Udayavni Special

ದಸರಾ ಮಹೋತ್ಸವಕ್ಕೆ ಗಜಪಡೆ ಸಜ್ಜು; ಎರಡನೇ ಬಾರಿ ಅಂಬಾರಿ ಹೊರಲಿರುವ ಅಭಿಮನ್ಯು


Team Udayavani, Sep 9, 2021, 5:53 PM IST

ದಸರಾ ಮಹೋತ್ಸವಕ್ಕೆ ಗಜಪಡೆ ಸಜ್ಜು; ಎರಡನೇ ಬಾರಿ ಅಂಬಾರಿ ಹೊರಲಿರುವ ಅಭಿಮನ್ಯು

ಮೈಸೂರು ದಸರಾ ಜಂಬೂ ಸವಾರಿಯಲ್ಲಿಈ ಬಾರಿ 8 ಆನೆಗಳನ್ನುಕರೆತರಲಾಗುತ್ತಿದ್ದು,ಕೂಬಿಂಗ್‌ ಸ್ಪೆಷಲಿಸ್ಟ್‌ ಎಂದೆ ಹೆಸರುವಾಸಿಯಾಗಿರುವ ಅಭಿಮನ್ಯುಆನೆಎರಡನೇ ಬಾರಿಗೆಅಂಬಾರಿ ಹೊರಲಿದ್ದಾನೆ.ಈಗಾಗಲೇ ಅರಣ್ಯ ಇಲಾಖೆಅಧಿಕಾರಿಗಳ ತಂಡ ಅಭಿಮನ್ಯು ನೇತೃತ್ವದಲ್ಲಿ 8 ಆನೆ ಗಳನ್ನು ಕರೆತರಲು ಸಿದ್ಧತೆ ನಡೆಸಿದ್ದು, ಸೆ.13ರಂದು ವೀರನ ಹೊಸಳ್ಳಿಯಲ್ಲಿ ನಡೆಯುವ ಗಜಪಯಣದಲ್ಲಿ ಸರಳವಾಗಿ ಪೂಜೆ ಸಲ್ಲಿಸಿ ಆನೆ ಗಳನ್ನು ಕರೆತರಲಾಗುತ್ತಿದೆ.ಈ ಬಾರಿಯ ದಸರಾ ಉತ್ಸವ ಕ್ಕೆ ಮತ್ತಿಗೋಡು ಆನೆ ಶಿಬಿರದ ಅಭಿಮನ್ಯುಹಾಗೂ ಗೋಪಾಲಸ್ವಾಮಿ ದೊಡ್ಡ ಹರವೆ ಆನೆ ಶಿಬಿರದ ಅಶ್ವತ್ಥಾಮ, ದುಬಾರೆಆನೆ ಶಿಬಿರ ದಧನಂಜಯ, ವಿಕ್ರಮ, ಕಾವೇರಿ, ರಾಮಾಪುರ ಆನೆ ಶಿಬಿರದ ಚೈತ್ರಾ,ಲಕ್ಷ್ಮೀ ಆನೆಗಳನ್ನು ಆಯ್ಕೆ ಮಾಡಲಾಗಿದ್ದು, 411ನೇದಸರಾ ಉತ್ಸವದಲ್ಲಿಪಾಲ್ಗೊಳ್ಳಲಿವೆ.

