Udayavni Special

ಜಿಲ್ಲೆಯಲ್ಲಿ ಆಲೆಮನೆ ಪಾಲಾಗುತ್ತಿರುವ ಕಬ್ಬು

ಟನ್‌ ಕಬ್ಬು ಕೇವಲ 1200 ರೂ.ಗೆ ಮಾರಾಟ • ಒಣಗುತ್ತಿರುವ ಕಬ್ಬಿನಿಂದ ಕಂಗಾಲಾಗಿರುವ ರೈತ

Team Udayavani, Jul 3, 2019, 11:23 AM IST

mandya-tdy-1..

ಮಂಡ್ಯ ತಾಲೂಕಿನ ಜೀಗುಂಡಿ ಪಟ್ಟಣ ಸಮೀಪದ ಆಲೆಮನೆ ಬಳಿ ಸಂಗ್ರಹವಾಗಿರುವ ಕಬ್ಬಿನ

ಮಂಡ್ಯ: ನೀರಿಲ್ಲದೆ ಒಣಗುತ್ತಿರುವ ಕಬ್ಬು ಬೆಳೆನೋಡಲಾಗದೆ, ಬೆಳೆಗೆ ನೀರು ಹರಿಸದೆ ದ್ವೇಷ ಸಾಧಿಸುತ್ತಿ ರುವ ಸರ್ಕಾರದ ಧೋರಣೆಯನ್ನು ಸಹಿಸದೆ, ಸಕ್ಕರೆ ಕಾರ್ಖಾನೆಗಳ ಆರಂಭಕ್ಕಾಗಿ ಕಾಯದೆ ರೈತರು ತಾವು ಬೆಳೆದಿ ರುವ ಕಬ್ಬಿನೊಂದಿಗೆ ಆಲೆಮನೆಗಳ ಹಾದಿ ಹಿಡಿದಿದ್ದಾರೆ.

ಕೇಂದ್ರ ಸರ್ಕಾರ ಟನ್‌ ಕಬ್ಬಿಗೆ 2700 ರೂ. ಕನಿಷ್ಠ ಬೆಂಬಲ ಬೆಲೆ ಘೋಷಣೆ ಮಾಡಿದೆ. ನೀರಿನ ಕೊರತೆಯಿಂದ ಬೆಳೆ ಒಣಗುತ್ತಿರುವುದು ಹಾಗೂ ಸಕ್ಕರೆ ಕಾರ್ಖಾನೆಗಳು ಆರಂಭವಾಗುವ ಮುನ್ಸೂಚನೆಗಳು ಕಾಣುತ್ತಿಲ್ಲದ ಕಾರಣ, ಬಹುತೇಕ ರೈತರು ಕಬ್ಬನ್ನು ಆಲೆಮನೆಗಳಿಗೆ ಕೊಟ್ಟು ಕೈತೊಳೆದುಕೊಳ್ಳುತ್ತಿದ್ದಾರೆ.

1200 ರೂ.ನಿಂದ 1400 ರೂ.ಗೆ ಮಾರಾಟ: ರೈತರು ತಾವೇ ತಮ್ಮ ಜಮೀನಿನಲ್ಲಿ ಬೆಳೆದಿರುವ ಕಬ್ಬನ್ನು ಕಡಿದು ಆಲೆಮನೆಗಳಿಗೆ ಸಾಗಿಸಿದರೆ ಟನ್‌ ಕಬ್ಬಿಗೆ 1800 ರೂ.ನಿಂದ 2200 ರೂ. ನೀಡಲಾಗುತ್ತಿದೆ. ಆಲೆಮನೆಯವರೇ ಜಮೀ ನಿಗೆ ಹೋಗಿ ಕಬ್ಬು ಕಟಾವು ಮಾಡಿಸಿ ತೆಗೆದುಕೊಂಡು ಬರುವುದಾದರೆ ಪ್ರತಿ ಟನ್‌ ಕಬ್ಬಿಗೆ 1200 ರೂ.ನಿಂದ 1400 ರೂ. ರೈತರ ಕೈ ಸೇರುತ್ತಿದೆ.

