ಅಣ್ಣಿಗೇರಿ ಗುರುಗಳು ಜ್ಞಾನದ ಅಕ್ಷಯ ಪಾತ್ರೆ

•ಫೇಲಾದ ವಿದ್ಯಾರ್ಥಿಗಳಿಗಾಗಿ ಪ್ರತ್ಯೇಕ ಕ್ಲಾಸ್‌ ನಡೆಸಿದ್ದರು•ನಯಾಪೈಸೆ ಇಲ್ಲದೇ ಶಿಕ್ಷಣ ನೀಡುತ್ತಿದ್ದ ದಾಸೋಹಿ

Team Udayavani, Sep 7, 2019, 10:56 AM IST

ಗದಗ: ಜಿಲ್ಲೆಯ ಬಡ ಹಾಗೂ ಕಲಿಕೆಯಲ್ಲಿ ಹಿಂದುಳಿದ ಮಕ್ಕಳಿಗೆ ಬಿ.ಜಿ. ಅಣ್ಣಿಗೇರಿ ಗುರುಗಳು ಜ್ಞಾನದ ಅಕ್ಷಯ ಪಾತ್ರೆಯಾಗಿದ್ದರು. ಎಲ್ಲೂ ಸಲ್ಲದವರು ಇಲ್ಲಿ ಸಲ್ಲುತ್ತಾರೆ ಎಂಬಂತೆ ಏನೂ ಬರದಿದ್ದವರೂ ಗುರುಗಳ ಆಶ್ರಮಕ್ಕೆ ಸೇರಿದ ಬಳಿಕ ಜ್ಞಾನವಂತರಾಗುತ್ತಿದ್ದರು. ಎಸ್‌ಎಸ್‌ಎಲ್ಸಿಯಲ್ಲಿ ಅನುತ್ತೀರ್ಣನಾಗಿ ಆಶ್ರಮದಲ್ಲಿ ಅಕ್ಷರ ಜ್ಞಾನ ಪಡೆದಿದ್ದ ಬಾಲಕನೊಬ್ಬ ಈಗ ಪ್ರಾಥಮಿಕ ಶಾಲೆಯೊಂದರ ಮುಖ್ಯಗುರು. ಇಂತಹ ಉದಾಹರಣೆ ಅನೇಕ.

ಬಿ.ಜಿ. ಅಣ್ಣಿಗೇರಿ ಗುರುಗಳ ಬಳಿ ಕಲಿತ ಅನೇಕರು ದೇಶ-ವಿದೇಶಗಳಲ್ಲಿ ಉನ್ನತ ಹುದ್ದೆಗಳನ್ನು ಅಲಂಕರಿಸಿದ್ದಾರೆ. ಅವರಲ್ಲಿ ಲಕ್ಕುಂಡಿ ನಿವಾಸಿಯಾಗಿದ್ದ ಹಾಗೂ ಸದ್ಯ ತೋಂಟದಾರ್ಯ ವಿದ್ಯಾಪೀಠದ ತೋಂಟದಾರ್ಯ ಪ್ರಾಥಮಿಕ ಶಾಲೆಯ ಮುಖ್ಯಗುರು ಕೊಟ್ರೇಶ ಮೆಣಸಿನಕಾಯಿ ಉತ್ತಮ ಉದಾಹರಣೆ.

ಹೌದು. 1996-97ನೇ ಸಾಲಿನಲ್ಲಿ ಎಸ್‌ಎಸ್‌ಎಲ್ಸಿ ವಾರ್ಷಿಕ ಪರೀಕ್ಷೆಯಲ್ಲಿ ಕೊಟ್ರೇಶ್‌ ಮೆಣಸಿನಕಾಯಿ ಅನ್ನುತ್ತೀರ್ಣರಾಗಿದ್ದರು. ಹೀಗಾಗಿ ಮನೆಯವರ ಒತ್ತಡಕ್ಕೆ ದನಗಳನ್ನು ಮೇಯಿಸಲು ತೆರಳುತ್ತಿದ್ದರು. ಈ ನಡುವೆ ಅಣ್ಣಿಗೇರಿ ಗುರುಗಳ ಸಂಪರ್ಕಕ್ಕೆ ಬಂದ್ದ ಕೊಟ್ರೇಶ್‌ ಅವರನ್ನು ಕ್ಲಾಸ್‌ಗೆ ಬರುವಂತೆ ಗುರುಗಳು ಸೂಚಿಸಿದರು.

ಆದರೆ, ಅದಾಗಲೇ 10ನೇ ತಗರತಿ ಅನುತ್ತೀರ್ಣರಾಗಿದ್ದರಿಂದ ಮನೆ ಕೆಲಸಗಳು ಹೆಗಲೇರಿದ್ದವು. ಬೆಳಗ್ಗೆ 8ರಿಂದ 10 ಗಂಟೆ ವರೆಗಿನ ಟ್ಯೂಷನ್‌ಗೆ ಬರಲು ಸಾಧ್ಯವಾಗುತ್ತಿರಲಿಲ್ಲ. ಇದನ್ನು ಮನಗಂಡಿದ್ದ ಅಣ್ಣಿಗೇರಿ ಗುರುಗಳು 11ರಿಂದ ಕ್ಲಾಸಿಗೆ ವಿಶೇಷ ತರಗತಿ ತೆಗೆದುಕೊಳ್ಳುತ್ತೇನೆ. ಕಡ್ಡಾಯವಾಗಿ ಬರುವಂತೆ ಸೂಚಿಸಿದರು. ಗುರುಗಳ ಪ್ರೀತಿ ಭರಿತ ಆದೇಶವನ್ನು ತಿರಸ್ಕರಿಸಲಾಗದೇ ಕೊಟ್ರೇಶ ಮನೆ ಪಾಠಕ್ಕೆ ಬರುತ್ತಿದ್ದರು.