ಅಭಿಮನ್ಯು
ಹುಲಿ ಸೆರೆ, ಆನೆ ಪಳಗಿಸುವುದರಲ್ಲಿ ನಿಸ್ಸಿಮ
1970ರಲ್ಲಿ ಕೊಡಗಿನ ಹೆಬ್ಬಳ್ಳ ಅರಣ್ಯ ಪ್ರದೇಶದಲ್ಲಿ ಸೆರೆ ಹಿಡಿಯಲಾದ ಈ ಆನೆಯು ಕೂಬಿಂಗ್‌ ಸ್ಪೆಷಲಿಸ್ಟ್‌ ಎಂದೇ ಜನಪ್ರಿಯವಾಗಿದೆ.
ಕಾಡಾನೆ, ಹುಲಿ ಸೆರೆ ಹಿಡಿಯುವ ಕಾರ್ಯಾಚರಣೆ ಹಾಗೂ ಆನೆ ಪಳಗಿಸುವುದರಲ್ಲಿ ನಿಸ್ಸೀಮ.ಈವರೆಗೆ 150 ಕಾಡಾನೆ ಹಾಗೂ 50 ಹುಲಿಗಳನ್ನು ಸೆರೆ ಹಿಡಿ ಯುವ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿ ಯಶಸ್ವಿಯಾಗಿರುವುದು ವಿಶೇಷ. 56 ವರ್ಷದ ಅಭಿಮನ್ಯು ಆನೆಗೆ ಮಾವುತನಾಗಿ ವಸಂತ, ಕವಾಡಿಗನಾಗಿm ರಾಜು ಇದ್ದು, ಈ ಆನೆ 2,72 ಮೀತ್ತರ, 3.51 ಉದ್ದವಿದ್ದು 4,720 ಕೆ.ಜಿ. ತೂಕವನ್ನು ಹೊಂದಿದೆ

ಲಕ್ಷ್ಮೀ
ಗಜಪಡೆಯ ಪ್ರಮುಖ ಆಕರ್ಷಣೆ ಲಕ್ಷ್ಮೀ
ಗಜಪಡೆಯ ಗಂಡಾನೆಗಳಿಗೆ ಪ್ರಮುಖ ಆಕರ್ಷಣೆಯಾಗಿರುವ ಈಕೆ 20ರ ಹರೆಯದ ಸುಂದರಿ. ಅತಿ ಚಿಕ್ಕವಯಸ್ಸಿನ ಲಕ್ಷ್ಮೀ ರಾಮಾಪುರ ಆನೆ ಶಿಬಿರದ ಈಕೆ ತಾಯಿಯಿಂದ ಬೇರ್ಪಟ್ಟು ಅನಾಥಳಾಗಿದ್ದಾಗ ಅರಣ್ಯ ಇಲಾಖೆ ಸಿಬ್ಬಂದಿ ಕರೆತಂದು ಆರೈಕೆ ಮಾಡಿರುತ್ತಾರೆ. ಆನೆ ಮತ್ತು ಹುಲಿ ಸೆರೆ ಹಿಡಿಯುವ ಕಾರ್ಯಾಚರಣೆಯಲ್ಲಿ ಭಾಗಿಯಾಗುವ ಈ ಆನೆ 2019ರ ದಸರಾ ಉತ್ಸವದಲ್ಲಿ ಪಾಲ್ಗೊಂಡಿದೆ. 20 ವರ್ಷ ವಯೋಮಾನದ ಲಕ್ಷ್ಮೀ 2.32 ಮೀಟರ್‌ ಎತ್ತರ ಹಾಗೂ 2.60 ಮೀಟರ್‌ ಉದ್ದವಿದ್ದು 2,540 ಕೆ.ಜಿ. ತೂಕವಿದ್ದಾಳೆ. ಈಕೆಗೆ ಚಂದ್ರ ಮತ್ತು ಲವ ಮಾವುತ ಮತ್ತು ಕವಾಡಿಗನಾಗಿ ಕೆಲಸ ಮಾಡುತ್ತಿದ್ದಾರೆ.

