ಸೇವಾ ರಾಜಕಾರಣ ಪವಿತ್ರವಾದದ್ದು

Team Udayavani, Dec 7, 2019, 11:39 AM IST

ಧಾರವಾಡ: ರಾಜಕಾರಣ ಕೆಟ್ಟದ್ದಲ್ಲ, ಇದನ್ನು ವೃತ್ತಿಯಾಗಿ ಸ್ವೀಕರಿಸದೇ ಪ್ರವೃತ್ತಿಯಾಗಿ ಸಮಾಜಸೇವೆಯಾಗಿ ರೂಢಿಸಿಕೊಂಡರೆ ಇದೊಂದು ಪವಿತ್ರ ಕೆಲಸವಾಗುತ್ತದೆ ಎಂದು ವಿಧಾನ ಪರಿಷತ್‌ ಸದಸ್ಯ ಬಸವರಾಜ ಹೊರಟ್ಟಿ ಹೇಳಿದರು.

ಪ್ರಸೆಂಟೇಶನ್‌ ಬಾಲಕಿಯರ ಪ್ರೌಢಶಾಲೆಯಲ್ಲಿ ಕರ್ನಾಟಕ ಸರಕಾರದ ಸಂಸದೀಯ ವ್ಯವಹಾರಗಳು ಮತ್ತು ಶಾಸನ ರಚನಾ ಇಲಾಖೆ, ಸಾರ್ವಜನಿಕ ಶಿಕ್ಷಣ ಇಲಾಖೆ ಸಹಯೋಗದಲ್ಲಿ ಆಯೋಜಿಸಿದ್ದ ಜಿಲ್ಲಾಮಟ್ಟದ ಯುವ ಸಂಸತ್ತು ಸ್ಪರ್ಧೆಗಳನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಪ್ರಜಾಪ್ರಭುತ್ವದ ಆಶಯಗಳು ಪೂರ್ಣಗೊಳ್ಳಲು ಮತ್ತು ಪರಿಣಾಮಕಾರಿ ಪ್ರಜಾಪ್ರಭುತ್ವ ರೂಪುಗೊಳ್ಳಲು ಶಾಲಾಕಾಲೇಜು ಹಂತದಲ್ಲಿ ಸಂಘಟಿಸುವ ಸಂಸದೀಯ ಕಲಾಪಗಳ ಅಣಕು ಪ್ರದರ್ಶನ ಹೆಚ್ಚು ಸಹಾಯಕಾರಿ ಆಗುತ್ತದೆ. ಯುವ ಜನತೆಯಲ್ಲಿ ಭಾರತದ ಸಂವಿಧಾನ, ಸಂಸತ್ತು, ಶಾಸನ ಸಭೆ, ಜನಪ್ರತಿನಿಧಿ  ಕಾಯ್ದೆ, ಮತದಾನ, ಚುನಾವಣೆ, ಮೂಲಭೂತ ಹಕ್ಕು, ಕರ್ತವ್ಯ, ಸರಕಾರ ರಚನೆ, ಸರಕಾರದ ಆಡಳಿತ ನಿರ್ವಹಣೆ ಮುಂತಾದ ಅಂಶಗಳನ್ನು ಪ್ರಬಂಧ, ಭಾಷಣ, ಆಶುಭಾಷಣ ಮತ್ತು ಅಣುಕು ಪ್ರದರ್ಶನಗಳ ಮೂಲಕ ಮನನ ಮಾಡಿ, ತರಬೇತಿ ನೀಡಬೇಕು ಎಂದು ಹೇಳಿದರು.

ಜಿಪಂ ಅಧ್ಯಕ್ಷೆ ವಿಜಯಲಕ್ಷ್ಮೀ ಪಾಟೀಲ ಮಾತನಾಡಿದರು. ಡಿಡಿಪಿಐ ಗಜಾನನ ಮನ್ನಿಕೇರಿ ಅಧ್ಯಕ್ಷತೆ ವಹಿಸಿದ್ದರು. ಪ್ರಸೆಂಟೇಶನ್‌ ಬಾಲಕಿಯರ ಪ್ರೌಢಶಾಲೆ ಮುಖ್ಯಾಧ್ಯಾಪಕಿ ಸಿಸ್ಟರ್‌ ಸ್ಯಾಲಿ ಬಿ.ಎಸ್‌., ವಿಷಯ ಪರಿವೀಕ್ಷಕರಾದ ಶಿವಲೀಲಾ ಕಳಸಣ್ಣವರ, ಪೂರ್ಣಿಮಾ, ಜಿ.ಆರ್‌. ಭಟ್‌, ಶ್ಯಾಮ ಮಲ್ಲನಗೌಡರ ಇದ್ದರು. ತೇಜಸ್ವಿನಿ ಕಾಕಡೆ ತಂಡದವರು ಪ್ರಾರ್ಥಿಸಿದರು. ವಿಷಯ ಪರೀವಿಕ್ಷಕ ಬಿ.ಬಿ. ದುಬ್ಬನಮರಡಿ ಪ್ರಾಸ್ತಾವಿಕ ಮಾತನಾಡಿದರು. ಎನ್‌.ಬಿ. ಅಮರಗೋಳ ನಿರೂಪಿಸಿದರು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