ಕಬ್ಬು ಕಡಿದ ಬಳಿಕ ಹತ್ತು ದಿನಗಳೊಳಗೆ ಸಾಗಿಸಿದರೆ ಪ್ರತಿ ಟನ್‌ಗೆ 600 ರೂ. ಪಾವತಿ ಮಾಡಲಾಗುತ್ತಿದ್ದು, ಆನಂತರ ಒಂದು ತಿಂಗಳೊಳಗೆ ಉಳಿದ ಹಣವನ್ನು ರೈತರಿಗೆ ಕೊಡುತ್ತಿದ್ದಾರೆ. ಎಫ್ಆರ್‌ಪಿ ಬೆಲೆಗೆ ಹೋಲಿಸಿದರೆ 500 ರೂ.ಗಳಿಂದ 900 ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿರುವುದು ಜಿಲ್ಲಾದ್ಯಂತ ಕಂಡು ಬರುತ್ತಿದೆ.

ಕಬ್ಬು ಕಟಾವು ಮಾಡಿ ಆಲೆಮನೆಗೆ ಸಾಗಣೆ ಮಾಡುವುದಕ್ಕೆ ಬೆಳೆಗಾರರಿಗೆ 350 ರೂ.ಗಳಿಂದ 650 ರೂ.ಗಳವರೆಗೆ ಖರ್ಚಾಗುತ್ತಿದೆ. ಮನೆಯವರೇ ನಿಂತು ಕಡಿದು ಅವರೇ ಟ್ರ್ಯಾಕ್ಟರ್‌ನಲ್ಲಿ ಸಾಗಿಸಿದರೆ ಅವರಿಗೆ 250 ರೂ.ನಿಂದ 350 ರೂ. ಖರ್ಚು ಬೀಳುತ್ತಿದೆ. ಸದ್ಯ ಕಬ್ಬು ಕಟಾವು ಮಾಡುವುದಕ್ಕೆ ಸ್ಥಳೀಯವಾಗಿ ಕೂಲಿ ಆಳುಗಳೂ ಸಿಗುತ್ತಿಲ್ಲ. ಕೆಲವರು ಬಳ್ಳಾರಿ ಕಡೆಯಿಂದ ಕೂಲಿ ಆಳುಗಳನ್ನು ಕರೆಸಿ ಕಬ್ಬನ್ನು ಕಡಿಸಿ ಸಾಗಣೆ ಮಾಡುತ್ತಿದ್ದಾರೆ.

ಬೆಳೆದ ಬೆಳೆಗೆ ನೀರಿಲ್ಲ: 2018-19ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ ಜಿಲ್ಲೆಯಲ್ಲಿ 27,279 ಹೆಕ್ಟೇರ್‌ ಹಾಗೂ ಹಿಂಗಾರು ಹಂಗಾಮಿನಲ್ಲಿ 4598 ಹೆಕ್ಟೇರ್‌ ಪ್ರದೇಶದಲ್ಲಿ ಕಬ್ಬು ಬಿತ್ತನೆ ಮಾಡಲಾಗಿದೆ. ಇದರಲ್ಲಿ 12 ತಿಂಗಳು ಪೂರೈಸಿರುವ ಕಬ್ಬೇ ಹೆಚ್ಚಾಗಿದೆ. ಪೂರ್ವ ಮುಂಗಾರು ಹಾಗೂ ಮುಂಗಾರು ಮಳೆ ಮಂಕಾಗಿರುವುದರಿಂದ ಕಟಾವಿಗೆ ಬಂದಿರುವ ಕಬ್ಬು ಒಣಗುತ್ತಿದೆ. ಬೇಸಿಗೆ ಬೆಳೆಗೆ ಕಟ್ಟು ನೀರು ಪದ್ಧತಿಯಡಿ ನೀರು ಹರಿಸಿದ್ದರ ಪರಿಣಾಮ ಇಲ್ಲಿಯವರೆಗೆ ಕಬ್ಬು ಬೆಳೆ ಜೀವ ಉಳಿಸಿಕೊಂಡು ಬಂದಿತ್ತು.