ಗೋಪಾಲಸ್ವಾಮಿ
ಸೌಮ್ಯ ಸ್ವಭಾವದ ಗೋಪಾಲಸ್ವಾಮಿ
ಮತ್ತಿಗೋಡು ಆನೆ ಶಿಬಿರದ ಗೋಪಾಲಸ್ವಾಮಿ ಆನೆಯನ್ನು 2009ರಲ್ಲಿ ಸಕಲೇಶಪುರದ ಎತ್ತೂರಿನಲ್ಲಿ ಸೆರೆ ಹಿಡಿಯಲಾಯಿತು. ಕಾಡಾನೆ
ಮತ್ತು ಹುಲಿ ಸೆರೆ ಹಿಡಿಯುವ ಕಾರ್ಯಾಚರಣೆಯಲ್ಲಿ ಭಾಗಿಯಾಗುವುದಲ್ಲದೇ, 2012ರಿಂದ ದಸರಾ ಉತ್ಸವದಲ್ಲಿ ಭಾಗವಹಿಸುತ್ತಿದ್ದಾನೆ.
ಸೌಮ್ಯ ಸ್ವಭಾವದ ಗೋಪಾಲಸ್ವಾಮಿಗೆ 38 ವರ್ಷಗಳಾಗಿದ್ದು 2.85 ಎತ್ತರ ಹಾಗೂ 3.42 ಮೀಟರ್‌ ಉದ್ದವಿರುವ ಈ ಆನೆ 4,420 ಕೆ.ಜಿ. ತೂಕವಿದೆ. ಮಾವುತನಾಗಿ ಜೆ.ಡಿ. ಮಂಜು. ಕವಾಡಿಗನಾಗಿ ಸೃಜನ್‌ ಕಾರ್ಯನಿರ್ವಹಿಸುತ್ತಿದ್ದಾರೆ.

