Udayavni Special

ಜನಪ್ರತಿನಿಧಿಗಳ ಕಡೆಗಣನೆ ಖಂಡಿಸಿ ಜಿಪಂ ಮುತ್ತಿಗೆಗೆ ನಿರ್ಣಯ


Team Udayavani, Jun 20, 2019, 3:00 AM IST

janaprati

ತಿ.ನರಸೀಪುರ: ತಾಲೂಕು ಪಂಚಾಯಿತಿಯ ಸಾಮಾನ್ಯ ಸಭೆಯಲ್ಲಿನ ನಿರ್ಣಯ, ಸಭಾ ನಡವಳಿಗಳಿಗೆ ಜಿಪಂ ಹಾಗೂ ಜಿಲ್ಲಾಡಳಿತ ಕಿಂಚಿತ್ತೂ ಗಮನವನ್ನು ನೀಡದೆ ಚುನಾಯಿತ ಜನಪ್ರತಿನಿಧಿಗಳ ಹಕ್ಕಿಗೆ ಚ್ಯುತಿಯನ್ನುಂಟುಮಾಡಿ, ಅಗೌರವ ತಂದಿರುವ ಹಿನ್ನೆಲೆಯಲ್ಲಿ ಜಿಪಂ ಕಚೇರಿಗೆ ಮುಂಭಾಗ ಧರಣಿ ಕುಳಿತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಿಗೆ ಮುತ್ತಿಗೆ ಹಾಕಲು ಚುನಾಯಿತ ಪ್ರತಿನಿಧಿಗಳ ಸಭೆಯಲ್ಲಿ ನಿರ್ಧರಿಸಲಾಯಿತು.

ತಾಪಂ ಸಭಾಂಗಣದಲ್ಲಿ ಅಧ್ಯಕ್ಷ ಆರ್‌.ಚಲುವರಾಜು ಅಧ್ಯಕ್ಷತೆಯಲ್ಲಿ ನಡೆದ 2019-20ನೇ ಸಾಲಿನ ಸಮಿತಿ ಮತ್ತು ಸಮಾಲೋಚನೆ ಯೋಜನೆಯಡಿಯಲ್ಲಿ ಚುನಾಯಿತ ಪ್ರತಿನಿಧಿಗಳ ಸಭೆಯಲ್ಲಿ ಸದಸ್ಯ ಎಂ.ಚಂದ್ರಶೇಖರ್‌ ಪ್ರಸ್ತಾಪದಂತೆ ತಾಲೂಕು ಮಟ್ಟದ ಜನಪ್ರತಿನಿಧಿಗಳ ಸಭೆಯಲ್ಲಿನ ನಿರ್ಣಯ ಮತ್ತು ನಡವಳಿಗೆ ಕವಡೆ ಕಾಸಿನ ಕಿಮ್ಮತ್ತನ್ನು ನೀಡದ ಜಿಪಂ ಆಡಳಿತಕ್ಕೆ ಚುರುಕು ಮುಟ್ಟಿಸಲು ಧರಣಿ ನಡೆಸಿ ಸಿಇಒ ಅವರಿಗೆ ಮುತ್ತಿಗೆ ಹಾಕಲು ನಿರ್ಣಯ ಕೈಗೊಳ್ಳಲಾಯಿತು.

ಮಾದರಿ ಹೋರಾಟ: ಸದಸ್ಯ ಎಂ.ಚಂದ್ರಶೇಖರ್‌ ಮಾತನಾಡಿ, ಜಿಪಂ ಆಡಳಿತ ಜಿಲ್ಲಾ ಮಟ್ಟದ ದೊಡ್ಡ ಜನಪ್ರತಿನಿಧಿಗಳ ಸಂಸ್ಥೆಯಾಗಿದೆ. ಸಿಇಒಗೆ ಲಕ್ಷಾಂತರ ರೂ. ಸಂಬಳ, ಕಾರು ಮತ್ತಿತರ ಸವಲತ್ತು ನೀಡಲಾಗಿದೆ. ಆದರೆ, ತಾಲೂಕು ಮಟ್ಟದ ಸಭೆಗಳಲ್ಲಿ ತೆಗೆದುಕೊಂಡ ನಿರ್ಧಾರಗಳ ಬಗ್ಗೆ ಅವರು ಕ್ಯಾರೆ ಎನ್ನುತ್ತಿಲ್ಲ. ಸಮಸ್ಯೆಗಳ ದೂರು ಕೊಟ್ಟರೆ ಮುಕ್ತಾಯದ ಹಿಂಬರಹ ನೀಡುತ್ತಾರೆ.

