Udayavni Special

ಕುಡಿಯುವ ನೀರಿನ ಸಮಸ್ಯೆ ಎದುರಿಸಲು ಭಗೀರಥ ಪ್ರಯತ್ನ


Team Udayavani, Feb 12, 2019, 1:00 AM IST

kudiyuva-neeru.jpg

ಪಡುಬಿದ್ರಿ: ಪಲಿಮಾರು, ಹೆಜಮಾಡಿ ಗ್ರಾಮಗಳಲ್ಲಿ ಈ ಬಾರಿ ಕುಡಿಯುವ ನೀರಿನ ಸಮಸ್ಯೆಯು ತಾರಕಕ್ಕೇರಲಿದ್ದು ಇದನ್ನು ಎದುರಿಸಲು ಶಾಸಕರೇ ಅಧ್ಯಕ್ಷರಾಗಿರುವ ಟಾಸ್ಕ್ಫೋರ್ಸ್‌ಗೆ ಮನವಿಗಳನ್ನು ಪಂಚಾಯತ್‌ಗಳಿಂದ ರವಾನಿಸಲಾಗಿದೆ. ಸಮಸ್ಯೆ ಎದುರಿಸುವ ನಿಟ್ಟಿನಲ್ಲಿ ಭಗೀರಥ ಪ್ರಯತ್ನವನ್ನು ನಡೆಸಲಾಗುತ್ತಿರುವುದಾಗಿ ಗ್ರಾ. ಪಂ. ಪಿಡಿಒಗಳು ತಿಳಿಸಿದ್ದಾರೆ. 

ಹೆಜಮಾಡಿ ಗ್ರಾಮದ ಕೊಕ್ರಾಣಿ ಭಾಗದ ಮೂರು ಮನೆಗಳಿಗಷ್ಟೇ ಕುಡಿಯುವ ನೀರಿನ ಸಮಸ್ಯೆ ಎದುರಾಗಿತ್ತು. ಹೆಜಮಾಡಿ ಶಿವನಗರ ಬಳಿಯ ಓವರ್‌ಹೆಡ್‌ ಟ್ಯಾಂಕ್‌ನಿಂದ ಸುಮಾರು 2 ಕಿ.ಮೀ. ದೂರದ ಕೊಕ್ರಣಿಗೆ ಹೋಗುವ ಪೈಪ್‌ಲೈನನ್ನು ಸರಿಪಡಿಸಿಕೊಂಡು ಅಲ್ಲಿನ ಸಮಸ್ಯೆಯನ್ನು ಈಗಾಗಲೇ ನಿವಾರಿಸಲಾಗಿದೆ ಎಂದು ಗ್ರಾ. ಪಂ. ಪಿಡಿಒ ಮಮತಾ ಶೆಟ್ಟಿ ಹೇಳಿದ್ದಾರೆ. 

ಕುಡಿಯುವ ನೀರಿಗೆ ಮೊದಲ ಆದ್ಯತೆ
ಹೆಜಮಾಡಿ ನಡಿಕುದ್ರು, ಪರಪಟ್ಟ ಪ್ರದೇಶಗಳಿಗೆ ದಿನಕ್ಕೆ ಮುಕ್ಕಾಲು ಗಂಟೆಯಿಂದ ಒಂದು ಗಂಟೆಯವರೆಗೆ ಈಗ ನೀರು ಬಿಡಲಾಗುತ್ತಿದೆ. ಇಲ್ಲಿಗೆ ನೀರು ಹಾಯಿಸಲು ದಯಾನಂದ ಹೆಜಮಾಡಿ ಮನೆಯ ಬಳಿಯ ಟ್ಯಾಂಕ್‌ನಿಂದ ಅಲ್ಪಸ್ವಲ್ಪ ಪೈಪ್‌ಲೈನ್‌ಕಾಮಗಾರಿ ನಡೆಯಬೇಕಿದೆ. ಅಲ್‌ ಅಝಹರ್‌ ಶಾಲೆಯ ಬಳಿಯಲ್ಲಿ ಸಾರ್ವಜನಿಕ ಕುಡಿಯುವ ನೀರಿನ ತೆರೆದ ಬಾವಿಯನ್ನು ಮತ್ತಷ್ಟು ಆಳಗೊಳಿಸುವ ಕಾಮಗಾರಿ ಜಿ. ಪಂ. ಸದಸ್ಯರ 5.ಲಕ್ಷ ರೂ. ನಿಧಿಯಿಂದ ಈಗಾಗಲೇ ಕೈಗೆತ್ತಿಕೊಳ್ಳಲಾಗಿದೆ. ಇದು ಪೂರ್ಣಗೊಂಡಲ್ಲಿ ಈ ಸಮಸ್ಯೆ ಬಗೆಹರಿಯಬಹುದಾಗಿದೆ. ಆದರೆ ಈ ಬಾರಿ ಹೆಜಮಾಡಿಯಲ್ಲಿ ಬಾವಿಯ ನೀರು ಈಗಾಗಲೇ ಪಾತಾಳಕ್ಕಿಳಿದಿದೆ. ಕುಡಿಯುವ ನೀರಿನ ಸಮಸ್ಯೆ ಈಗಾಗಲೇ ಬಿಗಡಾಯಿಸಿದೆ. ಇದನ್ನು ಬಗೆಹರಿಸಲು ಗ್ರಾ. ಪಂ. ಮೊದಲ ಆದ್ಯತೆ ನೀಡುತ್ತಿರುವುದಾಗಿಯೂ ಪಿಡಿಒ ಮಮತಾ ಶೆಟ್ಟಿ ತಿಳಿಸಿದ್ದಾರೆ. 

