ಸ್ಲಿಂ ಆಗೋದಕ್ಕೆ ಏನ್ ಮಾಡ್ಬೇಕು..?
ನಿತ್ಯ ಜೀವನದಲ್ಲಿನ ಅಭ್ಯಾಸಗಳಿಂದಲೇ ಫಿಟ್ ನೆಸ್ ಕಾಪಾಡಬಹುದು
Team Udayavani, Aug 19, 2019, 8:15 AM IST
ಸ್ಲಿಂ ಅಗ್ಬೇಕು ಅಂತ ಬಯಸಿ ಆಹಾರದಲ್ಲಿ ನಿಯಂತ್ರಣ ಹೊಂದುವ ಅಥವಾ ರಾತ್ರಿ ಆಹಾರ ಸೇವಿಸದೇ ಇರುವ ಹವ್ಯಾಸವನ್ನು ಬೆಳೆಸಿಕೊಂಡಿದ್ದೀರಾ. ಹಾಗಾದರೆ ಇಂದೇ ಆ ಹವ್ಯಾಸವನ್ನು ಬಿಟ್ಟುಬಿಡಿ. ಏಕೆಂದರೆ ಇದರಿಂದಾಗಿ ನಾವು ಅನೇಕ ಆರೋಗ್ಯ ಸಂಬಂಧಿತ ಸಮಸ್ಯೆಗಳನ್ನು ಎದುರಿಸಬೇಕಾದ ಪ್ರಮೇಯವೂ ಬರಬಹುದು. ಹಾಗಾಗಿ ನಾವು ಮಾಡಬೇಕಾಗಿರುವುದು ಏನು, ತೂಕ ಇಳಿಕೆಗೆ ಸರಿಯಾದ ಕ್ರಮ ಯಾವುದು ಎಂಬ ಹಾದಿ ಹುಡುಕುತ್ತಿದ್ದೀರಾ. ಇದಕ್ಕೆ ಉತ್ತರ ನಮ್ಮ ಬಳಿಯೇ ಇದೆ.
ಹೆಚ್ಚು ಹಣ ವ್ಯಯ ಮಾಡದೆ, ದಿನ ನಿತ್ಯದ ಜೀವನದಲ್ಲಿ ನಾವು ವ್ಯಾಯಾಮ ಮಾಡುವ ಹವ್ಯಾಸವನ್ನು ಬೆಳೆಸಿಕೊಂಡೆವು ಎಂದಾದಲ್ಲಿ ನಮ್ಮ ದೇಹದಲ್ಲಿ ತುಂಬುವ ಕೊಬ್ಬನ್ನು ಕರಗಿಸಿ, ಸ್ಲಿಂ ಆ್ಯಂಡ್ ಫೈನ್ ಅಗುವುದು ಸಾಧ್ಯ.
ನಮ್ಮ ಪ್ರತಿ ಬೆಳಗಿನ ಆರಂಭವೂ ವ್ಯಾಯಾಮ ಮಾಡುವುದರ ಜತೆಗೆ ಆದರೆ ನಮ್ಮ ದೇಹ ಹೆಚ್ಚು ಸದೃಢವಾಗುವುದಕ್ಕೆ ಸಾಧ್ಯವಾಗುತ್ತದೆ. ಸೂರ್ಯೋದಯ ಮತ್ತು ಸೂರ್ಯಾಸ್ತದ ಸಂದರ್ಭದಲ್ಲಿ ನಮ್ಮ ದೇಹವನ್ನು ಹೆಚ್ಚು ದಂಡನೆಗೆ ಗುರಿಪಡಿಸಿಕೊಂಡೆವು ಎಂದಾದಲ್ಲಿ ನಮ್ಮ ದೇಹದಲ್ಲಿನ ರಕ್ತ ಪರಿಚಲನೆ ಸರಾಗವಾಗಿ ನಡೆಯುವುದು ಸಾಧ್ಯವಾಗುತ್ತದೆ. ಅದರ ಜತೆಗೆ ಪಚನ ಕ್ರಿಯೆಯ ಮೇಲೆಯೂ ಇದು ಸತ್ಪರಿಣಾಮವನ್ನು ಬೀರುತ್ತದೆ. ನಮ್ಮ ದೈಹಿಕ ಆರೋಗ್ಯದ ಜತೆಗೆ ಮಾನಸಿಕ ಸ್ಥಿರತೆಯ ಮೇಲೆಯೂ ವ್ಯಾಯಾಮ ಒಳ್ಳೆಯ ಪರಿಣಾಮ ಬೀರುತ್ತದೆ ಎನ್ನುವುದರಲ್ಲಿ ಯಾವುದೇ ಸಂಶಯ ಬೇಡ.