ಅಂತಿಮ ಹಂತದಲ್ಲಿರುವ ಕಬ್ಬಿನ ಬೆಳೆಗೆ ಇನ್ನು ಒಂದೇ ಒಂದು ಕಟ್ಟು ನೀರು ಹರಿಸುವುದು ಅವಶ್ಯಕತೆ ಇದೆ. ಆ ನೀರು ಹರಿಸಿದರೆ ಬೆಳೆ ರೈತರ ಕೈಸೇರುತ್ತದೆ. ಅದಕ್ಕಾಗಿ ನೀರು ಹರಿಸುವಂತೆ ಅನ್ನದಾತರು ಪರಿಪರಿಯಾಗಿ ಅಂಗಲಾಚು ತ್ತಿದ್ದರೂ ಆಳುವವರ ಮನಸ್ಸು ಮಾತ್ರ ಕರಗುತ್ತಿಲ್ಲ.

ಅವಧಿ ಮೀರದ ಕಬ್ಬು ಕಟಾವು: ಮುಂದೆ ಬೆಳೆಗಳಿಗೆ ನೀರು ಸಿಗುವ ಸಾಧ್ಯತೆಗಳಿಲ್ಲದಿರುವುದನ್ನು ಮನಗಂಡಿರುವ ರೈತರು ಕಟಾವಿಗೆ ಬಂದಿರುವ ಬೆಳೆ ಹಾಗೂ ಅವಧಿ ಮೀರದಿರುವ ಕಬ್ಬನ್ನೇ ಕಟಾವು ಮಾಡಿ ಆಲೆಮನೆಗಳಿಗೆ ಪೂರೈಕೆ ಮಾಡುತ್ತಿದ್ದಾರೆ. ಕಬ್ಬನ್ನು ಜಮೀನಿನಲ್ಲೇ ಬಿಟ್ಟರೆ ಕಬ್ಬು ಮತ್ತಷ್ಟು ಒಣಗಿ ಇಳುವರಿ ಕುಂಠಿತಗೊಳ್ಳಬಹುದೆಂಬ ಆತಂಕ ಅವರನ್ನು ಕಾಡುತ್ತಿದೆ. ಅದಕ್ಕಾಗಿ ಕಬ್ಬನ್ನು ಕಡಿದು ಸಿಕ್ಕಷ್ಟು ಹಣಕ್ಕೆ ಮಾರಾಟ ಮಾಡುವ ನಿರ್ಧಾರ ಮಾಡಿದ್ದಾರೆ.

ಬೆಲ್ಲಕ್ಕೂ ಬೆಲೆ ಇಲ್ಲ: ಒಂದು ಕಾಲದಲ್ಲಿ ಇಂಡಿಯಾದಲ್ಲೇ ಹೆಸರಾಗಿದ್ದ ಮಂಡ್ಯ ಬೆಲ್ಲ ಈಗ ಆ ಪ್ರಖ್ಯಾತಿಯನ್ನು ಕಳೆದುಕೊಂಡಿದೆ. ಸದ್ಯ ಮಾರುಕಟ್ಟೆಯಲ್ಲಿ ಪ್ರತಿ ಕ್ವಿಂಟಾಲ್ ಬೆಲ್ಲ 2600 ರೂ.ನಿಂದ 3000 ರೂ.ಗೆ ಮಾರಾಟವಾಗುತ್ತಿದೆ. ಉತ್ತಮವಾದ ಕಬ್ಬು ದೊರೆತರೆ ಬೆಲ್ಲದ ಗುಣಮಟ್ಟವೂ ಚೆನ್ನಾಗಿದ್ದು ಒಳ್ಳೆಯ ಬೆಲೆಗೆ ಮಾರಾಟವಾಗುತ್ತದೆ.

