Udayavni Special

ತಾಲೂಕಲ್ಲಿ ಈ ಬಾರಿಯೂ ಬರಗಾಲದ ಭೀತಿ

ಜುಲೈ ಅಂತ್ಯದ ವೇಳೆಗೆ ಶೇ.80ರಷ್ಟು ಪೂರ್ಣವಾಗಬೇಕಾದ ಬಿತ್ತನೆ ಕಾರ್ಯ ಈ ಬಾರಿ ಶೇ.10 ದಾಟಿಲ್ಲ

Team Udayavani, Jul 24, 2019, 2:46 PM IST

tk-tdy-1

ಚನ್ನಪಟ್ಟಣ ತಾಲೂಕಿನಲ್ಲಿ ರಾಗಿ ಬಿತ್ತನೆ ಮಾಡಲು ಜಮೀನು ಹದಗೊಳಿಸಿರುವುದು.

ಚನ್ನಪಟ್ಟಣ: ಸತತ ಮೂರು ವರ್ಷಗಳಿಂದ ವರುಣನ ಅವಕೃಪೆಗೆ ಒಳಗಾಗಿರುವ ತಾಲೂಕು ಈ ಬಾರಿಯೂ ವಾಡಿಕೆ ಮಳೆಯಿಂದ ವಂಚಿತವಾಗಿ ಬರಗಾಲದ ಮುನ್ಸೂಚನೆ ಭೀತಿ ಎದುರಿಸುತ್ತಿದೆ. ಮಳೆ ತಾಲೂಕಿನ ಪಾಲಿಗೆ ಮರೀಚಿಕೆಯಾಗಿರುವ ಪರಿಣಾಮ ಬಿತ್ತನೆ ಕಾರ್ಯ ಸಂಪೂರ್ಣವಾಗಿ ಸ್ಥಗಿತಗೊಂಡಿದೆ.

ಬಿತ್ತನೆ ಆರಂಭವೇ ಆಗಿಲ್ಲ: ಜುಲೈ ಅಂತ್ಯದ ವೇಳೆಗೆ ಶೇ.80ರಷ್ಟು ಪೂರ್ಣವಾಗಬೇಕಾದ ಬಿತ್ತನೆ ಕಾರ್ಯ ಪ್ರಸ್ತುತ ಶೇ.10ರಷ್ಟು ಮಾತ್ರ ನಡೆದಿದ್ದು, ನೀರಾವರಿ ಪ್ರದೇಶದಲ್ಲಿ ಭತ್ತ ಹಾಗೂ ರಾಗಿ ಬಿತ್ತನೆಯಾಗಿರುವುದು ಹೊರತುಪಡಿಸಿದರೆ ಮಳೆಯಾಶ್ರಿತ ಭೂಮಿಯಲ್ಲಿ ಬಿತ್ತನೆ ಕಾರ್ಯವೇ ಆರಂಭವಾಗಿಲ್ಲ.

ಮಳೆಗಾಗಿ ಕಾಯುತ್ತಿರುವ ರೈತರು: ಜುಲೈ ಮೊದಲನೇ ವಾರದಲ್ಲಿ ಆರಂಭವಾಗಿ ಅಂತ್ಯದೊಳಗೆ ಸಂಪೂರ್ಣವಾಗಿ ಮುಕ್ತಾಯವಾಗುತ್ತಿದ್ದ ಬಿತ್ತನೆ ಪ್ರಕ್ರಿಯೆಗೆ ಮಳೆ ಬೀಳದ ಪರಿಣಾಮ ಚಾಲನೆ ದೊರಕದಿದ್ದು, ಕಳೆದೊಂದು ವಾರದಿಂದ ಬಿದ್ದ ಮಳೆಗೆ ಹೊಲಗಳನ್ನು ಹದಗೊಳಿಸುತ್ತಿರುವ ರೈತರು, ಬಿತ್ತನೆ ಮಾಡಲು ಚಾತಕಪಕ್ಷಿಯಂತೆ ಮಳೆಗಾಗಿ ಕಾದುಕುಳಿತಿದ್ದಾರೆ.

