“ದುಡಿಮೆಯ ಸ್ವಲ್ಪ ಅಂಶ ಬಡಜನರ ಸೇವೆಗೆ ಮೀಸಲಿಡಿ’

Team Udayavani, Sep 2, 2017, 7:25 AM IST

ಉಡುಪಿ: ಗಣಪತಿಯ ಸೇವೆ ಯೊಂದಿಗೆ ಸಮಾಜಕ್ಕೆ  ಪ್ರಯೋಜನ ಕಾರಿಯಾಗುವಂತ   ಕೆಲಸವಾಗಬೇಕು.ಮಾತ್ರವಲ್ಲದೆ ತಮ್ಮ  ದುಡಿಮೆಯಲ್ಲಿ  ಸ್ವಲ್ಪ ಅಂಶವನ್ನು ಬಡಜನರ ಸೇವೆಗೆ ಮೀಸಲು ಇಡಬೇಕು. ಆಗ ಗಣಪತಿಯ ಪರಿಪೂರ್ಣ  ಅನುಗ್ರಹ ನಮ್ಮ ಮೇಲೆ ಇರುತ್ತದೆ ಎಂದು ಮೈಸೂರಿನ ಖ್ಯಾತ ಹೃದ್ರೋಗ ತಜ್ಞ ಡಾ| ಪಿ.ಹರಿದಾಸ ಉಪಾಧ್ಯ ಹೇಳಿದರು.

ಅವರು ಸೆ. 31ರಂದು ಪರ್ಕಳ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಇದರ ಸುವರ್ಣ ಮಹೋತ್ಸವದ  ಸುವರ್ಣ ಸಂಗಮದ ಅಂಗವಾಗಿ ನಡೆದ ಸಭಾ ಕಾರ್ಯಕ್ರಮವನ್ನು   ಉದ್ಘಾಟಿಸಿ ಮಾತನಾಡಿದರು. ಮಣಿಪಾಲ ವಿಶ್ವವಿದ್ಯಾಲಯದ ಉಪಕುಲಪತಿ ಡಾ| ಜಿ.ಕೆ.ಪ್ರಭು ಅಧ್ಯಕ್ಷತೆ ವಹಿಸಿದರು.

ಮಾಜಿ ಶಾಸಕ  ಲಾಲಾಜಿ ಮೆಂಡನ್‌, ನ್ಯಾಯವಾದಿ  ಮಟ್ಟಾರು ರತ್ನಾಕರ ಹೆಗ್ಡೆ , ಬೆಂಗಳೂರು ಉದ್ಯಮಿ  ಪಿ. ಕೃಷ್ಣಮೂರ್ತಿ ಉಪಾಧ್ಯ, ರೋಟರಿಯ ಬಾಲಕೃಷ್ಣ  ಮಧ್ದೋಡಿ, ಸುವರ್ಣ ಮಹೋತ್ಸವ ಸಮಿತಿಯ ಗೌರವ ಅಧ್ಯಕ್ಷರಾದ  ಶ್ರೀನಿವಾಸ ಉಪಾಧ್ಯ, ಕಬ್ಯಾಡಿ ಜಯರಾಮ ಆಚಾರ್ಯ, ಪಿ.ಬಾಲಕೃಷ್ಣ  ನಾಯಕ್‌,  ದಿನೇಶ ಶೆಟ್ಟಿ  ಹೆರ್ಗ, ಸಂಚಾಲಕ ದಿಲೀಪ್‌ ರಾಜ್‌ ಹೆಗ್ಡೆ,  ಉಪಾಧ್ಯಕ್ಷ ಸುಬ್ರಾಯ ಆಚಾರ್ಯ, ಕೋಶಾಧಿಕಾರಿ ಪ್ರಮೋದ ಕುಮಾರ್‌, ಆಚರಣಾ ಸಮಿತಿಯ ಕಾರ್ಯದರ್ಶಿ ಮನೋ ಜ್‌  ಹೆಗ್ಡೆ   ಉಪಸ್ಥಿತರಿದ್ದರು.ಪ್ರಧಾನ ಕಾರ್ಯದರ್ಶಿ ದಿನಕರ ಶೆಟ್ಟಿ ಹೆರ್ಗ ಸ್ವಾಗತಿಸಿದರು. ಉಪಾಧ್ಯಕ್ಷ ಶಿವರಾಮ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು. ಸಾರ್ವಜನಿಕ ಸಂಪರ್ಕ ಅಧಿಕಾರಿ ದಿನೇಶ ಹೆಗ್ಡೆ ಆತ್ರಾಡಿ ಪ್ರಸ್ತಾವನೆ ಗೈದರು. ಅಧ್ಯಕ್ಷ  ಮಹೇಶ ಠಾಕೂರ್‌  ವಂದಿಸಿದರು.