ಜಿಲ್ಲೆಯ ಯಾವೊಂದು ತಾಲೂಕು ಪಂಚಾಯಿತಿಗೆ ಭೇಟಿ ನೀಡಿಲ್ಲ, ಗ್ರಾಮೀಣ ಪ್ರದೇಶಗಳಿಗೆ ಬಂದೇ ಇಲ್ಲ. ಜನರಿಂದ ಆಯ್ಕೆಗೊಂಡವರು ಅರ್ಜಿ ಹಿಡಿದು ಅವರ ಮುಂದೆ ಹೋಗಬೇಕಾಗಿದೆ. ಅಂತಹವರಿಗೆ ಪ್ರತಿಭಟನೆ ಮೂಲಕ ಪಾಠ ಕಲಿಸಬೇಕು. ಜಿಲ್ಲೆಗೆ ನಮ್ಮ ಹೋರಾಟ ಮಾದರಿಯಾಗಬೇಕು ಎಂದು ತಿಳಿಸಿದರು.

ಸಭಾ ನಿರ್ಣಯ ರವಾನಿಸಿ: ಮತ್ತೋರ್ವ ಸದಸ್ಯ ಎಂ.ರಮೇಶ ಮಾತನಾಡಿ, ಕುಂಭಮೇಳದಲ್ಲೂ ಶಿಷ್ಟಾಚಾರ ನೆಪದಲ್ಲಿ ತಾಪಂ ಸದಸ್ಯರನ್ನು ಕಡೆಗಣಿಸಲಾಯಿತು. ಜನಪ್ರತಿನಿಧಿಗಳನ್ನು ಗೌರಸಿದ ತಹಶೀಲ್ದಾರ್‌ ಹಾಗೂ ಕಾರ್ಯನಿರ್ವಹಕ ಅಧಿಕಾರಿ ಇಬ್ಬರ ವಿರುದ್ಧವೂ ಕ್ರಮ ಜರುಗಿಸುವಂತೆ ಕಳೆದ ಸಾಮಾನ್ಯ ಸಭೆಯಲ್ಲಿ ನಿರ್ಣಯ ಕೈಗೊಂಡರೂ ಯಾವುದೇ ಪ್ರಯೋಜನವಾಗಿಲ್ಲ.

ಜಿಲ್ಲಾಡಳಿತಕ್ಕೆ ನಾವುಗಳು ಅಷ್ಟೊಂದು ಕಡೆಯಾಗಿ ಕಾಣಿಸುತ್ತಿವಾ?, ಅವರೆಲ್ಲರ ಬೇಜವಾಬ್ದಾರಿಗೆ ಮುತ್ತಿಗೆ ಪ್ರತಿಭಟನೆ ಹೋರಾಟದಿಂದಲೇ ಉತ್ತರ ನೀಡಬೇಕು. ಅದಕ್ಕೂ ಮೊದಲು ಸಭಾ ನಿರ್ಣಯ ಮತ್ತು ನಡವಳಿಯನ್ನು ಜಿಪಂ ಕಚೇರಿಗೆ ರವಾನಿಸಬೇಕು ಎಂದು ಆಗ್ರಹಿಸಿದರು.

ಸಮಾಜ ಕಲ್ಯಾಣಾಧಿಕಾರಿಗಳ ತಾತ್ಸಾರ: ತಾಲೂಕಿನ ಸಮಾಜ ಕಲ್ಯಾಣ ಇಲಾಖೆಯ ವಿದ್ಯಾರ್ಥಿ ನಿಲಯಗಳ ಪಾಲಕರು ಮತ್ತು ಸಹಾಯಕ ನಿಯೋಜನೆ ಮತ್ತು ವರ್ಗಾವಣೆಯಲ್ಲಿ ಸಮಾಜ ಕಲ್ಯಾಣಾಧಿಕಾರಿಗಳು ತಾತ್ಸಾರ ಮಾಡುತ್ತಿದ್ದಾರೆ ಎಂದು ಸದಸ್ಯರಾದ ಕೆಬ್ಬೆ ರಂಗಸ್ವಾಮಿ ಹಾಗೂ ಎಚ್‌.ಜವರಯ್ಯ ಆರೋಪಿಸಿದರು. ತಾಪಂ ಸದಸ್ಯರ ಸೂಚನೆ ಮತ್ತು ಸಲಹೆಗಳನ್ನು ಧಿಕ್ಕರಿಸುತ್ತಿದ್ದಾರೆ. ಹಾಗಾಗಿ ಹಲವು ವಿದ್ಯಾರ್ಥಿ ನಿಲಯಗಳ ಅವ್ಯವಸ್ಥೆಯಿಂದ ಕೂಡಿದ್ದು, ತಾಂತ್ರಿಕ ಸಮಸ್ಯೆಗಳಿಂದ ಇಲಾಖೆಯಲ್ಲಿ ಕೆಲಸ ಕಾರ್ಯಗಳೇ ಕುಂಠಿತಗೊಂಡಿವೆ ಎಂದು ದೂರಿದರು.