ಕುಡಿಯುವ ನೀರು ಪೋಲಾಗುತ್ತಿದೆ
ಹೆಜಮಾಡಿ ಗ್ರಾ. ಪಂ. ಅಧ್ಯಕ್ಷೆ ವಿಶಾಲಾಕ್ಷಿ ಪುತ್ರನ್‌ ಪ್ರತಿಕ್ರಿಯಿಸಿ ಕುಡಿಯುವ ನೀರಿನ ಕುರಿತಾಗಿ ಗಮನಿಸಿರುವ ಮುಖ್ಯ ಅಂಶವೆಂದರೆ ಕೆಲವರು ಎರಡೆರಡು ನಳ್ಳಿ ನೀರಿನ ಸಂಪರ್ಕ ಹೊಂದಿರುವವರೂ ಗ್ರಾಮದಲ್ಲಿ ಇದ್ದಾರೆ. ಕೆಲವರಂತೂ ನಳ್ಳಿ ನೀರನ್ನು ತೆಂಗಿನ ತೋಟಕ್ಕೂ, ಹೂವಿನ ಗಿಡಗಳಿಗೂ ಬಿಡುತ್ತಾರೆ. ಮತ್ತೂ ಕೆಲವರು ಮುಂದುವರಿದು ನಳ್ಳಿನೀರಿನ ಪೈಪ್‌ ಲೈನ್‌ಗೆà ಮೋಟಾರು ಅಳವಡಿಸಿಕೊಂಡು ತಮಗೆ ಬೇಕಾದಂತೆ ನೀರು ಸಂಗ್ರಹಿಸಿಟ್ಟುಕೊಳ್ಳುತ್ತಾರೆ. ನೀರನ್ನು ಪೋಲು ಮಾಡುತ್ತಾರೆ. ಇದೆಲ್ಲವುಗಳತ್ತ ಗ್ರಾ. ಪಂ. ಹದ್ದಿನ ಕಣ್ಣಿರಿಸಿದ್ದು ಅಂತಹ ಸಂಪರ್ಕಗಳನ್ನು ಕಡಿತಗೊಳಿಸಲಾಗುವುದಾಗಿ ಎಚ್ಚರಿಸಿದ್ದಾರೆ. 

ನೀರಿಗಾಗಿ 100 ಕರೆಗಳು
ಹೆಜಮಾಡಿ ಕೋಡಿ, ಹೆಜಮಾಡಿಯ ಮುಖ್ಯ ಭಾಗ, ನಡಿಕುದ್ರು, ಪರಪಟ್ಟಗಳಲ್ಲಿ ಕುಡಿಯುವ ನೀರಿನ ಸಮಸ್ಯೆಯಿದ್ದು ದಿನಕ್ಕೆ ಕೆಲವೊಮ್ಮೆ 100 ಕರೆಗಳನ್ನು ತಾನು ಪಡೆಯುತ್ತಿರುವೆನು. ಇದನ್ನು ಬಗೆ ಹರಿಸುವ ನಿಟ್ಟಿನಲ್ಲಿ ಹೊಸ ಪಂಪು ಚಾಲಕನನ್ನು ನೇಮಿಸಿಕೊಳ್ಳಲಾಗಿದೆ. ಅಲ್ಲಲ್ಲಿ ಪೈಪ್‌ಲೈನ್‌ಗಳ ಸಮರ್ಪಕ ನಿರ್ವಹಣೆಯ ಕಾರ್ಯ ನಡೆಯಬೇಕಿದ್ದು ಅದಕ್ಕೆ ಆದ್ಯತೆಯನ್ನೂ ನೀಡಲಾಗಿದೆ. ಅಗತ್ಯಬಿದ್ದಾಗ ನಡಿಕುದ್ರು ಪ್ರದೇಶಕ್ಕೆ ಟ್ಯಾಂಕರ್‌ ಮೂಲಕವೂ ನೀರು ಸರಬರಾಜು ಮಾಡಲಾಗಿದೆ ಎಂದಿದ್ದಾರೆ. 

