ಪಡುಬಿದ್ರಿ: 1 ವರ್ಷದಿಂದ ಉರಿಯದ ಹೈಮಾಸ್ಟ್‌ ದೀಪಗಳು

 ಗುತ್ತಿಗೆದಾರ ಸಂಸ್ಥೆಯಿಂದ ನಿರ್ಲಕ್ಷ್ಯ

Team Udayavani, Feb 16, 2020, 5:29 AM IST

ಪಡುಬಿದ್ರಿ: ರಾಷ್ಟ್ರೀಯ ಹೆದ್ದಾರಿ 66ರ ಪಡುಬಿದ್ರಿ ಭಾಗದಲ್ಲಿ ಅಳವಡಿಸಲಾಗಿರುವ ಹೈ ಮಾಸ್ಟ್‌ ದೀಪಗಳು ಉರಿಯದೆ ವರ್ಷವೇ ಉರುಳಿದೆ. ಕತ್ತಲಾಗುತ್ತಿದ್ದಂತೆಯೇ ಸಂಚಾರಿಗಳು, ಪಾದಾಚಾರಿಗಳು ಸಂಚಾರಕ್ಕೆ ಪರದಾಡಬೇಕಾಗಿದೆ. ಆದ್ದರಿಂದ ರಾತ್ರಿ ಸಂಚಾರ ಇಲ್ಲಿ ಅಪಾಯಕಾರಿಯಾಗಿದೆ. ಈಗಾಗಲೇ ವಿದ್ಯುತ್‌ ಕಂಬಕ್ಕೂ ವಾಹನ ಬಡಿದು ಅಪಘಾತ ಸಂಭವಿಸಿದ ನಿದರ್ಶನಗಳಿವೆ.

ಬೀದಿದೀಪಗಳು ಇಲ್ಲದ್ದ ರಿಂದ ಪಡುಬಿದ್ರಿ ಕಲ್ಸಂಕದಿಂದ ಪೇಟೆಯ ಪ್ರದೇಶ ಹಾಗೂ ಪೇಟೆಯಿಂದ ಪಡುಬಿದ್ರಿ ಬೀಡುವರೆಗೆ ಸುಗಮ ಸಂಚಾರಕ್ಕೆ ಅನುಕೂಲವಾಗಿಲ್ಲ. ಸವೀಸ್‌ ರಸ್ತೆಗಳೂ ಪೂರ್ಣಗೊಳ್ಳದೇ ಪರಿಸ್ಥಿತಿ ಮತ್ತಷ್ಟು ಬಿಗಡಾಯಿಸಿದೆ. ಕಾಮಗಾರಿಯಲ್ಲಿನ ವಿಫ‌ಲತೆ, ವಿಳಂಬ ಜನರನ್ನು ಅಸುರಕ್ಷಿತ ಪರಿಸರಕ್ಕೆ ದೂಡಿದೆ. ಹೆದ್ದಾರಿಯ ಅಂಚೂ ಹೊಂಡಗಳಿಂದ ಕೂಡಿದ್ದು ಅಪಾಯವನ್ನು ಆಹ್ವಾನಿಸುತ್ತಿವೆ. ವಾಹನಗಳು ಬಂದಾಗ ಸರ್ವೀಸ್‌ ರಸ್ತೆ ನಿರ್ಮಾಣಕ್ಕಾಗಿ ಅಗೆದು ತೆರೆದಿರಿಸಿದ ಹೊಂಡಗಳು ಗಮನಕ್ಕೆ ಬಾರದೇ ಅಪಾಯ ಉಂಟಾಗುತ್ತಿದೆ. ಹೈಮಾಸ್ಟ್‌ ದೀಪಗಳನ್ನು ಸ್ಥಾಪಿಸಿದ್ದು ಬಿಟ್ಟರೆ ಅವುಗಳ ನಿರ್ವಹಣೆಯನ್ನು ಸಂಬಂಧಪಟ್ಟವರು ಮರೆತಂತಿದೆ ಎಂದು ಜನರು ಆರೋಪಿಸುತ್ತಾರೆ.

