ಗಂಗೊಳ್ಳಿ: ಜೆಟ್ಟಿ ದುರಸ್ತಿಗೆ 1.98 ಕೋ.ರೂ.

Team Udayavani, Jun 13, 2019, 5:00 AM IST

ಕುಂದಾಪುರ: ಕಳೆದ ಅಕ್ಟೋಬರ್‌ನಲ್ಲಿ ಕುಸಿದುಬಿದ್ದ ಗಂಗೊಳ್ಳಿ ಬಂದರಿನ ಜೆಟ್ಟಿ ದುರಸ್ತಿಗೆ ಬುಧವಾರ ರಾಜ್ಯ ಸರಕಾರ 1.98 ಕೋ.ರೂ. ಮಂಜೂರು ಮಾಡಿದೆ.

ಗಂಗೊಳ್ಳಿ ಮೀನುಗಾರಿಕೆ ಬಂದರಿನಲ್ಲಿ ಡಯಾಫಾರ್ಮ್ ಗೋಡೆ, ಜೆಟ್ಟಿ ಸ್ಲಾಬ್‌ ಕುಸಿದಿದ್ದು ಇದರಿಂದ ದಿನನಿತ್ಯ ಅಲ್ಲಿ ಕೆಲಸ ಮಾಡುವ ಮೀನುಗಾರರ ಜೀವಕ್ಕೆ ಅಪಾಯ ಇದೆ. 2001ರಲ್ಲಿ ಕೊಚ್ಚಿಯ ಮೆ. ಜಿಯೋ ಟೆಕ್‌ ಕನ್‌ಸ್ಟ್ರಕ್ಷನ್‌ ಕಂಪೆನಿ 403 ಮೀ. ದ‌ಕ್ಕೆ ಹಾಗೂ 2 ಹರಾಜು ಮಳಿಗೆಗಳನ್ನು ನಿರ್ಮಿಸಲು ಗುತ್ತಿಗೆ ಪಡೆದು 2007ರಲ್ಲಿ ಕಾಮಗಾರಿ ಪೂರೈಸಿತ್ತು. ಆದರೆ 2010ರಲ್ಲಿ ಇಲಾಖೆಯ ಮುಖ್ಯ ಎಂಜಿನಿಯರ್‌ ಭೇಟಿ ನೀಡಿದಾಗ ಕಾಮಗಾರಿಯಲ್ಲಿ ಲೋಪವಾಗಿ ಗೋಡೆಗೆ ಹಾನಿಯಾಗಿರು ವುದು ಕಂಡು ಬಂದಿತ್ತು. ಮೂಲ ಗುತ್ತಿಗೆದಾರರೇ ಇದನ್ನು ಅವರದ್ದೇ ಖರ್ಚಿನಲ್ಲಿ ಸರಿಪಡಿಸ ಬೇಕೆಂದೂ ಪತ್ರ ಬರೆಯಲಾಗಿತ್ತು. ಆದರೆ ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ಜೆಟ್ಟಿ ಕುಸಿದೇ ಹೋಗಿತ್ತು. ಇದರ ದುರಸ್ತಿಗೆ 1.98 ಕೋ.ರೂ.ಗಳ ಅಂದಾಜುಪಟ್ಟಿ ತಯಾರಿಸಿ ಕಳುಹಿಸಿದ್ದು ಬುಧವಾರ ಮೀನುಗಾರಿಕೆ ನಿರ್ದೇಶನಾಲಯ ಆಡಳಿತಾತ್ಮಕ ಅನುಮೋದನೆ ನೀಡಿದೆ. ಜತೆಗೆ ಮೀನುಗಾರಿಕೆ ಬಂದರು, ಇಳಿದಾಣ ಸೌಕರ್ಯ, ಮೀನುಗಾರಿಕೆ ಬಂದರುಗಳ, ಇಳಿದಾಣ ಕೇಂದ್ರಗಳ ನವೀ ಕರಣಕ್ಕೆ 2019-20ನೇ ಸಾಲಿನ ಅನುದಾನದಲ್ಲಿ ನಿರ್ಮಿಸುವಂತೆ ಅನುಮತಿ ನೀಡಲಾಗಿದೆ.

ಜೆಟ್ಟಿಯ ಸ್ಲಾಬ್‌ ಕುಸಿತದಿಂದಾಗಿ ಮೀನುಗಾರಿಕೆ ಮುಗಿಸಿ ಬರುವ ಬೋಟು, ದೋಣಿಗಳಿಂದ ಮೀನು ಇಳಿಸಲು ಜಾಗದ ಅಭಾವವಾ ಗುತ್ತದೆ. ಅದರೊಂದಿಗೆ ಅಲ್ಲಿ ಚಟುವಟಿಕೆ ನಡೆಸಿದರೆ ಮತ್ತಷ್ಟು ಕುಸಿಯುವ ಸಂಭವವೂ ಇತ್ತು. ನೀತಿ ಸಂಹಿತೆಕಾರಣದಿಂದ ಅನುದಾನ ಮಂಜೂರಾತಿ ವಿಳಂಬವಾಗಿತ್ತು. ಈ ಕುರಿತು ಉದಯವಾಣಿ ಸತತ ವರದಿ ಮಾಡಿತ್ತು.

ಸರಕಾರಕ್ಕೆ ದುರಸ್ತಿಗೆ 1.98 ಕೋ.ರೂ. ಮಂಜೂರಾತಿಗೆ ಅಂದಾಜುಪಟ್ಟಿ ಕಳುಹಿಸಲಾಗಿತ್ತು. ಬೆಂಗಳೂರಿನಲ್ಲಿರುವ ಮೀನು ಗಾರಿಕೆ ನಿರ್ದೇಶನಾಲಯ ಈ ಪ್ರಸ್ತಾವನೆಗೆ ಬುಧವಾರ ಆಡಳಿತಾತ್ಮಕ ಮಂಜೂರಾತಿ ನೀಡಿದೆ. ಬೆಂಗಳೂರಿನ ಸಿಐಸಿಇಎಫ್ ಸಂಸ್ಥೆಯ ತಾಂತ್ರಿಕ ಸಲಹೆಯಂತೆ ಕಾಮಗಾರಿ ನಿರ್ವಹಿಸಲು ಸೂಚಿಸಿದೆ.
– ಎಂ.ಎಲ್. ದೊಡ್ಮಣಿ, ಜಂಟಿ ನಿರ್ದೇಶಕ (ಪ್ರಭಾರ) ಮೀನುಗಾರಿಕಾ ಇಲಾಖೆ, ಉಡುಪಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