ಅಂಕಿ ಅಂಶ
ಹೆಜಮಾಡಿ :

ಹೆಜಮಾಡಿ ಗ್ರಾಮದಲ್ಲಿ ಒಟ್ಟು  531 ನಳ್ಳಿನೀರಿನ ಜೋಡಣೆಗಳು ಅಧಿಕೃತವಾಗಿವೆ. ಸಾರ್ವಜನಿಕ ತೆರದ ಬಾವಿ ಒಟ್ಟು 6, ಕೊಳವೆ ಬಾವಿಗಳು 2 ಹಾಗೂ ನವಯುಗ ಟೋಲ್‌ ಪ್ಲಾಝಾದ ಬೋರ್‌ವೆಲ್‌ನಿಂದಲೂ ದಿನಕ್ಕೊಂದು ಗಂಟೆ ನೀರು ಪಡೆಯಲಾಗುತ್ತಿದೆ. ಕಳೆದ ಬಾರಿಯ ಜಿ. ಪಂ. ಸದಸ್ಯರ ಅನುದಾನದ 5ಲಕ್ಷ ರೂ. ಗಳನ್ನು ಈ ಬಾರಿ ಬಳಸಿಕೊಳ್ಳಲಾಗುತ್ತಿದೆ. ಜಿಲ್ಲಾ  ಟಾಸ್ಕ್ ಫೋರ್ಸ್‌ ಅನುದಾನಕ್ಕೂ ಈಗಾಗಲೇ ಬರೆದುಕೊಳ್ಳಲಾಗುತ್ತಿದೆ ಎಂದರು. 

ಪಲಿಮಾರು:
ಪಲಿಮಾರು ಗ್ರಾ. ಪಂ. ವ್ಯಾಪ್ತಿಯಲ್ಲಿ ಕುಡಿಯುವ ನೀರಿನ ಸಮಸ್ಯೆ ಅವರಾಲು ಮಟ್ಟು  ಹೊಯಿಗೆ ಮತ್ತು ಬೆಳ್ಳಿಬೆಟ್ಟು ಪ್ರದೇಶಗಳಲ್ಲಿ ಉಲ್ಬಣಿಸಲಿರುವುದಾಗಿ ಪಲಿಮಾರು ಗ್ರಾ.ಪಂ. ಪಿಡಿಒ ಸತೀಶ್‌ ಹೇಳುತ್ತಾರೆ. 9 ಬೋರ್‌ವೆಲ್‌, 4 ಸಾರ್ವಜನಿಕ ತೆರೆದ ಬಾವಿಗಳು ಮತ್ತು 350 ನಳ್ಳಿನೀರಿನ ಸಂಪರ್ಕಗಳು ಪಲಿಮಾರು ಗ್ರಾಮದಲ್ಲಿವೆ. 

