ಸಂಸ್ಕೃತ ವಿಶ್ವಕೋಶ ಬರೆದಿದ್ದು ಮಾನಸುಲ್ಲಾಸ್‌

Team Udayavani, Feb 2, 2020, 10:55 AM IST

ಕಲಬುರಗಿ: ಸಂಸ್ಕೃತದ ಮೊದಲ ವಿಶ್ವಕೋಶವಾದ ಅಭಿಶಾಸ್ತ್ರ ಚಿಂತಾಮಣಿ ಬರೆದಿರುವ 12ನೇ ಶತಮಾನದ ವಿದ್ವಾಂಸ ಮಾನಸುಲ್ಲಾಸ್‌ ಕಲಬುರಗಿಯವರಾಗಿದ್ದರು ಎಂದು ಸಂಸ್ಕೃತ ವಿಶ್ವವಿದ್ಯಾಲಯದ ಮಾಜಿ ಉಪಕುಲಪತಿ ಪ್ರೊ| ಮಲ್ಲೇಪುರಂ ಜಿ. ವೆಂಕಟೇಶ ಹೇಳಿದರು.
ಶರಣಬಸವ ವಿಶ್ವವಿದ್ಯಾಲಯದ ಮುಖ್ಯ ಆವರಣದಲ್ಲಿ ಶನಿವಾರ ವಿಶ್ವಸಾಹಿತ್ಯ ಸಮ್ಮೇಳನದ 2ನೇ ದಿನದ ಸಂಸ್ಕೃತ ಅಧಿ ವೇಶನದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ಅಭಿಶಾಸ್ತ್ರ ಚಿಂತಾಮಣಿ ವಿಶ್ವಕೋಶವನ್ನು ಸಂಸ್ಕೃತ ವಿಶ್ವವಿದ್ಯಾಲಯದ ಉಪಕುಲಪತಿಯಾಗಿದ್ದಾಗ ಕನ್ನಡಕ್ಕೆ ಅನುವಾದ ಮಾಡಲಾಗಿತ್ತು ಎಂದು ತಿಳಿಸಿದರು.

ವಿಶ್ವಕೋಶವು ಆಯರ್ವೇದದಿಂದ ಖಗೋಳ ಭೌತಶಾಸ್ತ್ರದವರೆಗಿನ ವಿವಿಧ ವಿಷಯಗಳ ಬಗ್ಗೆ ಮತ್ತು ಭೂಮಿಯ ವಿಶಿಷ್ಟ ಪಾಕಶಾಲೆಯನ್ನು ನಿರ್ವಹಿಸುತ್ತಿದೆ. ಎರಡನೇ ವಿಶ್ವಕೋಶವನ್ನು
ಕೆಳದಿಯ ಬಸವರಾಜ ಭೋಪಾಲ್‌ ಅವರು ಬರೆದಿದ್ದು, ಇದು ಖಗೋಳ ಭೌತಶಾಸ್ತ್ರ, ಆಯುರ್ವೇದ, ವೈದ್ಯಕೀಯ ವಿಜ್ಞಾನ, ಗಣಿತ, ಮೂಲ ವಿಜ್ಞಾನ, ಕೃಷಿ, ಪಾಕಶಾಲೆಯ ಅಭ್ಯಾಸ ಗಳಿಂದ ಎಲ್ಲಾ ಕ್ಷೇತ್ರಗಳಲ್ಲಿ ಭಾಷೆಯ ವಿವರವಾದ ಮಾಹಿತಿ ನೀಡುತ್ತದೆ ಎಂದು ತಿಳಿಸಿದರು.

ಸಂಸ್ಕೃತವು ಮಾನವರಿಗೆ ನೀಡಿದ ಬಹುದೊಡ್ಡ ಕೊಡುಗೆ ಎಂದರೆ ಆಯುರ್ವೇದವಾಗಿದೆ. ಹಳೆಯ ಕಾಲದ ಔಷಧಿಯ ಅಭ್ಯಾಸದಿಂದ ಅನೇಕ ರೋಗಗಳಿಗೆ ನಿರ್ಧಿಷ್ಟವಾದ ಚಿಕಿತ್ಸೆ ಒದಗಿಸುವಲ್ಲಿ ಪ್ರಮುಖ ಪಾತ್ರವಹಿಸಿದೆ. ಮೂಲ ಭಾರತೀಯ ವೈದ್ಯಕೀಯ ಪದ್ಧತಿಯು ಆಯುರ್ವೇದವನ್ನು ಪೋಷಿಸಿ ಬೆಂಬಲಿಸಬೇಕಾಗಿದೆ. ಅಲ್ಲದೇ ಕೇಂದ್ರ ಸರಕಾರ ಆಯುರ್ವೇದಕ್ಕೆ ಅಗತ್ಯವಾದ ನೆರವು ನೀಡುತ್ತಿದೆ ಎಂದು ಹೇಳಿದರು.

ಸಂಸ್ಕೃತವು ಪ್ರಾಚೀನ ಭಾಷೆಗಳಲ್ಲಿ ಒಂದಾಗಿದೆ. ಕಲೆ, ವಿಜ್ಞಾನ ರಾಜಕೀಯ ಸೇರಿದಂತೆ ಎಲ್ಲಾ ಕ್ಷೇತ್ರಗಳನ್ನು ನಿರ್ವಹಿಸುವ ತಾಯಿಭಾಷೆಯಾಗಿದೆ. ಇದು ರಾಮಯಾಣ, ಮಹಾಭಾರತ ಮಹಾಕಾವ್ಯಗಳು ಮತ್ತು ಕಾಳಿದಾಸನ ಕೃತಿಗಳಲ್ಲದೆ ಧಾರ್ಮಿಕ ಗ್ರಂಥಗಳಿಗೆ ಹೆಸರುವಾಸಿಯಾಗಿದೆ ಎಂದು ಡಾ| ಸುರೇಶ ಹೆರೂರ್‌ ಹೇಳಿದರು.

ವೇದಗಳು, ಉಪನಿಷತ್ತುಗಳು ಮತ್ತು ಭಗವದ್ಗೀತೆಗಳು ಭಾಷಾ ವಿಜ್ಞಾನಕ್ಕೂ
ಆಧಾರವಾಗಿದ್ದು, ಪ್ರತಿಯೊಬ್ಬ ವಿಜ್ಞಾನಿಯು ಸಂಸ್ಕೃತದ ಜ್ಞಾನ ಹೊಂದಿರಬೇಕು, ಸಂಸ್ಕೃತದ ಜ್ಞಾನವನ್ನು ಹೊಂದಿರದವರು ತಮ್ಮನ್ನು ತಾವು ಭಾರತೀಯ ಎಂದು ಹೇಳಿಕೊಳ್ಳಲು ಸಾಧ್ಯವಿಲ್ಲ ಎಂದು ವಿದ್ವಾಂಸರಾದ ಡಾ| ಕೃಷ್ಣ ಕಾಕಲ್ವಾರ ಮತ್ತು ಡಾ| ಗುರುಮಧ್ವಾಚಾರ್ಯ ನವಲಿ ಅಭಿಪ್ರಾಯಪಟ್ಟರು. ಮೌಲ್ಯಮಾಪನ ಕುಲಸಚಿವ ಡಾ| ಲಿಂಗರಾಜ ಶಾಸ್ತ್ರೀ ಮುಂತಾದವರಿದ್ದರು.