ಇದ್ದ ಸವಲತ್ತುಗಳೂ ಇಲ್ಲ
ವರ್ಷಾನುಗಟ್ಟಲೆ ಚತುಃಷ್ಪಥ ಹೆದ್ದಾರಿ ಮತ್ತು ಸರ್ವೀಸ್‌ ರಸ್ತೆಗಳನ್ನು ಮುಗಿಸದೇ ಇರುವುದು ಪಡುಬಿದ್ರಿ ಜನತೆಗೆ ಇನ್ನಿಲ್ಲದ ಸಮಸ್ಯೆಯಾಗಿ ಕಾಡುತ್ತಿದೆ. ಹೆದ್ದಾರಿ ಅವ್ಯವಸ್ಥೆಗೆ ಕಾರಣವಾದ ನವಯುಗ ನಿರ್ಮಾಣ ಕಂಪೆನಿಯನ್ನು ಕಪ್ಪು ಪಟ್ಟಿಗೂ ಸೇರಿಸಿಲ್ಲ. ಹೆದ್ದಾರಿಯಾಗಲಿದೆ, ಸರ್ವಿಸ್‌ ರಸ್ತೆ, ಉತ್ತಮ ದೀಪಗಳ ಕನಸನ್ನು ಅಂದು ಕಾಮಗಾರಿ ಆರಂಭದ ವೇಳೆ ಜನತೆ ಕಂಡಿದ್ದರು. ಆದರೆ ಈಗ ಹೆದ್ದಾರಿ ಕೆಲಸವೂ ಆಗಿಲ್ಲ. ಸ್ಥಳೀಯಾಡಳಿತ ಒದಗಿಸಿದ್ದ ಬೀದಿದೀಪಗಳನ್ನೂ ಕಿತ್ತು ಹಾಕಿ ಇದ್ದ ಸವಲತ್ತೂ ಇಲ್ಲದಂತಾಗಿದೆ. ಹಳೆಯದೇ ಒಳ್ಳೆಯದಿತ್ತು ಎಂದು ಜನತೆ ಮರು ನನೆನಪಿಸುವಂತಾಗಿದೆ. ಇನ್ನಾದರೂ ಸಂಬಂಧ±ಟ್ಟವರು ಎಚ್ಚೆತ್ತುಕೊಳ್ಳಬೇಕು ಎಂಬುದು ಆಗ್ರಹವಾಗಿದೆ.

ಕಾಮಗಾರಿ ಬಳಿಕ ಟೋಲ್‌ಗೆ ಸೇರ್ಪಡೆ
ಪಡುಬಿದ್ರಿಯ ಸುಮಾರು 3ಕಿ. ಮೀ ರಸ್ತೆಯು ಇನ್ನೂ ಪೂರ್ಣಗೊಂಡಿಲ್ಲ. ಕಲ್ಸಂಕ ಸೇತುವೆಯ ಕಾಮಗಾರಿ ಈಗಷ್ಟೇ ಆರಂಭಗೊಂಡಿದೆ. ಸರ್ವಿಸ್‌ ರಸ್ತೆ, ಸೇತುವೆ ಕಾಮಗಾರಿಗಳೆಲ್ಲವೂ ಪೂರ್ಣಗೊಂಡಾಗ ಈ ಹೈ ಮಾಸ್ಟ್‌ ದೀಪಗಳಿಗೆ ಕನೆಕ್ಷನ್‌ ನೀಡಬಹುದು. ಅಲ್ಲಿವರೆಗೂ ಪಡುಬಿದ್ರಿಯ 3 ಕಿ.ಮೀ. ಹೆದ್ದಾರಿಯು ಹೆಜಮಾಡಿ ಟೋಲ್‌ಗೆ ಒಳಪಡುತ್ತಿಲ್ಲ ಎಂದು ಹೆಜಮಾಡಿ ಟೋಲ್‌ಗೇಟ್‌ ಪ್ರಬಂಧಕ ಶಿವಪ್ರಸಾದ್‌ ರೈ ಹೇಳಿದ್ದಾರೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