ಪ್ರಸ್ತುತ ಆಲೆಮನೆಗಳಿಗೆ 10ರಿಂದ 11 ತಿಂಗಳ ಕಬ್ಬೇ ಹೆಚ್ಚಾಗಿ ಬರುತ್ತಿದೆ. ಇದರಲ್ಲಿ ಒಂದು ಟನ್‌ಗೆ 80ರಿಂದ 85 ಕೆಜಿ ಬೆಲ್ಲದ ಇಳುವರಿ ಬರುತ್ತಿದೆ. ಇದರ ಜೊತೆಗೆ ಸ್ವಲ್ಪ ಒಣಗಿರುವ ಕಬ್ಬು ಬರುತ್ತಿದೆ. ಹಾಗಾಗಿ ಉತ್ತಮ ಬೆಲ್ಲದ ಉತ್ಪಾದನೆಯನ್ನೂ ನಿರೀಕ್ಷಿಸದಂತಾಗಿದೆ. ಆಲೆಮನೆಗಳಲ್ಲಿ ಬೆಲ್ಲ ತಯಾರಿಸುವುದಕ್ಕೂ ಆಳುಗಳು ಸಿಗುತ್ತಿಲ್ಲ. ಉತ್ತರ ಪ್ರದೇಶದಿಂದ ಆಳುಗಳನ್ನು ಕರೆಸಿ ಬೆಲ್ಲ ತಯಾರಿಸುವುದು ಅನಿವಾರ್ಯವಾಗಿದೆ.

ಮಂಡ್ಯ ಬೆಲ್ಲಕ್ಕೆ ಹೆಚ್ಚಿನ ಬೆಲೆ ಇಲ್ಲ. ಅವಧಿ ಮೀರಿದ ಹಾಗೂ ಒಣಗಿದ ಕಬ್ಬನ್ನು ಪಡೆಯು ವುದರಿಂದ ನಮಗೂ ಲಾಭ ಸಿಗುವುದಿಲ್ಲ. ನಷ್ಟದಲ್ಲೂ ನಾವು ಆಲೆಮನೆ ನಡೆಸುವಂತಾಗಿದೆ ಎಂದು ಜೀಗುಂಡಿಪಟ್ಟಣದ ಆಲೆಮನೆ ಮಾಲೀಕ ನವೀನ್‌ಕುಮಾರ್‌ ಹೇಳುತ್ತಾರೆ.

ಜಿಲ್ಲಾ ವ್ಯಾಪ್ತಿಯಲ್ಲಿ ಅತಿ ಹೆಚ್ಚು ಪ್ರಮಾಣದಲ್ಲಿ ಕಬ್ಬಿದೆ. ಮುಂದೆ ನೀರಿನ ಕೊರತೆ ಉಂಟಾಗಿ ಕಬ್ಬಿಗೆ ದರ ಸಿಗದಿರಬಹುದು ಎಂಬ ಕಾರಣಕ್ಕೆ ರೈತರು ಆತುರಾತುರವಾಗಿ ಕಬ್ಬನ್ನು ಕಡಿದು ಆಲೆಮನೆಗಳಿಗೆ ಸರಬರಾಜು ಮಾಡುತ್ತಿದ್ದಾರೆ. ಇದರಿಂದ ಅವರಿಗೆ ನಷ್ಟವಾಗುತ್ತಿದ್ದರೂ ಕಬ್ಬು ಉರು ವಲಾಗುವುದರಿಂದ ತಪ್ಪಿಸಿಕೊಳ್ಳುವುದಕ್ಕೆ ಮುಂದಾಗಿದ್ದಾರೆ.

ಬಾಳಿನುದ್ದಕ್ಕೂ ಕಹಿ: ಸಿಹಿ ಕಬ್ಬನ್ನು ಬೆಳೆದು ಬಾಳಿನುದ್ದಕ್ಕೂ ಕಹಿಯನ್ನೇ ಅನುಭವಿಸುವುದು ಜಿಲ್ಲೆಯ ರೈತರಿಗೆ ಮಾಮೂಲಾಗಿದೆ. ಎದೆಯುದ್ದ ಕಬ್ಬು, ಮಂಡಿಯುದ್ದ ಸಾಲ ಎಂಬ ಮಾತು ಸ್ಥಳೀಯರಿಗೆ ಅಕ್ಷರಶಃ ಒಪ್ಪುವಂತಿದೆ.

