ಸಾಮಾಜಿಕ ನ್ಯಾಯಕೊಟ್ಟ ಅರಸು ವ್ಯಕ್ತಿತ್ವ ಸ್ಮರಣೀಯ

Team Udayavani, Aug 21, 2017, 10:43 AM IST

ಆಳಂದ: ಸಾಮಾಜಿಕ ನ್ಯಾಯ ಒದಗಿಸಿಕೊಟ್ಟ ಮಾಜಿ ಮುಖ್ಯಮಂತ್ರಿ ದಿ| ಡಿ. ದೇವರಾಜ ಅರಸು ಅವರದ್ದು
ಅವಿಸ್ಮರಣೀಯ ವ್ಯಕ್ತಿತ್ವ ಎಂದು ಶಾಸಕ ಬಿ.ಆರ್‌. ಪಾಟೀಲ ಹೇಳಿದರು. ಪಟ್ಟಣದ ತಹಶೀಲ್ದಾರ ಕಚೇರಿ ಆವರಣದಲ್ಲಿ ತಾಲೂಕು ಆಡಳಿತ ಹಮ್ಮಿಕೊಂಡಿದ್ದ ಡಿ. ದೇವರಾಜ ಅರಸು ಅವರ 102ನೇ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಅರಸು ಅವರು ನೀಡಿದ ಮೀಸಲಾತಿ ಸೌಲಭ್ಯ ಪಡೆದ ಸಮುದಾಯಗಳು ಎಂದಿಗೂ ಮರೆಯದಂತ್ತಿದೆ. ಅರಸು ಸಾಮಾಜಿಕ ನ್ಯಾಯದ ಹಿನ್ನೆಲೆಯಲ್ಲಿ ಬಹುದೊಡ್ಡ ಕ್ರಾಂತಿ ಮಾಡಿದ್ದಾರೆ. ಮೀಸಲಾತಿ ಮೂಲಕ ಹಿಂದುಳಿದ, ಶೋಷಿತ ವರ್ಗಕ್ಕೆ ನೀಡಿದ ಕೊಡುಗೆ ಲಾಭ ಪಡೆದವರು ದೊಡ್ಡ ಸಂಖ್ಯೆಯಲ್ಲಿ ಸೇರಿ ಸ್ಮರಣೆ ಮಾಡಬೇಕು. ಆದರೆ ಕೊಡುಗೆ ನೀಡಿದ ವ್ಯಕ್ತಿಗಳನ್ನೇ ಜನರು ಮರೆಯುತ್ತಿರುವುದು ಸರಿಯಲ್ಲ ಎಂದು ಹೇಳಿದರು. ಜನಪರ ಕೆಲಸ ಮಾಡಿದ ಅರಸು ಸೇರಿ ಬಸವಣ್ಣ, ವಿ.ಪಿ.ಸಿಂಗ್‌, ಮಹಾತ್ಮಗಾಂಧೀಜಿ ಅನುಭವ ನೋಡಿದ್ದೇವೆ. ಗಾಂಧಿಧೀಜಿ ಯಾವ ಹುದ್ದೆಯಲ್ಲೂ ಇರಲಿಲ್ಲ. ಅವರ ಕಾರ್ಯದ ಬೆನ್ನಿಗೆ ನಿಲ್ಲಲ್ಲಿಲ್ಲ. ಅದೇ ಪರಿಸ್ಥಿತಿ ಅರಸರಿಗೂ ಆಗಿದೆ. 80ರ ದಶಕದಲ್ಲಿ ಅರಸು ಅವರಿಂದ ಲಾಭ ಪಡೆದವರು ಸಹ ಅವರ ಬೆಂಬಲಕ್ಕೆ ಅಂದು ನಿಂತುಕೊಳ್ಳಲಿಲ್ಲ ಎಂದು ಹೇಳಿದರು. ಅರಸು ಸರಳ ಸಜ್ಜನಿಕೆ ವ್ಯಕ್ತಿಯಾಗಿದ್ದಾರೆ. ಹಿಂದೆ ಕಲಬುರಗಿಗೆ ಬಂದಾಗ ಅವರ ಬೆಂಬಲಕ್ಕೆ ಯಾರು ನಿಲ್ಲಲಿಲ್ಲ. ಒಬ್ಬರೆ ಕಾರಿನಲ್ಲಿ ಹೋದರು ಮಾತನಾಡಿಸಲಿಲ್ಲ. ಇಂಥ ಸ್ಥಿತಿ ಪರಿರ್ವನೆ ಮಾಡಿದವರೆಲ್ಲರಿಗೂ ಬಂದಿದೆ. ಹುಸಿ ಭರವಸೆ ಮತ್ತು ರಾಜಿಸಂಧಾನ ವೊಂದಿದ್ದರೆ ರಾಜಕೀಯದಲ್ಲಿ ಏನೆಲ್ಲ ಆಗುತ್ತದೆ
ಎಂದು ಹೇಳಿದರು. ತಹಶೀಲ್ದಾರ ಬಸವರಾಜ ಎಂ. ಬೆಣ್ಣೆಶಿರೂರ,‌ ಉಪನ್ಯಾಸಕ ರಮೇಶ ಮಾಡಿಯಾಳ
ಮಾತನಾಡಿದರು. ಪುರಸಭೆ ಮಾಜಿ ಅಧ್ಯಕ್ಷ ವಿಠ್ಠಲರಾವ ಪಾಟೀಲ, ಉಪಾಧ್ಯಕ್ಷ ಅಜಗರ ಅಲಿ ಹವಾಲ್ದಾರ, ಹಿಂದುಳಿದ ವರ್ಗದ ವಿಸ್ತೀಣಾ ಧಿಕಾರಿ ಅಂಬವ್ವ ಬಿ. ಪೂಜಾರಿ, ಗ್ರೇಡ್‌-2 ತಹಶೀಲ್ದಾರ ಬಿ.ಜಿ. ಕುದರಿ ಮತ್ತು ಎಇಇ ತಾನಾಜಿ
ವಾಡೇಕರ್‌, ಗ್ರಾಮೀಣ ಎಇಇ ಅಬ್ದುಲ ಸಲಾಂ ಪಿಎಸ್‌ಐ ಸುರೇಶ ಪ್ರಭು, ಪುರಸಭೆ ಸದಸ್ಯ ಕಭೀರಾ ಬೇಗಂ, ಸುಲೇಮಾನ್‌ ಮುಕುಟ್‌, ಸೂರ್ಯಕಾಂತ ಬೋಸ್ಲೆ, ಕಂದಾಯ ನಿರೀಕ್ಷಕ ಶರಣಬಸಪ್ಪ ಹಕ್ಕಿ, ರಮೇಶ ಮಾಳಿ ಪಾಲ್ಗೊಂಡಿದ್ದರು. ಕಲ್ಯಾಣಿ ಬಿಜ್ಜರ್ಗಿ ಕಾರ್ಯಕ್ರಮ ನಿರೂಪಿಸಿದರು.


