ದೊಡ್ಡವರು ಪಡೆದಿದ್ದರಷ್ಟೇ ಮಕ್ಕಳಿಗೆ ಕೋವಿಡ್ ಲಸಿಕೆ
Team Udayavani, Oct 18, 2021, 6:55 AM IST
ಉಡುಪಿ: ನವೆಂಬರ್ನಲ್ಲಿ ಮಕ್ಕಳಿಗೆ ಬರಲಿರುವ ಲಸಿಕೆಯನ್ನು ಯಶಸ್ವಿ ಗೊಳಿಸಲು ಆರೋಗ್ಯ ಇಲಾಖೆ ಎಲ್ಲ ಸಿದ್ಧತೆಗಳನ್ನು ನಡೆಸುತ್ತಿದೆ.
ಮನೆಯಲ್ಲಿ 18 ವರ್ಷಕ್ಕಿಂತ ಮೇಲ್ಪಟ್ಟ ಎಲ್ಲರೂ ಲಸಿಕೆ ಪಡೆದಿದ್ದರೆ ಮಾತ್ರ ಮಕ್ಕಳಿಗೆ ಲಸಿಕೆ ಹಾಕಿಸಲಾಗುತ್ತಿದೆ. ಇಲ್ಲ ವಾದರೆ ಮಕ್ಕಳಿಗೆ ಲಸಿಕೆ ಹಾಕಿಯೂ ಪ್ರಯೋಜನವಿಲ್ಲ. ದೊಡ್ಡವರಿಂದ ಇತರರಿಗೂ ಸೋಂಕು ಹರಡಬಹುದು ಎಂಬುದು ಆರೋಗ್ಯ ಇಲಾಖೆ ಲೆಕ್ಕಾಚಾರ.
12ರಿಂದ 18 ವರ್ಷದ ಮಕ್ಕಳಿಗೆ ಜೈಕೋ ಡಿ ಲಸಿಕೆ ಬರುವ ಸಾಧ್ಯತೆಗಳಿದ್ದು ಕೊವ್ಯಾಕ್ಸಿನ್ ಸಾಧ್ಯತೆ ಕ್ಷೀಣವಾಗಿದೆ. ಕೊವ್ಯಾಕ್ಸಿನ್ಗೆ ಪ್ರಸ್ತಾವನೆ ಕಳುಹಿಸಿದ್ದು ಇನ್ನಷ್ಟೇ ಸರಕಾರ ಅನುಮತಿ ನೀಡಬೇಕಾಗಿದೆ. ಮಕ್ಕಳ ಲಸಿಕೆ ಚುಚ್ಚುಮದ್ದಿನ ರೂಪದಲ್ಲಿರದೆ ಪಂಚ್ ಮಾಡುವ ರೀತಿಯದ್ದಾಗಿದೆ. ಇದು ನೋವು ತಪ್ಪಿಸುವ ಕ್ರಮವಾಗಿದೆ. ದೊಡ್ಡವರಿಗೆ ಎರಡು ಡೋಸ್ ಕೊಡುತ್ತಿದ್ದರೆ, ಮಕ್ಕಳಿಗೆ ಮೂರು ಡೋಸನ್ನು ತಜ್ಞರು ಶಿಫಾರಸು ಮಾಡಿದ್ದಾರೆ ಎಂದು ತಿಳಿದುಬಂದಿದೆ.