ವಿಕ್ರಮ
ದಸರಾದಲ್ಲಿ ಪಟ್ಟದ ಆನೆ ವಿಕ್ರಮ
ಕಳೆದ 18 ವರ್ಷಗಳಿಂದ ದಸರಾ ಉತ್ಸವದಲ್ಲಿ ಪಾಲ್ಗೊಳ್ಳುತ್ತಿರುವ ಈ ಆನೆ 2015ರಿಂದ ಪಟ್ಟದ ಆನೆಯಾಗಿ ಗಮನ ಸೆಳೆದಿದೆ. 1990ರಲ್ಲಿ ದೊಡ್ಡಬೆಟ್ಟ ಅರಣ್ಯದಲ್ಲಿ ಸೆರೆ ಹಿಡಿಯಲಾದ ಈ ಆನೆ ಮೃದು ಸ್ವಭಾವ ಉಳ್ಳದ್ದು. ದುಬಾರೆ ಆನೆ ಶಿಬಿರದ ವಿಕ್ರಮ ಆನೆಗೆ 58 ವರ್ಷಗಳಾಗಿದ್ದು, 2.89 ಮೀಟರ್‌ ಎತ್ತರ ಹಾಗೂ 3.43 ಮೀಟರ್‌ ಉದ್ದವಿದ್ದು, 3,820 ಕೆ.ಜಿ. ತೂಕ ಹೊಂದಿದೆ. ಪುಟ್ಟ ಮತ್ತು ಹೇಮಂತ್‌ ಕುಮಾರ್‌ ಮಾವುತ ಮತ್ತು ಕವಾಡಿಗನಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಅಶ್ವತ್ಥಾಮ
ಬಲಿಷ್ಠ, ಸುಂದರ ಅಶ್ವತ್ಥಾಮ ಭವಿಷ್ಯದ ಅಂಬಾರಿ ಆನೆ
ಕಾಡಂಚಿನಲ್ಲಿ ಪುಂಡಾಟ ನಡೆಸಿ, ಅರಣ್ಯ ಇಲಾಖೆಗೆ ಸೆರೆ ಸಿಕ್ಕ ನಾಲ್ಕು ವರ್ಷದಲ್ಲೇ ದಸರಾ ಉತ್ಸವಕ್ಕೆ ಆಯ್ಕೆಯಾದ ಅಶ್ವತ್ಥಾಮ ಮೊದಲ ಬಾರಿಗೆ ನಾಡ ಹಬ್ಬದಲ್ಲಿ ಪಾಲ್ಗೊಳ್ಳುತ್ತಿದೆ.ಸಮತಟ್ಟಾದ ಬೆನ್ನು,ಎತ್ತರ,ಸದೃಢ ಸೇಹ, ನೀಳವಾದ ದಂತಗಳು, ವಿಶಾಲವಾದ ಹಣೆಕಟ್ಟಿನಿಂದ ಬಲಿಷ್ಠ ಹಾಗೂ ಸುಂದರವಾಗಿ ಕಾಣುವ ಅಶ್ವತ್ಥಾಮ ಆನೆ ಭವಿಷ್ಯದ ಗಜಪಡೆ ನಾಯಕನನ್ನಾಗಿಸಲು ಅರಣ್ಯ ಇಲಾಖೆ ಮುಂದಾಗಿದ್ದು, ಈ ಬಾರಿಯ ದಸರಾದಲ್ಲಿ ಪಾಲ್ಗೊಂಡು ಯಶಸ್ವಿಯಾದರೆ ಭವಿಷ್ಯದ ಅಂಬಾರಿ ಆನೆಯಾನ್ನಾಗಿ ಮಾಡಲು ಅರಣ್ಯ ಇಲಾಖೆ ಚಿಂತನೆ ನಡೆಸಿದೆ. ಹಾಸನ ಜಿಲ್ಲೆಯ ಸಕಲೇಶಪುರ ಸೇರಿದಂತೆ ವಿವಿಧ ಗ್ರಾಮಗಳಲ್ಲಿ ಪದೇ ಪದೆ ಕಾಣಿಸಿಕೊಂಡು ಜನರಲ್ಲಿ ಆತಂಕವನ್ನುಂಟು ಮಾಡಿದ್ದ ಕಾಡಾನೆ ಸೆರೆಗೆ ಸ್ಥಳೀಯರಿಂದ ಒತ್ತಡ ಬಂದ ಹಿನ್ನೆಲೆಯಲ್ಲಿ ಅರಣ್ಯ ಇಲಾಖೆ 2017ರಲ್ಲಿ ಕಾರ್ಯಾಚರಣೆ ನಡೆಸಿ ಸೆರೆ ಹಿಡಿಯಲಾಗಿತ್ತು. ಬಳಿಕ ದೊಡ್ಡಹರವೆ ಆನೆ ಶಿಬಿರದಲ್ಲಿ ಇಟ್ಟು ತರಬೇತಿ ನೀಡಿ ಅಶ್ವತ್ಥಾಮ ಎಂದು ನಾಮಕರಣ ಮಾಡಲಾಗಿತ್ತು. ಆರಂಭದಲ್ಲಿ ಮುಂಗೋಪಿಯಾಗಿದ್ದ ಅಶ್ವತ್ಥಾಮ ಮಾವುತ ಶಿವು ಹಾಗೂ ಕವಾಡಿಗ ಗಣೇಶನ ಮಾತು ಕೇಳುವ ಮೂಲಕ ಸೌಮ್ಯ ಸ್ವರೂಪಿಯಾಗಿ ಮಾರ್ಪಾಡಾಗಿದ್ದ. ಪ್ರಸ್ತುತ 34 ವರ್ಷದ ಅಶ್ವತ್ಥಾಮ 2.85 ಮೀಟರ್‌ ಎತ್ತರ,3.46 ಮೀಟರ್‌ ಉದ್ದ ಶರೀರ ಹೊಂದಿದ್ದು.3,630 ಕೆ.ಜಿ.ತೂಕವಿದ್ದಾನೆ.ಸಮತಟ್ಟಾದ ಬೆನ್ನು ಹೊಂದಿರುವ ಈ ಗಂಡಾನೆ ಭವಿಷ್ಯದ ಅಂಬಾರಿ ಆನೆಯಾಗಿ ಹೊರಹೊಮ್ಮುವ ಎಲ್ಲಾ ಲಕ್ಷಣ ಹೊಂದಿದ್ದಾನೆ.ಈ ಹಿನ್ನೆಲೆಯಲ್ಲಿ ಮುಂದಿನ 5-8 ವರ್ಷ ದಸರಾ ಮಹೋತ್ಸವದಲ್ಲಿ ಕರೆತಂದು ತರಬೇತಿ ನೀಡಿದರೆ, 15 ವರ್ಷದ ನಂತರ ಅಂಬಾರಿ ಹೊರಲು ಅಶ್ವತ್ಥಾಮನನ್ನು ಸಜ್ಜು ಗೊಳಿಸಬಹುದು ಎಂಬ ಲೆಕ್ಕಾಚಾರ ಅರಣ್ಯ ಇಲಾಖೆಯದ್ದಾಗಿದೆ.