ದಶಕದಿಂದ ಕಬ್ಬು ಬೆಳೆದ ಯಾವ ರೈತರೂ ತಮ್ಮ ಬದುಕನ್ನು ಬಂಗಾರವಾಗಿಸಿಕೊಂಡಿಲ್ಲ. ವರ್ಷಪೂರ್ತಿ ಕಷ್ಟಪಟ್ಟು ಕಬ್ಬು ಬೆಳೆಯುವ ರೈತರು ನಂತರ ಸಕ್ಕರೆ ಕಾರ್ಖಾನೆಗಳಿಗೆ ಸರಬರಾಜು ಮಾಡುತ್ತಾರೆ. ಆನಂತರದಲ್ಲಿ ಹಣಕ್ಕಾಗಿ ತಿಂಗಳಾನುಗಟ್ಟಲೆ ಹೋರಾಟ ಮಾಡುವುದು ಸಂಪ್ರದಾಯದಂತೆ ನಡೆದುಕೊಂಡು ಬಂದಿದೆ. ಹೀಗಾಗಿ ಕಬ್ಬು ಬೆಳೆಗಾರರ ಗೋಳಿಗೆ ಕೊನೆಯೇ ಇಲ್ಲದಂತಾಗಿದೆ.

ಸಕ್ಕರೆ ಕಾರ್ಖಾನೆಗಳ ಆರಂಭ ವಿಳಂಬ:

ಜಿಲ್ಲೆಯಲ್ಲಿರುವ ಐದು ಸಕ್ಕರೆ ಕಾರ್ಖಾನೆಗಳು ಜುಲೈ ಅಂತ್ಯದ ವೇಳೆಗೆ ಕಾರ್ಖಾನೆ ಆರಂಭಿಸಲು ನಿರ್ಧರಿಸಿವೆ. ಅದರಲ್ಲಿ ಮೈಷುಗರ್‌ ಹಾಗೂ ಪಿಎಸ್‌ಎಸ್‌ಕೆ ಕಾರ್ಖಾನೆಗಳ ಸ್ಥಿತಿ ಅಯೋಮಯವಾಗಿದೆ. ಸದ್ಯಕ್ಕೆ ಅವೆರಡೂ ಸಕ್ಕರೆ ಕಾರ್ಖಾನೆಗಳು ಕಬ್ಬು ಅರೆಯುವ ಸ್ಥಿತಿಯಲ್ಲಿ ಇಲ್ಲ. ಉಳಿದಂತೆ ಕೋರಮಂಡಲ್, ಚಾಂಷುಗರ್‌ ಹಾಗೂ ಎನ್‌ಎಸ್‌ಎಲ್ ಸಕ್ಕರೆ ಕಾರ್ಖಾನೆಗಳು ಜುಲೈ ಅಂತ್ಯದ ವೇಳೆಗೆ ಕಾರ್ಯಾರಂಭ ಮಾಡುವ ನಿರೀಕ್ಷೆ ಇದೆ. ಕಬ್ಬು ಒಣಗುವ ಸ್ಥಿತಿಯಲ್ಲಿದ್ದರೂ ಕಾರ್ಖಾನೆಗಳು ಮಾತ್ರ ಕಬ್ಬು ಅರೆಯುವುದಕ್ಕೆ ಮುಂದಾಗುತ್ತಿಲ್ಲ. ಕಬ್ಬಿನ ಇಳುವರಿ ಕಡಿಮೆಯಾದರೆ ಕಾರ್ಖಾನೆಯವರಿಗೆ ಲಾಭ ಸಿಗುವುದರಿಂದ ರೈತರ ಹಿತವನ್ನು ಗಮನದಲ್ಲಿಟ್ಟುಕೊಂಡು ಕಂಪನಿಯ ಆರಂಭಕ್ಕೆ ಆಸಕ್ತಿ ತೋರುತ್ತಿಲ್ಲ.
● ಮಂಡ್ಯ ಮಂಜುನಾಥ್‌

ಉದಯವಾಣಿ ಸುದ್ದಿ ಈಗ ಟೆಲಿಗ್ರಾಂನಲ್ಲೂ ಲಭ್ಯ; ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

