ಕಾರ್ಕಳಕ್ಕೆ ರಿಂಗ್‌ರೋಡ್‌: ಕೇಂದ್ರದ ಆರಂಭಿಕ ಒಪ್ಪಿಗೆ

Team Udayavani, Mar 20, 2018, 8:15 AM IST

ಕಾರ್ಕಳ: ಕಾರ್ಕಳಕ್ಕೆ ರಿಂಗ್‌ ರೋಡ್‌ ನಿರ್ಮಿಸುವ ಉದ್ದೇಶದಿಂದ 100 ಕೋ.ರೂ.ಗಳ ಪ್ರಸ್ತಾವನೆ ಮಾಡಿ ಕೇಂದ್ರ ಸರಕಾರಕ್ಕೆ ಕಳುಹಿಸಲಾಗಿತ್ತು. ಬಜೆಟ್‌ನಲ್ಲಿ ಅದಕ್ಕೆ ಆರಂಭಿಕ ಒಪ್ಪಿಗೆ ದೊರೆತಿದೆ ಎಂದು ಶಾಸಕ ವಿ. ಸುನಿಲ್‌ ಕುಮಾರ್‌ ಮಾ. 19ರಂದು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಜೋಡು ರಸ್ತೆಯಿಂದ ಆರಂಭವಾಗಿ ಪೆರ್ವಾಜೆ ದೇವಸ್ಥಾನದ ರಸ್ತೆಗೆ ಸಂಪರ್ಕಿಸಿ, ಮುಂದುವರಿದು ಕೋಟಿಚೆನ್ನಯ ಥೀಂ ಪಾರ್ಕ್‌ನ ವೃತ್ತವಾಗಿ ಅನಂತರ ಅದನ್ನು ಮೀಯ್ನಾರು ರಸ್ತೆಗೆ ಸಂಪರ್ಕಿಸುವ 10 ಕಿ.ಮೀ.  ದ್ವಿಪದ ರಸ್ತೆಯಾಗಿ ನಿರ್ಮಾಣವಾಗಲಿದೆ. ನಗರದ ವಿಸ್ತರಣೆ,  ವಾಹನ ಸಂಚಾರ ಕಡಿಮೆಗೊಳಿಸುವ ದೃಷ್ಟಿಯಿಂದ ಈ ರಸ್ತೆ ಪ್ರವಾಸಿಗರಿಗೆ ತುಂಬಾ ಅನುಕೂಲವಾಗಲಿದೆ. ಭೂಸ್ವಾಧೀನದ ಪ್ರಕ್ರಿಯೆ  ಪ್ರಾರಂಭಿಸುವ ಚಿಂತನೆ ನಡೆಸಲಾಗಿದೆ. ಜತೆಗೆ ಕರಡು ನಕ್ಷೆ ಕೂಡ ಸಿದ್ದಪಡಿಸಲಾಗಿದೆ. ಕಾರ್ಕಳದ ಈಗಿರುವ ರಸ್ತೆ ದಟ್ಟಣೆ ಸರಿದೂಗಿಸಿ ಮತ್ತಷ್ಟು ಚೆನ್ನಾಗಿ ಮಾಡುವ ಉದ್ದೇಶದಿಂದ ಪ್ರಸ್ತಾವನೆ ಮಾಡಿ ಕೇಂದ್ರ ಸರಕಾರಕ್ಕೆ ಕೆಲವು ತಿಂಗಳ ಹಿಂದೆ ಕಳುಹಿಸಲಾಗಿತ್ತು ಎಂದರು. 

ಆನೆಕೆರೆ ಅಭಿವೃದ್ಧಿಪಡಿಸುವ ಹಿನ್ನೆಲೆಯಲ್ಲಿ ಕಳೆದ 6 ತಿಂಗಳ ಹಿಂದೆ ಕೇಂದ್ರಕ್ಕೆ ಪ್ರಸ್ತಾವನೆ ಕಳುಹಿಸಲಾಗಿತ್ತು. ಕೇಂದ್ರ ಸರಕಾರ ಈಗಾ ಗಲೇ ರಾಜ್ಯದ ಸಂಬಂಧಪಟ್ಟ ಇಲಾಖೆಗೆ ಪತ್ರ ಬರೆದಿದೆ.  ಕೇಂದ್ರದ ಭಾರತ ದರ್ಶನ ಯೋಜನೆಯಡಿಯಲ್ಲಿ  ಕೈಗೆತ್ತಿಕೊಳ್ಳ ಲಿದೆ. ಹೀಗಾಗಿ ಅಂದಾಜು ಪಟ್ಟಿ ತತ್‌ಕ್ಷಣ ಸಲ್ಲಿಸಬೇಕು ಎಂದು ಡಿ.ಸಿ.ಗೆ ಪತ್ರ ಬರೆಯ ಲಾಗಿದೆ. ಕಾರ್ಕಳದಲ್ಲಿ ಹೊಸ ಲೈಬ್ರೇರಿ ನಿರ್ಮಾಣಕ್ಕೆ 1 ಕೋ.ರೂ. ಬಿಡುಗಡೆಯಾ ಗಿದೆ. ಇ-ಲೈಬ್ರೇರಿ ಒಳಗೊಂಡ ಸುಸಜ್ಜಿತ ಲೈಬ್ರೆರಿಯ ಟೆಂಡರ್‌ ಪ್ರಕ್ರಿಯೆ  ಆರಂಭ ವಾಗಿದೆ. ಹೈಸ್ಕೂಲ್‌ನಿಂದ ಮೆಡಿಕಲ್‌ ವಿದ್ಯಾರ್ಥಿಗಳವರೆಗೂ ಎಲ್ಲ ರೀತಿಯ ಪುಸ್ತಕ, ಮಾಹಿತಿ ಒಳಗೊಂಡಿರಲಿದೆ ಎಂದರು.