ಮಳೆ ಕೊರತೆ: ಜುಲೈ ಮಾಹೆಯಲ್ಲಿ ತಾಲೂಕಿನಲ್ಲಿ 83 ಮಿ.ಮೀ. ವಾಡಿಕೆ ಮಳೆಯಾಗಬೇಕಿದ್ದು ಇದುವರೆಗೆ 41 ಮಿ.ಮೀ. ಮಾತ್ರ ಮಳೆಯಾಗಿದೆ. ಅದು ತಾಲೂಕಿನ ಎಲ್ಲಾ ಹೋಬಳಿಗಳಲ್ಲೂ ಆಗಿಲ್ಲ, ಘಟ್ಟ ಪ್ರದೇಶಗಳಲ್ಲಿ ಹಾಗೂ ಎರಡು ಹೋಬಳಿಗಳಲ್ಲಿ ಹೊರತು ಪಡಿಸಿದರೆ ಮಿಕ್ಕ ಕಡೆ ಸಮರ್ಪಕವಾಗಿ ಮಳೆ ಸುರಿದಿಲ್ಲ. ವಿರುಪಾಕ್ಷಿಪುರ ಹೋಬಳಿಯಲ್ಲಿ ಶೇ.34ರಷ್ಟು ಮಳೆ ಕೊರತೆಯಾಗಿದೆ.

ಮತ್ತೂಮ್ಮೆ ಬರದ ಭೀತಿ: ಜೂನ್‌ ಮಾಹೆಯಲ್ಲಿ 73 ಮಿ.ಮೀ. ವಾಡಿಕೆ ಮಳೆಯಾಗಬೇಕಿದ್ದು, 64 ಮಿ.ಮೀ. ಮಳೆ ಸುರಿದಿತ್ತು. ರೈತರು ಆರಂಭಿಕ ಹಂತದ ಉಳುಮೆ ಮಾಡಿ, ಈ ಬಾರಿ ಉತ್ತಮ ಇಳುವರಿಯ ಕನಸು ಕಂಡಿದ್ದರು. ಜುಲೈ ಮಾಹೆಯ ಮೂರನೇ ವಾರದ ಆರಂಭದಲ್ಲಿ ದಿಢೀರನೆ ಎರಡು ದಿನ ಮಳೆ ಸುರಿದಿದೆ. ಅದೂ ಎಲ್ಲ ಹೋಬಳಿಗಳಲ್ಲಿಯೂ ಸಮರ್ಪಕವಾಗಿ ಮಳೆಯಾಗಿಲ್ಲ, ಹಾಗಾಗಿ ಬಿತ್ತನೆ ಮಾಡಲಾಗದ ಪರಿಣಾಮ ಮತ್ತೂಮ್ಮೆ ಬರದ ಭೀತಿ ಎದುರಾಗಿದೆ.

ವ್ಯರ್ಥವಾದ ಬಿತ್ತನೆ ಬೀಜ: ಮಳೆಯಾಶ್ರಿತ ಪ್ರದೇಶದಲ್ಲಿ ಪ್ರಮುಖವಾಗಿ ಬೆಳೆಯಲಾಗುವ ರಾಗಿ ಬೀಜವನ್ನು ಈಗಾಗಲೇ ರೈತರಿಗೆ ವಿತರಣೆ ಮಾಡಲಾಗಿದ್ದು, ಎಂ.ಆರ್‌.1 ತಳಿಯ 95 ಕ್ವಿಂಟಲ್ ರಾಗಿ ಬೀಜ ವಿತರಿಸಲಾಗಿದೆ. ಜುಲೈ ಕೊನೆಯ ವಾರದೊಳಗೆ ಇದನ್ನು ಬಿತ್ತನೆ ಮಾಡಬೇಕಿದ್ದು, ಆಗಸ್ಟ್‌ನಲ್ಲಿ ಬಿತ್ತನೆ ಮಾಡಬೇಕಾದರೆ ರೈತರು ಕಡಿಮೆ ಅವಧಿಯ ರಾಗಿಯನ್ನು ಬಿತ್ತನೆ ಮಾಡಬೇಕಿದೆ.

