ನಗದು ರಹಿತ ವಹಿವಾಟಿಗೆ ಎಸ್‌ಬಿಐ ಭಿಮ್‌ ಆಧಾರ್‌

ಚಿಕ್ಕನಾಯಕನಹಳ್ಳಿ ಎಸ್‌ಬಿಐ ಬ್ಯಾಂಕ್‌ನಿಂದ ಫಿಂಗರ್‌ ಪ್ರಿಂಟ್ ಕ್ಯಾಶ್‌ಲೆಸ್‌ ಡಿವೈಸ್‌ ಉಚಿತ ವಿತರಣೆ

Team Udayavani, Jul 23, 2019, 2:03 PM IST

ಫಿಂಗರ್‌ ಪ್ರಿಂಟ್ ಕ್ಯಾಶ್‌ಲೆಸ್‌ ಡಿವೈಸ್‌

ಚಿಕ್ಕನಾಯಕನಹಳ್ಳಿ: ಸಣ್ಣ ವಹಿವಾಟಿನ ವ್ಯಾಪಾರಿಗಳು ಹಾಗೂ ಗ್ರಾಹಕರಿಗೆ ಚಿಲ್ಲರೆ ಸಮಸ್ಯೆ ಯಾಗುವುದು ಸಾಮಾನ್ಯ. ಇದರಿಂದ ವ್ಯಾಪಾರಿಗಳಿಗೆ ನಷ್ಟ ಅಥವಾ ಗ್ರಾಹಕರು ನಂಬಿಕೆ ಕಳೆದುಕೊಳ್ಳುವ ಮುಜುಗರ. ಹೀಗಾಗಿ ಈ ಸಮಸ್ಯೆ ನಿವಾರಣೆಗೆ ಪಟ್ಟಣದ ಎಸ್‌ಬಿಐ ಬ್ಯಾಂಕ್‌ ಭಿಮ್‌ ಆಧಾರ್‌ ಎಸ್‌ಬಿಐ (ಪಿಬಿ 510) ಎಂಬ ಫಿಂಗರ್‌ ಪ್ರಿಂಟ್ ಕ್ಯಾಶ್‌ಲೆಸ್‌ ಡಿವೈಸ್‌ ಪರಿಚಯಿಸಿದೆ.

2000 ರೂ.ವರೆಗೆ ವಹಿವಾಟು: ಮನೆಯಲ್ಲಿ ಪರ್ಸ್‌, ಮೊಬೈಲ್ ಬಿಟ್ಟು ಬಂದಿದ್ದರೂ ತಲೆ ಕೆಡಿಸಿಕೊಳ್ಳುವ ಅಗತ್ಯವಿಲ್ಲ. ಈ ಸಾಧನದಿಂದ ಗ್ರಾಹಕರು, ವ್ಯಾಪಾರಸ್ಥರು ಮೊಬೈಲ್, ಜೇಬಿನಲ್ಲಿ ಹಣ ಇಟ್ಟುಕೊಳ್ಳುವ ಅವಶ್ಯಕತೆ ಇಲ್ಲ. ಕನಿಷ್ಠ 1 ರೂ.ನಿಂದ 2000 ರೂ.ವರೆಗಿನ ವಹಿವಾಟು ಮಾಡಲು ಅವಕಾಶವಿದೆ. ಸಣ್ಣ ವ್ಯಾಪಾರಸ್ಥರು ಪ್ರತಿದಿನ 5 ಸಾವಿರ ರೂ. ಈ ಡಿವೈಸ್‌ ಮೂಲಕ ಖಾತೆಗೆ ಜಮಾ ಮಾಡಿಕೊಳ್ಳಬಹುದಾಗಿದೆ.