ಅರ್ಧ ಟಾಂಕಿಯಷ್ಟು  ಮಾತ್ರ ನೀರು 
ಪಲಿಮಾರು ಪೇಟೆಗೆ ಕೇವಲ 15 ದಿನಗಳಿಗಾಗುವಷ್ಟು ನೀರನ್ನು ನಾವು ಹೊಂದಿದ್ದೇವೆ. ಕೇವಲ ಅರ್ಧ ಟ್ಯಾಂಕಿಯಷ್ಟು ಮಾತ್ರ ನೀರು ತುಂಬುತ್ತಿದೆ. ಅವರಾಲು ಮಟ್ಟು ಹೊಯಿಗೆ ಭಾಗದಲ್ಲಿ ಕೊಕ್ರಾಣಿ ಭಾಗಕ್ಕೆ ನೂತನ ಸೇತುವೆ ಕಾಮಗಾರಿಯೊಂದು ನಡೆಯುತ್ತಿದೆ. ಅದಕ್ಕಾಗಿ ಹೊಳೆಗೆ ಮಣ್ಣು ಪೇರಿಸಿರುವುದರಿಂದ ಹೊಯಿಗೆ ಭಾಗದ ಅಂತರ್ಜಲ ಮಟ್ಟ ಸಂಪೂರ್ಣ ಕುಸಿದು ಹೋಗಿತ್ತು. ಮುಂದೆ ಇಲ್ಲಿ ಪೈಪ್‌ ಅಳವಡಿಸಿ ಪರಿಸ್ಥಿತಿಯನ್ನು ಸರಿಪಡಿಸಲಾಗಿದೆ. ಇಲ್ಲಿ ಗುತ್ತಿಗೆದಾರರೇ ಪರಿಸ್ಥಿತಿಯನ್ನು ಸಂಭಾಳಿಸುತ್ತಿದ್ದು ಟ್ಯಾಂಕರ್‌ನಲ್ಲಿ ನೀರು ಪೂರೈಸಲಾಗುತ್ತಿದೆ ಎಂದು ಸತೀಶ್‌ ವಿವರಿಸಿದ್ದಾರೆ. 

ಅಂತರ್ಜಲ ಮಟ್ಟ ಕುಸಿಯುತ್ತಿದೆ
ಎಲ್ಲೆಡೆಯಲ್ಲೂ ಅಂತರ್ಜಲ ಮಟ್ಟ ಇಳಿಯುತ್ತಿದೆ. ಕಳೆದ ಬಾರಿ ಪಲಿಮಾರು ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಬೆಳ್ಳಿಬೆಟ್ಟು ಪ್ರದೇಶದಲ್ಲಿ ಪಂಪು ಕೆಟ್ಟು ಹೋಗಿ ನೀರಿನ ಸಮಸ್ಯೆ ಎದುರಾಗಿತ್ತು. ಅದನ್ನು ನಾವು ಟ್ಯಾಂಕರ್‌ ಮೂಲಕ ನೀರು ಸರಬರಾಜುಗೊಳಿಸಿ ನಿಭಾಯಿಸಿದ್ದೆವು. ಆದರೆ ಈ ಬಾರಿ ನೆರೆ ಬರುವ ರೀತಿ ಮಳೆ ಬಂದಿದ್ದು ಒಂದೇ ಸವನೆ ನೀರು ಸಮುದ್ರವನ್ನು ಸೇರಿತ್ತು. ಹಾಗಾಗಿ ಕುಡಿಯುವ ನೀರಿನ ಸಮಸ್ಯೆ ಪರಿಹಾರಕ್ಕಾಗಿ ಟಾಸ್ಕ್ ಫೋರ್ಸ್‌ ಮೂಲಕ ಎರಡು ಬೋರ್‌ ವೆಲ್‌ಗ‌ಳಿಗೆ ಈಗಾಗಲೇ ಮನವಿ ಮಾಡಿಕೊಂಡಿದ್ದೇವೆ. 

ಪಲಿಮಾರು ಅಣೆಕಟ್ಟಿನಲ್ಲಿ  ನೀರಿನ ಮಟ್ಟ ಕುಸಿತ
ಪಲಿಮಾರು ಅಣೆಕಟ್ಟಿನಲ್ಲಿ ನೀರಿನ ಮಟ್ಟ ಕುಸಿದಿದೆ. ಹಾಗಾಗಿ ಪಲಿಮಾರು ಗ್ರಾಮದಲ್ಲಿ ಬಾವಿಗಳಲ್ಲಿ ನೀರಿನ ಮಟ್ಟವೂ ಕುಸಿದಿದೆ. ಗ್ರಾಮದಲ್ಲಿ ಸದ್ಯ ನೀರಿನ ನಿರ್ವಹಣೆಯನ್ನು ಎರಡು ದಿನಗಳಿಗೊಮ್ಮೆ ಒಂದು ಗಂಟೆಗಳ ಕಾಲ ಮಾಡಲಾಗುತ್ತಿದೆ. ಈಗ ನಿರ್ವಹಿಸಲಾಗುತ್ತಿದ್ದರೂ ಎಪ್ರಿಲ್‌, ಮೇ ತಿಂಗಳಲ್ಲಿ ಪರಿಸ್ಥಿತಿ ಬಿಗಡಾಯಿಸಬಹುದು. 
-ಜಿತೇಂದ್ರ ಫುರ್ಟಾಡೋ, ಪಲಿಮಾರು ಗ್ರಾ. ಪಂ. ಅಧ್ಯಕ್ಷ