ಬಿತ್ತನೆ ಮಾಡದಿದ್ದರೆ ಬೀಜ ವ್ಯರ್ಥ: ಬಿತ್ತನೆ ಅವಧಿ ಮುಗಿಯುತ್ತಿರುವುದರಿಂದ ಎಂ.ಆರ್‌.1 ಹಾಗೂ ಎಂ.ಆರ್‌ 6 ತಳಿಯ ರಾಗಿ ಬೀಜ ನೀಡುವುದನ್ನು ಸ್ಥಗಿತಗೊಳಿಸಿದ್ದು, ಕಡಿಮೆ ಅವಧಿಯ ಜಿಪುಯು 28, ಜಿಪಿಯು 26 ಹಾಗೂ ಜಿಪಿಯು 48, ಜಿಪಿಯು 66 ತಳಿಯ ರಾಗಿ ಬೀಜ ವಿತರಿಸಲು ಕೃಷಿ ಇಲಾಖೆ ಮುಂದಾಗಿದೆ. ಆಗಸ್ಟ್‌ ಎರಡನೇ ವಾರದ ಅಂತ್ಯದೊಳಗೆ ಇವುಗಳನ್ನು ಬಿತ್ತನೆ ಮಾಡಬೇಕಿದ್ದು, ಅಷ್ಟರಲ್ಲಿ ಬಿತ್ತನೆಯಾಗದಿದ್ದರೆ ಇವುಗಳೂ ಸಹ ವ್ಯರ್ಥವಾಗಲಿವೆ. ಎಂ.ಆರ್‌ 1 ತಳಿ ನಾಲ್ಕುವರೆ ತಿಂಗಳ ಬೆಳೆಯಾಗಿದ್ದು, ಜಿಪಿಯು 26 ಮೂರುವರೆ ತಿಂಗಳಲ್ಲಿ ಕಟಾವಿಗೆ ಬರುವುದರಿಂದ ಈ ತಳಿಯನ್ನೇ ಬಿತ್ತನೆಮಾಡುವಂತೆ ಕೃಷಿ ಇಲಾಖೆ ರೈತರಿಗೆ ಮನವರಿಕೆ ಮಾಡುವ ಕಾರ್ಯ ಮಾಡುತ್ತಿದೆ.

ದ್ವಿದಳ ಧಾನ್ಯಗಳದ್ದೂ ಇದೇ ಸ್ಥಿತಿ: ಇನ್ನು ರಾಗಿ ಹೊರತುಪಡಿಸಿ ತೊಗರಿ, ನೆಲಗಡಲೆ, ಅವರೆ ಸೇರಿದಂತೆ ಯಾವ ದ್ವಿದಳ ಧಾನ್ಯಗಳೂ ಸಹ ಬಿತ್ತನೆಯಾಗಿಲ್ಲ. ಹಿಂಗಾರು ಮಳೆಗೆ ಬಿತ್ತನೆ ಮಾಡಿದ್ದ ಎಳ್ಳು ಕಟಾವಿಗೆ ಬಂದಿದ್ದು, ನೀರಾವರಿ ಪ್ರದೇಶದಲ್ಲಿ ನೆಲಗಡಲೆ, ತೊಗರಿ ಹೊರತುಪಡಿಸಿದರೆ ಮಳೆಯಾಶ್ರಿತ ಪ್ರದೇಶಗಳಲ್ಲಿ ಬಿತ್ತನೆಯಾಗಿಲ್ಲ.

ದಾಸ್ತಾನಿದ್ದರೂ ಕೇಳುವರಿಲ್ಲ: ಇನ್ನು ಬಿತ್ತನೆ ಕಾಲದಲ್ಲಿ ಅವಶ್ಯವಾಗಿ ಬೇಕಾಗಿರುವ ರಸಗೊಬ್ಬರಗಳು ಸಾಕಷ್ಟು ಪ್ರಮಾಣದಲ್ಲಿ ದಾಸ್ತಾನಿದ್ದರೂ ಬಿತ್ತನೆಯಾಗದಿರು ವುದರಿಂದ ಕೇಳುವರಿಲ್ಲದಂತಾಗಿದೆ. ಖಾಸಗಿ ವ್ಯಕ್ತಿಗಳೂ ಸಹ ರಸಗೊಬ್ಬರವನ್ನು ದಾಸ್ತಾನು ಮಾಡಿದ್ದು ಮಳೆ ಬಿದ್ದರೆ ಯಾವುದೇ ಕೊರತೆಯಾಗದಂತೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಕೃಷಿ ಇಲಾಖೆ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಒಟ್ಟಾರೆ ಮೂರು ವರ್ಷಗಳಿಂದ ನಿರಂತರವಾಗಿ ಬರಗಾಲ ಎದುರಿಸುತ್ತಾ ಶೇ.50ರಷ್ಟು ಇಳುವರಿ ಕಳೆದುಕೊಳ್ಳುತ್ತಾ ಬಂದಿರುವ ತಾಲೂಕು ಈ ಬಾರಿಯೂ ಅದೇ ಪರಿಸ್ಥಿತಿ ಎದುರಿಸುವ ಭೀತಿಯಲ್ಲಿದ್ದು, ಮಳೆರಾಯ ಇನ್ನೆರಡು ವಾರದಲ್ಲಿ ಕರುಣೆ ತೋರದಿದ್ದರೆ ಬರದ ಛಾಯೆ ಈ ಬಾರಿಯೂ ತಾಲೂಕನ್ನು ಆವರಿಸಲಿದೆ.

