ವಿದ್ಯುತ್‌ ಸ್ಥಗಿತ: ಅಂಗಡಿ-ಮನೆಗಳಿಗೆ ನುಗ್ಗಿದ ಮಳೆ ನೀರು

Team Udayavani, Sep 9, 2017, 10:37 AM IST

ಚಿತ್ತಾಪುರ: ಪಟ್ಟಣ ಸೇರಿದಂತೆ ತಾಲೂಕಿನ ಹಲವು ಗ್ರಾಮಗಳಲ್ಲಿ ಗುಡುಗು, ಮಿಂಚಿನೊಂದಿಗೆ ಆರ್ಭಟಿಸಿದ ಮಳೆ ಗುರುವಾರ ತಗ್ಗು ಪ್ರದೇಶದ ಮನೆ, ಅಂಗಡಿಗಳಿಗೆ ನುಗ್ಗಿ ಜನರು ಪರದಾಡುವಂತೆ ಆಗಿತ್ತು.

ರಾತ್ರಿ 7:00 ಗಂಟೆಗೆ ಆರಂಭವಾದ ಮಳೆ ರಾತ್ರಿಯಿಡಿ ಸುರಿಯಿತು. ಮಳೆಯಿಂದಾಗಿ ಪ್ರಮುಖ ರಸ್ತೆ, ಹಳ್ಳ, ಚರಂಡಿಗಳು ತುಂಬಿ ಹರಿದವು.

ಬಜಾರ್‌ ರಸ್ತೆ, ಬಸ್‌ ನಿಲ್ದಾಣ, ಸುತ್ತಮುತ್ತ ಬೀದಿ ವ್ಯಾಪಾರಿಗಳು ಮಾರಾಟಕ್ಕೆ ಹಚ್ಚಿಟ್ಟಿದ್ದ ಸಾಮಗ್ರಿಗಳು
ಮಳೆ ನೀರಲ್ಲಿ ತೇಲಿ ಹೋದವು. ಬಸ್‌ ನಿಲ್ದಾಣ ಆವರಣದ ಕಲಬುರಗಿ ಬಸ್‌ ನಿಲ್ಲುವ ಸ್ಥಳ ಮಳೆ ನೀರಿನಿಂದ ಜಲಾವೃತವಾಗಿತ್ತು.

ಅಂಬೇಡ್ಕರ್‌ ವೃತ್ತದ ಇಳಿಜಾರು ಪ್ರದೇಶದಲ್ಲಿರುವ ಚರಂಡಿಯಲ್ಲಿ ನೀರು ತುಂಬಿ ಹರಿಯಿತು. ಈ ನೀರು ನಾಲವಾರ ಅವರ ಕಿರಣಿ ಅಂಗಡಿಯ ಒಳಾಂಗಣ ಪ್ರವೇಶಿಸಿ ಅಂಗಡಿ ಜಲಾವೃತಗೊಂಡಿತ್ತು. ಲಕ್ಷಾಂತರ ರೂ. ಬೆಲೆಬಾಳುವ ಕಿರಾಣಿ ಸಾಮಾನುಗಳು ನೀರು ಪಾಲಾಗಿವೆ ಎಂದು ಅಂಗಡಿ ಮಾಲೀಕ ಅಬ್ದುಲ್‌ ಗಪೂರ್‌ ತಿಳಿಸಿದರು.

ರಸ್ತೆ ತುಂಬೆಲ್ಲ ಮಳೆ ನೀರು ಹರಿದು ಸಂಚಾರಕ್ಕೆ ತೀವ್ರ ಅಡಚಣೆ ಉಂಟಾಗಿತ್ತು. ಕರದಳ್ಳಿ ಗ್ರಾಮದಲ್ಲಿನ ಹಳ್ಳ ಸಂಪೂರ್ಣ ತುಂಬಿದ್ದರಿಂದ ಎರಡು ಕಿ.ಮೀ ಉದ್ದಕ್ಕೂ ನೂರಾರು ವಾಹನಗಳು ಸರದಿ ಸಾಲಿನಲ್ಲಿ ನಿಂತಿದ್ದವು. ಕೆಲವು ವಾಹನಗಳು ಕೆಸರಿನಲ್ಲಿ ಸಿಲುಕಿದ್ದವು. ಸಾರ್ವಜನಿಕರ ಸಹಾಯದಿಂದ ಮಳೆ ನೀರಿನಿಂದ ತುಂಬಿದ್ದ ಕಿರಣಿ ಅಂಗಡಿಗಳಲ್ಲಿನ ನೀರು ಹೊರಕ್ಕೆ ತೆಗೆಯಲಾಯಿತು.

