ಓಡುವ ಮೋಡಗಳೇ ನಿಲ್ಲಿ

Team Udayavani, Sep 10, 2019, 10:42 AM IST

ಆಳಂದ: ಆಕಾಶದಲ್ಲಿ ಕಂಡು ಬಂದ ಕಾರ್ಮೋಡ.

ಆಳಂದ: ಇಂದಲ್ಲ ನಾಳೆ ವರುಣದೇವ ಕೃಪೆ ತೋರುತ್ತಾನೆ ಎಂದು ನಿತ್ಯ ಮೋಡ ಮುಸುಕಿದ ವಾತಾವರಣದಲ್ಲೇ ಮುಗಿಲಿನತ್ತ ಚಿತ್ತ ಇಡುತ್ತಿರುವ ರೈತರಿಗೆ ಮಳೆ ಬಾರದಿರುವುದರಿಂದ ಚಿಂತೆ ಶುರುವಾಗಿದೆ.

ವಾರದಿಂದ ಆಕಾಶದಲ್ಲಿ ಮೋಡ ಮುಸುಕಿದ ವಾತಾವರಣ ಕಂಡರೂ ತುಂತುರು ಮಳೆ ಬಿಟ್ಟರೆ, ಭೂಮಿ ತೇವಾಂಶ ಆಗುವಷ್ಟು ಮಳೆ ಬರುತ್ತಿಲ್ಲ. ಇದರಿಂದ ಬಿತ್ತನೆಯಾದ ಬೆಳೆ ಗತಿಯೇನಪ್ಪ ಎಂದು ಕೈಚೆಲ್ಲಿ ಕುಳಿತಿದ್ದಾರೆ.

ರಾತ್ರಿ, ಹಗಲು ಆಕಾಶದಲ್ಲಿ ಮುಗಿಲು ಕಿತ್ತು ಬೀಳುವಂತೆ ಮೋಡಗಳು ಅಪ್ಪಳಿಸಿದರೂ ನಿರೀಕ್ಷಿತ ಮಳೆಯಾಗದೇ ಇರುವುದು ಮುಂದುವರಿದಿದೆ.

ಕಳೆದೊಂದು ವರ್ಷದಿಂದ ‘ಬರ’ ಎದುರಾಗಿದೆ. ಅಲ್ಲದೇ ಪ್ರಸಕ್ತ ಸಾಲಿನ ಮುಂಗಾರು ಮಳೆಯೂ ನಿರೀಕ್ಷಿತವಾಗಿ ಬಾರದೆ ಅಲ್ಪಾವಧಿ ಬೆಳೆಗಳಾದ ಹೆಸರು, ಉದ್ದು, ಸೋಯಾಬಿನ್‌ ಬೆಳೆ ಕೈಕೊಟ್ಟಿವೆ. ಬೆಳೆದರೂ ಇಳುವರಿಯಲ್ಲಿ ಗಣನೀಯವಾಗಿ ಕುಂಠಿತವಾಗಿದೆ.

ಸದ್ಯ ಮಳೆ ಕಣ್ಣು ಮುಚ್ಚಾಲೆ ನಡುವೆ ಹಿಂದು, ಮುಂದಾಗಿ ಬಿತ್ತನೆಯಾದ ಬೆಳೆಗಳಲ್ಲಿ ತೊಗರಿ, ಸೂರ್ಯಕಾಂತಿ ಹೀಗೆ ಇನ್ನಿತರ ಬೆಳೆಗಳು ಮಳೆ ಸಕಾಲಕ್ಕೆ ಬಂದರೆ ಮಾತ್ರ ಉತ್ತಮ ಇಳುವರಿ ನೀಡುವ ಸಾಧ್ಯತೆ ಇದೆ. ಇಲ್ಲವಾದಲ್ಲಿ ಕೃಷಿಗೆ ಮಾಡಿದ ಖರ್ಚು ಭರಿಸಲಾಗದೆ ರೈತರು ಆರ್ಥಿಕ ದಿವಾಳಿ ಎದುರಿಸುವಂತಾಗುತ್ತದೆ.

ಮತ್ತೂಂದಡೆ ಪಟ್ಟಣಗಳಲ್ಲಿನ ವ್ಯಾಪಾರ ವಹಿವಾಟಿಗೂ ತೀವ್ರ ಹಿನ್ನಡೆಯಾಗಿದೆ. ಮಳೆಯಿಲ್ಲದಕ್ಕೆ ಹಳ್ಳಿಯ ಗ್ರಾಹಕರೇ ಬರುತ್ತಿಲ್ಲ. ನಿತ್ಯದ ವ್ಯಾಪಾರ ಇಲ್ಲದೆ ಆಳುಗಳ ಪಗಾರ, ಅಂಗಡಿ ಬಾಡಿಗೆ ಭರಿಸುವುದು ಕಷ್ಟವಾಗಿ ಪರಿಣಮಿಸಿದೆ ಎಂದು ವ್ಯಾಪಾರಿಗಳು ಅವಲತ್ತುಕೊಳ್ಳುತ್ತಿದ್ದಾರೆ.

