ಕೊಡಗಿನ ಇಬ್ಬರು ಸೈನಿಕರಿಗೆ ರಾಜ್ಯೋತ್ಸವ ಪ್ರಶಸ್ತಿಯ ಗರಿ

Team Udayavani, Oct 30, 2019, 4:19 AM IST

ಮಡಿಕೇರಿ: ಕೊಡಗು ಜಿಲ್ಲೆಯ ಇಬ್ಬರು ಸೈನಿಕರಿಗೆ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ. ಸುಬೇದಾರ್‌ (ನಿ) ಚೇನಂಡ ಎ. ಕುಟ್ಟಪ್ಪ ಮತ್ತು ಲೆಫ್ಟಿನೆಂಟ್‌ ಜನರಲ್‌ (ನಿ) ಬಿ.ಎನ್‌. ಬಿ.ಎಂ. ಪ್ರಸಾದ್‌ ಅವರು ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ಬಾಕ್ಸಿಂಗ್‌ ಕ್ರೀಡೆಯಲ್ಲಿ ಮಾಡಿದ ಸಾಧನೆಗಾಗಿ ಚೇನಂಡ ಎ. ಕುಟ್ಟಪ್ಪ ಹಾಗೂ ವೈದ್ಯಕೀಯ ಕ್ಷೇತ್ರದಲ್ಲಿನ ಸಾಧನೆಗಾಗಿ ಬಿಎಂ ಪ್ರಸಾದ್‌ ಅವರನ್ನು ಈ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಈ ಇಬ್ಬರು ಸಾಧಕರು ಭಾರತೀಯ ಭೂ ಸೇನೆಯ ವೀರ ಯೋಧರೆಂಬುದು ವಿಶೇಷ.

ನಿರೀಕ್ಷೆ ಇರಲಿಲ್ಲ
ರಾಜ್ಯೋತ್ಸವ ಪ್ರಶಸ್ತಿಯ ನಿರೀಕ್ಷೆಯೇ ಇರಲಿಲ್ಲ, 40 ವರ್ಷ ಪ್ರಾಯಕ್ಕೆ ಪ್ರತಿಷ್ಠಿತ ಪ್ರಶಸ್ತಿ ದೊರಕಿದ್ದು ಸಂತೋಷ ತಂದಿದೆ ಎಂದು ಚೇನಂಡ ಕುಟ್ಟಪ್ಪ ಪ್ರತಿಕ್ರಿಯಿಸಿದರು.

ಸೇನೆಗೆ ಅರ್ಪಣೆ
ತಮಗೆ ರಾಜ್ಯೋತ್ಸವ ಪ್ರಶಸ್ತಿ ಬಂದಿರುವ ಬಗ್ಗೆ ಮಾತನಾಡಿದ ಬಿಳಿಗೇರಿ ಮಹಾವೀರ ಪ್ರಸಾದ್‌, ತಮ್ಮ ಸೇವೆಯನ್ನು ಸರಕಾರ ಪರಿಗಣಿಸಿರುವುದು ತುಂಬಾ ಸಂತಸ ತಂದಿದೆ, ಇದು ಭಾರತೀಯ ಸೇನೆಗೆ ಸಂದ ಗೌರವ ಎಂದು ಹೇಳಿದರು. ಇಂದು ಕೇಂದ್ರ ಸರಕಾರ ಯೋಧರ ಯೋಗ ಕ್ಷೇಮಕ್ಕೆ ಹೆಚ್ಚಿನ ಒತ್ತು ನೀಡುತ್ತಿದೆ. ನನಗೆ ಬಂದಿರುವ ಪ್ರಶಸ್ತಿಯನ್ನು ಭಾರತೀಯ ಸೇನೆಗೆ ಅರ್ಪಿಸುತ್ತಿರುವುದಾಗಿ ಹೇಳಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