ಮುಳ್ಳೂರು ಶಾಲೆ: ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ

Team Udayavani, Mar 2, 2019, 1:15 AM IST

ಶನಿವಾರಸಂತೆ : ಮುಳ್ಳೂರು ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ರಾಷ್ಟ್ರೀಯ ವಿಜ್ಞಾನ ದಿನಾಚರಣೆಯನ್ನು ಆಚರಿಸಲಾಯಿತು. ಶಾಲೆಯ ಇಕೋ ಕ್ಲಬ್‌ ವತಿಯಿಂದ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ವಿಜ್ಞಾನ ದಿನಾಚರಣೆ ಪ್ರಯುಕ್ತ ಜನರಿಗಾಗಿ ವಿಜ್ಞಾನ ಮತ್ತು ವಿಜ್ಞಾನಕ್ಕಾಗಿ ಜನರು ಎಂಬ ಧ್ಯೇಯ ವಾಕ್ಯದಡಿಯಲ್ಲಿ ದಿನದ ಮಹತ್ವವನ್ನು ವಿದ್ಯಾರ್ಥಿಗಳು ವಿವಿಧ ವಿಜ್ಞಾನ ಪ್ರಯೋಗ ಪ್ರದರ್ಶನದ ಮೂಲಕ ವಿನೂತನವಾಗಿ ಆಚರಿಸಿಕೊಂಡರು. ವಿದ್ಯಾರ್ಥಿಗಳು ತಮ್ಮ ತಮ್ಮ ಬೆಳಕಿನ ವಿವಿಧ ಪ್ರಯೋಗಗಳ ಮೂಲಕ ಬೆಳಕಿ ನೊಂದಿಗೆ ಆಟವಾಡಿ ಆನಂದಿಸಿದರು. 

ಇಕೋ ಕ್ಲಬ್‌ ಸಂಚಾಲಕ ಹಾಗೂ ವಿಜ್ಞಾನ ಪ್ರಯೋಗ ಮಾರ್ಗ ದರ್ಶಕ ಸಿ.ಎಸ್‌.ಸತೀಶ್‌ ದಿನದ ಮಹತ್ವದ ಕುರಿತು ಮಾಹಿತಿ ನೀಡಿ, ಅಮೆರಿಕ, ಜಪಾನ್‌, ಇಂಗ್ಲೆಂಡ್‌, ಜರ್ಮನಿಗಳಂತಹ ದೊಡ್ಡ ದೇಶ ಗಳಲ್ಲಿಯೇ ಸಂಶೋಧನೆಗಳು ಹುಟ್ಟಿವೆ ಎಂದು ತಿಳಿದಿದ್ದ ಕಾಲ ಘಟ್ಟದಲ್ಲಿ ನಮ್ಮ ನೆಲದಲ್ಲಿಯೇ ಜನಿಸಿ ಇಲ್ಲಿಯೇ ವಿದ್ಯಾಭ್ಯಾಸ ಪೂರೈಸಿ ಇಲ್ಲಿರುವ ಸಂಪನ್ಮೂಲಗಳನ್ನೆ ಸದ್ಬಳಕೆ ಮಾಡಿಕೊಂಡು ಮಹಾನ್‌ ಸಾಧನೆಯನ್ನು ಮಾಡಿ ನೊಬೆಲ್‌ ಪ್ರಶಸ್ತಿ ಪಡೆದ ಮೇರು ವ್ಯಕ್ತಿ ಡಾ|ಸಿ.ವಿ.ರಾಮನ್‌ ಅವರ ಸಂಶೋಧನೆಯಿಂದಾಗಿ ವಿಶ್ವ ಭೂಪಟದಲ್ಲಿ ಭಾರತಕೊಂದು ಮಹತ್ತರ ಸ್ಥಾನಮಾನ ದೊರಕಿದೆ ಎಂದರು. 

ಡಾ| ಸಿ.ವಿ.ರಾಮನ್‌ ಅವರಿಗೆ ನೊಬೆಲ್‌ ಪ್ರಶಸ್ತಿ ಲಭಿಸಿ ಶತಮಾನ ವಾಗುತ್ತಾ ಬಂದರೂ ನಮ್ಮ ವಿಶ್ವ ವಿದ್ಯಾನಿ ಲಯಗಳು ಮತ್ತೂಬ್ಬ ಸಿ.ವಿ.ರಾಮನ್‌ನನ್ನು ತಯಾರು ಮಾಡದಿರುವುದು ವಿಪರ್ಯಾಸ ಎಂದರು. 

ಇಂದಿನ ವಿಜ್ಞಾನ ಕ್ಷೇತ್ರವು ಎಲ್ಲವನ್ನೂ ವ್ಯಾಪಾರಿ ಮನೋಧರ್ಮದಲ್ಲಿ ಕಾಣುವ ಹಾಗೂ ಹಣಗಳಿಕೆಯ ಉದ್ದೇಶದಿಂದ  ವಿದೇಶಗಳಿಗೆ ಪಲಾಯನ ಮಾಡು ತ್ತಿರುವುದ್ದರಿಂದ ನಮ್ಮ ದೇಶದ ವಿಜ್ಞಾನಕ್ಕೆ ಕ್ಷೇತ್ರಕ್ಕೆ ಹಿನ್ನಡೆಯಾಗುತ್ತಿದೆ ಎಂದ‌ು ಅವರು ಹೇಳಿದರು . ಶಾಲಾ ಮುಖ್ಯ ಶಿಕ್ಷಕ ಮಂಜುನಾಥ್‌ ದಿನಾಚರಣೆಯನ್ನು ಉದ್ಘಾಟಿಸಿ ಮಾತ ನಾಡಿದರು. ಪೋಷಕರು ಮತ್ತು ಗ್ರಾಮಸ್ಥರು ಉಪಸ್ಥಿತರಿದ್ದರು.