ಕಿಸಾನ್‌ ಸಮ್ಮಾನ ಯೋಜನೆ ಅಡಿಯಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರ ಸೇರಿ ರೈತರ ನೆರವಿಗಾಗಿ ಘೋಷಿಸಿದ ವರ್ಷದಲ್ಲಿ ಮೂರು ಕಂತಿನ 10 ಸಾವಿರ ರೂ.ಗಳು ಅನೇಕರ ಖಾತೆಗೆ ಬಂದಿಲ್ಲ. ಸಂಕಷ್ಟದಲ್ಲಿರುವ ರೈತರಿಗೆ ಆರ್ಥಿಕ ನೆರವು ನೀಡಿ, ಕೃಷಿ ಸಲಕರಣೆ, ಬೀಜ, ಗೊಬ್ಬರ ಕಳೆನಾಶಕ, ಕೀಟನಾಶಕ ಔಷಧ ಸಂಪೂರ್ಣ ಉಚಿತವಾಗಿ ನೀಡಿ, ಬೆಳೆದ ಬೆಳೆಗೆ ಬೆಂಬಲ ಬೆಲೆ ಘೋಷಿಸಿ ಖರೀದಿ ಕೇಂದ್ರ ಆರಂಭಿಸಿ ತಕ್ಷಣವೇ ಹಣ ಒದಗಿಸಬೇಕು.• ಮಹಾದೇವಿ ಎ. ವಣದೆ,ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರು

 

•ಮಹಾದೇವ ವಡಗಾಂವ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • •ಮಡಿವಾಳಪ್ಪ ಹೇರೂರ ವಾಡಿ: ಕಾಗಿಣಾ ನದಿಗೆ ನಿರ್ಮಿಸಲಾಗಿರುವ ಸೇತುವೆ ಈಗ ಅಪಾಯದ ಅಂಚಿನಲ್ಲಿದೆ. ವಾಹನಗಳ ನಿರಂತರ ಅಪಘಾತ ಘಟನೆಗಳಿಗೆ ತುತ್ತಾಗಿ ಸೇತುವೆ ಮೇಲಿನ...

  • ಕಲಬುರಗಿ: ಕೋಟ್ಯಂತರ ರೂ. ವೆಚ್ಚದಲ್ಲಿ ನಿರ್ಮಿಸಲಾದ ಇಲ್ಲಿನ ಕಾರ್ಮಿಕರ ವಿಮಾ ಆಸ್ಪತ್ರೆಯಲ್ಲಿ ಇನ್ಮುಂದೆ ಆಯುಷ್ಮಾನ್‌ ಕಾರ್ಡುದಾರರಿಗೂ ಉತೃಷ್ಟ ವೈದ್ಯಕೀಯ...

  • ವಾಡಿ: 'ಕಲ್ಯಾಣ ಕರ್ನಾಟಕ' ಭಾಗದ ಹಿಂದೂ-ಮುಸ್ಲಿಂ ಭಾವೈಕ್ಯ ತಾಣವಾದ ಪ್ರಸಿದ್ಧ ಹಳಕರ್ಟಿ ದರ್ಗಾ ಶರೀಫ್‌ ಎಂದೇ ಕರೆಯಿಸಿಕೊಳ್ಳುವ ಸೈಯ್ಯದ್‌ ಮಹ್ಮದ್‌ ಬಾದಶಹಾ...

  • ಕಲಬುರಗಿ: ಕೇಂದ್ರ ಸರ್ಕಾರ ದೇಶಾದ್ಯಂತ 'ಹಿಂದಿ ದಿವಸ್‌' ಆಚರಿಸುವುದನ್ನು ಖಂಡಿಸಿ ಮತ್ತು ದೇಶದ ಎಲ್ಲ ಪ್ರಾದೇಶಿಕ ಭಾಷೆಗಳಿಗೆ ಸಮಾನ ಸ್ಥಾನಮಾನ ನೀಡಿ ಭಾರತದ ಭಾಷಾ...

  • •ಕೆ.ನಿಂಗಜ್ಜ ಗಂಗಾವತಿ: ರೋಗ ನಿರೋಧಕ ಮತ್ತು ಅಧಿಕ ಇಳುವರಿ ನೀಡುವ ಸುಧಾರಿತ ಸೋನಾ ಮಸೂರಿ(ಆರ್‌ಪಿ ಬಯೋ-226) ಭತ್ತದ ತಳಿಯನ್ನು ಗಂಗಾವತಿ ಕೃಷಿ ಸಂಶೋಧನಾ ಕೇಂದ್ರದ...

ಹೊಸ ಸೇರ್ಪಡೆ