ಪರಿಹಾರ ನೀಡುವಲ್ಲಿ ವಿಳಂಬ: ಇನ್ಶೂರೆನ್ಸ್ ಕಂಪನಿಯ ಚರಾಸ್ತಿ ಜಪ್ತಿಗೆ ಆದೇಶ

Team Udayavani, Feb 24, 2021, 12:50 PM IST

ಹುಬ್ಬಳ್ಳಿ: ಅಪಘಾತ ಪ್ರಕಣವೊಂದರಲ್ಲಿ ಪರಿಹಾರ ನೀಡುವಲ್ಲಿ ವಿಳಂಬ ಮಾಡಿದ ಹಿನ್ನೆಲೆಯಲ್ಲಿ ಇಲ್ಲಿನ ‌ದೇಸಾಯಿ ವೃತ್ತದಲ್ಲಿರುವ ರಿಲಯನ್ಸ್  ಜನರಲ್ ಇನ್ಶೂರೆನ್ಸ್ ಕಂಪನಿಯ ಚರಾಸ್ತಿ ಜಪ್ತಿಗೆ ನ್ಯಾಯಾಲಯ ಆದೇಶ ನೀಡಿದ ಕಾರಣ  ನ್ಯಾಯಾಲಯದ ಸಿಬ್ಬಂದಿ ವಿಮಾ ಕಂಪನಿ ಕಚೇರಿಗೆ ಆಗಮಿಸಿದ್ದಾರೆ.

ಧಾರವಾಡದಲ್ಲಿ ಸಂಭವಿಸಿದ್ದ ಅಪಘಾತದಲ್ಲಿ ಲಕ್ಷ್ಮಣ ಹಳ್ಳಿಕೇರಿ ಗಂಭೀರ ಗಾಯಗೊಂಡಿದ್ದರು. ಅಲ್ಲಿನ 2ನೇ ಹೆಚ್ಚುವರಿ ಸಿವಿಲ್ ನ್ಯಾಯಲಯದಲ್ಲಿ ದಾವೆ ಹೂಡಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ಗಾಯಾಳುಗೆ 11,13,600 ರೂ ಹಾಗೂ ಶೇ.9 ರಷ್ಟು ಬಡ್ಡಿ ಸಮೇತ 14,555,000 ರೂ. ಪಾವತಿ ಮಾಡುವಂತೆ ಆದೇಶ ನೀಡಿತ್ತು‌.

ನ್ಯಾಯಾಲಯದ ಆದೇಶ ಪಾಲನೆ ಮಾಡದ ಹಿನ್ನೆಲೆಯಲ್ಲಿ ಕಚೇರಿಯ ಚರಾಸ್ತಿ ಜಪ್ತು ಮಾಡುವಂತೆ ಆದೇಶ ನೀಡಿದ ಹಿನ್ನೆಲೆಯಲ್ಲಿ ಗಾಯಾಳು ಲಕ್ಷ್ಮಣ ಹಳ್ಳಿಕೇರಿ, ಗಾಯಾಳು ಪರ ವಕೀಲ ಸಿ.ಎಸ್.ಅಷ್ಟಗಿಮಠ ಹಾಗೂ ಕೊರ್ಟ್ ಬೆಲೀಫ್ ಜಿ.ಎಚ್.ಮೇದಾರ ವಿಮಾ ಕಚೇರಿಗೆ ಆಗಮಿಸಿದ್ದಾರೆ.