ಸಭೆಯಲ್ಲಿ ಪ್ರಭಾರ ಕಾರ್ಯನಿರ್ವಹಕ ಅಧಿಕಾರಿ ನಿಂಗಯ್ಯ, ಸದಸ್ಯರಾದ ಶಿವಮ್ಮ, ನಾಗಮಣಿ, ಪಲ್ಲವಿ, ಚಿನ್ನಮ್ಮ, ಶಿವಮ್ಮ, ಲೋಲಾಕ್ಷಿ, ಕೆಬ್ಬೆ ರಂಗಸ್ವಾಮಿ, ಬಿ.ಸಾಜಿದ್‌ ಅಹಮ್ಮದ್‌, ರತ್ನರಾಜ್‌, ಪುಷ್ಪಪ್ರಭುಸ್ವಾಮಿ, ಲೋಕೋಪಯೋಗಿ ಎಇಇ ಶಿವಶಂಕರಯ್ಯ, ಜಿಪಂ ಎಇಗಳಾದ ಟಿ.ಪ್ರಕಾಶ್‌, ದೇವರಾಜು, ಸಿಡಿಪಿಒ ಬಿ.ಎನ್‌.ಬಸವರಾಜು, ಬಿಇಒ ಎಸ್‌.ಸ್ವಾಮಿ, ಸಹಾಯಕ ಕೃಷಿ ನಿರ್ದೇಶಕ ಸುಂದರಮ್ಮ ಇತರರಿದ್ದರು.

ಜಿಪಂ ಸಿಇಒಗೆ 15 ದಿನ ಗಡುವು: ಸದಸ್ಯರೆಲ್ಲರ ಅಹವಾಲು ಆಲಿಸಿದ ಅಧ್ಯಕ್ಷ ಆರ್‌.ಚಲುವರಾಜು ಮಾತನಾಡಿ, ಈಗಿನ ಸಭೆಯಲ್ಲಿನ ನಿರ್ಣಯವನ್ನು 10 ದಿನಗಳೊಳಗೆ ಜಿಪಂ ರವಾನಿಸಲಾಗುವುದು. ಸಿಇಒ ಬೇಜವಾಬ್ದಾರಿ ವರ್ತನೆ ಮುಂದುವರಿದರೆ 15 ದಿನದೊಳಗೆ ಧರಣಿ ಮತ್ತು ಮುತ್ತಿಗೆ ಹೋರಾಟದ ದಿನವನ್ನು ನಿಗದಿಪಡಿಸಲಾಗುವುದು. ಸದಸ್ಯರೆಲ್ಲರೂ ಒಮ್ಮತದಿಂದ ಪ್ರತಿಭಟನೆಯಲ್ಲಿ ಭಾಗವಹಿಸಬೇಕು. ತಾಲೂಕು ಮಟ್ಟದ ಸಭೆಗಳಿಗೆ ಅಧಿಕಾರಿಗಳು ನಿರಂತರವಾಗಿ ಗೈರಾಗಿರುವ ಬಗ್ಗೆಯೂ ಜಿಲ್ಲಾಧಿಕಾರಿಗೆ ದೂರು ನೀಡಲಾಗುವುದು ಎಂದು ತಿಳಿಸಿದರು.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಗಡಿ ಭದ್ರತೆ ; ಲಡಾಖ್‌ ಕಾವಲಿಗೆ ಬೆಂಗಳೂರು ಕಾಪ್ಟರ್‌!

ಗಡಿ ಭದ್ರತೆ ; ಲಡಾಖ್‌ ಕಾವಲಿಗೆ ಬೆಂಗಳೂರು ಕಾಪ್ಟರ್‌!