ಬ್ಯಾಂಕ್‌ನಲ್ಲಿ ಆಧಾರ್‌ ನಂಬರ್‌ ನಮೂದಿಸಿದ್ದರೆ ಮಾತ್ರ ವಹಿವಾಟು ನಡೆಸಲು ಸಾಧ್ಯ. ಟೀ ಅಂಗಡಿ , ಚಿಲ್ಲರೆ ಅಂಗಡಿ, ಬೀದಿಬದಿ ವ್ಯಾಪಾರಸ್ಥರು, ಆಟೋ, ಸ್ಟುಡಿಯೋಗಳು ಸೇರಿದಂತೆ ಸಣ್ಣ ಪ್ರಮಾಣದಲ್ಲಿ ವಹಿವಾಟು ನಡೆಸುವ ಅಂದರೆ ಪ್ರತಿದಿನ 5 ಸಾವಿರ ರೂ. ವಹಿವಾಟು ಮಾಡುವ ವ್ಯಾಪಾರಸ್ಥರು ಡಿವೈಸ್‌ನ ಅನುಕೂಲ ಪಡೆದುಕೊಳ್ಳಬಹುದಾಗಿದೆ. ಗ್ರಾಹಕರು ಜೇಬಿನಲ್ಲಿ ಹಣವಿಲ್ಲದಿದ್ದರೂ ಬೆರಳ ತುದಿ ಬಳಸಿ ವಸ್ತು ಕೊಳ್ಳಬಹುದಾಗಿದೆ.

ಡಿವೈಸ್‌ನ ಕಾರ್ಯ ಹೇಗೆ: ಡಿಜಿಟಲ್ ಇಂಡಿಯಾ ಕನಸು ನನಸಾಗುವ ನಿಟ್ಟಿನಲ್ಲಿ ಡಿವೈಸ್‌ ತಯಾರಿಸ ಲಾಗಿದೆ. ಬ್ಯಾಂಕ್‌ ಖಾತೆಗೆ ಆಧಾರ್‌ ಕಾರ್ಡ್‌ ನಂಬರ್‌ ನೋಂದಣಿ ಮಾಡಿಸಿರಬೇಕು. ಬೆರಳ ತುದಿಯನ್ನು ಈ ಡಿವೈಸ್‌ ಮೇಲೆ ಇಟ್ಟರೆ ನಮ್ಮ ಆಧಾರ್‌ ಕಾರ್ಡ್‌ ಯಾವೆಲ್ಲ ಬ್ಯಾಂಕ್‌ಗಳಲ್ಲಿ ನೋಂದಣಿ ಆಗಿರುತ್ತದೋ ಆ ಬ್ಯಾಂಕ್‌ನ ಖಾತೆ ಮಾಹಿತಿ ತಿಳಿಸುತ್ತದೆ. ಯಾವ ಬ್ಯಾಂಕ್‌ ಖಾತೆಯಲ್ಲಿ ಹಣ ವಿರುತ್ತದೆಯೋ ಅದರಿಂದ ನಾವು ಖರೀದಿಸಿದ ವಸ್ತುವಿಗೆ ಹಣ ನೀಡಬಹುದಾಗಿದೆ.

ಡಿವೈಸ್‌ನ ಅನುಕೂಲಗಳು: ಈ ಉಪಕರಣದ ಮೂಲಕ 1 ರೂ. ಮೌಲ್ಯದ ವಸ್ತು ಕೊಳ್ಳಲು ಅವಕಾಶ ವಿದೆ. ರಾತ್ರಿ ವ್ಯಾಪಾರ ಮಾಡುವ ಆಂಗಡಿಗಳ ಮಾಲೀಕರು ಡಿವೈಸ್‌ ಬಳಸುವುದರಿಂದ ಕಳ್ಳರ ಕಾಟದಿಂದ ತಪ್ಪಿಸಿಕೊಳ್ಳಬಹುದು. ಚಿಲ್ಲರೆ ಹುಡುಕುವ ಸಮಸ್ಯೆ ಇರುವುದಿಲ್ಲ ಹಾಗೂ ಹಣ ಪಡೆಯುವ ಹಾಗೂ ವಸ್ತು ಖರೀದಿಸುವುದಕ್ಕೆ ದಾಖಲೆ ಸಿಗುತ್ತದೆ. ಕ್ಯಾಶ್‌ಲೆಸ್‌ ವಹಿವಾಟಿಗೆ ಈ ಡಿವೈಸ್‌ ಅನುಕೂಲಕರವಾಗಿದೆ.

 

● ಚೇತನ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