ಕಿಮ್ಸ್ ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆ ಕಥೆಯೇನು?
ಮಾಸಾಂತ್ಯಕ್ಕೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯಾರಂಭ | ಎಂಟು ವಿಭಾಗಗಳಲ್ಲೂ ಸಕಲ ಸಿದ್ಧತೆ
Team Udayavani, Feb 16, 2020, 12:40 PM IST
ಹುಬ್ಬಳ್ಳಿ: ಕಿಮ್ಸ್ ಆವರಣದಲ್ಲಿ ಅಂದಾಜು 150 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಪಿಎಂಎಸ್ಎಸ್ವೈ ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆ ತಿಂಗಳಾಂತ್ಯದೊಳಗೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯಾರಂಭಗೊಳ್ಳಲಿದೆ.
ಕೇಂದ್ರ ಸರಕಾರದ ಪ್ರಧಾನಮಂತ್ರಿ ಸ್ವಾಸ್ಥ್ಯ ಸುರಕ್ಷಾ ಯೋಜನೆ (ಪಿಎಂಎಸ್ಎಸ್ವೈ) ಅಡಿ 120 ಕೋಟಿ ರೂ. ಹಾಗೂ ರಾಜ್ಯ ಸರಕಾರದ 30 ಕೋಟಿ ರೂ. ಅನುದಾನ ಸೇರಿ ಒಟ್ಟು 150 ಕೋಟಿ ರೂ. ವೆಚ್ಚದಲ್ಲಿ ಅಂದಾಜು 6.5 ಎಕರೆ ಜಾಗದಲ್ಲಿ 200 ಹಾಸಿಗೆಗಳ ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆ ನಿರ್ಮಾಣಗೊಂಡಿದೆ.
ವರ್ಷದ ಹಿಂದೇ ಉದ್ಘಾಟನೆ!: ಆಸ್ಪತ್ರೆಯನ್ನು ಪ್ರಧಾನಿ ನರೇಂದ್ರ ಮೋದಿ 2019ರ ಮಾ.
6ರಂದು ಕಲಬುರ್ಗಿಯಿಂದಲೇ ಡಿಜಿಟಲ್ ತಂತ್ರಜ್ಞಾನ ಮೂಲಕ ಉದ್ಘಾಟಿಸಿದ್ದರು. ಆಸ್ಪತ್ರೆಯಲ್ಲಿ ಹೊರ ರೋಗಿಗಳ ವಿಭಾಗವು ಆಗಸ್ಟ್ ತಿಂಗಳಿನಿಂದಲೇ ಕಾರ್ಯಾರಂಭಗೊಂಡಿದೆ. ಫೆಬ್ರವರಿ ತಿಂಗಳಾಂತ್ಯದೊಳಗೆ ಎಂಟು ವಿಭಾಗಗಳೊಂದಿಗೆ ಪೂರ್ಣಪ್ರಮಾಣದಲ್ಲಿ ಕಾರ್ಯಾರಂಭಗೊಳ್ಳಲಿದೆ. ಅದಕ್ಕಾಗಿ ಎಲ್ಲ ವಿಭಾಗಗಳಲ್ಲಿ ವೈದ್ಯಕೀಯ ಉಪಕರಣಗಳ ಅಳವಡಿಕೆ ಸೇರಿದಂತೆ ಇನ್ನಿತರೆ ಸಿದ್ಧತೆಗಳು ಭರದಿಂದ ಸಾಗಿವೆ.
ಕಿಮ್ಸ್ಗೆ ಕಟ್ಟಡ ಹಸ್ತಾಂತರ: ಕೇಂದ್ರ ಸರಕಾರ ಸ್ವಾಮ್ಯದ ಹೈದರಾಬಾದ್ ಮೂಲದ ಎಚ್
ಎಲ್ಎಲ್-ಹೈಟ್ಸ್ ಕಂಪನಿಯು ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆಯ ಕಾಮಗಾರಿ ನಿರ್ವಹಣೆ ಮಾಡಿದ್ದರೆ, ನಾಸಿಕ್ ಮೂಲದ ಹರ್ಷ ಕನ್ ಸ್ಟ್ರಕ್ಷನ್ ಕಂಪನಿ ಆಸ್ಪತ್ರೆಯ ಕಟ್ಟಡವನ್ನು ಅಂದಾಜು 1 ಲಕ್ಷ 70 ಸಾವಿರ ಚದುರಡಿ ವಿಸ್ತೀರ್ಣದಲ್ಲಿ ಜಿ+5 ಮಾದರಿಯಲ್ಲಿ ನಿರ್ಮಾಣ ಮಾಡಿದೆ.
