ಪೊಲೀಸ್‌ ವಸತಿಗೃಹ ಶಿಥಿಲ

ದಿನದಿಂದ ಹೆಚ್ಚುತ್ತಿದೆ‌ ಇಲಿ-ಹೆಗ್ಗಣಗಳ ಕಾಟ•ಕೈಗೊಳ್ಳಬೇಕಿದೆ ದುರಸ್ತಿ ಕಾರ್ಯ

Team Udayavani, Jun 13, 2019, 1:09 PM IST

ತೇರದಾಳ: ಮೇಲ್ಛಾವಣಿ ಹಾಳಾದ ಪೊಲೀಸ್‌ ವಸತಿ ಗೃಹಗಳು.

ತೇರದಾಳ: ಶತಮಾನ ಪೂರೈಸಿರುವ ಪೊಲೀಸ್‌ ವಸತಿ ಗೃಹಗಳು ಶಿಥಿಲಗೊಂಡಿದ್ದು, ಇಲಿ-ಹೆಗ್ಗಣಗಳ ಕಾಟ ಹೆಚ್ಚಾಗಿದೆ. ಮೇಲ್ಛಾವಣಿಗಳು ಕಿತ್ತು ಹೋಗಿದ್ದು, ಯಾವುದೋ ಹಳೆಯ ಗೋದಾಮುಗಳಂತೆ ಭಾಸವಾಗುತ್ತಿವೆ. ಇಂತಹ ವಸತಿ ಗೃಹಗಳಲ್ಲೇ ಪೊಲೀಸರ ಕುಟುಂಬಗಳು ವಾಸಿಸುತ್ತಿವೆ.

ನಗರದ ಹೃದಯಭಾಗ ನಾಡ ಕಾರ್ಯಾಲಯದ ಮುಂದಿರುವ ಪೊಲೀಸ್‌ ವಸತಿ ಗೃಹಗಳನ್ನು 1906ರಲ್ಲಿ ನಿರ್ಮಾಣ ಮಾಡಲಾಗಿದೆ. ಸುಮಾರು 11 ಪೊಲೀಸರ ಕುಟುಂಬಗಳು ನೆಲೆಸಿವೆ. ಒಂದೆರಡು ಬಾರಿ ದುರಸ್ತಿ ಮಾಡಿದ್ದು ಬಿಟ್ಟರೆ ಯಾವುದೇ ಕಾಮಗಾರಿ ಕೈಗೊಂಡಿಲ್ಲ.

ಪೊಲೀಸ್‌ ವಸತಿ ಗೃಹಗಳಲ್ಲಿ ಹೆಗ್ಗಣಗಳ ಹಾವಳಿ ವಿಪರೀತವಾಗಿವೆ. ದಿನಕ್ಕೊಂದು ಸ್ಥಳದಲ್ಲಿ ಹೆಗ್ಗಣಗಳು ಬಿಲಗಳನ್ನು ತೋಡುತ್ತಿವೆ. ಹೆಗ್ಗಣಗಳನ್ನು ನಿಯಂತ್ರಿಸಲು ಕುಟುಂಬಗಳು ಹೆಣಗಾಡುವಂತಾಗಿದೆ. ತೋಡಿರುವ ಬಿಲಗಳಲ್ಲಿ ವಿಷ ಜಂತುಗಳು ವಾಸಿಸುತ್ತೇವೆ ಎನ್ನುವ ಭಯದಲ್ಲೇ ಜೀವನ ನಡೆಸುವಂತಾಗಿದೆ.

ವಸತಿ ಗೃಹಗಳ ಹಿಂದುಗಡೆ ಸರಾಗವಾಗಿ ನೀರು ಹರಿದ ಹೋಗದ ಕಾರಣ ಹಂದಿಗಳ ತಾಣವಾಗಿ ಮಾರ್ಪಟ್ಟಿದೆ. ವಸತಿ ಗೃಹಗಳಲ್ಲಿ ಬಿಸಿಲು, ಮಳೆ ನೇರವಾಗಿ ಒಳ ಬರುವಂತಾಗಿದೆ. ಮೇಲ್ಛಾವಣಿಯ ಶೀಟಗಳು ಅಲ್ಲಲ್ಲಿ ತೂತು ಬಿದ್ದಿವೆ. ಬಾಗಿಲುಗಳು ಬೀಳುವ ಸ್ಥಿತಿಯಲ್ಲಿವೆ. ಇಂತಹ ಸ್ಥಿತಿಯಲ್ಲೇ ಪೊಲೀಸರ ಕುಟುಂಬಗಳು ಜೀವ ಕೈಯಲ್ಲಿ ಹಿಡಿದು ಜೀವನ ಸಾಗಿಸುತ್ತಿವೆ.

