ಹುಣಸೂರು: ಇಬ್ಬರು ಮಕ್ಕಳು ಸೇರಿದಂತೆ ಮೂವರಿಗೆ ಕೋವಿಡ್- 19 ಸೋಂಕು ದೃಢ
Team Udayavani, Jul 16, 2020, 9:48 AM IST
ಹುಣಸೂರು(ಮೈಸೂರು): ನಗರದ ಬಜಾರ್ ರಸ್ತೆಯಲ್ಲಿ ಮೂರು ಹಾಗೂ ತಾಲೂಕಿನ ಅಜಾದ್ ನಗರದಲ್ಲಿ ನಾಲ್ಕು ವರ್ಷದ ಮಗು ಸೇರಿದಂತೆ ತಾಲೂಕಿನಲ್ಲಿ ಇಂದು ಒಟ್ಟು ಮೂವರಿಗೆ ಕೋವಿಡ್-19 ಸೋಂಕು ತಾಗಿರುವುದು ದೃಢವಾಗಿದೆ.
ಹಿರೀಕ್ಯಾತನಹಳ್ಳಿ ನಿವಾಸಿ ಕಂಡಕ್ಟರ್ ಹಾಗೂ ಮೈಸೂರು ರೈಲ್ವೆಯಲ್ಲಿ ಕೆಲಸ ಮಾಡುತ್ತಿರುವ ನ್ಯೂ ಮಾರುತಿ ಬಡಾವಣೆ ನಿವಾಸಿಗೂ ಸೋಂಕು ದೃಡಪಟ್ಟಿದೆ.
ತಾಲೂಕಿನಲ್ಲಿ ಒಟ್ಟಾರೆ 22 ಮಂದಿಗೆ ಕೋವಿಡ್ ಸೋಂಕು ದೃಢವಾಗಿದೆ. ನಾಲ್ವರು ಗುಣಮುಖರಾಗಿದ್ದಾರೆ. ಉಳಿದ 18 ಮಂದಿ ಮೈಸೂರಿನ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಬಜಾರ್ ರಸ್ತೆಯಲ್ಲಿ ಸೋಂಕಿತರು ಓಡಾಡಿರುವುದರಿಂದ ಎಲ್ಲಾ ಅಂಗಡಿಗಳು ಹಾಗೂ ತರಕಾರಿ ಮಾರುಕಟ್ಟೆಯನ್ನು ಬುಧವಾರದಿಂದಲೇ ಬಂದ್ ಮಾಡಿ ಸೀಲ್ ಡೌನ್ ಮಾಡಲಾಗಿದೆ. ಹಾಗೂ ಆಜಾದ್ ನಗರದಲ್ಲಿ ಈವರೆಗೆ ಐವರು ಸೋಂಕಿತರು ಪತ್ತೆಯಾಗಿದ್ದು, ಒಬ್ಬರು ಮೃತಪಟ್ಟಿರುವ ಹಿನ್ನೆಲೆಯಲ್ಲಿ ಇಡೀ ಗ್ರಾಮವನ್ನು ಸೀಲ್ ಡೌನ್ ಮಾಡುವಂತೆ ತಹಸೀಲ್ದಾರ್ ಬಸವರಾಜ್ ಅದೇಶಿಸಿದ್ದಾರೆ.