ಈಗ ಅದನ್ನು ಕಿಮ್ಸ್ ಆಸ್ಪತ್ರೆಗೆ ಹಸ್ತಾಂತರ ಮಾಡಲಾಗಿದೆ. ಕಟ್ಟಡದ ಕಾಮಗಾರಿ ನಿರ್ವಹಣೆ ಹೊತ್ತಿರುವ ಹರ್ಷ ಕಂಪೆನಿಯವರು ಆಸ್ಪತ್ರೆಯ ಕಟ್ಟಡವನ್ನು ಒಂದು ವರ್ಷದ ವರೆಗೆ ನಿರ್ವಹಣೆ ಮಾಡಲಿದ್ದಾರೆ.
ಉಪಕರಣ ತಪಾಸಣೆ ಬಾಕಿ: ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸಾ ಘಟಕ ಸೇರಿದಂತೆ ವೈದ್ಯಕೀಯ ಉಪಕರಣಗಳ ಅಳವಡಿಕೆ ಬಹುತೇಕ ಪೂರ್ಣಗೊಂಡಿದೆ. ಉಪಕರಣಗಳ ತಪಾಸಣೆ ಮಾಡುವುದು ಬಾಕಿ ಉಳಿದಿದೆ. ಸದ್ಯ ಸ್ಟಾಫ್ ನರ್ಸ್, ಭದ್ರತೆ, ಆಯಾ, ಸಿ ಹಾಗೂ ಡಿ ಗ್ರುಪ್ ನೇಮಕಾತಿಗಾಗಿ 300 ಸಿಬ್ಬಂದಿಯನ್ನು ಹೊರಗುತ್ತಿಗೆ ಆಧಾರ ಮೇಲೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಈಗಾಗಲೇ ಸಿಬ್ಬಂದಿ ನೇಮಕಾತಿಗಾಗಿ ಮೂರು ಪ್ಯಾಕೇಜ್ಗಳಲ್ಲಿ ಟೆಂಡರ್ ಕೂಡ ಕರೆಯಲಾಗಿದ್ದು, ಮೈಸೂರು, ಬೆಂಗಳೂರು ಮೂಲದ ಮೂರು ಏಜೆನ್ಸಿಗಳು ಅಂತಿಮಗೊಂಡಿವೆ. ಸಫಾಯಿ ಕರ್ಮಚಾರಿಗಾಗಿ ಸಿಂಗಲ್ ಟೆಂಡರ್ನಡಿ ಎರಡನೇ ಬಾರಿ ಟೆಂಡರ್ ಕರೆಯಲಾಗಿದೆ. ಏಪ್ರಿಲ್ ನಂತರ ಇನ್ನು 100 ಸಿಬ್ಬಂದಿ ನೇಮಕ ಮಾಡಿಕೊಳ್ಳಲಿದ್ದಾರೆ .
ಕಿಮ್ಸ್ನಲ್ಲಿ ನಿರ್ಮಾಣವಾಗಿರುವ ಸುಪರ್ ಸ್ಪೆಶಾಲಿಟಿ ಆಸ್ಪತ್ರೆ ಕಟ್ಟಡದ ಕಾಮಗಾರಿ ಬಹುತೇಕ ಪೂರ್ಣಗೊಂಡಿದೆ. ಕಂಪನಿಯು ಕಿಮ್ಸ್ಗೆ ಕಟ್ಟಡ ಹಸ್ತಾಂತರಿಸಿದೆ. ಹೊರಗುತ್ತಿಗೆ ಆಧಾರ ಮೇಲೆ ಸಿಬ್ಬಂದಿ ನೇಮಕಾತಿಗೆ ಮೂರು ಪ್ಯಾಕೇಜ್ಗಳಲ್ಲಿ ಟೆಂಡರ್ ಕರೆಯಲಾಗಿದ್ದು, ಮೂರು ಏಜೆನ್ಸಿಗಳು ಅಂತಿಮವಾಗಿವೆ. ಸಫಾಯಿ ಕರ್ಮಚಾರಿಗಳಿಗೆ ಎರಡನೇ ಬಾರಿ ಸಿಂಗಲ್ ಟೆಂಡರ್ ಆಗಿದೆ. ಈಗಾಗಲೇ ಆಸ್ಪತ್ರೆಯಲ್ಲಿ ಒಪಿಡಿ ವಿಭಾಗ ಆರಂಭಿಸಲಾಗಿದ್ದು, ಫೆಬ್ರವರಿ ಅಂತ್ಯದೊಳಗೆ ಎಲ್ಲ ಎಂಟು ವಿಭಾಗಗಳೊಂದಿಗೆ ಪೂರ್ಣ ಪ್ರಮಾಣದಲ್ಲಿ ಕಾರ್ಯಾರಂಭಗೊಳಿಸಲಾಗುವುದು.
