ನೀರಜ್ ಚೋಪ್ರಾ ತರಬೇತುದಾರ ಕಾಶೀನಾಥ್‍ಗೆ ಶಿರಸಿಯಲ್ಲಿ ಸನ್ಮಾನ   

Team Udayavani, Aug 29, 2021, 2:46 PM IST

ಶಿರಸಿ : ಟೋಕಿಯೋ ಒಲಿಂಪಿಕ್ ನಲ್ಲಿ ಚಿನ್ನ ಗೆದ್ದ ನೀರಜ್ ಚೋಪ್ರಾ ಅವರ ತರಬೇತುದಾರ ಶಿರಸಿಯ  ಕಾಶೀನಾಥ್ ನಾಯಕ್ ಅವರಿಗೆ ಅಭಿನಂದನೆ ಸಲ್ಲಿಸಲಾಯಿತು.

ರಾಷ್ಟ್ರೀಯ ಕ್ರೀಡಾ ದಿನವಾದ ಭಾನುವಾರ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರಿಂದ‌ ಕಾಶೀನಾಥ್ ನಾಯಕ್ ಅವರಿಗೆ ಸನ್ಮಾನ ಮಾಡಲಾಯಿತು.

ಈ ವೇಳೆ ಮಾತನಾಡಿದ ಕಾಶೀನಾಥ್ ಅವರು,  ಭಾರತೀಯ ಕೋಚ್ ಗಳಿಗೆ ಸರಿಯಾದ ಪ್ರೋತ್ಸಾಹ ಸಿಗಲಿಲ್ಲ. ಆದರೂ ಕೂಡ ನಾವು ನಮ್ಮ ದೇಶಕ್ಕಾಗಿ ಕೆಲಸ ಮಾಡಿದೆವು.ಇದೀಗ ಪ್ರಧಾನಿ ನರೇಂದ್ರ ಮೋದಿಯವರು ಕ್ರೀಡಾ ಕ್ಷೇತ್ರಕ್ಕೆ ಹೆಚ್ಚಿನ ಪ್ರೋತ್ಸಾಹ ನೀಡುತ್ತಿರುವುದು ಖುಷಿ ನೀಡಿದೆ.

ಇನ್ನು ಈ ಭಾಗದಲ್ಲಿ ಆಕಾಡೆಮಿ ತೆರೆಯುವ ಕನಸು ಹಂಚಿಕೊಂಡ ಕಾಶೀನಾಥ್, ನಮ್ಮ ಕಡೆಯ ಜನರು ಒಲಿಂಪಿಕ್ ನಲ್ಲಿ ಸಾಧನೆ ಮಾಡಬೇಕು. ಈ ನಿಟ್ಟಿನಲ್ಲಿ ಒಂದು ಆಕಾಡೆಮಿ ತೆರೆಯುವ ಕನಸು ನನ್ನಲ್ಲಿದೆ. ಇದಕ್ಕೆ ಸರ್ಕಾರದಿಂದ ಸಹಕಾರ ಕೂಡ ದೊರೆಯುವ ಭವವಸೆ ಇದೆ ಎಂದರು.

ಇನ್ನು ಕಾರ್ಯಕ್ರಮದಲ್ಲಿ ನಗರಸಭೆ ಅಧ್ಯಕ್ಷ ಗಣಪತಿ ನಾಯ್ಕ, ಡಿವೈಎಸ್ಪಿ ರವಿ‌ ನಾಯ್ಕ, ತಹಸೀಲ್ದಾರ ಕುಲಕರ್ಣಿ ಎಂ.ಆರ್ ಮುಂತಾದವರು ಉಪಸ್ಥಿತರಿದ್ದರು.