ರೈಲು ಓಡಿಸಿದ ಮಹಿಳಾ ಮಣಿಗಳು!
Team Udayavani, Mar 3, 2020, 3:00 AM IST
ಮೈಸೂರು: ಸಾವಿರಕ್ಕೂ ಹೆಚ್ಚು ಮಂದಿ ಪ್ರಯಾಣಿಕರಿದ್ದ ರೈಲನ್ನು ಇಬ್ಬರು ಮಹಿಳಾ ಲೋಕೋ ಪೈಲೆಟ್ಗಳು ಯಾಶಸ್ವಿಯಾಗಿ ಬೆಂಗಳೂರಿನಿಂದ ಮೈಸೂರಿಗೆ ಚಲಾಯಿಸಿಕೊಂಡು ಬರುವ ಮೂಲಕ ಪುರುಷರಿಗಿಂತ ನಾವೇನು ಕಮ್ಮಿ ಇಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಭಾನುವಾರ ಬೆಳಗ್ಗೆ ಬೆಂಗಳೂರಿನಿಂದ ಮೈಸೂರಿಗೆ ಹೊರಟಿದ್ದ ರಾಜ್ಯ-ರಾಣಿ ಎಕ್ಸ್ಪ್ರೆಸ್ ಅನ್ನು ಲೋಕೋ ಪೈಲಟ್ ಬಲ್ಲ ಪಾರ್ವತಿ ತನ್ನ ಸಹಾಯಕಿ ರಂಗೋಲಿ ಪಟೇಲ್ ಜೊತೆಗೂಡಿ ಸಮರ್ಥವಾಗಿ ಮುನ್ನಡೆಸಿರುವುದು ವಿಶೇಷ.
ಸಾವಿರಕ್ಕೂ ಹೆಚ್ಚು ಮಂದಿ ಪ್ರಯಾಣಿಕರಿದ್ದ ಎಕ್ಸ್ಪ್ರೆಸ್ ರೈಲುಗಾಡಿಯನ್ನು ಯಶಸ್ವಿಯಾಗಿ ಓಡಿಸುವ ಮೂಲಕ ಲೋಕೋಪೈಲೆಟ್ ಕ್ಷೇತ್ರದಲ್ಲೂ ತಮ್ಮ ಛಾಪು ಮೂಡಿಸಿದ್ದಾರೆ. ಪುರುಷರ ಭದ್ರಕೋಟೆ ಎಂದು ಪರಿಗಣಿಸಲ್ಪಟ್ಟ ಕ್ಷೇತ್ರಗಳಲ್ಲೀಗ ಮಹಿಳೆಯರು ಸಾಧನೆ ಮಾಡುತ್ತಿರುವುದು ವಿಶೇಷ. ತಮಗೆ ದೊರೆತಿರುವ ಅವಕಾಶವನ್ನು ಸವಾಲಾಗಿ ಪರಿಗಣಿಸಿ ತಮ್ಮ ಸಾಮರ್ಥ್ಯ ಮೆರೆದಿದ್ದು, ಬೆಂಗಳೂರಿನಿಂದ 150 ಕಿ.ಮೀ. ದೂರದ ಮೈಸೂರಿಗೆ ನಿರಾತಂಕವಾಗಿ ಓಡಿಸುವ ಮೂಲಕ ತಮ್ಮ ಪಾರಮ್ಯ ಮೆರೆದಿದ್ದಾರೆ.
ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ಬೆಂಗಳೂರು ರೈಲ್ವೆ ವಿಭಾಗದಿಂದ ಈ ರೀತಿಯ ಪ್ರಯತ್ನ ಮಾಡಲಾಗುತ್ತಿದೆ. ಕಳೆದ ವರ್ಷ ಬೆಂಗಳೂರಿನಿಂದ ದೊಡ್ಡಬಳ್ಳಾಪುರಕ್ಕೆ ರೈಲನ್ನು ಮಹಿಳಾ ಲೋಕೋ ಪೈಲೆಟ್ಗಳೇ ಕೊಂಡೊಯ್ದಿದ್ದರು. ಜೊತೆಗೆ ಈ ಹಿಂದೆ ಹುಬ್ಬಳಿಯಿಂದ ಧಾರವಾಡಕ್ಕೆ ಮಹಿಳೆಯರೇ ರೈಲನ್ನು ಓಡಿಸಿ ಗಮನ ಸೆಳೆದಿದ್ದರು. ಅದರಂತೆ ಈ ವರ್ಷ ಮಾ.1 ಹಾಗೂ ಮಾ.8 ರಂದು ರಾಜ್ಯ ರಾಣಿ ರೈಲನ್ನು ಮಹಿಳಾ ಲೋಕೋಪೈಲೆಟ್ಗಳೇ ಚಲಾಯಿಸಲಿದ್ದಾರೆ.
ಇದರ ಉದ್ದೇಶ ಸ್ತ್ರೀ ಸಮಾನತೆ, ಸಬಲೀಕರಣ ಹಾಗೂ ಉತ್ತೇಜನ ನೀಡುವುದಾಗಿದೆ. ಅವರಿಗೆ ಎಲ್ಲಾ ಕೆಲಸಗಳಲ್ಲಿಯೂ ಅವಕಾಶ ಕಲ್ಪಿಸಿದರೆ ಅವರು ಸಾಧಿಸುತ್ತಾರೆ. ಜೊತೆಗೆ ಇತರೆ ಮಹಿಳಾ ಲೋಕೋ ಪೈಲೆಟ್ಗಳಿಗೂ ಸ್ಫೂರ್ತಿ ನೀಡಿದಂತಾಗುತ್ತದೆ ಎಂದು ಬೆಂಗಳೂರು ರೈಲ್ವೆ ವಿಭಾಗದ ಉಪ ಮಹಾಪ್ರಬಂಧಕರು ಹಾಗೂ ಮುಖ್ಯ ಜನಸಂಪರ್ಕ ಅಧಿಕಾರಿ ಇ.ವಿಜಯ ತಿಳಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
AMU: ಇತಿಹಾಸದಲ್ಲೇ ಮೊದಲು… ಅಲಿಘರ್ ಮುಸ್ಲಿಂ ವಿಶ್ವವಿದ್ಯಾಲಯಕ್ಕೆ ಮಹಿಳಾ ಉಪಕುಲಪತಿ ನೇಮಕ
Bengaluru: ಕದಂಬ ಹೋಟೆಲ್ ಸ್ಫೋಟ ಮಾಡುವುದಾಗಿ ಬೆದರಿಕೆ
Mandya LokSabha Constituency:ಸಕ್ಕರೆ ನಾಡಿನ ಪಾರುಪತ್ಯಕ್ಕೆ ಸಾಂಪ್ರದಾಯಿಕ ಜಿದ್ದಾಜಿದ್ದಿ
Rameshwaram Cafe Case: ರಾಮೇಶ್ವರಂ ಕೆಫೆ ಸ್ಫೋಟ ಶಂಕಿತರು ಮತ್ತೆ 7 ದಿನ ಎನ್ಐಎ ವಶಕ್ಕೆ
FIR: ಬಾಲಕಿಗೆ ಲೈಂಗಿಕ ದೌರ್ಜನ್ಯ, ಆರೋಪಿ ಬಂಧನ: ಎಫ್ಐಆರ್