111 ಜನರಿಗೆ ಕೋವಿಡ್‌-ನಾಲ್ವರ ಸಾವು

Team Udayavani, Aug 21, 2020, 4:00 PM IST

ಹಾವೇರಿ: ಜಿಲ್ಲೆಯಲ್ಲಿ ಗುರುವಾರ 111 ಜನರಿಗೆ ಕೋವಿಡ್‌-19 ಪಾಸಿಟಿವ್‌ ದೃಢಪಟ್ಟಿದೆ ಹಾಗೂ 42 ಜನರು ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣನವರ ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ ಈವರೆಗೆ 2883 ಕೋವಿಡ್‌-19 ಪಾಸಿಟಿವ್‌ ಪ್ರಕರಣಗಳು ದೃಢಪಟ್ಟಿವೆ. ಗುರುವಾರದ ವರೆಗೆ 1786 ಜನರು ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆ ಹೊಂದಿದ್ದಾರೆ ಹಾಗೂ ಇಂದಿನ ನಾಲ್ಕು ಮರಣ ಪ್ರಕರಣ ಸೇರಿ ಒಟ್ಟಾರೆ 66 ಜನರು ಕೋವಿಡ್‌ನಿಂದ ಮೃತಪಟ್ಟಿದ್ದಾರೆ. 1031 ಸಕ್ರಿಯ ಪ್ರಕರಣಗಳಿವೆ. 575 ಸೋಂಕಿತರು ಹೋಂ ಐಸೋಲೇಷನ್‌ನಲ್ಲಿ ಹಾಗೂ 456 ಸೋಂಕಿತರು ಕೋವಿಡ್‌ ಕೇರ್‌ ಆಸ್ಪತ್ರೆ, ಕೋವಿಡ್‌ ಕೇರ್‌ ಹೆಲ್ತ್‌ ಸೆಂಟರ್‌, ಕೋವಿಡ್‌ ಕೇರ್‌ ಸೆಂಟರ್‌ ಗಳಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ. ವೈದ್ಯ, ಆಶಾ ಕಾರ್ಯಕರ್ತೆ,ಶಿಕ್ಷಣ, ಆರೋಗ್ಯ ಇಲಾಖೆ ಸಿಬ್ಬಂದಿ ಗುರುವಾರದ ಸೋಂಕಿತರಲ್ಲಿಒಳಗೊಂಡಿದ್ದಾರೆ. ತಾಲೂಕುವಾರು ವಿವರದಂತೆ ಸವಣೂರು-10, ಶಿಗ್ಗಾವಿ-15, ರಾಣೆಬೆನ್ನೂರು-19, ಹಾವೇರಿ-30, ಬ್ಯಾಡಗಿ ಹಾನಗಲ್ಲ ತಲಾ -13, ಹಿರೇಕೆರೂರು-11 ಜನರಿಗೆ ಸೋಂಕು ದೃಢಪಟ್ಟಿದೆ.

ಗುರುವಾರ ಸೋಂಕಿನಿಂದ ಗುಣಮುಖರಾಗಿ ಸವಣೂರು-07, ಹಿರೇಕೆರೂರ, ಶಿಗ್ಗಾವಿ ಹಾಗೂ ರಾಣೆಬೆನ್ನೂರು ತಲಾ -05, ಹಾವೇರಿ-18, ಬ್ಯಾಡಗಿ ತಾಲೂಕಿನ ಓರ್ವರು ಹಾಗೂ ಇತರೆ ಓರ್ವರು ಬಿಡುಗಡೆ ಹೊಂದಿದ್ದಾರೆ. ಸೋಂಕಿತರ ನಿವಾಸದ ಪ್ರದೇಶವನ್ನು ನಿಯಮಾನುಸಾರ ಕಂಟೇನ್ಮೆಂಟ್‌ ಝೋನ್‌ ಹಾಗೂ ಬಫರ್‌ ಝೋನ್‌ ಆಗಿ ಘೋಷಿಸಲಾಗಿದೆ. ಆಯಾ ತಾಲೂಕು ದಂಡಾಧಿಕಾರಿಗಳನ್ನು ಇನ್ಸಿಡೆಂಟಲ್‌ ಕಮಾಂಡರ್‌ ಆಗಿ ನೇಮಿಸಲಾಗಿದೆ.

ನಾಲ್ವರು ಸಾವು: ಹಾವೇರಿಯ ಬಸವೇಶ್ವರ ನಗರದ 52 ವರ್ಷದ ಪುರುಷ(ಪಿ-251015 ) ಆ.18ರಂದು ಶಿಗ್ಗಾವಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆ.19ರಂದು ಮೃತಪಟ್ಟಿದ್ದಾರೆ.  ಸವಣೂರ ತಾಲೂಕು ಹುರಳಿಕೊಪ್ಪಿಯ 71 ವರ್ಷದ ಪುರುಷ(ಪಿ-258003) ಆ.18ರಂದು ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿದ್ದರು. ಆ.19ರಂದು ಮೃತಪಟ್ಟಿದ್ದಾರೆ. ರಟ್ಟಿಹಳ್ಳಿಯ 50 ವರ್ಷದ ಪುರುಷ(ಪಿ-259938) ಆ.17ರಂದು ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿದ್ದರು. ಆ.18ರಂದು ಮೃತಪಟ್ಟಿದ್ದಾರೆ ಹಾಗೂ ಹಾವೇರಿ ತಾಲೂಕು ಕುಳೇನೂರ ಗ್ರಾಮದ 55 ವರ್ಷದ ಪುರುಷ(ಪಿ-263001)ಆ.19ರಂದು ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿದ್ದರು. ಅದೇ ದಿನ ಮೃತಪಟ್ಟಿದ್ದಾರೆ. ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿ ಪರೀಕ್ಷೆಯಲ್ಲಿ ಕೋವಿಡ್‌ ದೃಢಪಟ್ಟಿತ್ತು. ನಿಯಮಾನುಸಾರ ಅಂತ್ಯಸಂಸ್ಕಾರ ಮಾಡಲಾಗಿದೆ.