ಆಧುನಿಕತೆಯಲ್ಲೂ ಸಾಂಪ್ರದಾಯಿಕ ಕೃಷಿ

ಹೆಚ್ಚು ಭೂಮಿಯುಳ್ಳವರು ರಾಗಿ ಬಿತ್ತನೆಗೆ ಆಧುನಿಕ ಯಂತ್ರ ಬಳಕೆ • ಇಂದಿಗೂ ಹಳೆ ಕೃಷಿಯ ಪದ್ಧತಿ

Team Udayavani, Jul 19, 2019, 1:13 PM IST

ಬೆಳಗುಂಬ ಬಳಿ ಸಾಂಪ್ರದಾಯ ಕೂರಿಗೆಯ ಮೂಲಕ ರೈತರು ರಾಗಿ ಬಿತ್ತನೆ ಕಾರ್ಯ ಮಾಡಿದರು.

ಮಾಗಡಿ: ಕೃಷಿಯಲ್ಲಿ ಆಧುನಿಕ ಯಂತ್ರಗಳ ಭರಾಟೆಯ ನಡುವೆಯೂ ಸಾಂಪ್ರದಾಯಿಕ ಕೂರಿಗೆ ಮೂಲಕ ರೈತರು ರಾಗಿ ಬಿತ್ತನೆ ಚಟುವಟಿಕೆ ನಡೆಸುತ್ತಿದ್ದಾರೆ. ಮತ್ತೂಂದೆ ಹೆಚ್ಚು ಭೂಮಿಯುಳ್ಳವರು ಸಮಯ ಆಳು, ಕೂಲಿ ಉಳಿತಾಯವಾಗುತ್ತದೆ ಎಂಬ ಕಾರಣಕ್ಕೆ ಆಧುನಿಕ ಯಂತ್ರಗಳಿಂದಲೇ ರಾಗಿ ಬಿತ್ತನೆಯಲ್ಲಿ ತೊಡಿಸಿಕೊಂಡಿದ್ದಾರೆ.

ಇದೇ ರೀತಿ ಕಳೆ ತೆಗೆಯುವುದು, ಔಷಧ ಸಿಂಪಡಿಸುವುದು, ರಾಗಿ ಬೆಳೆ ಕಟಾವು ಯಂತ್ರ, ಒಕ್ಕಾಣೆ ಯಂತ್ರ, ಕಾಳು ಸುಳಿಯುವ ಯಂತ್ರಗಳು ಮಾರುಕಟ್ಟೆಗೆ ಲಗ್ಗೆಯಿಟ್ಟು ರೈತರನ್ನು ಆಕರ್ಷಿಸುತ್ತಿವೆ. ಸರ್ಕಾರ ಸಹ ರೈತರನ್ನು ಆಧುನಿಕ ಯಂತ್ರಗಳತ್ತ ಪ್ರೋತ್ಸಾಹಿಸುತ್ತಿದೆ. ಮೊದಲು ಎತ್ತುಗಳನ್ನು ಕೂರಿಗೆಗೆ ಕಟ್ಟಿ ರಾಗಿ ಬಿತ್ತನೆ ಮಾಡಲಾಗುತ್ತಿತ್ತು. ಈಗಲೂ ಪೂರ್ವಜರ ಪದ್ಧತಿ ಮುಂದುವರಿದಿದೆ.

ಟ್ರ್ಯಾಕ್ಟರ್‌ ಮೂಲಕ ಉಳಿಮೆಯೇ ಅನುಕೂಲ: ಒಂದು ಎಕರೆ ಜಮೀನು ನೇಗಿಲಿನಿಂದ ಉಳುಮೆ ಮಾಡಬೇಕಾದರೆ ಕನಿಷ್ಠ ಒಂದು ದಿನ ಸಮಯ ಬೇಕಾಗುತ್ತದೆ. ಜೊತೆಗೆ ಕನಿಷ್ಠ 1,500 ರೂ. ಹೆಚ್ಚು ಕೂಲಿಯೂ ಕೊಡಬೇಕಾಗುತ್ತದೆ. ಅದೇ ಒಂದು ಎಕರೆ ಜಮೀನು ಟ್ರ್ಯಾಕ್ಟರ್‌ ಮೂಲಕ ಉಳಿಮೆ ಮಾಡಲು ಕೇವಲ ಒಂದು ಗಂಟೆ ಸಾಕಾಗುತ್ತದೆ. ಕನಿಷ್ಠ 800 ರೂ., ವೆಚ್ಚವೂ ಕಡಿಮೆಯಾಗುತ್ತದೆ.