 

● ಎಂ.ಶಿವಮಾಧು

ಉದಯವಾಣಿ ಸುದ್ದಿ ಈಗ ಟೆಲಿಗ್ರಾಂನಲ್ಲೂ ಲಭ್ಯ; ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ರಾಜ್ಯದಲ್ಲಿ ಉಚಿತ ಕೋವಿಡ್ ಲಸಿಕೆ ನೀಡುವ ‘ಧಮ್’ ಇದೆಯಾ? ನಿರ್ಮಲಾ, ನಳಿನ್ ಗೆ ಸಿದ್ದರಾಮಯ್ಯ

ರಾಜ್ಯದಲ್ಲಿ ಉಚಿತ ಕೋವಿಡ್ ಲಸಿಕೆ ನೀಡುವ ‘ಧಮ್’ ಇದೆಯಾ? ನಿರ್ಮಲಾ, ನಳಿನ್ ಗೆ ಸಿದ್ದರಾಮಯ್ಯ

ಗುಡಿಸಲು ತೆರವು ಮಾಡಲು ಬಂದ ಅರಣ್ಯಾಧಿಕಾರಿಗಳ ಮೇಲೆ ಹಲ್ಲೆ: ಆರೋಪಿ ಪರಾರಿ

ಗುಡಿಸಲು ತೆರವು ಮಾಡಲು ಬಂದ ಅರಣ್ಯಾಧಿಕಾರಿಗಳ ಮೇಲೆ ಹಲ್ಲೆ: ಆರೋಪಿ ಪರಾರಿ

ಕೋವಿಡ್ ನಂತೆ ಜಾನುವಾರುಗಳಲ್ಲಿ ಹರಡುತ್ತಿದೆ ಸೋಂಕು: ಮಲೆನಾಡಿನಲ್ಲಿ ಚರ್ಮಗಂಟು ರೋಗ ಭೀತಿ

ಕೋವಿಡ್ ನಂತೆ ಜಾನುವಾರುಗಳಲ್ಲಿ ಹರಡುತ್ತಿದೆ ರೋಗ: ಮಲೆನಾಡಿನಲ್ಲಿ ಚರ್ಮಗಂಟು ರೋಗ ಭೀತಿ

ಹತ್ತು ವರ್ಷಗಳ ಕಾಲ ಬಿಹಾರ ಅಭಿವೃದ್ದಿಗೆ ಯುಪಿಎ ಸರ್ಕಾರದಿಂದ ಅಡ್ಡಿ: ಪ್ರಧಾನಿ ಮೋದಿ

ಹತ್ತು ವರ್ಷಗಳ ಕಾಲ ಬಿಹಾರ ಅಭಿವೃದ್ದಿಗೆ ಯುಪಿಎ ಸರ್ಕಾರದಿಂದ ಅಡ್ಡಿ: ಪ್ರಧಾನಿ ಮೋದಿ

ಕಾಲೇಜು ಆರಂಭಕ್ಕೆ ದಿನ ನಿಗದಿ: ನವೆಂಬರ್ 17ರಿಂದ ಕಾಲೇಜು ಆರಂಭಕ್ಕೆ ಸರ್ಕಾರ ಸಜ್ಜು

ಕಾಲೇಜು ಆರಂಭಕ್ಕೆ ದಿನ ನಿಗದಿ: ನವೆಂಬರ್ 17ರಿಂದ ಕಾಲೇಜು ಆರಂಭಕ್ಕೆ ಸರ್ಕಾರ ಸಜ್ಜು

BNG-TDY-1

ಆರ್‌.ಆರ್‌.ನಗರದಲ್ಲಿ ಮರ್ಡರ್‌ ಸಾಧ್ಯತೆ : ಬಿಜೆಪಿ ಅಭ್ಯರ್ಥಿ ಮುನಿರತ್ನ ಕಳವಳ

ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಅಂತಿಮ ಚರ್ಚೆ: ಭಾರತದ ವಿರುದ್ಧ ಟ್ರಂಪ್ ಆರೋಪವೇನು?

ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಅಂತಿಮ ಚರ್ಚೆ: ಭಾರತದ ವಿರುದ್ಧ ಟ್ರಂಪ್ ಆರೋಪವೇನು?