ಸುಶಾಂತ್‌ ಕೊಲೆ ಮಾಡಲಾಗಿದೆ ; ಕುಟುಂಬಸ್ಥರಿಂದ ಪತ್ರ ; ಪೊಲೀಸರ ವಿರುದ್ಧ ಆಕ್ರೋಶ

ಸುಶಾಂತ್‌ ಕೊಲೆ ಮಾಡಲಾಗಿದೆ ; ಕುಟುಂಬಸ್ಥರಿಂದ ಪತ್ರ ; ಪೊಲೀಸರ ವಿರುದ್ಧ ಆಕ್ರೋಶ

ಮೊಬೈಲ್‌ ಸೌಲಭ್ಯ ಇಲ್ಲದ ವಿದ್ಯಾರ್ಥಿಗಳಿಗೆ ಶಿಕ್ಷಕರಿಂದ ಪಾಠ; ವಿದ್ಯಾಗಮ ಯೋಜನೆಯಡಿ ಸರ್ವೇ

ಮೊಬೈಲ್‌ ಸೌಲಭ್ಯ ಇಲ್ಲದ ವಿದ್ಯಾರ್ಥಿಗಳಿಗೆ ಶಿಕ್ಷಕರಿಂದ ಪಾಠ; ವಿದ್ಯಾಗಮ ಯೋಜನೆಯಡಿ ಸರ್ವೇ

ವಿಶ್ವಾಸಮತ ಸಾಬೀತಿಗೆ ಗೆಹ್ಲೋಟ್ ನಿರ್ಧಾರ

ವಿಶ್ವಾಸಮತ ಸಾಬೀತಿಗೆ ಗೆಹ್ಲೋಟ್ ನಿರ್ಧಾರ

Rajiv-Thyagi

ಹಿರಿಯ ಕಾಂಗ್ರೆಸ್ ನಾಯಕ ರಾಜೀವ್ ತ್ಯಾಗಿ ನಿಧನ

ಬೀದರ್: ಕೋವಿಡ್ 19 ಸೋಂಕಿಗೆ 03 ಸಾವು ; 134 ಹೊಸ ಪ್ರಕರಣ ಪತ್ತೆ

ಬೀದರ್: ಕೋವಿಡ್ 19 ಸೋಂಕಿಗೆ 03 ಸಾವು ; 134 ಹೊಸ ಪ್ರಕರಣ ಪತ್ತೆ

ರಾಜಸ್ಥಾನ್‌ ರಾಯಲ್ಸ್‌ ಕೋಚ್‌ ದಿಶಾಂತ್‌ಗೆ ಸೋಂಕು

ರಾಜಸ್ಥಾನ್‌ ರಾಯಲ್ಸ್‌ ಕೋಚ್‌ ದಿಶಾಂತ್‌ಗೆ ಸೋಂಕು




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

14ರ ರಾತ್ರಿ ತಮಟೆ ಚಳವಳಿ, ಪಂಜಿನ ಮೆರವಣಿಗೆ

14ರ ರಾತ್ರಿ ತಮಟೆ ಚಳವಳಿ, ಪಂಜಿನ ಮೆರವಣಿಗೆ

ಮೈಸೂರು: 258 ಮಂದಿ ಗುಣಮುಖ

ಮೈಸೂರು: 258 ಮಂದಿ ಗುಣಮುಖ

ಪಧಾನಿಗಳ ಕೃಷಿ ಕ್ರಾಂತಿಗೆ ಸಚಿವರ ಅಭಿನಂದನೆ

ಪಧಾನಿಗಳ ಕೃಷಿ ಕ್ರಾಂತಿಗೆ ಸಚಿವರ ಅಭಿನಂದನೆ

ಹಂದಿ ಬೇಟೆಗೆ ಇಟ್ಟ ಉರುಳಿಗೆ ಸಿಲುಕಿ ಚಿರತೆ ಸಾವು

ಹಂದಿ ಬೇಟೆಗೆ ಇಟ್ಟ ಉರುಳಿಗೆ ಸಿಲುಕಿ ಚಿರತೆ ಸಾವು

ಜಿಲ್ಲೆಯಲ್ಲಿ ತುಸು ತಗ್ಗಿದ ಮಳೆಯ ಪ್ರಮಾಣ

ಜಿಲ್ಲೆಯಲ್ಲಿ ತುಸು ತಗ್ಗಿದ ಮಳೆಯ ಪ್ರಮಾಣ

MUST WATCH

udayavani youtube

