿಯಾದ ಕೃಷಿ !

udayavani youtube

ಕೃಷಿಯಲ್ಲಿ ಲಾಭಗಳಿಸಬೇಕಾದರೆ ಸಮಗ್ರ ಕೃಷಿ ಪದ್ಧತಿಯನ್ನು ಪಾಲಿಸಿ | Udayavani

udayavani youtube

ಹಸುವಿನ ಸಗಣಿ ಬಳಸಿ ಧೂಪ ತಯಾರಿಸುವುದು ಹೇಗೆ?

udayavani youtube

45 years journey of Pot maker from Karkala | Annumuli Pot maker | Udayavani



ಹೊಸ ಸೇರ್ಪಡೆ

ಪಾಕ್‌ನ ಮೊಬೈಲ್‌ ಟವರ್‌ ಕುತಂತ್ರ:  ಜಮ್ಮು ಕಾಶ್ಮೀರಕ್ಕೂ ಸಿಗ್ನಲ್‌ ಕಳುಹಿಸಲು ಯೋಜನೆ!

ಪಾಕ್‌ನ ಮೊಬೈಲ್‌ ಟವರ್‌ ಕುತಂತ್ರ: ಜಮ್ಮು ಕಾಶ್ಮೀರಕ್ಕೂ ಸಿಗ್ನಲ್‌ ಕಳುಹಿಸಲು ಯೋಜನೆ!

ಐಪಿಎಲ್‌ನಲ್ಲಿ ದಾಖಲಾದ 2ನೇ “ಸೂಪರ್‌ ಓವರ್‌ ಟೈ: ಸೂಪರ್‌ ಓವರ್‌ ಟೈ ಆಗುತ್ತ ಹೋದರೆ?

ಐಪಿಎಲ್‌ನಲ್ಲಿ ದಾಖಲಾದ 2ನೇ “ಸೂಪರ್‌ ಓವರ್‌ ಟೈ: ಸೂಪರ್‌ ಓವರ್‌ ಟೈ ಆಗುತ್ತ ಹೋದರೆ?

ನಟಿಯರಿಗೆ ಜಾಮೀನು ಕೊಡದಿದ್ದರೆ ಸ್ಫೋಟ, ಕೊಲೆ!; ನ್ಯಾಯಾಧೀಶರಿಗೇ ಡಿಟೋನೇಟರ್‌ ಇರಿಸಿ ಪತ್ರ

ನಟಿಯರಿಗೆ ಜಾಮೀನು ಕೊಡದಿದ್ದರೆ ಸ್ಫೋಟ, ಕೊಲೆ!; ನ್ಯಾಯಾಧೀಶರಿಗೇ ಡಿಟೋನೇಟರ್‌ ಇರಿಸಿ ಪತ್ರ

ಪಂಚೇದ್ರಿಯಗಳ ಆಚೆಗೆ ಅರಿವನ್ನು ವಿಸ್ತರಿಸಿಕೊಳ್ಳುವುದು

ಪಂಚೇದ್ರಿಯಗಳ ಆಚೆಗೆ ಅರಿವನ್ನು ವಿಸ್ತರಿಸಿಕೊಳ್ಳುವುದು

ಬದಲಾವಣೆ: ಕೋವಿಡ್‌ ಕಾರ್ಮೋಡಕ್ಕೆ ಬೆಳ್ಳಿಯಂಚು!

ಬದಲಾವಣೆ: ಕೋವಿಡ್‌ ಕಾರ್ಮೋಡಕ್ಕೆ ಬೆಳ್ಳಿಯಂಚು!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.