ಧನಂಜಯ
ಹುಲಿ ಸೆರೆಗೆ ಧನಂಜಯ ಸಹಕಾರ
ದುಬಾರೆ ಆನೆ ಶಿಬಿರದ ಧನಂಜಯ ಕಳೆದ 3 ವರ್ಷಗಳಿಂದ ದಸರಾ ಉತ್ಸವದಲ್ಲಿ ಭಾಗವಹಿಸುತ್ತಿದ್ದು, 2013ರಲ್ಲಿ ಹಾಸನ ಜಿಲ್ಲೆ ಯಸಳೂರಿನಲ್ಲಿ ಸೆರೆ ಹಿಡಿಯಲಾಯಿತು. ಆನೆ ಮತ್ತು ಹುಲಿ ಸೆರೆ ಹಿಡಿಯುವ ಕಾರ್ಯಾಚರಣೆಯಲ್ಲಿ ಭಾಗಿಯಾಗುವ ಈ ಆನೆಗೆ 43 ವರ್ಷಗಳಾಗಿದ್ದು, 2.92
ಮೀಟರ್‌ ಎತ್ತರ ಹಾಗೂ‌ 3.84 ಮೀಟರ್‌ ಉದ್ದವಿದ್ದು, 4,050 ಕೆ.ಜಿ. ತೂಕ ಹೊಂದಿದೆ. ಭಾಸ್ಕರ್‌ ಮತ್ತು ಮಣಿ ಮಾವುತ ಮತ್ತು ಕವಾಡಿಗನಾಗಿ ಕೆಲಸ ಮಾಡುತ್ತಿದ್ದಾರೆ.

ಚೈತ್ರಾ
ಕಾರ್ಯಾಚರಣೆಗೆ ಚೈತ್ರಾ ನೆರವು
ರಾಮಾಪುರ ಆನೆ ಶಿಬಿರದ ಈಕೆ ಅರಣ್ಯ ಇಲಾಖೆ ಆನೆ ಶಿಬಿರದಲ್ಲಿ ಗಂಗೆ ಎಂಬಾಕೆಗೆ ಜನಿಸುತ್ತಾಳೆ. ಹುಲಿ, ಆನೆ ಸೆರೆ ಹಿಡಿಯುವ ಕಾರ್ಯಾ ಚರಣೆಯಲ್ಲಿ ಭಾಗವಹಿಸುವ ಈಕೆ 2018ರಲ್ಲಿ ದಸರಾ ಉತ್ಸವದಲ್ಲಿ ಭಾಗವಹಿಸಿದ್ದಳು. 48 ವರ್ಷದ ಚೈತ್ರಾ 2.30 ಮೀಟರ್‌ ಎತ್ತರ, 3.10
ಮೀಟರ್‌ ಉದ್ದವಿದ್ದು, 2,600 ಕೆ.ಜಿ. ತೂಕವಿದೆ. ಈಕೆಯನ್ನು ಮಾವುತ ಭೀಜ, ಕವಾಡಿಗ ಕಲಿಂ ಪಾಷ ಪೋಷಣೆ ಮಾಡುತ್ತಿದ್ದಾರೆ.

ಕಾವೇರಿ
ಕಾವೇರಿ 9 ವರ್ಷದಿಂದ ದಸರಾದಲ್ಲಿ ಭಾಗಿ
ದುಬಾರೆ ಆನೆ ಶಿಬಿರದ ಈಕೆ ಕಳೆದ 9 ವರ್ಷಗಳಿಂದ ದಸರಾ ಉತ್ಸವದಲ್ಲಿ ಪಾಲ್ಗೊಳ್ಳುತ್ತಿದ್ದು, 2009ರಲ್ಲಿ ಸೋಮವಾರ ಪೇಟೆಯ ಆಡಿನಾಡೂರು ಅರಣ್ಯದಲ್ಲಿ ಸೆರೆ ಹಿಡಿಯಲಾಯಿತು. 44 ವರ್ಷದ ಕಾವೇರಿ 2.60 ಎತ್ತರ ಹಾಗೂ 3.32 ಉದ್ದವಿದ್ದು, 3,220 ಕೆಜಿ ತೂಕ
ಹೊಂದಿದೆ. ಈಕೆಗೆ ಡೋಬಿ ಮತ್ತು ರಂಜನ್‌ ಮಾವುತ ಮತ್ತು ಕವಾಡಿಗನಾಗಿ ಇದ್ದಾರೆ.