ಈ ಸಮಯದಲ್ಲಿ ಇವರೊಬ್ಬರೇ ವಿದ್ಯಾರ್ಥಿ. ಆದರೂ ಬೇಸರಿಸಿಕೊಳ್ಳದೇ ಪಾಠ ಮಾಡುತ್ತಿದ್ದರು. ನಂತರದ ದಿನಗಳಲ್ಲಿ ಫೇಲಾದ 15 ವಿದ್ಯಾರ್ಥಿಗಳು ಇದೇ ತರಗತಿಗೆ ಬರಲಾರಂಭಿಸಿದರು. ಸುಮಾರು 6 ತಿಂಗಳಲ್ಲಿ ಎಲ್ಲ ವಿದ್ಯಾರ್ಥಿಗಳು ಪರೀಕ್ಷೆ ಎದುರಿಸುವಷ್ಟು ಸಮರ್ಥರಾದರು. ಬಳಿಕ ನಡೆದ ಎಸ್‌ಎಸ್‌ಎಲ್ಸಿ ಪೂರಕ ಪರೀಕ್ಷೆಯಲ್ಲಿ ಎಲ್ಲ ವಿದ್ಯಾರ್ಥಿಗಳು ತೇರ್ಗಡೆಯಾದರು. ನಾನಾ ಕಾಲೇಜುಗಳಲ್ಲಿ ಪ್ರವೇಶ ಪಡೆದು, ಈಗ ನಾನಾ ಹುದ್ದೆ, ವ್ಯಾಪಾರಗಳಲ್ಲಿ ತೊಡಗಿಕೊಂಡಿದ್ದಾರೆ ಎಂದು ಭಾವುಕರಾಗುತ್ತಾರೆ ಹಳೇ ವಿದ್ಯಾರ್ಥಿ ಕೊಟ್ರೇಶ ಮೆಣಸಿನಕಾಯಿ.

 

•ವಿಶೇಷ ವರದಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಲಕ್ಷ್ಮೇಶ್ವರ: ಕೋವಿಡ್ 19 ವೈರಸ್‌ ಹರಡದಂತೆ ಕ್ರಮ ಕೈಗೊಳ್ಳುವ ನಿಟ್ಟಿನಲ್ಲಿ ತಾಲೂಕಾಡಳಿತ ಕಟ್ಟಿನಿಟ್ಟಿನ ಕ್ರಮಕೈಗೊಳ್ಳುತ್ತಿದ್ದರೂ ಜನರ ಅಸಹಕಾರ ಮುಂದುವರಿದಿದ್ದು,...

  • ಗದಗ: ಕೋವಿಡ್ 19 ವೈರಾಣು ಹರಡುವಿಕೆ ತಡೆಯುವ ನಿಟ್ಟಿನಲ್ಲಿ ಜಾರಿಗೊಳಿಸಿರುವ ಲಾಕ್‌ಡೌನ್‌ಗೆ ಜಿಲ್ಲೆಯ ಜನತೆ ದಿನದಿಂದ ದಿನಕ್ಕೆ ಒಗ್ಗಿಕೊಳ್ಳುತ್ತಿದ್ದಾರೆ....

  • ಗಜೇಂದ್ರಗಡ: ಪಟ್ಟಣದಲ್ಲಿ ಪುರಸಭೆ ವತಿಯಿಂದ ಸ್ಥಳೀಯ ಪ್ರಮುಖ ರಸ್ತೆಗಳಲ್ಲಿ ಮಂಗಳವಾರ ಕ್ರಿಮಿನಾಶಕ ಸಿಂಪಡಿಸಲಾಯಿತು. ಕೋವಿಡ್ 19 ವೈರಸ್‌ ಸೋಂಕಿತರು ಜಿಲ್ಲೆಗೆ...

  • ಮುಂಡರಗಿ: ಕೇಂದ್ರ, ರಾಜ್ಯ ಸರಕಾರಗಳು ರೈತರಿಗೆ ಸಾಕಷ್ಟು ಸೌಲಭ್ಯಗಳನ್ನು ನೀಡಿದೆ. ಸಹಕಾರ ಮಹಾಮಂಡಳ ಸಹಯೋಗದಲ್ಲಿ ರೈತರು ಬೆಳೆದ ಬೆಳೆಗಳನ್ನು ಯೋಗ್ಯ ಬೆಲೆಯಲ್ಲಿ...

  • ಗದಗ: ಮಾರಣಾಂತಿಕ ಕೋವಿಡ್ 19 ವೈರಸ್‌ ಹರಡುವುದನ್ನು ತಡೆಯಲು ಪ್ರಧಾನಿ ನರೇಂದ್ರ ಮೋದಿ ಅವರು ರವಿವಾರ ಕರೆ ನೀಡಿದ್ದ ಜನತಾ ಕರ್ಫ್ಯೂಗೆ ಜಿಲ್ಲೆಯಾದ್ಯಂತ ಸಾರ್ವಜನಿಕರಿಂದ...

ಹೊಸ ಸೇರ್ಪಡೆ