ತಾಲೂಕಿನಲ್ಲಿ ಮಳೆ ಕೊರತೆ: ತಾಲೂಕಿನಲ್ಲಿ ವಾಡಿಕೆಯಷ್ಟು ಮಳೆ ಪ್ರಮಾಣ ಕಡಿಮೆಯಾಗಿದೆ. ಮುಂಗಾರು ಕೈಕೊಟ್ಟಿದ್ದು, ಕೃಷಿ ಚಟುವಟಿಕೆಯೂ ಸಹ ಕುಂಠಿತಗೊಂಡಿದೆ. ಈ ತಿಂಗಳ ಆರಂಭದಲ್ಲೇ ಬಿತ್ತನೆ ಮಾಡಬೇಕಿತ್ತು. ಬಹುತೇಕ ರೈತರು ಸರಿಯಾಗಿ ಇನ್ನೂ ಉಳಿಮೆಯೇ ಮಾಡಿಲ್ಲ. ಬಿತ್ತನೆ ತಡವಾಗಿದೆ ಎಂಬ ಕಾರಣದಿಂದ ಉಳಿಮೆ ಮಾಡಿರುವ ರೈತರು, ಆಗಾಗ್ಗೆ ಬೀಳುತ್ತಿರುವ ಮಳೆಗೆ ರಾಗಿ ಬಿತ್ತನೆ ಕಾರ್ಯ ಚುರುಕುಗೊಳಿಸಿದ್ದಾರೆ.

ಯುವಕರು ಕೃಷಿಯಿಂದ ದೂರ: ಕೃಷಿ ಚಟುವಟಿಕೆಯತ್ತ ಯುವಕರು ಆಕರ್ಷಿಸಲು ಯಂತ್ರಗಳು ಮಾರುಕಟ್ಟೆ ಲಗ್ಗೆಯಿಟ್ಟಿವೆ. ಆದರೆ, ಭೂಮಿ, ಮಳೆ ಕೊರತೆಯಿಂದ ಯುವಕರು ನಗರ ಪ್ರದೇಶದತ್ತ ವಲಸೆ ಹೋಗಿ ಅಂಗಡಿ, ಕಂಪನಿಗಳಲ್ಲಿ ದುಡಿಮೆ ಮಾಡುತ್ತಿದ್ದಾರೆ. ಮತ್ತೂಂದೆಡೆ ತಮ್ಮ ಪೂರ್ವಜರಿಂದ ಬಂದ ಭೂಮಿಯನ್ನು ಮತ್ತು ದೇವರನ್ನು ನಂಬಿ ಹಿರಿಯರು ಕೃಷಿ ಚಟುವಟಿಕೆಯತ್ತ ಸಾಗುತ್ತಿದ್ದಾರೆ. ಏಕೆ ರೈತರ ಮಕ್ಕಳು ಕೃಷಿ ಚಟುವಟಿಕೆಯತ್ತ ಇಮ್ಮುಖರಾಗುತ್ತಿದ್ದಾರೆ ಎಂಬ ಪ್ರಶ್ನೆ ಸಹಜವಾಗಿ ಬಹುತೇಕರಲ್ಲಿ ಮೂಡದೆ ಇರದು.

ಇಲ್ಲಿ ಗಮನಿಸಬೇಕಾದ ಪ್ರಮುಖ ಅಂಶ ಎಂದರೆ ತಮ್ಮ ಮಗಳನ್ನು ರೈತನಿಗೆ ಕೊಟ್ಟರೆ ತನ್ನ ಮಗಳು ಹೊಲದಲ್ಲಿ ಬೇಸಾಯ ಮಾಡುವುದಕ್ಕೆ ಆಗುವುದಿಲ್ಲ ಎಂಬ ಕಾರಣಕ್ಕೆ ಯುವ ರೈತರಿಗೆ ಹೆಣ್ಣು ಕೊಡುತ್ತಿಲ್ಲ. ರೈತನ ಮಗ ರೈತನಾಗಿಯೇ ಇರಬೇಕಾ, ನನ್ನ ಮಗ ಅಕ್ಷರಸ್ಥನಾಗಿ ಸರ್ಕಾರಿ ಉದ್ಯೋಗಕ್ಕೆ ಹೋಗಬಾರದಾ? ಸರ್ಕಾರಿ ಅಥವಾ ಖಾಸಗಿ ಕಂಪನಿಯಲ್ಲಿಯೋ ದುಡಿಮೆ ಮಾಡಲಿ ಎಂಬ ಕಾರಣಕ್ಕಾಗಿ ಮಗನನ್ನು ಓದಿಸುತ್ತಿದ್ದೇವೆ ಎಂಬ ಉತ್ತರ ಪ್ರಗತಿಪರ ಹಿರಿಯ ರೈತರಿಂದಲೇ ಕೇಳಿ ಬರುತ್ತಿದೆ.

