“ಆರ್ಥಿಕ ಸದೃಢತೆಗೆ ಕಠಿನ ಕಾನೂನು ಅನಿವಾರ್ಯ’

Team Udayavani, Sep 10, 2019, 5:31 AM IST

ಉಡುಪಿ: ದೇಶದಲ್ಲಿ ನಲುಗಿ ಹೋಗಿರುವ ಆರ್ಥಿಕತೆಯನ್ನು ಸರಿದಾರಿಗೆ ತರುವ ನಿಟ್ಟಿನಲ್ಲಿ ಕೇಂದ್ರ ಸರಕಾರವು ಕಠಿನ ಕಾನೂನುಗಳನ್ನು ಜಾರಿಗೆ ತರುತ್ತಿದೆ. ಈ ನಿರ್ಧಾರಗಳು ಪ್ರಸ್ತುತ ಸನ್ನಿವೇಶಕ್ಕೆ ಹೊರೆ ಎಂದೆನಿಸಿದರೂ ದೇಶದ ಆರ್ಥಿಕತೆ ಮುಂದಿನ ಪೀಳಿಗೆಗೆ ಉತ್ತಮ ರೀತಿಯಲ್ಲಿ ತಲುಪಬೇಕಾದರೆ ಇಂತಹ ಕಠಿನ ನಿರ್ಧಾರಗಳು ಅಗತ್ಯ ಎಂದು ಶಾಸಕ ಕೆ. ರಘುಪತಿ ಭಟ್‌ ಹೇಳಿದರು.

ಇನ್‌ಸ್ಟಿಟ್ಯೂಟ್‌ ಆಫ್ ಚಾರ್ಟರ್ಡ್‌ ಅಕೌಂಟೆಂಟ್‌ನ ಉಡುಪಿ ಶಾಖೆಯಲ್ಲಿ ಸೋಮವಾರ ನಡೆದ ಲೀಗಸಿ ಡಿಸ್ಪೂéಟ್‌ ರೆಸೊಲೂಷನ್‌ ಸ್ಕೀಮ್‌ 2019 -ಸಬ್‌ಕಾ ವಿಶ್ವಾಸ್‌ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಕಠಿನ ಕಾನೂನುಗಳಿಂದಾಗಿ ನ್ಯಾಯಯುತವಾಗಿ ತೆರಿಗೆ ಪಾವತಿಸುವವರಿಗೆ ಯಾವುದೇ ತೊಂದರೆಯಿಲ್ಲ. ಆದರೆ ಇಲ್ಲಿಯವರೆಗೂ ತೆರಿಗೆ ಪಾವತಿಸದವರಿಗೆ ಇದರಿಂದ ಸಮಸ್ಯೆ ಉಂಟಾಗುತ್ತಿದೆ. ಎಲ್ಲರೂ ಪ್ರಾಮಾಣಿಕತೆಯಿಂದ ತೆರಿಗೆ ಪಾವತಿಸಬೇಕು ಎಂಬುವುದು ಈ ಕಠಿನ ನಿರ್ಧಾರದ ಉದ್ದೇಶವಾಗಿದೆ. ಜನರಿಗೆ ಹೊಸ ಕಾನೂನುಗಳ ಬಗ್ಗೆ ಗೊಂದಲಗಳಿವೆ. ಆದರೆ ಚಾರ್ಟರ್ಡ್‌ ಅಕೌಂಟೆಂಟ್‌ಗಳಿಗೆ ಈ ಗೊಂದಲಗಳು ಇರಬಾರದು. ಹೊಸ ಕಾನೂನು, ಯೋಜನೆಗಳ ಬಗ್ಗೆ ಪ್ರಾವೀಣ್ಯತೆ ಪಡೆದುಕೊಳ್ಳಬೇಕು ಎಂದರು.

ಈ ಸಂದರ್ಭದಲ್ಲಿ ಶಾಸಕರನ್ನು ಗೌರವಿಸಲಾಯಿತು. ಉಡುಪಿ ವಿಭಾಗದ ಐಆರ್‌ಎಸ್‌ ಕೇಂದ್ರ ತೆರಿಗೆ ಸಹಾಯಕ ಆಯುಕ್ತ ಸಚಿನ್‌ ಕಾಮತ್‌ ಅಳಕೆ ಸಂಪನ್ಮೂಲ ವ್ಯಕ್ತಿಯಾಗಿದ್ದರು. ಕಾರ್ಯದರ್ಶಿ ಸಿ.ಎ. ಕವಿತಾ ಎಂ.ಪೈ ಉಪಸ್ಥಿತರಿದ್ದರು. ಉಡುಪಿ ಚಾರ್ಟರ್ಡ್‌ ಅಕೌಂಟೆಂಟ್‌ ಸಂಸ್ಥೆಯ ಅಧ್ಯಕ್ಷ ಸಿ.ಎ.ನರಸಿಂಹ ನಾಯಕ್‌ ಸ್ವಾಗತಿಸಿ, ಸೌಮ್ಯಾ ಕಿಣಿ ಕಾರ್ಯಕ್ರಮ ನಿರೂಪಿಸಿದರು.

ತೆರಿಗೆ ಪಾವತಿ: ಗೊಂದಲ ಬೇಡ
ಫಿಶ್‌ ಮಿಲ್‌ ಉದ್ಯಮ ನಡೆಸುವವರು ಮೀನಿನ ಎಣ್ಣೆಗೆ ತೆರಿಗೆ ಇಲ್ಲ ಎಂದು ತಿಳಿದು ಪಾವತಿಸುತ್ತಿರಲಿಲ್ಲ. ಈಗ ಏಕಾಏಕಿ ಕೋಟ್ಯಂತರ ತೆರಿಗೆ ಪಾವತಿಸಬೇಕು ಎಂಬ ನೋಟಿಸ್‌ ಕಂಡು ಆಶ್ಚರ್ಯಪಡುತ್ತಿದ್ದಾರೆ. ಅತ್ತ ಫಿಶ್‌ ಮಿಲ್‌ಗ‌ಳನ್ನು ಬಂದ್‌ ಮಾಡಲೂ ಆಗುತ್ತಿಲ್ಲ. ಈ ರೀತಿಯ ಗೊಂದಲ ಹಲವರಲ್ಲಿದೆ. ಈ ಬಗ್ಗೆ ಸರಕಾರಕ್ಕೆ ಮನವರಿಕೆ ಮಾಡುವ ಕೆಲಸವೂ ಆಗುತ್ತಿದೆ. ಯಾವುದಕ್ಕೆಲ್ಲ ತೆರಿಗೆ ಇದೆ ಎಂಬುವುದರ ಬಗ್ಗೆ ಮೊದಲೇ ತಿಳಿದುಕೊಂಡರೆ ತೆರಿಗೆ ವಿಚಾರದಲ್ಲಿ ಗೊಂದಲ ಉಂಟಾಗಲು ಸಾಧ್ಯವಿಲ್ಲ ಎಂದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