ಎಸ್‌ಬಿಐ ಬಳಿಯಲ್ಲಿದ್ದ ಪೊಲೀಸ್‌ ವಸತಿ ನಿಲಯಗಳು ಬಿದ್ದು ಹೋಗಿ ಅನೇಕ ವರ್ಷಗಳೇ ಗತಿಸಿವೆ. ಜಮಖಂಡಿ ರಸ್ತೆಯಲ್ಲಿ ನಿರ್ಮಾಣವಾದ ಹೊಸಠಾಣೆಯ ಆವರಣದಲ್ಲಿ ಕೇವಲ 6 ಪೊಲೀಸ್‌ ವಸತಿ ಗೃಹಗಳಿವೆ. ಸುಮಾರು 30 ಪೊಲೀಸ್‌ ಸಿಬ್ಬಂದಿ ಇರಬೇಕಾದ ನೂತನ ತಾಲೂಕಿನ ಸ್ಥಾನ ಪಡೆದ ನಗರದಲ್ಲಿ ಕೇವಲ 6 ಹೊಸ ವಸತಿ ಗೃಹಗಳಿವೆ. ಹೀಗಾಗಿ ಹಳೆಯ ವಸತಿ ಗೃಹಗಳಲ್ಲೇ ವಾಸುವಂತಾಗಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬೀಳಗಿ: ಪಟ್ಟಣದ ಕಾಯಿಪಲ್ಲೆ ಮಾರುಕಟ್ಟೆಯ ಹತ್ತಿರ ಮೂತ್ರಾಲಯವಿಲ್ಲದ್ದರಿಂದ ಮಾರ್ಕೆಟಿಗೆ ಬರುವ ವ್ಯಾಪಾಸ್ಥರು ಹಾಗೂ ಸಾರ್ವಜನಿಕರು ಜಲಬಾಧೆ ತೀರಿಸಿಕೊಳ್ಳಲು...

  • ಗುಳೇದಗುಡ್ಡ: ಒಂದೆಡೆ ಬುತ್ತಿ ಕಟ್ಟಿಕೊಂಡು ಬಂದು ಊಟ ಮಾಡುತ್ತಿರುವ ತಾಯಿ- ಮಕ್ಕಳು, ಇನ್ನೊಂದೆಡೆ ನನ್ನ ಪಾಳಿ ಯಾವಾಗ್‌ ಬರುತ್ರಿ ಅಂತಾ ಕೇಳ್ಳೋ ವೃದ್ಧರು, ಇದರ...

  • ಮುಧೋಳ:ಯಡಹಳ್ಳಿಯ ಶಿವಲಿಂಗಪ್ಪ ಬಸಪ್ಪ ಹೊರಟ್ಟಿ ಕರ್ನಾಟಕ ಪಬ್ಲಿಕ್‌ ಶಾಲೆ ದೇಶದಲ್ಲೇ ಮಾದರಿಯಾಗಿದೆ. ಆ ಶಾಲೆಗೀಗ ರಾಜ್ಯದ ಪ್ರಥಮ ಕರ್ನಾಟಕ ಪಬ್ಲಿಕ್‌ ಸ್ಕೂಲ್...

  • ರಾಂಪುರ: ಗ್ರಾಮದ ರಾಂಪುರ ಕೃಷಿ ಇಲಾಖೆ ರೈತ ಸಂಪರ್ಕ ಕೇಂದ್ರದಲ್ಲಿ ರಿಯಾಯಿತಿ ದರದಲ್ಲಿ ಬಿತ್ತನೆ ಬೀಜ ಖರೀದಿಸಲು ಮುಂದಾಗಿರುವ ರೈತರು, ಮತ್ತೂಂದು ಮಳೆಗಾಗಿ ಹಾತೊರೆಯುತ್ತಿದ್ದಾರೆ. ರಾಂಪುರ,...

  • ಬಾಗಲಕೋಟೆ: ವಿವಿಧ ಇಲಾಖೆಯ ವಿಶೇಷ ಘಟಕ ಯೋಜನೆ ಹಾಗೂ ಗಿರಿಜನ ಉಪಯೋಜನೆಗಳ ಕಾರ್ಯಕ್ರಮಗಳಿಗೆ ಮೀಸಲಿರಿಸಿದ ಹಣವನ್ನು ಸಮರ್ಪಕವಾಗಿ ಬಳಕೆಯಾಗದಿದ್ದಲ್ಲಿ ಸೂಕ್ತ...

ಹೊಸ ಸೇರ್ಪಡೆ