ಟಾಪ್ ನ್ಯೂಸ್

ಗುಳೇದಗುಡ್ಡ: ಕೆರೆಯಲ್ಲಿ ಮುಳುಗಿ ಮಹಿಳೆಯರಿಬ್ಬರ ಸಾವು

ಗುಳೇದಗುಡ್ಡ: ಕೆರೆಯಲ್ಲಿ ಮುಳುಗಿ ಮಹಿಳೆಯರಿಬ್ಬರ ಸಾವು

Singhu border murder- Accused Nihang Saravjeet Singh sent to 7-day judicial custody

ಸಿಂಘು ಗಡಿ ಹತ್ಯೆ ಪ್ರಕರಣ:- ಆರೋಪಿ ನಿಹಾಂಗ್‌ ಸರ್ವಜೀತ್ ಗೆ 7 ದಿನ ಪೊಲೀಸ್‌ ಕಸ್ಟಡಿ

ನಾವು ಮುಸ್ಲಿಂ ವಿರೋಧಿ ಅಲ್ಲ: ಕೇಂದ್ರ ಸಚಿವ ಜೋಶಿ

ನಾವು ಮುಸ್ಲಿಂ ವಿರೋಧಿ ಅಲ್ಲ: ಕೇಂದ್ರ ಸಚಿವ ಜೋಶಿ

ಹಲವು ಸ್ವಾತಂತ್ರ್ಯ ಹೋರಾಟಗಾರರನ್ನು ಮರೆಮಾಚಲಾಗಿದೆ, ಅವರಿಗೆ ನ್ಯಾಯ ಒದಗಿಸಬೇಕು; ಶಾ

ಹಲವು ಸ್ವಾತಂತ್ರ್ಯ ಹೋರಾಟಗಾರರನ್ನು ಮರೆಮಾಚಲಾಗಿದೆ, ಅವರಿಗೆ ನ್ಯಾಯ ಒದಗಿಸಬೇಕು; ಶಾ

ಕ್ಯಾಚ್ ಆಫ್ ದಿ ಸೀಸನ್, ಪವರ್ ಪ್ಲೇಯರ್, ಗೇಮ್ ಚೇಂಜರ್ ಪ್ರಶಸ್ತಿ ಯಾರಿಗೆ? ಇಲ್ಲಿದೆ ಪಟ್ಟಿ

ಕ್ಯಾಚ್ ಆಫ್ ದಿ ಸೀಸನ್, ಪವರ್ ಪ್ಲೇಯರ್, ಗೇಮ್ ಚೇಂಜರ್ ಪ್ರಶಸ್ತಿ ಯಾರಿಗೆ? ಇಲ್ಲಿದೆ ಪಟ್ಟಿ

b-c-nagesh

1 ರಿಂದ 5ರ ವರೆಗೆ ಶಾಲೆ ಆರಂಭಕ್ಕೆ ಸರ್ವ ಸಿದ್ದತೆ : ಶಿಕ್ಷಣ ಸಚಿವ ಬಿ.ಸಿ.ನಾಗೇಶ್

20

ಶೆರ್ಲಿನ್ ದೂರು: ರಾಜ್ ಕುಂದ್ರಾ ಹಾಗೂ ಶಿಲ್ಪಾ ಶೆಟ್ಟಿಗೆ ಬಂಧನದ ಭೀತಿ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

samshodhana

ಡಾ.ದಿನೇಶ್ ಶೆಟ್ಟಿಯವರ ಸಂಶೋಧನೆಗೆ ಅಬುಧಾಬಿಯಿಂದ 1 ಮಿಲಿಯನ್ ಅನುದಾನ!

ghfghhyt

ಉಡುಪಿಯಲ್ಲಿ ಹಿಂದೂ ಜಾಗರಣ ವೇದಿಕೆಯಿಂದ “ದುರ್ಗಾ ದೌಡ್”

kapu news

ಕಾಪು : ಮಾನಸಿಕ ಅಸ್ವಸ್ಥ ವ್ಯಕ್ತಿ, ಗಾಯಗೊಂಡ ಕೋತಿಯನ್ನು ರಕ್ಷಿಸಿ ಮಾದರಿಯಾದ ಯುವಕರು!

