ಹಬ್ಬದ ಖರೀದಿ ಭರಾಟೆ ಜೋರು
Team Udayavani, Oct 18, 2018, 1:39 PM IST
ಶಿವಮೊಗ್ಗ: ಆಯುಧ ಪೂಜೆ ಹಾಗೂ ವಿಜಯದಶಮಿ ಹಬ್ಬದ ಹಿನ್ನೆಲೆಯಲ್ಲಿ ಖರೀದಿ ಭರಾಟೆ ಬುಧವಾರ ಜೋರಾಗಿತ್ತು. ಗಾಂಧಿ ಬಜಾರ್ ನಿಂದ ಶಿವಪ್ಪ ನಾಯಕ ಸರ್ಕಲ್ವರೆಗೂ ಜನದಟ್ಟಣೆ ಹೆಚ್ಚಾಗಿದ್ದರಿಂದ ವಾಹನ ಸವಾರರು ಪರದಾಡಿದರು.
ಅಷ್ಟೇ ಅಲ್ಲದೆ ಗೋಪಿ ಸರ್ಕಲ್, ಜೈಲ್ ಸರ್ಕಲ್, ಹೊಳೆ ಬಸ್ ಸ್ಟಾಪ್ ಹೀಗೆ ಹಲವು ಪ್ರಮುಖ ವೃತ್ತಗಳಲ್ಲಿ ಹೂವು, ಹಣ್ಣು, ಬಾಳೆದಿಂಡು, ಕಬ್ಬಿನ ದಿಂಡು, ಬೂದುಗುಂಬಳ ಮಾರಾಟ ಜೋರಾಗಿತ್ತು. ಬೂದುಗುಂಬಳ ಮತ್ತು ಚೆಂಡು ಹೂವು ದರ ಸಾಮಾನ್ಯ ದಿನಕ್ಕಿಂತ ಹೆಚ್ಚಾಗಿತ್ತು.
ಚೆಂಡೂ ಹೂ ಕೆಜಿಗೆ 40 ರಿಂದ 50 ರೂ., ಸೇಬು 100 ರೂ., ಮೂಸಂಬಿ 40 ರಿಂದ 50ರೂ., ಸೀತಾಫಲ 60 ರೂ., ದ್ರಾಕ್ಷಿ 100 ರೂ., ಸಪೋಟ 40 ರೂ., ದಾಳಿಂಬೆ 100 ರೂ., ಸೇವಂತಿಗೆ ಮಾರಿಗೆ 50ರಿಂದ 0 ರೂ., ಮಲ್ಲಿಗೆ ಮಾರಿಗೆ 80 ರೂ., ಬೂದುಗುಂಬಳ ಸೈಜಿನ ಆಧಾರದ ಮೇಲೆ 40 ರಿಂದ 150 ರೂ.ವರೆಗೂ ಮಾರಾಟವಾದವು.
ಬೆಳೆ ತುಸು ಹೆಚ್ಚಾದರೂ ವ್ಯಾಪಾರಕ್ಕೆ ಗರ ಬಡಿದಿದೆ ಎನ್ನುತ್ತಾರೆ ಹೂವಿನ ವ್ಯಾಪಾರಿ ಸುರೇಶ್. ಹಬ್ಬ ಎಂದು ಹೆಚ್ಚಾಗಿ ಹೂವು ತರಿಸಿದ್ದೇವೆ. ಸಂಜೆ ಆದರೂ ಇನ್ನೂ ಖರ್ಚಾಗಿಲ್ಲ. ಹೀಗೆ ಆದರೆ ನಮಗೆ ಲಾಸ್ ಆಗುತ್ತದೆ. ಗಣಪತಿ ಹಬ್ಬಕ್ಕೆ ಹೋಲಿಸಿದರೆ ದರದಲ್ಲಿ ತುಂಬಾ ಹೆಚ್ಚಾಗಿಲ್ಲ. ಆದರೂ ವ್ಯಾಪಾರವಾಗುತ್ತಿಲ್ಲ ಎನ್ನುತ್ತಾರೆ ಅವರು.