ಈ ವಿಭಾಗದಿಂದ ಇನ್ನಷ್ಟು

  • ಕಲಬುರಗಿ: ಅಪಮೌಲ್ಯಗಳೇ ಮೌಲ್ಯಗಳಾಗಿ ಮಾರ್ಪಾಡಾಗಿ ಸಮಾಜದ ಎಲ್ಲ ವ್ಯವಸ್ಥೆಗಳಲ್ಲಿ ವಿಜೃಂಭಿಸುತ್ತಿವೆ ಎಂದು ಕರ್ನಾಟಕ ಉಚ್ಚ ನ್ಯಾಯಾಲಯದ ವಿಶ್ರಾಂತ ನ್ಯಾಯಮೂರ್ತಿ...

  • ಕಲಬುರಗಿ: ಎಲ್ಲರಿಗೂ ಸಮಾನ ಹಕ್ಕು ಒದಗಿಸುವಂತ ಸಂವಿಧಾನ ರಚಿಸುವ ಮೂಲಕ ದೇಶಕ್ಕೆ ಹೊಸ ದಿಕ್ಕು ನೀಡಿದ ಡಾ| ಬಿ.ಆರ್‌. ಅಂಬೇಡ್ಕರ್‌ ಭಾರತೀಯರ ಸೂರ್ಯ ಎಂದು ಸುಲಫಲ...

  • ಕಲಬುರಗಿ: ಕಲ್ಯಾಣ ಕರ್ನಾಟಕ ಭಾಗದ ಜಿಲ್ಲೆಗಳು ಹಿಂದುಳಿಯಲು ದುಡಿಯುವ ಜನರು ಗುಳೆ ಹೋಗುವುದೇ ಪ್ರಮುಖ ಕಾರಣವಾಗಿದೆ. ಜನರ ವಲಸೆ ತಪ್ಪಿಸಲು ಸಮಗ್ರ ಯೋಜನೆ ರೂಪಿಸಬೇಕೆಂದು...

  • ವಾಡಿ: ಪಟ್ಟಣದಲ್ಲಿ ನಡೆಯುವ ವಾರದ ಸಂತೆಗೆ ಬರುವ ವಿವಿಧ ಗ್ರಾಮಗಳ ತರಕಾರಿ ವ್ಯಾಪಾರಿಗಳಿಗೆ ಪುರಸಭೆ ಅಧಿಕಾರಿಗಳು ಮತ್ತು ಸ್ಥಳೀಯರು ನೀಡುವ ಕಿರಿಕಿರಿ ಪ್ರಸಂಗ...

  • ಕಲಬುರಗಿ: ಕೇಬಲ್‌, ಸೆಟಲೈಟ್‌ ಮೂಲಕ ಪ್ರಸಾರ ಹೊಂದಿರುವ ಟೆಲಿವಿಷನ್‌ ನ್ಯೂಸ್‌ ಮತ್ತು ಮನರಂಜನೆ ಟಿವಿ ಚಾನೆಲ್‌ಗ‌ಳಲ್ಲಿ ಆಕ್ಷೇಪಾರ್ಹ ದೃಶ್ಯಗಳು ಪ್ರಸಾರವಾದಲ್ಲಿ...

ಹೊಸ ಸೇರ್ಪಡೆ