10ನೇತರಗತಿ: ಸೋಮವಾರಪೇಟೆ ತಾಲೂಕಿಗೆ ಶೇ. 68.18 ಫ‌ಲಿತಾಂಶ

Team Udayavani, May 2, 2019, 6:10 AM IST

ಸೋಮವಾರಪೇಟೆ: ಪ್ರಸಕ್ತ ಸಾಲಿನ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಶೇ.98 ಅಂಕವನ್ನು ಪಡೆದ ಇಲ್ಲಿನ ಸಂತ ಜೋಸೆಫ‌ರ ಪ್ರೌಢಶಾಲೆಯ ವಿದ್ಯಾರ್ಥಿನಿ ಎಂ.ಯು. ಶ್ರಾವಣಿ ತೇರ್ಗಡೆಹೊಂದಿದ್ದಾಳೆ.

ಒಟ್ಟು 625 ಅಂಕಗಳಿಗೆ 616 ಅಂಕಗಳನ್ನು ಪಡೆದು ತೇರ್ಗಡೆಯಾಗಿದ್ದಾರೆ. ಸೋಮವಾರ ಪೇಟೆ: ತಾಲೂಕಿನ ಪ್ರಸಕ್ತ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ 2869 ವಿದ್ಯಾರ್ಥಿಗಳೂ ಪರೀಕ್ಷೆಗೆ ಹಾಜರಾಗಿದ್ದು, 1956 ವಿದ್ಯಾರ್ಥಿಗಳು ತೇರ್ಗಡೆಹೊಂದಿ ಶೇ. 68.18 ಪಲಿತಾಂಶ ದೊರೆತಿದೆ.

ತಾಲ್ಲೂಕಿನ ಕಿರಗಂದೂರು, ನಿಡ್ತ ಹಾಗೂ ಹಂಡ್ಲಿ ಸರಕಾರಿ ಪ್ರೌಢಶಾಲೆ ಹಾಗೂ ಕೊಡಗರಳ್ಳಿಯ ಶಾಂತಿನಿಕೇತನ ವಿದ್ಯಾಸಂಸ್ಥೆ ಶೇ. 100 ಫ‌ಲಿತಾಂಶ ಪಡೆದಿದೆ. ಸೋಮವಾರಪೇಟೆಯ ಸಂತ ಜೋಸೇಫ‌ರ ಪ್ರೌಢಶಾಲೆಯ ಎಂ.ಯು. ಶ್ರಾವಣಿ 616 ಅಂಕಗಳೊಂದಿಗೆ ಜಿಲ್ಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ.

ಶನಿವಾರಸಂತೆಯ ಸೇಕ್ರೆಡ್‌ಹಾರ್ಟ್‌ ಆಂಗ್ಲ ಮಾದ್ಯಮ ಶಾಲೆಯ ಈ.ಎಚ್‌. ಕವನ 615 ಅಂಕಗಳೊಂದಿಗೆ ದ್ವಿತೀಯ ಸ್ಥಾನ ಹಾಗೂ ತೃತೀಯ ಸ್ಥಾನವನ್ನು ನಾಲ್ವರು ವಿದ್ಯಾರ್ಥಿಗಳು ಹಂಚಿಕೊಂಡಿದ್ದಾರೆ. ಸೋಮವಾರಪೇಟೆ ಸಾಂದೀಪನಿ ಆಂಗ್ಲ ಮಾದ್ಯಮ ಶಾಲೆಯ ಎಚ್‌.ಕೆ. ಚಿನ್ಮಯಿ, ಶನಿವಾರಸಂತೆ ಸೇಕ್ರೆಡ್‌ಹಾರ್ಟ್‌ ಆಂಗ್ಲ ಮಾದ್ಯಮ ಶಾಲೆಯ ಬಿ. ಅಪೇಕ್ಷ, ಕುಶಾಲನಗರದ ಫಾತಿಮ ಪ್ರೌಢಶಾಲೆಯ ಡಿ.ಆರ್‌. ಶಿವಾನಿ ಮತ್ತು ಎನ್‌.ಡಿ. ಹರ್ಷಿನಿ ತಲಾ 612 ಅಂಕಗಳನ್ನು ಪಡೆದಿದ್ದಾರೆ.