ಡಾ| ರಾಮಲಿಂಗಪ್ಪ ಅಂಟರತಾನಿ,
ಕಿಮ್ಸ್ ನಿರ್ದೇಶಕ
ಎಲ್ಲೆಲ್ಲಿ ಯಾವ್ಯಾವ ವಿಭಾಗ?
ನೆಲಮಹಡಿ: ಆಡಳಿತ ಕಚೇರಿ, ಲೆಕ್ಕಪತ್ರ ವಿಭಾಗ, ಸೇವಾ ಕಚೇರಿಗಳು
ಮೊದಲ ಮಹಡಿ: ನರವಿಜ್ಞಾನ (ನ್ಯೂರೋಲಜಿ), ನರ ಶಸ್ತ್ರಚಿಕಿತ್ಸೆ
(ನ್ಯೂರೋಸರ್ಜರಿ) ವಿಭಾಗ
ಎರಡನೇ ಮಹಡಿ: ಸರ್ಜಿಕಲ್
ಗ್ಯಾಸ್ಟ್ರೋಎಂಟರಾಲಜಿ, ವೈದ್ಯಕೀಯ
ಗ್ರಂಥಿಶಾಸ್ತ್ರ (ಮೆಡಿಕಲ್ ಆಂಕಾಲಜಿ)
ವಿಭಾಗ
ಮೂರನೇ ಮಹಡಿ: ಮೂತ್ರಪಿಂಡ
ಶಾಸ್ತ್ರ (ನೆಫ್ರಾಲಜಿ), ಮೂತ್ರಶಾಸ್ತ್ರ
(ಯುರೋಲಾಜಿ) ವಿಭಾಗ
ನಾಲ್ಕನೇ ಮಹಡಿ: ಪ್ಲಾಸ್ಟಿಕ್ ಶಸ್ತ್ರಚಿಕಿತ್ಸೆ (ಪ್ಲಾಸ್ಟಿಕ್ ಸರ್ಜರಿ), ಮಕ್ಕಳ ಶಸ್ತ್ರಚಿಕಿತ್ಸೆ
(ಪಿಡಿಯಾಟ್ರಿಕ್ ಸರ್ಜರಿ) ವಿಭಾಗ
ಐದನೇ ಮಹಡಿ: ಆರು ಸುಸಜ್ಜಿತ ಶಸ್ತ್ರಚಿಕಿತ್ಸಾ ಘಟಕ (ಮಾಡೂಲರ್
ಓಟಿ), 40 ಹಾಸಿಗೆ ಐಸಿಯು ಘಟಕ
ಶಿವಶಂಕರ ಕಂಠಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ನೇಹಾ ಕಗ್ಗೊಲೆ ಆಕಸ್ಮಿಕ, ವೈಯಕ್ತಿಕ ಸರಕಾರದ ಹೇಳಿಕೆ ವಿವಾದ, ಆಕ್ರೋಶ
ನೇಹಾ ಅಂತ್ಯಕ್ರಿಯೆ, ಹಂತಕನ ಹುಟ್ಟೂರಲ್ಲಿ ಬಂದ್
ರಾಜ್ಯದಲ್ಲಿ ಎನ್ಕೌಂಟರ್ ಕಾನೂನು ಜಾರಿ ಅವಶ್ಯ: ಸಂತೋಷ್ ಲಾಡ್
ಹಣ ಪಡೆದು ವರ್ಗಾವಣೆಯಾದ ಪೊಲೀಸರಿಂದ ಕಾನೂನು ವ್ಯವಸ್ಥೆ ನಿರೀಕ್ಷೆ ಸಾಧ್ಯವೇ?: ಜೋಶಿ ಪ್ರಶ್ನೆ
Neha Hiremath Case; ಕೊಲೆಗಡುಕನನ್ನು ಎನ್ ಕೌಂಟರ್ ಮಾಡಿ: ಪ್ರಮೋದ್ ಮುತಾಲಿಕ್ ಆಗ್ರಹ