ಗಾಯದ ಮೇಲೆ ಬರೆ ಎಳೆದ ಮಳೆ; ಫ‌ಸಲು ನಾಶ

ಗಾಯದ ಮೇಲೆ ಬರೆ ಎಳೆದ ಮಳೆ; ಫ‌ಸಲು ನಾಶ

ದೊಡ್ಡಣಗುಡ್ಡೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ: ನೃತ್ಯಸೇವೆಗೆ ಆಕಾಂಕ್ಷಿಗಳ ದಂಡು

ದೊಡ್ಡಣಗುಡ್ಡೆ ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ: ನೃತ್ಯಸೇವೆಗೆ ಆಕಾಂಕ್ಷಿಗಳ ದಂಡು

MUST WATCH

udayavani youtube

ಟೀಂ ಇಂಡಿಯಾ ಮುಖ್ಯ ಕೋಚ್ ಸ್ಥಾನಕ್ಕೆ ದ್ರಾವಿಡ್ ನೇಮಕ

udayavani youtube

ಅಸಹಾಯಕ ಸ್ಥಿತಿಯಲ್ಲಿದ್ದ ವ್ಯಕ್ತಿ ಹಾಗೂ ಕೋತಿಯನ್ನು ರಕ್ಷಿಸಿ ಮಾದರಿಯಾದ ಯುವಕರು

udayavani youtube

ರಾಮನ ಹೆಸರಲ್ಲಿ ಅಧಿಕಾರಕ್ಕೆ ಬಂದವರಿಗೆ ಕುತ್ತು? ಮೈಲಾರಸ್ವಾಮಿ ಕಾರ್ಣಿಕ ನುಡಿ ಏನು ಗೊತ್ತಾ?

udayavani youtube

ಹುಮನಾಬಾದ್ ನಲ್ಲಿ ವಿಜಯ ದಶಮಿ ಸಂಭ್ರಮ : ನೋಡುಗರ ಗಮನ ಸೆಳೆದ ರಾವಣನ ಪ್ರತಿಕೃತಿ

udayavani youtube

ಯಾರಿಗೆ ಒಲಿಯುತ್ತೆ IPL ಟ್ರೋಫಿ|UDAYAVANI NEWS BULLETIN|15/10/2021

ಹೊಸ ಸೇರ್ಪಡೆ

h1 n1 hospital

ಎಚ್‌1ಎನ್‌1: ಪ್ರತ್ಯೇಕ ವಾರ್ಡ್‌ ತೆರೆಯಲು ಸೂಚನೆ

ರಾಷ್ಟ್ರಮಟ್ಟದ ಅಥ್ಲೆಟಿಕ್ಸ್‌ನಲ್ಲಿ ಮಿಂಚಿದ ಗೌಳಿ ಪ್ರತಿಭೆ

ರಾಷ್ಟ್ರಮಟ್ಟದ ಅಥ್ಲೆಟಿಕ್ಸ್‌ನಲ್ಲಿ ಮಿಂಚಿದ ಗೌಳಿ ಪ್ರತಿಭೆ

ಬನ್ನಿಮಹಾಕಾಳಿ ದೇವಿಗೆ ವಿಶೇಷ ಪೂಜೆ

ಬನ್ನಿಮಹಾಕಾಳಿ ದೇವಿಗೆ ವಿಶೇಷ ಪೂಜೆ

ಗುಳೇದಗುಡ್ಡ: ಕೆರೆಯಲ್ಲಿ ಮುಳುಗಿ ಮಹಿಳೆಯರಿಬ್ಬರ ಸಾವು

ಗುಳೇದಗುಡ್ಡ: ಕೆರೆಯಲ್ಲಿ ಮುಳುಗಿ ಮಹಿಳೆಯರಿಬ್ಬರ ಸಾವು

Singhu border murder- Accused Nihang Saravjeet Singh sent to 7-day judicial custody

ಸಿಂಘು ಗಡಿ ಹತ್ಯೆ ಪ್ರಕರಣ:- ಆರೋಪಿ ನಿಹಾಂಗ್‌ ಸರ್ವಜೀತ್ ಗೆ 7 ದಿನ ಪೊಲೀಸ್‌ ಕಸ್ಟಡಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.