ಕೃಷಿಯಿಂದಲೇ ಹೆಚ್ಚು ಸಂಪಾದನೆ: ಇತ್ತ ಸರ್ಕಾರಿ ಮತ್ತು ಕಂಪನಿಗಳಲ್ಲಿ ದುಡಿಯುತ್ತಿದ್ದ ಕೆಲ ಡಾಕ್ಟರ್‌, ಎಂಜಿನಿಯರ್‌ ಗಳು ತಮ್ಮ ಗ್ರಾಮಕ್ಕೆ ತೆರಳಿ ಪೂರ್ವಿಕರು ಉಳಿಸಿರುವ ಜಮೀನಿನಲ್ಲಿ ಆಧುನಿಕ ಹಾಗೂ ತಾಂತ್ರಿಕ ಪದ್ಧತಿಯನ್ನು ಅಳವಡಿಸಿಕೊಂಡು ಸರ್ಕಾರಿ ಸಂಬಳಕ್ಕಿಂತ ಹೆಚ್ಚಿನ ಸಂಪಾದನೆ ಮಾಡುತ್ತಿದ್ದಾರೆ. ಕಂಪ್ಯೂಟರ್‌ ಎಂಜಿನಿಯರ್‌ ಆಗಿರುವ ಕಾವ್ಯ ಎಂಬ ಮಹಿಳೆ ತಾನು ಓದಿದ ವಿಷಯದಲ್ಲಿ ಡಾಕ್ಟರೇಟ್ ಪಡೆಯಲಿಲ್ಲ. ಅವರು ಕೃಷಿ ಚಟುವಟುಕೆಯಲ್ಲಿ ಡಾಕ್ಟರೇಟ್ ಪದವಿ ಪಡೆದುಕೊಂಡು ಯುವ ರೈತರಿಗೆ ಮಾದರಿಯಾಗಿದ್ದಾರೆ. ಇವರಂತೆ ಅನೇಕರು ಪ್ರಗತಿಪರ ರೈತರಾಗಿ ಸಾಧನೆಯ ಸಾಲಿನಲ್ಲಿ ನಿಂತಿರುವ ಉದಾಹರಣೆಗಳಿವೆ.

 

● ತಿರುಮಲೆ ಶ್ರೀನಿವಾಸ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಚನ್ನಪಟ್ಟಣ: ದ್ವಿಚಕ್ರ ವಾಹನ ಸವಾರರು ಹೆಲ್ಮೆಟ್ ಧರಿಸಲೇಬೇಕೆಂಬ ನಿಯಮವನ್ನು ಸಂಚಾರ ಪೊಲೀಸರು ಜಾರಿಗೊಳಿಸಿರುವ ಬೆನ್ನಲ್ಲೇ, ಹೆಲ್ಮೆಟ್ ಮಾರಾಟಗಾರರು ಕಳಪೆ...

  • ರಾಮನಗರ: ಹೆದ್ದಾರಿ ರಸ್ತೆಗಳ ಕಾಮಗಾರಿಗಳನ್ನು ಶೀಘ್ರದಲ್ಲಿ ಪೂರ್ಣಗೊಳಿಸಬೇಕು ಎಂದು ಸಂಸದ ಡಿ.ಕೆ.ಸುರೇಶ್‌ ಅಧಿಕಾರಿಗಳಿಗೆ ತಾಕೀತು ಮಾಡಿದರು. ರಾಮನಗರ ಪ್ರಾದೇಶಿಕ...

  • ಚನ್ನಪಟ್ಟಣ: ರಂಗಭೂಮಿ ಕಲೆ ತನ್ನದೇ ಆದ ಮಹತ್ತರ ಇತಿಹಾಸ ಹೊಂದಿದೆ. ಇತ್ತೀಚಿನ ದೂರದರ್ಶನದಲ್ಲಿ ಪ್ರದರ್ಶನವಾಗುವ ಯಾವ ಕಾರ್ಯಕ್ರಮಗಳೂ ಇದಕ್ಕೆ ಸರಿಸಾಟಿಯಾಗಲಾರದು...

  • ರಾಮನಗರ: ರಾಜ್ಯದಲ್ಲಿ ಉಗ್ರರ ದಾಳಿ ನಡೆಯಬಹುದು ಎಂಬ ಕೇಂದ್ರ ಗುಪ್ತಚರ ಇಲಾಖೆಯ ಮಾಹಿತಿ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಹೈ ಅಲರ್ಟ್‌ ಘೋಷಿಸಿದ್ದು, ಜಿಲ್ಲಾ...

  • ರಾಮನಗರ: ದೇಶದ ಹಲವು ರಾಜ್ಯಗಳಲ್ಲಿ ನೆರೆ ಹಾವಳಿ ಕಾಡಿದೆ. ರಾಜ್ಯದ ಹಲವಾರು ಜಿಲ್ಲೆಗಳು ಪ್ರವಾಹ ಪೀಡಿತವಾಗಿವೆ. ಕೇಂದ್ರ ಸರ್ಕಾರ ತಕ್ಷಣ ರಾಷ್ಟ್ರೀಯ ವಿಪತ್ತು...

ಹೊಸ ಸೇರ್ಪಡೆ