mangalore

ಮಂಗಳೂರು: ದುಬೈನಿಂದ ಅಕ್ರಮವಾಗಿ ಚಿನ್ನ ತಂದು, ಕಸ್ಟಮ್ಸ್ ಅಧಿಕಾರಿಗಳ ಬಲೆಗೆ ಬಿದ್ದ ಪ್ರಯಾಣಿಕ

ಜಮ್ಮು-ಕಾಶ್ಮೀರ: ಭದ್ರತಾ ಪಡೆ ಎನ್ ಕೌಂಟರ್ – ಇಬ್ಬರು ಜೈಶ್ ಉಗ್ರರ ಹತ್ಯೆ

ಜಮ್ಮು-ಕಾಶ್ಮೀರ: ಭದ್ರತಾ ಪಡೆ ಎನ್ ಕೌಂಟರ್ – ಇಬ್ಬರು ಜೈಶ್ ಉಗ್ರರ ಹತ್ಯೆ

ಪಶ್ಚಿಮ ಪದವೀಧರ ಕ್ಷೇತ್ರದ ವಿಧಾನ ಪರಿಷತ್ ಗೆ ಮಂಗಳವಾರ ಬೆಳಿಗ್ಗೆ ೮ ರಿಂದ ಸಂಜೆ ೫ ರ ವರೆಗೆ ಮತದಾನ ಪ್ರಕ್ರೀಯೆ ನಡೆಯಲಿದೆ.

ಧಾರವಾಡ : ಪಶ್ಚಿಮ ಪದವೀಧರ ಕ್ಷೇತ್ರದಲ್ಲಿ ಮತದಾನ ಪ್ರಕ್ರೀಯೆ ಆರಂಭ! ಶೇ.9ರಷ್ಟು ಮತದಾನ

india-austraklia

ಭಾರತ-ಆಸೀಸ್ ಸರಣಿ: ದಿನಾಂಕ ನಿಗದಿಪಡಿಸಿದ ಕ್ರಿಕೆಟ್ ಆಸ್ಟ್ರೇಲಿಯಾ: ಇಲ್ಲಿದೆ ವೇಳಾಪಟ್ಟಿ !

ಮೈದುಂಬಿ ಹರಿಯುತ್ತಿದೆ ದೂಧ್ ಸಾಗರ ಜಲಪಾತ ! ಪ್ರವಾಸಿಗರ ಸಂಖ್ಯೆ ವಿರಳ 

ಮೈದುಂಬಿ ಹರಿಯುತ್ತಿದೆ ದೂಧ್ ಸಾಗರ ಜಲಪಾತ ! ಪ್ರವಾಸಿಗರ ಸಂಖ್ಯೆ ವಿರಳ 

srh

ಹಲವು ದಾಖಲೆಗಳಿಗೆ ಸಾಕ್ಷಿಯಾದ ಡೆಲ್ಲಿ-ಹೈದರಾಬಾದ್ ಪಂದ್ಯ: ರಬಾಡ ಅನನ್ಯ ಸಾಧನೆಯೇನು ಗೊತ್ತಾ?

covid19

ಕೋವಿಡ್ 2ನೇ ಅಲೆ, ಜನರ ಕೈಯಲ್ಲೇ ಆರೋಗ್ಯ: ಚಳಿಗಾಲದಲ್ಲಿ ವೈರಸ್‌ಗಳು ಶೇ.50ರಷ್ಟು ವೃದ್ಧಿ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಲಾಕ್‌ಡೌನ್ ಸಂದರ್ಭದಲ್ಲಿಯೇ ಕಂಪ್ಯೂಟರ್‌ಗಳ ಕಳ್ಳತನ: 7 ಮಂದಿ ಆರೋಪಿಗಳ ಬಂಧನ