ಹಾಸನದಿಂದ ಲಾರಿ ಮಾಡಿಕೊಂಡು ಬೂದುಗುಂಬಳ ತರಿಸಿದ್ದೇನೆ. ಲಾರಿ ಬಾಡಿಗೆಯೇ 10 ಸಾವಿರ ಆಗಿದೆ. ಇಲ್ಲಿ ಜನ ನೋಡಿದರೆ 10, 20 ರೂ.ಗೆ ಕೇಳುತ್ತಾರೆ. ಇದನ್ನು ಇಟ್ಟುಕೊಳ್ಳಲು ಬರೋದಿಲ್ಲ. ಏನು ಮಾಡೋದು ಅದಕ್ಕೆ ಹೋದಷ್ಟು ದರಕ್ಕೆ ಕೊಡುತ್ತಿದ್ದೇವೆ ಎನ್ನುತ್ತಾರೆ ವ್ಯಾಪಾರಿ ಜೋಯ.
ದೇವಿ ದೇವಸ್ಥಾನಗಳಲ್ಲಿ ನವರಾತ್ರಿ ಅಲಂಕಾರ ಸಂಭ್ರಮ, ಸಡಗರದಿಂದ ಕೂಡಿದ್ದು ಮಹಾನವಮಿಗೆ ಭರದ ಸಿದ್ಧತೆ ನಡೆಯುತ್ತಿದೆ. ಪಾಲಿಕೆ ವತಿಯಿಂದ ನಡೆಯುತ್ತಿರುವ ದಸರಾದಲ್ಲಿ ನಗರದ ದೇವತೆಗಳಿಗೆ ಭಾಗವಹಿಸಲು ಅನುದಾನ ನೀಡಿರುವುದರಿಂದ ಎಲ್ಲ ದೇವಾಲಯಗಳು ಭಾಗವಹಿಸುವ ಸಾಧ್ಯತೆ ಇದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Thirthahalli: ರಾಜ್ಯದ 28 ಕ್ಷೇತ್ರವನ್ನೂ ಗೆಲ್ಲಿಸಬೇಕೆಂದು ಜೆಡಿಎಸ್ ಪಕ್ಷದೊಂದಿಗೆ ಮೈತ್ರಿ
Rameshwaram Cafe blast:ತೀರ್ಥಹಳ್ಳಿಯಲ್ಲಿ ಬೆಳ್ಳಂಬೆಳಗ್ಗೆ ಎನ್ಐಎ ದಾಳಿ
ರಾಜ್ಯ ಬಿಜೆಪಿಯಲ್ಲೀಗ ಕಾಂಗ್ರೆಸ್ ಸಂಸ್ಕೃತಿ ಬಂದಿದೆ: ಕೆ.ಎಸ್. ಈಶ್ವರಪ್ಪ
ಶಿವಮೊಗ್ಗ: ಮಂಗನ ಕಾಯಿಲೆಗೆ ಏಳು ವರ್ಷದ ಬಾಲಕಿ ಸಾವು
Rice: ಅಂಗನವಾಡಿ ಮಕ್ಕಳಿಗಿಲ್ಲ ಅನ್ನ ಭಾಗ್ಯ! ಮೂರು ತಿಂಗಳಿಂದ ಅಕ್ಕಿ ಪೂರೈಕೆ ಸ್ಥಗಿತ
MUST WATCH
ಹೊಸ ಸೇರ್ಪಡೆ
Bidar; ಪತ್ನಿಯ ಅನೈತಿಕ ಸಂಬಂಧಕ್ಕೆ ಮನನೊಂದು ನೀರಿನ ಟ್ಯಾಂಕ್ ಗೆ ಬಿದ್ದು ಪತಿ ಆತ್ಮಹತ್ಯೆ
Gobi Manchurian ಬ್ಯಾನ್ ಎಫೆಕ್ಟ್: ಚಾಟ್ಸ್ ಮಾರಾಟ ಕುಸಿತ
Book Brahma ಸ್ವಾತಂತ್ರ್ಯೋತ್ಸವ ಕಥಾ ಸ್ಪರ್ಧೆ, ಕಾದಂಬರಿ ಪುರಸ್ಕಾರ- 2024: ವಿವರಗಳು
Toravi Narasimha Temple: ಮನೆದೇವರ ದರ್ಶನ ಪಡೆದ ಸಚಿವ ಪ್ರಹ್ಲಾದ ಜೋಶಿ
ಡೀಸೆಲ್ ಇಲ್ಲದೆ ನಿಂತ ವಾಹನ… ಕಸವನ್ನು ಹೆಗಲ ಮೇಲೆ ಹೊತ್ತು ವಿಲೇವಾರಿ ಮಾಡಿದ ಪೌರಕಾರ್ಮಿಕ