“ಕಣ್ಣು ದಾನ ದೃಷ್ಟಿ ತೆರೆಸುವ ಮಹಾದಾನ’

Team Udayavani, Sep 2, 2017, 7:35 AM IST

ಕಾರ್ಕಳ:  ಸತ್ತ ಮೇಲೆ ಮಣ್ಣಾಗುವ ಕಣ್ಣನ್ನು ದಾನ ಮಾಡಿದರೆ ಇನ್ನೊಬ್ಬ ಮನುಷ್ಯನ ಜೀವನಕ್ಕೆ ಬೆಳಕು ನೀಡಿದಂತೆ. ಕಣ್ಣು ದಾನ ಕಣ್ಣು ತೆರೆಸುವ ಮಹಾದಾನ. ವ್ಯಕ್ತಿ ಸತ್ತ 6 ಗಂಟೆಯ ಒಳಗಾಗಿ ಕಣ್ಣನ್ನು ನೀಡಬೇಕಾಗುತ್ತದೆ. ಒಬ್ಬ ವ್ಯಕ್ತಿಯ ಕಣ್ಣು ಇಬ್ಬರು ಅಂಧರಿಗೆ ಬೆಳಕಾಗಬಲ್ಲದು ಎಂದು ನಿಟ್ಟೆಯ ಗಾಝಿÅಯಾ ಆಸ್ಪತ್ರೆಯ ನೇತ್ರತಜ್ಞ ಡಾ| ಸುಬ್ಬಣ್ಣ ಶೆಟ್ಟಿ ಹೇಳಿದ್ದಾರೆ.

ಅವರು ಇತ್ತೀಚೆಗೆ ಶ್ರೀ ಭುವನೇಂದ್ರ ಕಾಲೇಜಿನ ಯೂತ್‌ ರೆಡ್‌ಕ್ರಾಸ್‌ ವಿಂಗ್‌ನ್ನು ಉದ್ಘಾಟಿಸಿ ಮಾತನಾಡಿದರು.ಪ್ರಾಂಶುಪಾಲ ಡಾ| ಮಂಜುನಾಥ ಎ. ಕೋಟ್ಯಾನ್‌ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಉಪನ್ಯಾಸಕರು ಹಾಗೂ ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ರೆಡ್‌ ಕ್ರಾಸ್‌ನ ಸಂಯೋಜಕ ಪ್ರೊ| ಶಿವಕುಮಾರ್‌ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ವಿದ್ಯಾರ್ಥಿನಿ ಗೀತಿಕಾ ಕಾರ್ಯಕ್ರಮ ನಿರೂಪಿಸಿದರು. ಸೌಮ್ಯಾ ಸ್ವಾಗತಿಸಿ, ನಿಶ್ಮಿತಾ ವಂದಿಸಿದರು.