ಟಾಪ್ ನ್ಯೂಸ್

Untitled-1

ಕುಂದಾನಗರಿಯಲ್ಲಿ ಗಣೇಶ ವಿಸರ್ಜನೆ ವೇಳೆ ಲಾಠಿ ಚಾರ್ಜ್

ಆರ್‌ಸಿಬಿ ನಾಯಕತ್ವಕ್ಕೂ ವಿರಾಟ್‌ ವಿದಾಯ

ಆರ್‌ಸಿಬಿ ನಾಯಕತ್ವಕ್ಕೂ ವಿರಾಟ್‌ ವಿದಾಯ

ಉತ್ತರ ಪ್ರದೇಶ ಈಗ ಗಲಭೆಮುಕ್ತ: ಸಿಎಂ ಯೋಗಿ ಆದಿತ್ಯನಾಥ್‌

ಉತ್ತರ ಪ್ರದೇಶ ಈಗ ಗಲಭೆಮುಕ್ತ: ಸಿಎಂ ಯೋಗಿ ಆದಿತ್ಯನಾಥ್‌

frty5y56

ಕೋವಿಡ್ ಹೊಡೆತ | ಸದ್ದು ಮಾಡದ ಕೊಂಬು ಕಹಳೆ ವಾದ್ಯ

fcgrdtr

ಅವಮಾನಿಸಿದ ಪಕ್ಷದಲ್ಲಿ ಇರಬೇಡಿ,ಬಿಜೆಪಿಗೆ ಬನ್ನಿ : ಅಮರೀಂದರ್ ಗೆ ಅಠಾವಳೆ ಆಹ್ವಾನ

1ರಿಂದ 5ನೇ ತರಗತಿ ಸದ್ಯಕ್ಕಿಲ್ಲ: ಸಚಿವ ನಾಗೇಶ್‌

1ರಿಂದ 5ನೇ ತರಗತಿ ಸದ್ಯಕ್ಕಿಲ್ಲ: ಸಚಿವ ನಾಗೇಶ್‌

ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್‌ ವಿರುದ್ಧ ಎಫ್ಐಆರ್‌?

ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್‌ ವಿರುದ್ಧ ಎಫ್ಐಆರ್‌?