ಪಟ್ಟಣದ ಇಂದಿರಾ ನಗರ, ವೆಂಕಟೇಶ್ವರ ನಗರ, ಗಣೇಶ ನಗರ, ನಾಗಾವಿ ಚೌಕ್‌, ಕಾಶಿ ಗಲ್ಲಿ, ತೆಳಗೇರಿ, ಆಶ್ರಯ ಕಾಲೋನಿ ಮನೆಗಳಲ್ಲಿ ಮಳೆ ನೀರು ನಿಂತು ನಿವಾಸಿಗಳು ತೊಂದರೆ ಅನುಭವಿಸಿದರು. ಕೆಲವೆಡೆ ಮಳೆ ಆರ್ಭಟಕ್ಕೆ ಗಿಡಗಳು ವಿದ್ಯುತ್‌ ಕಂಬಗಳ ಮೇಲೆ ಮುರಿದು ಬಿದ್ದಿದ್ದರಿಂದ ಶಾರ್ಟ್‌ ಆದವು. 

ಕರದಳ್ಳಿ, ಕಮರವಾಡಿ, ಮುಡಬೂಳ, ದಂಡೋತಿ, ಮರಗೋಳ, ಇಟಗಾ, ದಿಗ್ಗಾಂವ, ಅಳ್ಳೊಳ್ಳಿ, ಅಲ್ಲೂರ್‌ ಸೇರಿದಂತೆ ಹಲವು ಗ್ರಾಮದಲ್ಲಿ ಜೋರಾಗಿ ಮಳೆ ಸುರಿಯಿತು. ರೈತರ ಜಮೀನುಗಳಲ್ಲಿ ಮಳೆ ನೀರು ನಿಂತು ತುಂಬಿ ಹರಿಯಿತು. 

ಇಡೀ ರಾತ್ರಿ ಸುರಿದ ಮಳೆಯಿಂದಾಗಿ ಬೆಳಗ್ಗೆ ಶಾಲೆಗಳಿಗೆ ಹೋಗಿದ್ದ ಮಕ್ಕಳು ಕೇಸರಿನಲ್ಲಿ ಕಾಲಿಡುತ್ತಾ ಕೋಣೆಯೊಳಗೆ ಹೋಗಿದ್ದರಿಂದ ಶಾಲೆಯ ಕೋಣೆಗಳು ಕೆಸರುಮಯ ಆಗಿದ್ದವು. ಕಳೆದ ವಾರದಿಂದ ಸ್ವಲ್ಪವೂ ಮಳೆ ಇರಲಿಲ್ಲ.

ಗುರುವಾರದ ಮಳೆಯಿಂದಾಗಿ ತೊಗರಿ, ಹತ್ತಿ ಬೆಳೆಗಳಿಗೆ ಜೀವಾಮೃತ ದೊರಕಿದಂತೆ ಆಯಿತು. ಸಾತನೂರ, ಹೊಸ್ಸುರ್‌, ರಾವೂರ, ನಾಲವಾರ, ಆಲೂರ್‌, ಡೋಣಗಾಂವ, ಭಂಕಲಗಾ, ರಾಮತೀರ್ಥ, ದಂಡಗುಂಡ, ಅಲ್ಲೂರ್‌ ಇನ್ನಿತರ ಗ್ರಾಮಗಳಲ್ಲಿ ಮಳೆಯನ್ನೇ ಅವಲಂಬಿಸಿರುವ ರೈತರು ಸ್ವಲ್ಪಮಟ್ಟಿಗೆ ನಿಟ್ಟುಸಿರು ಬಿಟ್ಟರಿ. ಆದರೆ ಇನ್ನು ಹೆಚ್ಚು ಮಳೆಯಾದರೆ ಮಾತ್ರ ಬೆಳೆಗಳು ಹುಲುಸಾಗಿ ಬೆಳೆಯಲು ಸಾಧ್ಯವೆಂದು ಕರದಳ್ಳಿ ಗ್ರಾಮದ ರೈತ ರಾಜಶೇಖರ ಹಾಗೂ ಮತ್ತಿತರರು ತಿಳಿಸಿದ್ದಾರೆ.