ಅಂತರ್ ಜಿಲ್ಲಾ ಕಳ್ಳರ ಬಂಧನ; 61 ಲಕ್ಷ ರೂ. ಮೌಲ್ಯದ ವಸ್ತುಗಳ ವಶ

mandya-tdy-2

ಪೊಲೀಸರಿಂದ ಸಾಂಪ್ರದಾಯಿಕ ಆಯುಧ ಪೂಜೆ

ಜೆಡಿಎಸ್‌ನಲ್ಲಿ ಅಧ್ಯಕ್ಷ ಸ್ಥಾನಕ್ಕಾಗಿ ಲಾಬಿ

ಜೆಡಿಎಸ್‌ನಲ್ಲಿ ಅಧ್ಯಕ್ಷ ಸ್ಥಾನಕ್ಕಾಗಿ ಲಾಬಿ

mandya-tdy-2

ವಾಹನ ನಿಲುಗಡೆಗೆ ಹಣ ವಸೂಲಿ: ಆಕ್ರೋಶ

MANDYA-TDY-1

ಹದಗೆಟ್ಟ ರಸ್ತೆ : ವಾಹನ ಸವಾರರ ಪರದಾಟ

MUST WATCH

udayavani youtube

ಭಕ್ತಿ-ಸಂಭ್ರಮದ ಮಂಗಳೂರು ದಸರಾ -2020 ಸಂಪನ್ನ

udayavani youtube

ರಸ್ತೆಯಲ್ಲಿ ಉಂಟಾದ ಕೃತಕ ನೆರೆಯಲ್ಲೇ ಈಜಾಡಿದ ಯುವಕ

udayavani youtube

ಕೊರೋನಾ: ಶೋಚನೀಯವಾದ ತಿರುಗುವ ತೊಟ್ಟಿಲು ತಿರುಗಿಸುವ ಕೈಗಳ ಕಥೆ!

udayavani youtube

Story behind Vijayadashami celebration | ವಿಜಯದಶಮಿ ಆಚರಣೆಯ ಹಿಂದಿನ ಕಥೆ | Udayavani

udayavani youtube

450 ಕ್ಕೂ ಅಧಿಕ ಬೀದಿ ಬದಿ ಶ್ವಾನಗಳಿಗೆ ನಿತ್ಯ ಆಹಾರ ನೀಡುತ್ತಾರೆ ರಜನಿ ಶೆಟ್ಟಿ!



ಹೊಸ ಸೇರ್ಪಡೆ

mangalore

ಮಂಗಳೂರು: ದುಬೈನಿಂದ ಅಕ್ರಮವಾಗಿ ಚಿನ್ನ ತಂದು, ಕಸ್ಟಮ್ಸ್ ಅಧಿಕಾರಿಗಳ ಬಲೆಗೆ ಬಿದ್ದ ಪ್ರಯಾಣಿಕ

ಜಮ್ಮು-ಕಾಶ್ಮೀರ: ಭದ್ರತಾ ಪಡೆ ಎನ್ ಕೌಂಟರ್ – ಇಬ್ಬರು ಜೈಶ್ ಉಗ್ರರ ಹತ್ಯೆ

ಜಮ್ಮು-ಕಾಶ್ಮೀರ: ಭದ್ರತಾ ಪಡೆ ಎನ್ ಕೌಂಟರ್ – ಇಬ್ಬರು ಜೈಶ್ ಉಗ್ರರ ಹತ್ಯೆ

ಪಶ್ಚಿಮ ಪದವೀಧರ ಕ್ಷೇತ್ರದ ವಿಧಾನ ಪರಿಷತ್ ಗೆ ಮಂಗಳವಾರ ಬೆಳಿಗ್ಗೆ ೮ ರಿಂದ ಸಂಜೆ ೫ ರ ವರೆಗೆ ಮತದಾನ ಪ್ರಕ್ರೀಯೆ ನಡೆಯಲಿದೆ.

ಧಾರವಾಡ : ಪಶ್ಚಿಮ ಪದವೀಧರ ಕ್ಷೇತ್ರದಲ್ಲಿ ಮತದಾನ ಪ್ರಕ್ರೀಯೆ ಆರಂಭ! ಶೇ.9ರಷ್ಟು ಮತದಾನ

india-austraklia

ಭಾರತ-ಆಸೀಸ್ ಸರಣಿ: ದಿನಾಂಕ ನಿಗದಿಪಡಿಸಿದ ಕ್ರಿಕೆಟ್ ಆಸ್ಟ್ರೇಲಿಯಾ: ಇಲ್ಲಿದೆ ವೇಳಾಪಟ್ಟಿ !

ಅತಿವೃಷ್ಟಿಯಿಂದ 19 ಕೋಟಿ ರೂ. ನಷ್ಟ : 14 ಸಾವಿರ ಎಕರೆ ಬೆಳೆ ಹಾನಿ

ಅತಿವೃಷ್ಟಿಯಿಂದ 19 ಕೋಟಿ ರೂ. ನಷ್ಟ : 14 ಸಾವಿರ ಎಕರೆ ಬೆಳೆ ಹಾನಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.