ಮಧ್ಯರಾತ್ರಿ ಆಗಮಿಸಿದ ಹೆಬ್ಟಾವು!
ಫ್ಲ್ಯಾಟ್ ನಿವಾಸಿಗಳ ನಿದ್ದೆ ಭಂಗ
Team Udayavani, Aug 12, 2019, 9:28 PM IST
ಉಡುಪಿ: ಹೆಬ್ಟಾವೊಂದರ ಉಪಟಳದಿಂದಾಗಿ ಫ್ಲ್ಯಾಟ್ ನಿವಾಸಿಗಳು ರಾತ್ರಿ ಇಡೀ ನಿದ್ದೆ ಬಿಟ್ಟ ಘಟನೆ ರವಿವಾರ ರಾತ್ರಿ ನಡೆದಿದೆ.
ಎಂಜಿಎಂ ಕಾಲೇಜು ಬಳಿಯಲ್ಲಿರುವ ಎಸ್ಎಸ್ ರೆಸಿಡೆನ್ಸಿಯಲ್ಲಿ ರಾತ್ರಿ ಸುಮಾರು 2 ಗಂಟೆ ವೇಳೆಗೆ ಈ ಘಟನೆ ನಡೆಯಿತು. ಕಟ್ಟಡದ 4ನೇ ಮಹಡಿ ಏರಿದ ಹೆಬ್ಟಾವು ವೆಂಟಿಲೇಟರ್ ಮೂಲಕ ಕೊಠಡಿ ಸಂಖ್ಯೆ 404ರೊಳಗೆ ಪ್ರವೇಶಿಸಿತ್ತು. ಈ ವೇಳೆ ಭಾರದ ಒತ್ತಡಕ್ಕೆ ಗಾಜು ಒಡೆದ ಕಾರಣ ಮನೆಯವರು ಎಚ್ಚೆತ್ತುಕೊಂಡರು. ನೋಡುವಾಗ ಆಶ್ಚರ್ಯ ಕಾದಿತ್ತು. ಸುಮಾರು 8 ಅಡಿ ಉದ್ದದ ಹೆಬ್ಟಾವು ಅತ್ತಿಂದಿತ್ತ ಹೋಗುತ್ತಿತ್ತು!
ನೆರವಿಗೆ ಬಂದ ಸ್ಥಳೀಯರು
ಫ್ಲ್ಯಾಟ್ ನಿವಾಸಿಗಳ ಈ ಕಾರ್ಯಾಚರಣೆ ರಾತ್ರಿ ಇಡೀ ನಡೆದಿತ್ತು. ಬಳಿಕ ಪಕ್ಕದ ಮನೆಯೊಂದರ ನಿವಾಸಿ ಗೋಪಾಲ್ ಎಂಬವರು ಹಾವನ್ನು ಕೆಳಕ್ಕೆ ಬೀಳಿಸುವಲ್ಲಿ ಯಶಸ್ವಿಯಾದರು. ಬಳಿಕ ಅದನ್ನು ಗೋಣಿಚೀಲಕ್ಕೆ ಹಾಕಿ ಪೆರಂಪಳ್ಳಿ ಬಳಿ ಇರುವ ಕಾಡಿಗೆ ಬಿಡಲಾಯಿತು. ಈ ಎಲ್ಲ ಕಾರ್ಯಾಚರಣೆಗಳು ಮಗಿಯುವಾಗ ಬೆಳಗ್ಗೆ 7 ಸರಿದಿತ್ತು.
4ರಿಂದ 2; 2ರಿಂದ ಮತ್ತೆ 4!
ಆ ಕೊಠಡಿಯಲ್ಲಿದ್ದದ್ದು ಇಬ್ಬರು ಮಾತ್ರ. ಏನು ಮಾಡುವುದೆಂದು ತೋಚದ ಅವರು ಪಕ್ಕದ ಕೊಠಡಿಯವರಿಗೆಲ್ಲ ಮಾಹಿತಿ ನೀಡಿದರು. ಉರಗ ತಜ್ಞರನ್ನು ಸಂಪರ್ಕಿಸುವ ಕೆಲಸ ನಡೆಯಿತಾದರೂ ರಾತ್ರಿ ವೇಳೆಯಾದ ಕಾರಣ ಯಾರು ಕೂಡ ಕರೆ ಸ್ವೀಕರಿಸಲಿಲ್ಲ. ಈ ನಡುವೆ ಹೆಬ್ಟಾವು 4ನೇ ಮಹಡಿಯಿಂದ 2ನೇ ಮಹಡಿಯತ್ತ ಧಾವಿಸಿತು. ಹಾವನ್ನು ಕೆಳಕ್ಕೆ ಬೀಳಿಸುವ ಪ್ರಯತ್ನ ಮಾಡಲಾಯಿತಾದರೂ ಯಶಸ್ವಿಯಾಗಲಿಲ್ಲ. ಜನರು ಉಪಟಳ ಮಾಡುತ್ತಿದ್ದಾರೆ ಎಂದು ಅರಿತುಕೊಂಡೋ ಏನೋ ಹೆಬ್ಟಾವು ಮತ್ತೆ ಸಾಗಿದ್ದು ಅದೇ 4ನೇ ಮಹಡಿಗೆ!
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kaup: ಎ.25ರಿಂದ ಕಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಬ್ರಹ್ಮಕಲಶೋತ್ಸವ, ನಾಗಮಂಡಲ
ಬಂಟರು ಹಾಗೂ ಬಿಲ್ಲವರು ಮೊಗವೀರರ ಎರಡು ಕಣ್ಣುಗಳಿದ್ದಂತೆ: ಕಿರಣ್ ಕುಮಾರ್ ಉದ್ಯಾವರ
Lok Sabha Election-2024; ಕಾಪು ವಿಧಾನಸಭಾ ಕ್ಷೇತ್ರದಲ್ಲಿ ಅಂತಿಮ ಹಂತದ ಸಿದ್ಧತೆ ಪೂರ್ಣ
Modi ಕಲ್ಪನೆಯ ವಿಕಸಿತ ಭಾರತಕ್ಕಾಗಿ ಕೋಟ ಅವರನ್ನು ಗೆಲ್ಲಿಸೋಣ: ಅಣ್ಣಾ ಮಲೈ
Today World Malaria Day; ಕರಾವಳಿಯಲ್ಲಿ ಇಳಿಕೆಯಾಗುತ್ತಿದೆ ಮಲೇರಿಯಾ