ಈ ವಿಭಾಗದಿಂದ ಇನ್ನಷ್ಟು

  • ಕಲಬುರಗಿ: ಅಪಮೌಲ್ಯಗಳೇ ಮೌಲ್ಯಗಳಾಗಿ ಮಾರ್ಪಾಡಾಗಿ ಸಮಾಜದ ಎಲ್ಲ ವ್ಯವಸ್ಥೆಗಳಲ್ಲಿ ವಿಜೃಂಭಿಸುತ್ತಿವೆ ಎಂದು ಕರ್ನಾಟಕ ಉಚ್ಚ ನ್ಯಾಯಾಲಯದ ವಿಶ್ರಾಂತ ನ್ಯಾಯಮೂರ್ತಿ...

  • ಕಲಬುರಗಿ: ಎಲ್ಲರಿಗೂ ಸಮಾನ ಹಕ್ಕು ಒದಗಿಸುವಂತ ಸಂವಿಧಾನ ರಚಿಸುವ ಮೂಲಕ ದೇಶಕ್ಕೆ ಹೊಸ ದಿಕ್ಕು ನೀಡಿದ ಡಾ| ಬಿ.ಆರ್‌. ಅಂಬೇಡ್ಕರ್‌ ಭಾರತೀಯರ ಸೂರ್ಯ ಎಂದು ಸುಲಫಲ...

  • ಕಲಬುರಗಿ: ಕಲ್ಯಾಣ ಕರ್ನಾಟಕ ಭಾಗದ ಜಿಲ್ಲೆಗಳು ಹಿಂದುಳಿಯಲು ದುಡಿಯುವ ಜನರು ಗುಳೆ ಹೋಗುವುದೇ ಪ್ರಮುಖ ಕಾರಣವಾಗಿದೆ. ಜನರ ವಲಸೆ ತಪ್ಪಿಸಲು ಸಮಗ್ರ ಯೋಜನೆ ರೂಪಿಸಬೇಕೆಂದು...

  • ವಾಡಿ: ಪಟ್ಟಣದಲ್ಲಿ ನಡೆಯುವ ವಾರದ ಸಂತೆಗೆ ಬರುವ ವಿವಿಧ ಗ್ರಾಮಗಳ ತರಕಾರಿ ವ್ಯಾಪಾರಿಗಳಿಗೆ ಪುರಸಭೆ ಅಧಿಕಾರಿಗಳು ಮತ್ತು ಸ್ಥಳೀಯರು ನೀಡುವ ಕಿರಿಕಿರಿ ಪ್ರಸಂಗ...

  • ಕಲಬುರಗಿ: ಕೇಬಲ್‌, ಸೆಟಲೈಟ್‌ ಮೂಲಕ ಪ್ರಸಾರ ಹೊಂದಿರುವ ಟೆಲಿವಿಷನ್‌ ನ್ಯೂಸ್‌ ಮತ್ತು ಮನರಂಜನೆ ಟಿವಿ ಚಾನೆಲ್‌ಗ‌ಳಲ್ಲಿ ಆಕ್ಷೇಪಾರ್ಹ ದೃಶ್ಯಗಳು ಪ್ರಸಾರವಾದಲ್ಲಿ...

ಹೊಸ ಸೇರ್ಪಡೆ