ಖರ್ಗೆ ಸಾಮ್ರಾಜ್ಯ ಉರುಳಿಸೋದೇ ಗುರಿ: ಗುತ್ತೇದಾರ

Team Udayavani, May 5, 2018, 11:39 AM IST

ವಾಡಿ: ಕಲಬುರಗಿಯಲ್ಲಿ ಕಟ್ಟಲಾಗಿರುವ ಖರ್ಗೆ ಸಾಮ್ರಾಜ್ಯವನ್ನು ಬುಡಸಮೇತ ಉರುಳಿಸೋದೇ ನನ್ನ ಗುರಿಯಾಗಿದೆ ಎಂದು ಮಾಲಿಕಯ್ಯ ಗುತ್ತೇದಾರ ಹೇಳಿದರು. ಪಟ್ಟಣದ ಶ್ರೀನಿವಾಸಗುಡಿ ವೃತ್ತದಲ್ಲಿ ಶುಕ್ರವಾರ ಏರ್ಪಡಿಸಲಾಗಿದ್ದ ಬಿಜೆಪಿ ಪ್ರಚಾರ ಸಭೆಯಲ್ಲಿ ಅವರು ಮಾತನಾಡಿದರು. ನಾನು ದಲಿತ ವಿರೋಧಿಯಲ್ಲ. ನನ್ನ ಮತ್ತು ಖರ್ಗೆ ಮಧ್ಯೆ ಸಂಘರ್ಷವಿದೆ.

ರಾಜ್ಯದಲ್ಲಿ ಬಿಜೆಪಿ ಸರಕಾರ ಅಧಿಕಾರಕ್ಕೆ ಬಂದ ತಕ್ಷಣ ಖರ್ಗೆ ಅವರ ಆಪ್ತ ಸಚಿವ ಡಾ| ಶರಣಪ್ರಕಾಶ ಪಾಟೀಲ ಮಾಡಿರುವ ಹಗರಣ ಬಯಲಿಗೆಳೆಯುತ್ತೇನೆ. ಕಲಬುರಗಿ ಬುದ್ಧ ವಿಹಾರಕ್ಕೆ ಸಮಾಜ ಕಲ್ಯಾಣ ಇಲಾಖೆಯಿಂದ ಬಿಡುಗಡೆಯಾದ ಒಟ್ಟು ಅನುದಾನದಲ್ಲಿ 850 ಕೋಟಿ ರೂ. ಲೂಟಿಯಾಗಿದೆ. ಈಗಾಗಲೇ ನಾನು ಇದರ ತನಿಖೆಗೆ ಒತ್ತಾಯಿಸಿದ್ದೇನೆ. ತನಿಖೆ ಮಾಡುವವರೂ ಖರ್ಗೆ ಅವರೊಂದಿಗೆ ಶಾಮೀಲಾಗಿದ್ದಾರೆ ಎಂದು ಆರೋಪಿಸಿದರು.

ಚಿತ್ತಾಪುರದ ಶಾಸಕನಾಗಿ ಮತ್ತು ಸಚಿವನಾಗಿ ಐದು ವರ್ಷ ಅಧಿಕಾರದಲ್ಲಿದ್ದರೂ ವಾಡಿ ಪಟ್ಟಣದಲ್ಲಿ ಒಂದು ಸರಕಾರಿ ಪದವಿ ಪೂರ್ವ ಕಾಲೇಜು ಮತ್ತು ಬಸ್‌ ನಿಲ್ದಾಣ ನಿರ್ಮಿಸಲು ಪ್ರಿಯಾಂಕ್‌ಗೆ ಸಾಧ್ಯವಾಗಿಲ್ಲ ಎಂದರೆ ನಾಚಿಕೆಯಾಗಬೇಕು ಎಂದು ವಾಗ್ಧಾಳಿ ನಡೆಸಿದ ಮಾಲಿಕಯ್ಯ, ವಾಲ್ಮೀಕಿ ನಾಯಕ ಗೆದ್ದ ತಕ್ಷಣ ಈ ಬೇಡಿಕೆ ಈಡೇರಿಸಲಾಗುವುದು ಎಂದು ಹೇಳಿದರು. 

ಪ್ರಧಾನಿ ನರೇಂದ್ರ ಮೋದಿ ಹವಾದಿಂದ ಕಾಂಗ್ರೆಸ್‌ ದೋಣಿ ಮುಳುಗುತ್ತಿದೆ. ಕರೆ ನೀರಂತಾಗಿರುವ ಕಾಂಗ್ರೆಸ್‌ಗೆ ಹರಿಯುವ ನದಿಯಾಗಲು ಯೋಚಿಸದಿರುವುದೇ ಅದರ ಅವನತಿಗೆ ಕಾರಣ. ಅಪ್ಪ ಮತ್ತು ಮಗನನ್ನು ಕೇವಲ ಸೋಲಿಸುವುದಲ್ಲ. 