ಪಾರಂಪರಿಕ ಕುಂಬಾರಿಕೆ ವೃತ್ತಿಗೆ Modern Touch | Traditional Pottery Making

udayavani youtube

ಕೂಲಿ ಕೆಲಸದ ಜೊತೆಗೆ ವಿದ್ಯಾಭ್ಯಾಸ ಮಾಡಿ SSLCಯಲ್ಲಿ616 ಅಂಕ : ಶಿಕ್ಷಣ ಸಚಿವರಿಂದ ಅಭಿನಂದನೆ

udayavani youtube

ಕೋವಿಡ್ ತಡೆಗೆ ಸಿದ್ಧವಾಯ್ತ ವಿಶ್ವದ‌ ಮೊದಲ ಲಸಿಕೆ? ಪುಟಿನ್ ಪುತ್ರಿಗೂ ವ್ಯಾಕ್ಸಿನ್?

udayavani youtube

ಮಿತ್ತಬಾಗಿಲು ಗ್ರಾಮದ ಕಾಡುಮನೆ ಬಳಿ ಭಾರಿ ಭೂಕುಸಿತ: ಆತಂಕದಲ್ಲಿ ನಿವಾಸಿಗಳು

udayavani youtube

SSLC ಪರೀಕ್ಷೆಯಲ್ಲಿ ರಾಜ್ಯದಲ್ಲಿ ದ್ವಿತೀಯ ಸ್ಥಾನ ಹಂಚಿಕೊಂಡ ನಿಧಿ ರಾವ್



ಹೊಸ ಸೇರ್ಪಡೆ

ಗಡಿ ಭದ್ರತೆ ; ಲಡಾಖ್‌ ಕಾವಲಿಗೆ ಬೆಂಗಳೂರು ಕಾಪ್ಟರ್‌!

ಗಡಿ ಭದ್ರತೆ ; ಲಡಾಖ್‌ ಕಾವಲಿಗೆ ಬೆಂಗಳೂರು ಕಾಪ್ಟರ್‌!

ಇಸ್ರೋ ವಿಜ್ಞಾನಿಗೆ ಕೇರಳ ಸರಕಾರ 1.30 ಕೋಟಿ ಮಾನನಷ್ಟ ಪರಿಹಾರ

ಇಸ್ರೋ ವಿಜ್ಞಾನಿಗೆ ಕೇರಳ ಸರಕಾರ 1.30 ಕೋಟಿ ಮಾನನಷ್ಟ ಪರಿಹಾರ

ಸುಶಾಂತ್‌ ಕೊಲೆ ಮಾಡಲಾಗಿದೆ ; ಕುಟುಂಬಸ್ಥರಿಂದ ಪತ್ರ ; ಪೊಲೀಸರ ವಿರುದ್ಧ ಆಕ್ರೋಶ

ಸುಶಾಂತ್‌ ಕೊಲೆ ಮಾಡಲಾಗಿದೆ ; ಕುಟುಂಬಸ್ಥರಿಂದ ಪತ್ರ ; ಪೊಲೀಸರ ವಿರುದ್ಧ ಆಕ್ರೋಶ

ಮೊಬೈಲ್‌ ಸೌಲಭ್ಯ ಇಲ್ಲದ ವಿದ್ಯಾರ್ಥಿಗಳಿಗೆ ಶಿಕ್ಷಕರಿಂದ ಪಾಠ; ವಿದ್ಯಾಗಮ ಯೋಜನೆಯಡಿ ಸರ್ವೇ

ಮೊಬೈಲ್‌ ಸೌಲಭ್ಯ ಇಲ್ಲದ ವಿದ್ಯಾರ್ಥಿಗಳಿಗೆ ಶಿಕ್ಷಕರಿಂದ ಪಾಠ; ವಿದ್ಯಾಗಮ ಯೋಜನೆಯಡಿ ಸರ್ವೇ

ವಿಶ್ವಾಸಮತ ಸಾಬೀತಿಗೆ ಗೆಹ್ಲೋಟ್ ನಿರ್ಧಾರ

ವಿಶ್ವಾಸಮತ ಸಾಬೀತಿಗೆ ಗೆಹ್ಲೋಟ್ ನಿರ್ಧಾರ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.