ಲಸಿಕೆ ಸಾಧನೆ
ಜಿಲ್ಲೆಯಲ್ಲಿ ಹಿಂದೆ 9 ಲಕ್ಷ ಜನರ ಪರಿಷ್ಕೃತ ಗುರಿಯಲ್ಲಿ ಶೇ. 101 ಸಾಧನೆಯಾದ ಬಳಿಕ ಈಗ 9.99 ಲಕ್ಷಕ್ಕೆ ಪರಿಷ್ಕರಿಸಲಾಗಿದೆ. ಹಿಂದೆ ಇದ್ದ 10.2 ಲಕ್ಷ ಗುರಿಗೂ ಪರಿಷ್ಕೃತ ಗುರಿಗೂ ಬಹಳ ವ್ಯತ್ಯಾಸಗಳಿಲ್ಲ. ಹೀಗಾಗಿ ಇದುವರೆಗೆ ಮೊದಲ ಬಾರಿಯ ಲಸಿಕೆ ನೀಡಿದ ಸಾಧನೆ ಶೇ. 91.36 ಆಗಿದೆ. ಎರಡನೆಯ ಲಸಿಕೆ ಶೇ. 47 ಸಾಧನೆಯಾಗಿದೆ. ಮೊದಲ ಬಾರಿ ಪರಿಷ್ಕೃತಗೊಂಡಾಗ 2ನೇ ಸ್ಥಾನದಲ್ಲಿದ್ದ ಉಡುಪಿ ಜಿಲ್ಲೆ ಮೊದಲಿನಂತೆ ಈಗಿನ ಪರಿಷ್ಕೃತ ಗುರಿಯಲ್ಲಿ 3ನೇ ಸ್ಥಾನದಲ್ಲಿದೆ.
ಇದನ್ನೂ ಓದಿ:ಕೋವಿಡ್: ರಾಜ್ಯದಲ್ಲಿಂದು 326 ಹೊಸ ಪ್ರಕರಣ ಪತ್ತೆ | 380 ಸೋಂಕಿತರು ಗುಣಮುಖ
15 ದಿನಗಳಿಂದ ಮೊದಲ ಡೋಸ್ ತೆಗೆದುಕೊಂಡವರಿಗಿಂತ 2ನೇ ಡೋಸ್ ತೆಗೆದುಕೊಂಡವರ ಸಂಖ್ಯೆ ಹೆಚ್ಚಿದೆ. ನವರಾತ್ರಿಯ 3 ದಿನಗಳಲ್ಲಿ ಉಡುಪಿ ಜಿಲ್ಲೆಯಲ್ಲಿ ಆಯೋಜಿಸಿದ ವಿಶೇಷ ಲಸಿಕಾ ಅಭಿಯಾನದಲ್ಲಿ ಗುರಿ ಮೀರಿ ಸಾಧನೆ ಯಾಗಿದೆ. ಸೋಮವಾರ, ಮಂಗಳವಾರ ತಲಾ 7,000 ಹಾಗೂ ಬುಧವಾರ 12,000 ಲಸಿಕೆ ವಿತರಣೆಯಾಗಿದೆ. ಗುರುವಾರ, ಶುಕ್ರವಾರ ರಜೆ ಇದ್ದರೂ ಕೆಲವು ಲಸಿಕೆ ಕೇಂದ್ರಗಳು ಕಾರ್ಯಾಚರಿಸಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kaup: ಎ.25ರಿಂದ ಕಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಬ್ರಹ್ಮಕಲಶೋತ್ಸವ, ನಾಗಮಂಡಲ
ಬಂಟರು ಹಾಗೂ ಬಿಲ್ಲವರು ಮೊಗವೀರರ ಎರಡು ಕಣ್ಣುಗಳಿದ್ದಂತೆ: ಕಿರಣ್ ಕುಮಾರ್ ಉದ್ಯಾವರ
Lok Sabha Election-2024; ಕಾಪು ವಿಧಾನಸಭಾ ಕ್ಷೇತ್ರದಲ್ಲಿ ಅಂತಿಮ ಹಂತದ ಸಿದ್ಧತೆ ಪೂರ್ಣ
Modi ಕಲ್ಪನೆಯ ವಿಕಸಿತ ಭಾರತಕ್ಕಾಗಿ ಕೋಟ ಅವರನ್ನು ಗೆಲ್ಲಿಸೋಣ: ಅಣ್ಣಾ ಮಲೈ
Today World Malaria Day; ಕರಾವಳಿಯಲ್ಲಿ ಇಳಿಕೆಯಾಗುತ್ತಿದೆ ಮಲೇರಿಯಾ