ಇನ್ನು ನಾವು ಸೇವಿಸುವ ಆಹಾರ ಕ್ರಮದ ಮೇಲೆಯೂ ಹಿಡಿತವನ್ನು ಸಾಧಿಸುವುದು ತೀರಾ ಮುಖ್ಯ. ಸಿಕ್ಕಿ ಸಿಕ್ಕಿದ್ದೆಲ್ಲವನ್ನೂ ತಿಂದು ನಮ್ಮ ಆರೋಗ್ಯವನ್ನು ಹಾಳುಗೆಡಿಸಿಕೊಳ್ಳುವ ಬದಲು, ಏನಾದರೂ ಅರೋಗ್ಯಕರ ಅಂಶಗಳನ್ನು ಹೆಚ್ಚು ಹೊಂದಿರುವಂತಹ ತಿನಿಸುಗಳನ್ನು ಸೇವಿಸುವತ್ತ ಗಮನ ಹರಿಸಿದೆವು ಎಂದಾದಲ್ಲಿ ನಮ್ಮ ದೇಹ, ಮನಸ್ಸುಗಳೆರಡೂ ಸದಾ ಚೈತನ್ಯದಿಂದಿರುವುದು ಸಾಧ್ಯ. ಆದಷ್ಟು ಮಟ್ಟಿಗೆ ಜಂಕ್ ಫುಡ್ಗಳಿಂದ ದೂರವಿದ್ದರೆ ನಮ್ಮ ದೇಹದಲ್ಲಿ ಕೊಬ್ಬಿನಾಂಶ ಸಮಗ್ರಹವಾಗುವುದನ್ನು ತಡೆಯುವುದು ಸಾಧ್ಯ. ಜತೆಗೆ ಮುಖ್ಯವಾಗಿ ಅಗಾಗ್ಗೆ ನೀರು ಕುಡಿಯುವುದು ಸಹ ದೇಹವನ್ನು ಫಿಟ್ ಆ್ಯಂಡ್ ಫೈನ್ ಆಗಿ ಇಟ್ಟುಕೊಳ್ಳುವುದಕ್ಕೆ ಪೂರಕ.
ಇವಿಷ್ಟು ಕ್ರಮ ನಮ್ಮ ಜೀವನ ಶೈಲಿಯ ರೂಢಿಯೊಳಗೆ ಸೇರಿ ಬಿಟ್ಟರೆ ನಮ್ಮ ಫಿಟ್ನೆಸ್ಗೆ ಇನ್ಯಾವುದರ ಅಗತ್ಯವೂ ಬೇಕಾಗಿಲ್ಲ. ಅಳವಡಿಸಿ ನೋಡಿ.
– ಭುವನ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Udupi ಶ್ರೀಕೃಷ್ಣ ಮಠ ; ಸುಂದರಕಾಂಡ ಪ್ರವಚನಕ್ಕೆ ಚಾಲನೆ
ಜಯಪ್ರಕಾಶ್ ಹೆಗ್ಡೆ ಗೆಲುವು ಖಚಿತ: ಕೆಪಿಸಿಸಿ ವಕ್ತಾರ ಸುಧೀರ್ ಕುಮಾರ್ ಮುರೊಳ್ಳಿ
ಓಲೈಕೆ ರಾಜಕಾರಣ ಮಾಡುವ ಕಾಂಗ್ರೆಸ್ಗೆ ಜನ ತಕ್ಕ ಪಾಠ ಕಲಿಸಲಿದ್ದಾರೆ: ಮಂಜು
ಕಾರ್ಗಿಲ್ ಯೋಧ ಮೆಲ್ವಿನ್ ಆಳ್ವರಿಗೆ ಮಿಲಿಟರಿ ಗೌರವ ಸಹಿತ ಅಂತ್ಯಸಂಸ್ಕಾರ
ರಾಜ್ಯಕ್ಕೆ ಅನ್ಯಾಯವಾದಾಗ ಸ್ಪಂದಿಸದ ಕೇಂದ್ರ ಸರಕಾರ: ಇಂಧನ ಸಚಿವ ಜಾರ್ಜ್