ಠೇವಣಿ ಜಪ್ತಿಯಾಗುವಂತೆ ಮಾಡುತ್ತೇವೆ. ಬಿಜೆಪಿ ಅಭ್ಯರ್ಥಿ ವಾಲ್ಮೀಕಿ ನಾಯಕ ಗೆದ್ದರೆ ವಾಡಿಯನ್ನು ಮಾದರಿ ನಗರವನ್ನಾಗಿ ಮಾಡಲಾಗುವುದು ಎಂದು ಹೇಳಿದರು. ಮಾಜಿ ಶಾಸಕ ವಾಲ್ಮೀಕಿ ನಾಯಕ, ವಿಶ್ವನಾಥ ಪಾಟೀಲ ಹೆಬ್ಟಾಳ, ಉತ್ತರ ಪ್ರದೇಶದ ಶಾಸಕ ಆನಂದ ಶುಕ್ಲಾ, ಶರಣಪ್ಪ ಹದನೂರ ಮಾತನಾಡಿದರು.

ಮುಖಂಡರಾದ ಶ್ರೀನಿವಾಸ ಸಗರ, ಲಿಂಗಾರೆಡ್ಡಿಗೌಡ ಬಾಸರೆಡ್ಡಿ, ಶಶಿಕಲಾ ಟೆಂಗಳಿ, ಬಸವರಾಜ ಪಂಚಾಳ, ನಿವೇದಿತಾ ದಹಿಹಂಡೆ, ಅರವಿಂದ ಚವ್ಹಾಣ, ಡಾ| ವೀರೇಶ ಎಣ್ಣಿ, ಸಿದ್ದಣ್ಣ ಕಲಶೆಟ್ಟಿ, ರಾಜು ಮುಕ್ಕಣ್ಣ, ಮಲ್ಲಣ್ಣಗೌಡ ಬಳವಡಗಿ, ಶರಣು ಜ್ಯೋತಿ, ವೀರಣ್ಣ ಯಾರಿ, ರವಿ ಕಾರಬಾರಿ ಪಾಲ್ಗೊಂಡಿದ್ದರು. 

ವಾಡಿ ಪುರಸಭೆ ಪಕ್ಷೇತರ ಸದಸ್ಯ ಮಹ್ಮದ್‌ ಗೌಸ್‌, ಗುತ್ತೇದಾರ ಸಮಾಜದ ಅಧ್ಯಕ್ಷ ಸಂತೋಷ ಗುತ್ತೇದಾರ, ಮುಖಂಡರಾದ ಫಿರೋಜ್‌ ಖಾನ್‌, ಹಾಫಿಜ್‌ ಇಸ್ಮಾಯಿಲ್‌, ಝಹೂರ್‌ ಖಾನ್‌, ಶೇಖ್‌ ಹುಸೇನ್‌, ಉಮೇರ್‌ ಜುನೈದಿ ಸೇರಿದಂತೆ ನೂರಾರು ಜನ ಮುಸ್ಲಿಂ ಯುವಕರು ಬಿಜೆಪಿಗೆ ಸೇರ್ಪಡೆಯಾದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಕಲಬುರಗಿ: ಶ್ರೇಷ್ಠ ಗುಣಮಟ್ಟ ಮತ್ತು ಉತ್ತಮ ಖನಿಜಾಂಶವುಳ್ಳ 'ಗುಲಬರ್ಗಾ ತೊಗರಿ'ಗೆ ಭೌಗೋಳಿಕ ಮಾನ್ಯತೆ ದೊರೆತಿದ್ದು, ರಾಷ್ಟ್ರ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ...

  • ಚಿಂಚೋಳಿ: ತಾಲೂಕಿನ ಶಿವರಾಮಪುರ-ಶಹಾಪುರ ರಾಜ್ಯ ಹೆದ್ದಾರಿ ವ್ಯಾಪ್ತಿಯಲ್ಲಿ ಬರುವ ಶಾದೀಪುರ ಗ್ರಾಮದ ಬಳಿ ಇರುವ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು ವಾಹನಗಳ ಸಂಚಾರಕ್ಕೆ...

  • ಮಡಿವಾಳಪ್ಪ ಹೇರೂರ ವಾಡಿ: ಅಲ್ಪಸಂಖ್ಯಾತರ ಮಕ್ಕಳ ಶೈಕ್ಷಣಿಕ ಪ್ರಗತಿಗಾಗಿ ತೆರೆಯಲಾದ ಈ ಗ್ರಾಮದ ಸರಕಾರಿ ಉರ್ದು ಮಾಧ್ಯಮ ಹಿರಿಯ ಪ್ರಾಥಮಿಕ ಶಾಲೆಗೆ ಉರ್ದು ವಿಷಯ...

  • ಚಿಂಚೋಳಿ: ರಾಜ್ಯದಲ್ಲಿ ಒಂದೆಡೆ ತೀವ್ರ ಬರ, ಇನ್ನೊಂದೆಡೆ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದರ ಮಧ್ಯದಲ್ಲೂ ರೈತನೊಬ್ಬ ಮೆಣಸಿನಕಾಯಿ ಬೆಳೆದು ಆರ್ಥಿಕವಾಗಿ...

  • ಕಲಬುರಗಿ: ಅನಾರೋಗ್ಯದಿಂದ ಶನಿವಾರ ನಿಧನರಾದ ಬಿಜೆಪಿ ಹಿರಿಯ ನಾಯಕ, ಕೇಂದ್ರ ಮಾಜಿ ಸಚಿವ ಅರುಣ ಜೇಟ್ಲಿ ಅವರಿಗೆ ಜಿಲ್ಲೆಯ ರಾಜಕೀಯ ಮುಖಂಡರು ಮತ್ತು ಇತರ ಗಣ್ಯರು...

ಹೊಸ ಸೇರ್ಪಡೆ