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

rn-tdy-1

ಚಿಯಾ ವಿದೇಶಿ ಸಿರಿಧ್ಯಾನ

rn-tdy-02

ಕಪಾಲ ಬೆಟ್ಟ: ತಾರ್ಕಿಕ ಅಂತ್ಯದ ವರೆಗೂ ಹೋರಾಟ

ಆರೋಗ್ಯ ಕೇಂದ್ರಕ್ಕೆ ಮತ್ತೆ ಜಲಗಂಡಾಂತರದ ಆತಂಕ

ಆರೋಗ್ಯ ಕೇಂದ್ರಕ್ಕೆ ಮತ್ತೆ ಜಲಗಂಡಾಂತರದ ಆತಂಕ

rn-tdy-3

ನೆರೆ ಜಿಲ್ಲೆಗಳಿಗೆ ಪ್ರಧಾನಿ ಬರಲಿ

rn-tdy-2

ರಾಮನಗರ: ಕೋವಿಡ್ ಗೆ ಮೂವರು ವಾರಿಯರ್ಸ್ ಬಲಿ

MUST WATCH

udayavani youtube

ಮಲ್ಪೆ: ಬಲೆಗೆ ಬಿತ್ತು ಭಾರಿ ಗಾತ್ರದ ಎರಡು ಕೊಂಬು ತೊರಕೆ ಮೀನು

udayavani youtube

ಉಡುಪಿಯಲ್ಲಿ ಪ್ರಪ್ರಥಮ ಬಾರಿಗೆ ಪ್ರಾರಂಭವಾಗಿರುವ ದೇಶಿ ಉತ್ಪನ್ನಗಳ ಮಳಿಗೆ

udayavani youtube

ಸ್ವಾಮಿತ್ವ: ಹೊಸ ಯೋಜನೆಯಿಂದ ನಮಗೆ ಏನು ಲಾಭ ?

udayavani youtube

ಚಿಕ್ಕಮಗಳೂರು : ಪುಷ್ಪ ಸಮರ್ಪಣೆ ವೇಳೆ ಮಗಳನ್ನ ನೆನೆದು ಕಣ್ಣೀರಿಟ್ಟ ಮೃತ ಪೇದೆ ತಾಯಿ

udayavani youtube

ಮಂಗಳೂರು: ಡ್ರಗ್ಸ್ ಜಾಗೃತಿ ಬರಹದಿಂದ ಗಮನಸೆಳೆಯುತ್ತಿದೆ ಸಿಟಿ ಬಸ್



ಹೊಸ ಸೇರ್ಪಡೆ

suchitra-tdy-5

ಶೂಟಿಂಗ್‌ ಮುಗಿದ ಬಳಿಕ ಕಾರ್ಮಿಕರಿಗೆ ವಿಶೇಷ ಉಡುಗೊರೆ ಕೊಟ್ಟ ಧನಂಜಯ್‌

suchitra-tdy-4

ಓಲ್ಡ್‌ ಮಾಂಕ್‌ ಬಹುತೇಕ ಪೂರ್ಣ

ರಾಜ್ಯದಲ್ಲಿ ಉಚಿತ ಕೋವಿಡ್ ಲಸಿಕೆ ನೀಡುವ ‘ಧಮ್’ ಇದೆಯಾ? ನಿರ್ಮಲಾ, ನಳಿನ್ ಗೆ ಸಿದ್ದರಾಮಯ್ಯ

ರಾಜ್ಯದಲ್ಲಿ ಉಚಿತ ಕೋವಿಡ್ ಲಸಿಕೆ ನೀಡುವ ‘ಧಮ್’ ಇದೆಯಾ? ನಿರ್ಮಲಾ, ನಳಿನ್ ಗೆ ಸಿದ್ದರಾಮಯ್ಯ

ಎವರು ಇವರು! ಥ್ರಿಲ್ಲರ್‌ ಕಥೆಯಲ್ಲಿ ದಿಗಂತ್‌-ಹರಿಪ್ರಿಯಾ

ಎವರು ಇವರು! ಥ್ರಿಲ್ಲರ್‌ ಕಥೆಯಲ್ಲಿ ದಿಗಂತ್‌-ಹರಿಪ್ರಿಯಾ

suchitra-tdy-2

ಕಿರುತೆರೆಯಿಂದ ಹಿರಿತೆರೆಗೆ ಮೇಘಾ ಸಿನಿ ರೈಡ್‌

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.