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Children’s education

ಆದಿವಾಸಿ ಮುಖಂಡರು ಮಕ್ಕಳ ಶಿಕ್ಷಣಕ್ಕೆ ಆದ್ಯತೆ ನೀಡಿ :ಡಿವೈಎಸ್ ಪಿ ರವಿಪ್ರಸಾದ್ ಮನವಿ

ರಾತ್ರೋರಾತ್ರಿ ವಿಷ್ಣುವರ್ಧನ್ ಪ್ರತಿಮೆ ನಿರ್ಮಾಣ :ಪೊಲೀಸರಿಂದ ತೆರವು, ಅಭಿಮಾನಿಗಳ ಪ್ರತಿಭಟನೆ

ರಾತ್ರೋರಾತ್ರಿ ವಿಷ್ಣುವರ್ಧನ್ ಪ್ರತಿಮೆ ನಿರ್ಮಾಣ :ಪೊಲೀಸರಿಂದ ತೆರವು, ಅಭಿಮಾನಿಗಳ ಪ್ರತಿಭಟನೆ

crime

ಹಣದ ವಿಚಾರದಲ್ಲಿ ಗಲಾಟೆ : ಸಂಬಂಧಿಯನ್ನೇ ಮಾರಾಕಾಸ್ತ್ರದಿಂದ ಕೊಚ್ಚಿ ಬರ್ಬರ ಹತ್ಯೆ

ಧರ್ಮ ಮನೆಯಲ್ಲಿ ಆಚರಣೆಯಾಗಬೇಕು, ಅದನ್ನು ರಾಜಕಾರಣಕ್ಕೆ ತರಬಾರದು: ಧ್ರುವನಾರಾಯಣ್

ಧರ್ಮ ಮನೆಯಲ್ಲಿ ಆಚರಣೆಯಾಗಬೇಕು, ಅದನ್ನು ರಾಜಕಾರಣಕ್ಕೆ ತರಬಾರದು: ಧ್ರುವನಾರಾಯಣ್

ಧೃವನಾರಾಯಣ್

ಧರ್ಮ ಆಧಾರಿತವಾಗಿ ಶಿಕ್ಷಣ ನೀತಿ ಜಾರಿ, ಸಮತಿಯ ಬಹುತೇಕರು ಆರ್ ಎಸ್ಎಸ್ ನವರು: ಧ್ರುವನಾರಾಯಣ್

MUST WATCH

udayavani youtube

ಗಿಡಗಳಿಗೆ “ಕಸಿ’ ಕಟ್ಟುವ ಸುಲಭ ವಿಧಾನ

udayavani youtube

ಕಾರು ಖರೀದಿಸಿ ತರುತ್ತಿದ್ದ ವೇಳೆ ಅಗ್ನಿ ಅವಘಡ ಕಣ್ಣೆದುರೇ ಹೊತ್ತಿ ಉರಿದ ಕಾರು

udayavani youtube

ನದಿಗೆ ಹಾರಿ ಎರಡು ದಿನ ಕಳೆದರೂ ಪತ್ತೆಯಾಗದ ದೇಹ : ಶೋಧ ಕಾರ್ಯ ಮುಂದುವರಿಕೆ

udayavani youtube

ಚರಣ್ ಜಿತ್ ಸಿಂಗ್ ಛನ್ನಿ ಪಂಜಾಬ್ ನೂತನ ಮುಖ್ಯಮಂತ್ರಿ|UDAYAVANI NEWS BULLETIN|19/9/2021

udayavani youtube

ಗಣೇಶನ ಆರಾಧನೆಯ ಜೊತೆಗೆ ಕೋವಿಡ್ ಲಸಿಕೆಯ ಬಗ್ಗೆ ಜನಜಾಗೃತಿ

ಹೊಸ ಸೇರ್ಪಡೆ

Untitled-1

ಕುಂದಾನಗರಿಯಲ್ಲಿ ಗಣೇಶ ವಿಸರ್ಜನೆ ವೇಳೆ ಲಾಠಿ ಚಾರ್ಜ್

ಆರ್‌ಸಿಬಿ ನಾಯಕತ್ವಕ್ಕೂ ವಿರಾಟ್‌ ವಿದಾಯ

ಆರ್‌ಸಿಬಿ ನಾಯಕತ್ವಕ್ಕೂ ವಿರಾಟ್‌ ವಿದಾಯ

ಉತ್ತರ ಪ್ರದೇಶ ಈಗ ಗಲಭೆಮುಕ್ತ: ಸಿಎಂ ಯೋಗಿ ಆದಿತ್ಯನಾಥ್‌

ಉತ್ತರ ಪ್ರದೇಶ ಈಗ ಗಲಭೆಮುಕ್ತ: ಸಿಎಂ ಯೋಗಿ ಆದಿತ್ಯನಾಥ್‌

Children’s education

ಆದಿವಾಸಿ ಮುಖಂಡರು ಮಕ್ಕಳ ಶಿಕ್ಷಣಕ್ಕೆ ಆದ್ಯತೆ ನೀಡಿ :ಡಿವೈಎಸ್ ಪಿ ರವಿಪ್ರಸಾದ್ ಮನವಿ

frty5y56

ಕೋವಿಡ್ ಹೊಡೆತ | ಸದ್ದು ಮಾಡದ ಕೊಂಬು ಕಹಳೆ ವಾದ್ಯ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.